Okhuma 30
30
Altaari* a erubani*
1Mwaapake altaari* a mwiri wa akaasiya* weera ehisiwe erubani*. 2Ekhaleke oolikanela ni miringo iya: eriyari ya emeetru* emoha, vamoha ni eriyari ya emeetru*, vamoha ni wookwanaka emeetru* emoha. Manyakaaya ekhaleke etthu emohamoharu ni altaari*. 3Muttikitthele mpatta wa osulu, mipatta sikina sootheene nitho manyaka ni eyuuma yoorikaxa. Mvirihele mukhwipimwaya ni eyuuma yoorikaxa. 4Mwaapakele annela eeli a eyuuma yoorikaxa wa khula mpatta wa altaari* vathi wa yooviriheliwa simvolongheriwaayamo ikopo sinteexeriwa. 5Mpake ikopo sa mwiri wa akaasiya* ni muttikitthele ni eyuuma yoorikaxa. 6Ngwiikaathi altaari* ohoolo wa eluttu eri ohoolo wa Arka* a Namoona; ohoolo wa yookhuneelano ya Wiiraana enimukhuneela Namoona, mwa weiwo kineeraaka kaphwanyaneye ni nyuwo. 7Khula oxeexelo Aharoni aarehereraka onyaari, ahiseketho erubani* valtaarini*. 8Ahiseketho erubani* apattihaka onyaari wiilaka weera ehisiwe erubani* woohihiyerera ohoolo wa Yave wa khula ekhapira. 9Muhiveleele valtaareene yaala wakhalaru moota mukina wa erubani*, hoye hoye sooveleela soohisa, naari sooveleela sa etrigu ni muhimiinelewo sooveleela sa soowura. 10Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”
Nlivo noowoopola
11Vano Yave aamweerela Moisesi: 12“Nyuwo mwaampakaka namalepela a aYixrayeli, khula mutthu, aalikeliwaka, amulive Yave nlivo noowiixoopolela. Hiiho khanaarweela nakhalaru nihooxo nyuwo mwaawaalikelaka. 13Khula mutthu aalepeliwaka, amuliveke Yave eriyari ya exekeli, eyo tiiyo igrama* ithannamosa, ettharaka exekeli* ya Nipuro Nootteela*, mwa yeeyo enlemela igrama* muloko ni piili. Eriyari ya exekeli* eyo ti yoomveleelela Yave. 14Atthu ootheene alepeliwe a iyaakha miloko miili wookela muhoolo empakele Yave yooveleela. 15Vano atthu yaampakelaka Yave yooveleela yoowiixoopolela, anamapuha ehiliveke woopwaha eriyari ya exekeli* naari oohaawa ehiliveke vakhaani. 16Musurukhu wa woopola waakheliwe wa aYixrayeli yiinnyerereke omutekoni wa Eheema ya Muthukumano*. Eniikhale yoowuupuwelela wa aYixrayeli ohoolo wa Yave weera yoopolele ikumisanyu.”
Ebasiya ya ebronze*
17Vano Yave aamweerela Moisesi: 18“Mpake ebasiya yoowiivululelano ya ebronze* ni mweettwaaya wa ebronze*. Mwiikaathi eriyari ya Eheema ya Muthukumano* ni altaari* ni mulamulele osarihiwamo maahi. 19Aharoni ni anamwanaawe asilopwana yiivululeke matataaya ni inaawosaya ni maahi a mbasiyani. 20Imaara sootheene eneeraaya evolowaseke Muheemani ya Muthukumano*, yiivululaseke weera ehikhwaase. Vano awo yaawaattamelaka altaari* weera emurumeele Yave, eveleelaka yooveleela vamooroni, 21yiivululeke weera ehikhwaase. Nna ti nlamulo noohimala wa Aharoni ni ekhapiraawe yootheene wa mahuku ootheene.”
Makhura oottikitthela
22Vano Yave aamweerela Moisesi: 23“Muthukumanye sooreerela sooreeraxa sinttharelana: ikiilu* ithannamosa sa emiira* ya maaheene, ikiilu* tthaaru sa kanela* oosiva, ikiilu* tthaaru sa mihali* soowunkhela, 24ikiilu* ithannamosa sa kasiya*, sittharaka mphimo wa exekeli* ya Nipuro Nootteela*, ni mwaandyeereretho iliitru* ixexe ni eriyaraaya sa makhura a sooliveira*. 25Mutakansere seiyo weera ekhale makhura ootteela amvareliwa muteko woottikitthelano; ootakansiwa soowunkhela, oopakiwa ni namweeka. Eniikhale makhura ootteela amvareliwa muteko woottikitthelano. 26Vahoolowaya muvareleke muteko makhura awo weera muttikitthele Eheema ya Muthukumano*, Arka* a Namoona, 27meesa ni ikarumasaya sootheene, onyaari ni ikarumasaya, altaari* a erubani*, 28altaari* a sooveleela soohisa ni ikarumasaya ni ebasiya ni mweettwaaya. 29Ontthuneya weera nyuwo mutteelihe itthu iya weera sikhale sootteelaxa ni eniyaataveru eniikhale yootteela. 30Munttikitthele Aharoni ni anamwanaawe asilopwana ni mwaatteelihe weera ekirumeele ntoko asaserdoti*. 31Mwaaleele aYixrayeli: ‘Awo ekhaleke makhura ootteela oottikitthelano wa ikhapira sa mahuku ootheene. 32Muhimmiineleru mukina naari muheeke makhura makina ntoko yaala. Ti ootteela ni hiiho nyuwosa muttittimihereke. 33Akhalaru mutthu aneera eeke makhura ntoko yaala hoye hoye anaammiinele mukina ahikhanle musaserdoti*, oomoliweke munlokonimwawe.’”
Erubani
34Vahoolowaya Yave aamweerela Moisesi: “Muthukumanye itthu sooreerela soowunkhelaxa sinttharelana: mattonyo a otothowa wa nnyoma, onika*, nnyoma na niphuwa niitthaniwa galabano, ni erubani* yooreeraxa – sootheene silikaneleke waattawaya. 35Mweeke erubani* yootakansiwa ni soowunkhelaxa, yoopakiwa ni namweeka. Eyo yeeleeliweke, yooreeraxa ni yootteelihiwa. 36Axileke mpatta mukina mpaka oxileya ni iikaathiki ohoolo wa Namoona Muheemani ya Muthukumano*, mwa weiwo kineeraaka kaphwanyaneyewo ni nyuwo. Eyo eniikhale yootteelaxa wa nyuwo. 37Muheekeru erubani* ekina mulikanxaka yeela weera mvarele muteko; muttittimihereke weera yootteela, ekhalaka ya Yave. 38Akhalaru mutthu aneera eeke erubani* ntoko yeela weera emusivele wunkhelawaya oomoliweke munlokonimwawe.”
Iliyochaguliwa sasa
Okhuma 30: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Okhuma 30
30
Altaari* a erubani*
1Mwaapake altaari* a mwiri wa akaasiya* weera ehisiwe erubani*. 2Ekhaleke oolikanela ni miringo iya: eriyari ya emeetru* emoha, vamoha ni eriyari ya emeetru*, vamoha ni wookwanaka emeetru* emoha. Manyakaaya ekhaleke etthu emohamoharu ni altaari*. 3Muttikitthele mpatta wa osulu, mipatta sikina sootheene nitho manyaka ni eyuuma yoorikaxa. Mvirihele mukhwipimwaya ni eyuuma yoorikaxa. 4Mwaapakele annela eeli a eyuuma yoorikaxa wa khula mpatta wa altaari* vathi wa yooviriheliwa simvolongheriwaayamo ikopo sinteexeriwa. 5Mpake ikopo sa mwiri wa akaasiya* ni muttikitthele ni eyuuma yoorikaxa. 6Ngwiikaathi altaari* ohoolo wa eluttu eri ohoolo wa Arka* a Namoona; ohoolo wa yookhuneelano ya Wiiraana enimukhuneela Namoona, mwa weiwo kineeraaka kaphwanyaneye ni nyuwo. 7Khula oxeexelo Aharoni aarehereraka onyaari, ahiseketho erubani* valtaarini*. 8Ahiseketho erubani* apattihaka onyaari wiilaka weera ehisiwe erubani* woohihiyerera ohoolo wa Yave wa khula ekhapira. 9Muhiveleele valtaareene yaala wakhalaru moota mukina wa erubani*, hoye hoye sooveleela soohisa, naari sooveleela sa etrigu ni muhimiinelewo sooveleela sa soowura. 10Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”
Nlivo noowoopola
11Vano Yave aamweerela Moisesi: 12“Nyuwo mwaampakaka namalepela a aYixrayeli, khula mutthu, aalikeliwaka, amulive Yave nlivo noowiixoopolela. Hiiho khanaarweela nakhalaru nihooxo nyuwo mwaawaalikelaka. 13Khula mutthu aalepeliwaka, amuliveke Yave eriyari ya exekeli, eyo tiiyo igrama* ithannamosa, ettharaka exekeli* ya Nipuro Nootteela*, mwa yeeyo enlemela igrama* muloko ni piili. Eriyari ya exekeli* eyo ti yoomveleelela Yave. 14Atthu ootheene alepeliwe a iyaakha miloko miili wookela muhoolo empakele Yave yooveleela. 15Vano atthu yaampakelaka Yave yooveleela yoowiixoopolela, anamapuha ehiliveke woopwaha eriyari ya exekeli* naari oohaawa ehiliveke vakhaani. 16Musurukhu wa woopola waakheliwe wa aYixrayeli yiinnyerereke omutekoni wa Eheema ya Muthukumano*. Eniikhale yoowuupuwelela wa aYixrayeli ohoolo wa Yave weera yoopolele ikumisanyu.”
Ebasiya ya ebronze*
17Vano Yave aamweerela Moisesi: 18“Mpake ebasiya yoowiivululelano ya ebronze* ni mweettwaaya wa ebronze*. Mwiikaathi eriyari ya Eheema ya Muthukumano* ni altaari* ni mulamulele osarihiwamo maahi. 19Aharoni ni anamwanaawe asilopwana yiivululeke matataaya ni inaawosaya ni maahi a mbasiyani. 20Imaara sootheene eneeraaya evolowaseke Muheemani ya Muthukumano*, yiivululaseke weera ehikhwaase. Vano awo yaawaattamelaka altaari* weera emurumeele Yave, eveleelaka yooveleela vamooroni, 21yiivululeke weera ehikhwaase. Nna ti nlamulo noohimala wa Aharoni ni ekhapiraawe yootheene wa mahuku ootheene.”
Makhura oottikitthela
22Vano Yave aamweerela Moisesi: 23“Muthukumanye sooreerela sooreeraxa sinttharelana: ikiilu* ithannamosa sa emiira* ya maaheene, ikiilu* tthaaru sa kanela* oosiva, ikiilu* tthaaru sa mihali* soowunkhela, 24ikiilu* ithannamosa sa kasiya*, sittharaka mphimo wa exekeli* ya Nipuro Nootteela*, ni mwaandyeereretho iliitru* ixexe ni eriyaraaya sa makhura a sooliveira*. 25Mutakansere seiyo weera ekhale makhura ootteela amvareliwa muteko woottikitthelano; ootakansiwa soowunkhela, oopakiwa ni namweeka. Eniikhale makhura ootteela amvareliwa muteko woottikitthelano. 26Vahoolowaya muvareleke muteko makhura awo weera muttikitthele Eheema ya Muthukumano*, Arka* a Namoona, 27meesa ni ikarumasaya sootheene, onyaari ni ikarumasaya, altaari* a erubani*, 28altaari* a sooveleela soohisa ni ikarumasaya ni ebasiya ni mweettwaaya. 29Ontthuneya weera nyuwo mutteelihe itthu iya weera sikhale sootteelaxa ni eniyaataveru eniikhale yootteela. 30Munttikitthele Aharoni ni anamwanaawe asilopwana ni mwaatteelihe weera ekirumeele ntoko asaserdoti*. 31Mwaaleele aYixrayeli: ‘Awo ekhaleke makhura ootteela oottikitthelano wa ikhapira sa mahuku ootheene. 32Muhimmiineleru mukina naari muheeke makhura makina ntoko yaala. Ti ootteela ni hiiho nyuwosa muttittimihereke. 33Akhalaru mutthu aneera eeke makhura ntoko yaala hoye hoye anaammiinele mukina ahikhanle musaserdoti*, oomoliweke munlokonimwawe.’”
Erubani
34Vahoolowaya Yave aamweerela Moisesi: “Muthukumanye itthu sooreerela soowunkhelaxa sinttharelana: mattonyo a otothowa wa nnyoma, onika*, nnyoma na niphuwa niitthaniwa galabano, ni erubani* yooreeraxa – sootheene silikaneleke waattawaya. 35Mweeke erubani* yootakansiwa ni soowunkhelaxa, yoopakiwa ni namweeka. Eyo yeeleeliweke, yooreeraxa ni yootteelihiwa. 36Axileke mpatta mukina mpaka oxileya ni iikaathiki ohoolo wa Namoona Muheemani ya Muthukumano*, mwa weiwo kineeraaka kaphwanyaneyewo ni nyuwo. Eyo eniikhale yootteelaxa wa nyuwo. 37Muheekeru erubani* ekina mulikanxaka yeela weera mvarele muteko; muttittimihereke weera yootteela, ekhalaka ya Yave. 38Akhalaru mutthu aneera eeke erubani* ntoko yeela weera emusivele wunkhelawaya oomoliweke munlokonimwawe.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.