Okhuma 28
28
Soowara sa esaserdoti
1Vano mmwiitthane munninyu Aharoni ni mummwalamwaxe ni aYixrayeli vamoha ni anamwanaawe asilopwana, Nadabi, Abiyu, Eleyazari ni Ithamari weera ekirumeele ntoko asaserdoti*. 2Mumpakele munninyu soowara sootteela sinoonihera ovuwa ni nttittimiho. 3Mwaalamulele asilopwana ootheene oowera mwa yaawo kaaweringhaaka weera ettotthe soowaara sootteela sa Aharoni weera akirumeele ntoko musaserdoti*. 4Soowara sineera sittotthiweke ti iya: Yoowara vakakasani, mooxikootti, evestidu, mukaandyo wooxoriwa, ecireemba ni laamba. Emuttottheleke munninyu Aharoni ni anamwanaawe asilopwana soowara sootteela iyo weera ekirumeele ntoko asaserdoti*. 5Evareleke muteko ikuwo sa nliinya nootteettheya, na ncano, na kanka, nookankela ni nooxeera.
Mooxikootti a esaserdoti
6Empake mooxikootti a ncano, a kanka, ookankela, ooxeera ni nliinya nootteettheya – oottotthiwa ni aratti. 7Akhalanekeno miramba miili sootthukelano weera mipatta soomiili sikumanyihiweke nnene. 8Laamba a mooxikootti ontthukeliwaaweno akhaleke a ekuwo emoha. Vano laamba owo akhaleketho ootteettheya ootthaviwa ni maliinya a ncano, a kanka, ookankela ni ooxeera. 9Ekuxe maluku meeli a onikisi* ni elepemo masina a anamwane asilopwana a Yixrayeli. 10Elepe masinaaya ettharihaka oyariwawaya – masina mathannamosa vanlukuni nimoha ni mathannamosa makinaawo nikinanno. 11Elepe masina a anamwane asilopwana a Yixrayeli mmalukuni meeli moota namalepa a maluku onlepaawe munnelani woottittelano. Vahoolowaya mutthukelele maluku muloko ni meeli vakaaxani ekhaanene muloko ni meeli a eyuuma yoorikaxa. 12Vano, mutthukelele mmakhatani mwa mooxikootti ntoko maluku oowuupuxera anamwane asilopwana a Yixrayeli. Aharoni akuxeke masina awo mmakhatanimwawe ntoko eyuupuxero ohoolo wa Yave. 13Epakele ikaaxa sikhaanene sa eyuuma yoorikaxa 14ni onyooro miili wa eyuuma yoorikaxa, woorithiwa ntoko mukhoyi ni mutthukeleleno ikaaxa.
Yoowara ya vakakasani
15Aratti epake yoowara ya vakakasani yoolakelano. Epake antoko mooxikootti: Ootthaviwa ni maliinya ootteettheya, a ncano, a kanka, ookankela ni ooxeera. 16Ekhaleke yoolikanela ni miringo iya: isentimeetru* miloko miili ni piili, vamoha ni isentimeetru* miloko miili ni piilitho. Vano mupinde veeli. 17Woottharelana mutthukelelewo misera mixexe sa maluku oowaaraxa. Mmuserani woopacera akhaleke rubi*, topaziyo* ni berilo*. 18Mmuserani wanaaveeli yaspe*, safira* ni esmeralda*; 19mmuserani wanaararu yasinto*, agata* ni ametista* 20ni mmuserani wanaaxexe krisolito*, onikisi* ni yaspe*. Maluku ootheene awo etthukeleliweke vakaaxaniwaya ni eyuuma yoorikaxa. 21Ekhaleke maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko munnelani woottittelano, nikhalanaka nsina nimoha na khula epuumba. 22Epakeletho yoowara ya vakakasani onyooro wa eyuuma yoorikaxa, woorithiwa ntoko mukhoyi. 23Yaapaketho annela eeli a eyuuma yoorikaxa ni yaatthukelele okhwipi wa mipatta miili sa yoowara ya vakakasani. 24Etthukeleletho onyooro miili wa eyuuma yoorikaxa ni annela ari okhwipi wa yoowara ya vakakasani. 25Mipatta sikina sa onyooro sitthukeleliweke ni ikaaxa piili. Vahoolowaya etthukeleleke sootheene iyo mmakhatani mwa mooxikootti mpatta wa ohoolo. 26Yaapake annela eeli akina a eyuuma yoorikaxa ni yaatthukelele muxerexere wa mipatta miili sikina sa yoowara ya vakakasani; wa yooxoriwa ya mpuwa, vakhiviru wa mooxikootti. 27Yaapake annela eeli akina a eyuuma yoorikaxa ni yaatthukelele mpatta wa vathi vathi wa sa mmakhatani, ohoolo wa mooxikootti, mukerekhere nttottho, ciireru osulu wa laamba a mooxikootti. 28Annela a yoowara ya vakakasani etthukeleliweke ni mooxikootti ni muramba wa kanka, eluttiwaka ni laamba weera ehiinaineke. 29Imaara sootheene Aharoni aneeraawe avolowe Nipuro Nootteela*, onookuxa masina a anamwane asilopwana a Yixrayeli vamurimaniwawe mpatta wa yoowara ya vakakasani yoolakelano, ntoko yoowuupuwelela yoohimala vamaithoni wa Yave. 30Mwiikaathitho Urimi ni Tumimi* mpatta wa yoowara ya vakakasani yoolakelano weera sikhale vamurimani wa Aharoni imaara sootheene aneeraawe avolowe vamaithoni wa Yave. Hiiho, Aharoni onookuxa vamurimani moota woolakelano mwa aYixrayeli ohoolo wa Yave.
Ikuwo sikina sa esaserdoti
31Evestidu yootheene ya mooxikootti ettotthiwe ya kanka, 32ni eriyari ehelewo nlaka weera ovirewo muru. Mukhwipi mwa nlaka nno ephitaanyeke mattotthelo ntoko ekolarinya, weera ehaahuwe. 33Vano mooxoriwamwaya muheleke irooma* sa kanka, sookankela ni sooxeera ni evaxavaxaka ni ingilingili sa eyuuma yoorikaxa. 34Ingilingili sa eyuuma yoorikaxa ni irooma* soovaxavaxiwa sirukureereke mooxoriwa mwa evestidu yootheene. 35Aharoni awareke imaara sootheene aneeraawe arumeele. Oruma wa ingilingili nsiiwiweke owo aavolowaka Nipuro Nootteela* ohoolo wa Yave ni aakhumaka, weera ahikhwe. 36Mpake etthu ya malootho mararu ya eyuuma yoorikaxa ni mulepemo ntoko namalepa onlepaawe munnelani woottittelano. Mulepe ha: YOOTTEELIHERIWA YAVE. 37Mutthukelele eyo ohoolo wa ecireemba ni muramba wa kanka. 38Etthweene yeeyo ekhaleke vayuucini wa Aharoni ni anaakuxe nthowa na yakhalaru yoottheka aYixrayeli eneeraaya epahule mwaha wa sooveleelela sootteela. Ekhaleke vayuucini wa Aharoni mahiku ootheene weera aYixrayeli ekhale oowaakhuleliwa ni Yave. 39Evestiduweene yeeyo ni ecireemba sitthaviweke ni nliinya nootteettheya. Laamba apakiwe ni namaxora. 40Mwaapakele anamwane asilopwana a Aharoni ivestidu, alaamba ni sootthukela mmuru sinoonihera ovuwa ni nttittimiho. 41Mungwaringheene munninyu Aharoni ni anamwanaawe asilopwana ni soowara iyo, mwaattikitthelase, mwaakhalihase ni mwaatteelihase weera ekirumeele ntoko asaserdoti*. 42Mwaattotthelase akaputtula a mpuwa a nliinya nootteettheya okhuma muyuununi mpaka mutakhwini weera yiikuttelelase etiriyaaya. 43Aharoni ni anamwanaawe asilopwana ewaraseke iyo imaara sootheene eneraaya evolowaseke Muheemani mwa Muthukumano, hoye hoye yaarowasaka wa altaari* weera erumeele vaNipuroni Nootteela*. Hiiho anoosemba nthowa ninruuhela okhwa. Nna nikhaleke nlamulo noohimala wa Aharoni ni ekhapiraawe.
Iliyochaguliwa sasa
Okhuma 28: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Okhuma 28
28
Soowara sa esaserdoti
1Vano mmwiitthane munninyu Aharoni ni mummwalamwaxe ni aYixrayeli vamoha ni anamwanaawe asilopwana, Nadabi, Abiyu, Eleyazari ni Ithamari weera ekirumeele ntoko asaserdoti*. 2Mumpakele munninyu soowara sootteela sinoonihera ovuwa ni nttittimiho. 3Mwaalamulele asilopwana ootheene oowera mwa yaawo kaaweringhaaka weera ettotthe soowaara sootteela sa Aharoni weera akirumeele ntoko musaserdoti*. 4Soowara sineera sittotthiweke ti iya: Yoowara vakakasani, mooxikootti, evestidu, mukaandyo wooxoriwa, ecireemba ni laamba. Emuttottheleke munninyu Aharoni ni anamwanaawe asilopwana soowara sootteela iyo weera ekirumeele ntoko asaserdoti*. 5Evareleke muteko ikuwo sa nliinya nootteettheya, na ncano, na kanka, nookankela ni nooxeera.
Mooxikootti a esaserdoti
6Empake mooxikootti a ncano, a kanka, ookankela, ooxeera ni nliinya nootteettheya – oottotthiwa ni aratti. 7Akhalanekeno miramba miili sootthukelano weera mipatta soomiili sikumanyihiweke nnene. 8Laamba a mooxikootti ontthukeliwaaweno akhaleke a ekuwo emoha. Vano laamba owo akhaleketho ootteettheya ootthaviwa ni maliinya a ncano, a kanka, ookankela ni ooxeera. 9Ekuxe maluku meeli a onikisi* ni elepemo masina a anamwane asilopwana a Yixrayeli. 10Elepe masinaaya ettharihaka oyariwawaya – masina mathannamosa vanlukuni nimoha ni mathannamosa makinaawo nikinanno. 11Elepe masina a anamwane asilopwana a Yixrayeli mmalukuni meeli moota namalepa a maluku onlepaawe munnelani woottittelano. Vahoolowaya mutthukelele maluku muloko ni meeli vakaaxani ekhaanene muloko ni meeli a eyuuma yoorikaxa. 12Vano, mutthukelele mmakhatani mwa mooxikootti ntoko maluku oowuupuxera anamwane asilopwana a Yixrayeli. Aharoni akuxeke masina awo mmakhatanimwawe ntoko eyuupuxero ohoolo wa Yave. 13Epakele ikaaxa sikhaanene sa eyuuma yoorikaxa 14ni onyooro miili wa eyuuma yoorikaxa, woorithiwa ntoko mukhoyi ni mutthukeleleno ikaaxa.
Yoowara ya vakakasani
15Aratti epake yoowara ya vakakasani yoolakelano. Epake antoko mooxikootti: Ootthaviwa ni maliinya ootteettheya, a ncano, a kanka, ookankela ni ooxeera. 16Ekhaleke yoolikanela ni miringo iya: isentimeetru* miloko miili ni piili, vamoha ni isentimeetru* miloko miili ni piilitho. Vano mupinde veeli. 17Woottharelana mutthukelelewo misera mixexe sa maluku oowaaraxa. Mmuserani woopacera akhaleke rubi*, topaziyo* ni berilo*. 18Mmuserani wanaaveeli yaspe*, safira* ni esmeralda*; 19mmuserani wanaararu yasinto*, agata* ni ametista* 20ni mmuserani wanaaxexe krisolito*, onikisi* ni yaspe*. Maluku ootheene awo etthukeleliweke vakaaxaniwaya ni eyuuma yoorikaxa. 21Ekhaleke maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko munnelani woottittelano, nikhalanaka nsina nimoha na khula epuumba. 22Epakeletho yoowara ya vakakasani onyooro wa eyuuma yoorikaxa, woorithiwa ntoko mukhoyi. 23Yaapaketho annela eeli a eyuuma yoorikaxa ni yaatthukelele okhwipi wa mipatta miili sa yoowara ya vakakasani. 24Etthukeleletho onyooro miili wa eyuuma yoorikaxa ni annela ari okhwipi wa yoowara ya vakakasani. 25Mipatta sikina sa onyooro sitthukeleliweke ni ikaaxa piili. Vahoolowaya etthukeleleke sootheene iyo mmakhatani mwa mooxikootti mpatta wa ohoolo. 26Yaapake annela eeli akina a eyuuma yoorikaxa ni yaatthukelele muxerexere wa mipatta miili sikina sa yoowara ya vakakasani; wa yooxoriwa ya mpuwa, vakhiviru wa mooxikootti. 27Yaapake annela eeli akina a eyuuma yoorikaxa ni yaatthukelele mpatta wa vathi vathi wa sa mmakhatani, ohoolo wa mooxikootti, mukerekhere nttottho, ciireru osulu wa laamba a mooxikootti. 28Annela a yoowara ya vakakasani etthukeleliweke ni mooxikootti ni muramba wa kanka, eluttiwaka ni laamba weera ehiinaineke. 29Imaara sootheene Aharoni aneeraawe avolowe Nipuro Nootteela*, onookuxa masina a anamwane asilopwana a Yixrayeli vamurimaniwawe mpatta wa yoowara ya vakakasani yoolakelano, ntoko yoowuupuwelela yoohimala vamaithoni wa Yave. 30Mwiikaathitho Urimi ni Tumimi* mpatta wa yoowara ya vakakasani yoolakelano weera sikhale vamurimani wa Aharoni imaara sootheene aneeraawe avolowe vamaithoni wa Yave. Hiiho, Aharoni onookuxa vamurimani moota woolakelano mwa aYixrayeli ohoolo wa Yave.
Ikuwo sikina sa esaserdoti
31Evestidu yootheene ya mooxikootti ettotthiwe ya kanka, 32ni eriyari ehelewo nlaka weera ovirewo muru. Mukhwipi mwa nlaka nno ephitaanyeke mattotthelo ntoko ekolarinya, weera ehaahuwe. 33Vano mooxoriwamwaya muheleke irooma* sa kanka, sookankela ni sooxeera ni evaxavaxaka ni ingilingili sa eyuuma yoorikaxa. 34Ingilingili sa eyuuma yoorikaxa ni irooma* soovaxavaxiwa sirukureereke mooxoriwa mwa evestidu yootheene. 35Aharoni awareke imaara sootheene aneeraawe arumeele. Oruma wa ingilingili nsiiwiweke owo aavolowaka Nipuro Nootteela* ohoolo wa Yave ni aakhumaka, weera ahikhwe. 36Mpake etthu ya malootho mararu ya eyuuma yoorikaxa ni mulepemo ntoko namalepa onlepaawe munnelani woottittelano. Mulepe ha: YOOTTEELIHERIWA YAVE. 37Mutthukelele eyo ohoolo wa ecireemba ni muramba wa kanka. 38Etthweene yeeyo ekhaleke vayuucini wa Aharoni ni anaakuxe nthowa na yakhalaru yoottheka aYixrayeli eneeraaya epahule mwaha wa sooveleelela sootteela. Ekhaleke vayuucini wa Aharoni mahiku ootheene weera aYixrayeli ekhale oowaakhuleliwa ni Yave. 39Evestiduweene yeeyo ni ecireemba sitthaviweke ni nliinya nootteettheya. Laamba apakiwe ni namaxora. 40Mwaapakele anamwane asilopwana a Aharoni ivestidu, alaamba ni sootthukela mmuru sinoonihera ovuwa ni nttittimiho. 41Mungwaringheene munninyu Aharoni ni anamwanaawe asilopwana ni soowara iyo, mwaattikitthelase, mwaakhalihase ni mwaatteelihase weera ekirumeele ntoko asaserdoti*. 42Mwaattotthelase akaputtula a mpuwa a nliinya nootteettheya okhuma muyuununi mpaka mutakhwini weera yiikuttelelase etiriyaaya. 43Aharoni ni anamwanaawe asilopwana ewaraseke iyo imaara sootheene eneraaya evolowaseke Muheemani mwa Muthukumano, hoye hoye yaarowasaka wa altaari* weera erumeele vaNipuroni Nootteela*. Hiiho anoosemba nthowa ninruuhela okhwa. Nna nikhaleke nlamulo noohimala wa Aharoni ni ekhapiraawe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.