Rroman 2
2
Nkiguana nadede e Nkai
1 #
Mat 7:1; Luka 6:37 Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa. 2Ikiyielo nchere kore tenedung'oki ꞉Nkai nkiguana lolo oaas kuna baa, naa te sipata edung'oki. 3Amaa iyie odung'oki lkulie nkiguana, niasita iyie koon nenia baa, ijo pasa indim atapaachere ndung'oto e nkiguana e Nkai? 4Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai? 5Kake kore tankaraki nira ltung'ani ogol kue, niata ltau lemeibelekenya, ichumakita koon ngoro, naa ikirrachu inia goro ta mparri naibalunyie Nkai ndung'oto e nkiguana enye nasipa. 6#SNk 62:12; Rach 24:12Amu kelaaki pooki ng'ae te risioroto ee asat enyena. 7Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting. 8Kake kelaaki ngoro enye napi lolo oaacham ate neany ndedei eirukurukore mbaa torrok. 9Kore ltung'ani pooki oas ntorrok, netum kenya sina sapuk oleng, sina oang'asu tekue too Lyiaudi, neitoki sii too loreren lamara loo Lyiaudi. 10Kake keicho ꞉Nkai nkitoo enye o nkanyit o sotua ltung'ani pooki oas supati, keicho ang'as Lyiaudi tekue neitoki loreren lamara loo Lyiaudi, 11#Nkit 10:17amu meata Nkai ngela. 12Kore lolo pooki oaataasa ng'ok meata nkitanapat e Nkai naa keidaaya sii meata nenia kitanapat, naa kore lolo pooki oaataasa ng'ok etii taabori nenia kitanapat nedung'okini ninche nkiguana torno te risioroto ee nenia kitanapat. 13Amu mara lolo ooyielo nejo nkitanapat e Nkai oaara loosipat tekue Nkai, kake lolo oaas inia nayieu nenia kitanapat eiken ꞉Nkai ajo loosipat. 14Kore teneas loreren lamara loo Lyiaudi inia nayieu Nkitanapat abaki meyielo ninche Nkitanapat naaigero e Nkai, naaku keyieolo inia naaichiaakino neasi. 15Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino. 16Inji naa kenya etiu te inia parri teneicho ꞉Nkai Yeso Kristo metijing'a mpaach enye aiguanare mbaa naaisudoro ee ltung'ana ana nejo Lomon Supati lalikorita.
Kusaka natipikaki Lyiaudi
17Ijo iyie <<Kara Lyiaudii>>, nisilig nkitanapat e Nkai nilach tankaraki nijo iyie ninchi echi apeny ꞉Nkai, 18niyielo sii yieuna enye, nintoki ayielo aitapaacha nenia tokitin naaisul too nkulie tankaraki ikintaarriyianaki too nkitanapat e Nkai. 19Ijo koon larikoni loo lmodook, nira lkilang'ilang'et too lolo oowuenie atua naimin, 20nira loutaa lolo lemeitoki eyielo, nira laiteng'enani loo lolo oaamae, niata ng'eno o ndedei taatua nkitanapat e Nkai. 21Amaa iyie oiteng'en likae, minteng'en koon! Kore iyie olikoo ajo meichiaakino payie epurruchoi, naa ipurrucho iyie! 22Kore iyie ojo payie meas ltung'ani loloito, naa iloloito iyie! Kore Iyie ojo <<Nakaiting'o!>> tenesaii ꞉ltung'ana nkaitok e sapare, naa ipurroo iyie ntokitin natii atua nenia ajijik e nkomono! 23Kore iyie oilach tankaraki niata nkitanapat e Nkai, naa intamita Nkai anyit tankaraki igil nkitanapat enyena! 24#Isa 52:5Keigero naa too Lkigerot sinyat nchere, <<Kedekitae nkarna e Nkai tankaraki ntae taatua loreren lamara loo Lyiaudi.>> 25Kore tanaa imbung nkitanapat e Nkai, naaku keitoki muratare te iyie ira Lyiaudii#2:25 Kore apa Lyiaudi naa keiken muratare aajo ninye naitaa ltung'ani le Nkai. , kake kore tanaa igil nenia kitanapat naaku meitoki inia muratare ino. 26Naaku amaa teneibung ltung'ani lamara loo Lyiaudi inia nayieu nkitanapat e Nkai emurata o memurata, ijo iyie meikeni naa ninye aajo le Nkai? 27Naaku kore lamara Lyiaudii kake neitabayie naayieu nkitanapat e Nkai, naa ikidung'oki kenya iyie nkiguana, iyie laa kore abaki ira Lyiaudii, nikitumurataki, niyielolo aitoki pooki naajo nkitanapat e Nkai, nigil ake eyia nenia kitanapat e Nkai.
28Amu mara muratare e oriong naitaa ltung'ani Lyiaudii odede, namara muratare e oriong muratare nadede, 29#Nkit 30:6kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.
Iliyochaguliwa sasa
Rroman 2: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Rroman 2
2
Nkiguana nadede e Nkai
1 #
Mat 7:1; Luka 6:37 Naaku, oi siake iyie ilo odung'oki likae tung'ani nkiguana, amu meata ningaraki, ira ng'ae oo ira ng'ae. Kore tinidung'oki likae nkiguana, naaku koon itudung'oka, amu kore iyie oiguanare likae, iasita sii iyie koon nenia baa. 2Ikiyielo nchere kore tenedung'oki ꞉Nkai nkiguana lolo oaas kuna baa, naa te sipata edung'oki. 3Amaa iyie odung'oki lkulie nkiguana, niasita iyie koon nenia baa, ijo pasa indim atapaachere ndung'oto e nkiguana e Nkai? 4Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai? 5Kake kore tankaraki nira ltung'ani ogol kue, niata ltau lemeibelekenya, ichumakita koon ngoro, naa ikirrachu inia goro ta mparri naibalunyie Nkai ndung'oto e nkiguana enye nasipa. 6#SNk 62:12; Rach 24:12Amu kelaaki pooki ng'ae te risioroto ee asat enyena. 7Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting. 8Kake kelaaki ngoro enye napi lolo oaacham ate neany ndedei eirukurukore mbaa torrok. 9Kore ltung'ani pooki oas ntorrok, netum kenya sina sapuk oleng, sina oang'asu tekue too Lyiaudi, neitoki sii too loreren lamara loo Lyiaudi. 10Kake keicho ꞉Nkai nkitoo enye o nkanyit o sotua ltung'ani pooki oas supati, keicho ang'as Lyiaudi tekue neitoki loreren lamara loo Lyiaudi, 11#Nkit 10:17amu meata Nkai ngela. 12Kore lolo pooki oaataasa ng'ok meata nkitanapat e Nkai naa keidaaya sii meata nenia kitanapat, naa kore lolo pooki oaataasa ng'ok etii taabori nenia kitanapat nedung'okini ninche nkiguana torno te risioroto ee nenia kitanapat. 13Amu mara lolo ooyielo nejo nkitanapat e Nkai oaara loosipat tekue Nkai, kake lolo oaas inia nayieu nenia kitanapat eiken ꞉Nkai ajo loosipat. 14Kore teneas loreren lamara loo Lyiaudi inia nayieu Nkitanapat abaki meyielo ninche Nkitanapat naaigero e Nkai, naaku keyieolo inia naaichiaakino neasi. 15Keitodolu ninche aajo, kore naayieu Nkitanapat naa keigero taa ltauja lenche. Kore naitodolu ana, naa ana namusoo ninche taa naaipirita supati o ntorrok, nelimu ꞉mparnot enche teneas naichiaakino nelimu sii teneas nemeichiaakino. 16Inji naa kenya etiu te inia parri teneicho ꞉Nkai Yeso Kristo metijing'a mpaach enye aiguanare mbaa naaisudoro ee ltung'ana ana nejo Lomon Supati lalikorita.
Kusaka natipikaki Lyiaudi
17Ijo iyie <<Kara Lyiaudii>>, nisilig nkitanapat e Nkai nilach tankaraki nijo iyie ninchi echi apeny ꞉Nkai, 18niyielo sii yieuna enye, nintoki ayielo aitapaacha nenia tokitin naaisul too nkulie tankaraki ikintaarriyianaki too nkitanapat e Nkai. 19Ijo koon larikoni loo lmodook, nira lkilang'ilang'et too lolo oowuenie atua naimin, 20nira loutaa lolo lemeitoki eyielo, nira laiteng'enani loo lolo oaamae, niata ng'eno o ndedei taatua nkitanapat e Nkai. 21Amaa iyie oiteng'en likae, minteng'en koon! Kore iyie olikoo ajo meichiaakino payie epurruchoi, naa ipurrucho iyie! 22Kore iyie ojo payie meas ltung'ani loloito, naa iloloito iyie! Kore Iyie ojo <<Nakaiting'o!>> tenesaii ꞉ltung'ana nkaitok e sapare, naa ipurroo iyie ntokitin natii atua nenia ajijik e nkomono! 23Kore iyie oilach tankaraki niata nkitanapat e Nkai, naa intamita Nkai anyit tankaraki igil nkitanapat enyena! 24#Isa 52:5Keigero naa too Lkigerot sinyat nchere, <<Kedekitae nkarna e Nkai tankaraki ntae taatua loreren lamara loo Lyiaudi.>> 25Kore tanaa imbung nkitanapat e Nkai, naaku keitoki muratare te iyie ira Lyiaudii#2:25 Kore apa Lyiaudi naa keiken muratare aajo ninye naitaa ltung'ani le Nkai. , kake kore tanaa igil nenia kitanapat naaku meitoki inia muratare ino. 26Naaku amaa teneibung ltung'ani lamara loo Lyiaudi inia nayieu nkitanapat e Nkai emurata o memurata, ijo iyie meikeni naa ninye aajo le Nkai? 27Naaku kore lamara Lyiaudii kake neitabayie naayieu nkitanapat e Nkai, naa ikidung'oki kenya iyie nkiguana, iyie laa kore abaki ira Lyiaudii, nikitumurataki, niyielolo aitoki pooki naajo nkitanapat e Nkai, nigil ake eyia nenia kitanapat e Nkai.
28Amu mara muratare e oriong naitaa ltung'ani Lyiaudii odede, namara muratare e oriong muratare nadede, 29#Nkit 30:6kake kore ilo oara Lyiaudii odede, naa ilo oara ta ltau, naa kore muratare nadede naa inia muratare e ltau. Kore ilo omurat ltau, naa Ltau sinyati le Nkai mara sirat ee nkitanapat. Kore ilo tung'ani naa ta Nkai eng'amaa rrepet, namara too ltung'ana.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy