Asat 19
19
Paulo te Epeso
1Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni 2neipar ajoki, <<Amaa payie irukuruk, itumo Ltau Sinyati?>> Newoliki aajoki, <<Tapala inia nijo itumo, eitu abaki kining aajo keatae Ltau Sinyati>> 3Neipar Paulo ajoki, <<Naaku aa kipatisare eipatisaki ntae?>> Nejoki, <<Nkipatisare e Yoana.>> 4#Mat 3:11; Mrk 1:4,7,8; Luka 3:4,16; Yoa 1:26,27Nejoki ꞉Paulo, <<Kore Yoana, naa keipatisiche nkipatisare naitodolu ajo keirriidua ltung'ani ng'ok, netiaka aitoki ltung'ana meiruko ilo kenya olotu tesiedi ninye, naa Yeso taa ilo.>> 5Kore payie ening ana, neipatisi ta nkarna e Laitoriani Yeso metaa lenyena, 6neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho. 7Naa kebaya lolo lewa tomon o oare pooki.
8Kore taa lapatin okuni nejing Paulo sinagogi, neirorie te mpijan ltung'ana ootii inie eimaki, neiteyielo sipat ee mbaa naaipirita Nkitoria e Nkai. 9Kake kore lkulikae lenche neitogol nkuechi, neaany ilo rerei edek inia oitiei e Laitoriani ening'ito ltung'ana pooki. Nelo Paulo aing'uaa ninche, neya looiteng'eni aorie lolo Yiaudi. Kore mperot pooki neiteng'enicho taatua nkaji naiteng'enichereki e Tirano. 10Neas ana taa larin okuni metaa kore ltung'ana pooki otii inia kop e Asia, nening rerei la Laitoriani, peera Lyiaudi o Lgirriki. 11Neas Nkai mbaa e nking'asia kutuaa taa nkaik e Paulo, 12metaa kore nkitampaani o nankan naaiseyie sesen lenye, nepuo aaiteleki ltamoyia, neichiu moyianitin, neipung'u sii lairiruani aaing'uaa ninche.
13Kore lkuti Yiaudi oaamanaa chiaake emiraa lairiruani, nesaan aaipotoki nkarna e Laitoriani Yeso lolo oaata lairiruani ejo, <<Kore ta nkarna e ilo Yeso olikorita ꞉Paulo, empung'u!>> 14Naa layiok apa sapa la laitainoni kitok obo la lasar oji Sikepa oaasita ana. 15Kake kore payie ejo empung'unyie lairiruani, newoliki ꞉lairirua ninche ajoki, <<Kayielo nanu Yeso, nayielo Paulo, kake oong'ae irara ntae?>> 16Kore ilo tung'ani oata ilo airirua, neipirriki neidimu ninche, near oleng ana mekueta aaipung te inia aji meata nankan, era oleng.
17Kore payie ening ꞉lolo pooki oaamanya Epeso inia, peera Lyiaudi o Lgirriki, neiput ꞉ngureticho, neisis nkarna e Laitoriani Yeso. 18Kore lkumo loo lolo ooiruko Yeso, nepuonu aalimu neibalunyie ntorrok pooki naataasa. 19Neyau loibonok kumo apa ooibonicho mbukui enche kumo naaibonichere tekue ltung'ana nepejoo. Kore payie eikeni nowua ntoki nanya, naaku kebaki laata e ltung'ani ee larin ip nabo o osom o sapa. 20Kore rerei la Laitoriani, nelo kue abulaa oleng neitodolu ngolon enye.
21Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <<Kore atabayie inie, naa meata sii ajo malo Rrom.>> 22Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.
Ng'olng'ol te Epeso
23Kake kore te inia ng'amata, neipung'u long'olng'oli kitok oleng te Epeso taa mbaa naipirita Nkoitiei e Laitoriani. 24Amu keatae lkunoni oji Demeterio, oitibir nkitanyanyukot e nkaji nkai e sapare naji Artemis, tee senke e nkocholai. Kore apa ilo siaai lenye naa keyaka dikir kitok lolo arriyiak ootuwuana ninye. 25Neipotu lolo asiaayiak pooki oaas siaai otuwuana ilo lenye nejoki, <<Lolewa kulo, mara iyielolo aajo ele siaai kitumie parakuoicho ang? 26Kore taata, naa ining'itoto nidolitata aajo kore ele tung'ani oji Paulo naa keibelekenya, neitopong'oo ltung'ana kumo te Epeso o too lubot kumo oleng e Asia ajoki, <Kore nkaitok naaitibira ꞉nkaik ee ltung'ana naa mara nkaitok!> 27Naa mara ake siaai lang apeny oidim nelau rrepeta, kake kore sii nkaji e nkai ang kitok naji Artemis, nasai ltung'ana pooki le nkop pooki e Asia o nkop pooki nalulung'a, naa keidimi neitaae meitoki nedoyio sii nkitoo enye.>>
28Kore payie ening ninche ana, neiputakino ngoro nebuak aajo, <<Keikitok Artemis ee ltung'ana le Epeso!>> 29Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye. 30Kore payie ejo Paulo tijing'a tekue lolo tung'ana nemitiki ꞉looiteng'eni. 31Kore abaki lbata loo lkutuaa le inia kop oaara sotuatin lenyena, nerewaki Paulo lkilikuai aalej payie melo atua inie netumoreki.
32Kore teinie netumoreki neing'olng'ola, ebuak lbata loo ltung'ana aajo nkae toki, nejo kulie nkae, nemeyielo lkumo aajo aanyo payie eotuo inie. 33Neipung'unyie ꞉Lyiaudi Alekisanda meyeu kue, nejoki ꞉lkulikae taatua ilo turrur ninye meiroro. Neapaki ninche nkaina metigirata payie etum atilimu nkiroroto enye. 34Kake kore payie eyielou aajo loo Lyiaudi ninye, nebuak ninche matejo saai are to ltoilo obo ejoito, <<Keikitok Artemis ee ltung'ana le Epeso!>>
35Kore lkitok oitore ilo kerenket, neitigir ninche nejoki, <<Loo tung'ana kulo le Epeso, kalo tung'ani lemeyielo ajo kore lkerenket le Epeso naa ninye etii nkaji e nkai kitok naji Artemis o nkitanyanyukoto enye natodowua te chumata? 36Naa kore naa amu kebore ana, keyiere payie igirara niakuku ltung'ana ooineneng mbaa. 37Amu iyeuta kulo tung'ana ene, abaki eitu epur nkajijik ee nkaitok ang, anaa edek ninche. 38Kore naa tanaa keatae ltung'ani oatayie ꞉Demeterio o lolo boitieii lenyena oaas siaai otuwuana ilo lenye lomon, keatae naa nkata nadung'ieki nkiguana, neatae loodung. Enchoo naa eara ninche maate. 39Naa kore tanaa iatata lkulie omon, naa keyiere nedung'i te nkiguana naichiaakino nkitanapat ang. 40Amu kore ana netiu taata, naa keidimi neochieki iyioo ana, tankaraki ng'olng'ol naji ikiyeutua. Nemeatae nikijo tana ng'olng'ol nikinyoyie.>> 41Kore payie eidip aatejo ana, neboloo ilo turrur.
Iliyochaguliwa sasa
Asat 19: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Asat 19
19
Paulo te Epeso
1Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni 2neipar ajoki, <<Amaa payie irukuruk, itumo Ltau Sinyati?>> Newoliki aajoki, <<Tapala inia nijo itumo, eitu abaki kining aajo keatae Ltau Sinyati>> 3Neipar Paulo ajoki, <<Naaku aa kipatisare eipatisaki ntae?>> Nejoki, <<Nkipatisare e Yoana.>> 4#Mat 3:11; Mrk 1:4,7,8; Luka 3:4,16; Yoa 1:26,27Nejoki ꞉Paulo, <<Kore Yoana, naa keipatisiche nkipatisare naitodolu ajo keirriidua ltung'ani ng'ok, netiaka aitoki ltung'ana meiruko ilo kenya olotu tesiedi ninye, naa Yeso taa ilo.>> 5Kore payie ening ana, neipatisi ta nkarna e Laitoriani Yeso metaa lenyena, 6neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho. 7Naa kebaya lolo lewa tomon o oare pooki.
8Kore taa lapatin okuni nejing Paulo sinagogi, neirorie te mpijan ltung'ana ootii inie eimaki, neiteyielo sipat ee mbaa naaipirita Nkitoria e Nkai. 9Kake kore lkulikae lenche neitogol nkuechi, neaany ilo rerei edek inia oitiei e Laitoriani ening'ito ltung'ana pooki. Nelo Paulo aing'uaa ninche, neya looiteng'eni aorie lolo Yiaudi. Kore mperot pooki neiteng'enicho taatua nkaji naiteng'enichereki e Tirano. 10Neas ana taa larin okuni metaa kore ltung'ana pooki otii inia kop e Asia, nening rerei la Laitoriani, peera Lyiaudi o Lgirriki. 11Neas Nkai mbaa e nking'asia kutuaa taa nkaik e Paulo, 12metaa kore nkitampaani o nankan naaiseyie sesen lenye, nepuo aaiteleki ltamoyia, neichiu moyianitin, neipung'u sii lairiruani aaing'uaa ninche.
13Kore lkuti Yiaudi oaamanaa chiaake emiraa lairiruani, nesaan aaipotoki nkarna e Laitoriani Yeso lolo oaata lairiruani ejo, <<Kore ta nkarna e ilo Yeso olikorita ꞉Paulo, empung'u!>> 14Naa layiok apa sapa la laitainoni kitok obo la lasar oji Sikepa oaasita ana. 15Kake kore payie ejo empung'unyie lairiruani, newoliki ꞉lairirua ninche ajoki, <<Kayielo nanu Yeso, nayielo Paulo, kake oong'ae irara ntae?>> 16Kore ilo tung'ani oata ilo airirua, neipirriki neidimu ninche, near oleng ana mekueta aaipung te inia aji meata nankan, era oleng.
17Kore payie ening ꞉lolo pooki oaamanya Epeso inia, peera Lyiaudi o Lgirriki, neiput ꞉ngureticho, neisis nkarna e Laitoriani Yeso. 18Kore lkumo loo lolo ooiruko Yeso, nepuonu aalimu neibalunyie ntorrok pooki naataasa. 19Neyau loibonok kumo apa ooibonicho mbukui enche kumo naaibonichere tekue ltung'ana nepejoo. Kore payie eikeni nowua ntoki nanya, naaku kebaki laata e ltung'ani ee larin ip nabo o osom o sapa. 20Kore rerei la Laitoriani, nelo kue abulaa oleng neitodolu ngolon enye.
21Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <<Kore atabayie inie, naa meata sii ajo malo Rrom.>> 22Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.
Ng'olng'ol te Epeso
23Kake kore te inia ng'amata, neipung'u long'olng'oli kitok oleng te Epeso taa mbaa naipirita Nkoitiei e Laitoriani. 24Amu keatae lkunoni oji Demeterio, oitibir nkitanyanyukot e nkaji nkai e sapare naji Artemis, tee senke e nkocholai. Kore apa ilo siaai lenye naa keyaka dikir kitok lolo arriyiak ootuwuana ninye. 25Neipotu lolo asiaayiak pooki oaas siaai otuwuana ilo lenye nejoki, <<Lolewa kulo, mara iyielolo aajo ele siaai kitumie parakuoicho ang? 26Kore taata, naa ining'itoto nidolitata aajo kore ele tung'ani oji Paulo naa keibelekenya, neitopong'oo ltung'ana kumo te Epeso o too lubot kumo oleng e Asia ajoki, <Kore nkaitok naaitibira ꞉nkaik ee ltung'ana naa mara nkaitok!> 27Naa mara ake siaai lang apeny oidim nelau rrepeta, kake kore sii nkaji e nkai ang kitok naji Artemis, nasai ltung'ana pooki le nkop pooki e Asia o nkop pooki nalulung'a, naa keidimi neitaae meitoki nedoyio sii nkitoo enye.>>
28Kore payie ening ninche ana, neiputakino ngoro nebuak aajo, <<Keikitok Artemis ee ltung'ana le Epeso!>> 29Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye. 30Kore payie ejo Paulo tijing'a tekue lolo tung'ana nemitiki ꞉looiteng'eni. 31Kore abaki lbata loo lkutuaa le inia kop oaara sotuatin lenyena, nerewaki Paulo lkilikuai aalej payie melo atua inie netumoreki.
32Kore teinie netumoreki neing'olng'ola, ebuak lbata loo ltung'ana aajo nkae toki, nejo kulie nkae, nemeyielo lkumo aajo aanyo payie eotuo inie. 33Neipung'unyie ꞉Lyiaudi Alekisanda meyeu kue, nejoki ꞉lkulikae taatua ilo turrur ninye meiroro. Neapaki ninche nkaina metigirata payie etum atilimu nkiroroto enye. 34Kake kore payie eyielou aajo loo Lyiaudi ninye, nebuak ninche matejo saai are to ltoilo obo ejoito, <<Keikitok Artemis ee ltung'ana le Epeso!>>
35Kore lkitok oitore ilo kerenket, neitigir ninche nejoki, <<Loo tung'ana kulo le Epeso, kalo tung'ani lemeyielo ajo kore lkerenket le Epeso naa ninye etii nkaji e nkai kitok naji Artemis o nkitanyanyukoto enye natodowua te chumata? 36Naa kore naa amu kebore ana, keyiere payie igirara niakuku ltung'ana ooineneng mbaa. 37Amu iyeuta kulo tung'ana ene, abaki eitu epur nkajijik ee nkaitok ang, anaa edek ninche. 38Kore naa tanaa keatae ltung'ani oatayie ꞉Demeterio o lolo boitieii lenyena oaas siaai otuwuana ilo lenye lomon, keatae naa nkata nadung'ieki nkiguana, neatae loodung. Enchoo naa eara ninche maate. 39Naa kore tanaa iatata lkulie omon, naa keyiere nedung'i te nkiguana naichiaakino nkitanapat ang. 40Amu kore ana netiu taata, naa keidimi neochieki iyioo ana, tankaraki ng'olng'ol naji ikiyeutua. Nemeatae nikijo tana ng'olng'ol nikinyoyie.>> 41Kore payie eidip aatejo ana, neboloo ilo turrur.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy