อุ ตี แลง 21
21
มาล ท็อห อัห
4ทาเน ปึง ครำ อิซราเอล ก็ ญาย เริล เจ็น ญวัง โฮ อัห เริล ไล รวง นอก ทะเล โซ อัห เริล รวง โคง อัห เว็น ปะเทด เอโดม เริล อัห เริล โตะ มี คัล รวง แลว ก็ ไอ มี ซอดแซ็ง อัห 5อัห ก็ โป เยโฮวา เคิบ โมเซด คือเน “มัห ซับรวง อิห ทอก เจ็น ปะเทด อียิบ อังวะ มัห ระ อิห โตะ เปิล ตัก ตี แลง เน กา ซะ ป็อง ก็ ไอ มี ออก ก็ ไอ มี อิห ปืด ป็อง ซะ เน แลว” อัห อัง
6เจ็นนะ เยโฮวา ก็ ระ มาล ปิด โตะ ท็อห ซิห อัห อัห ก็ เปิล ดก ล็อง ญอน มาล ท็อห อัห นัน 7อัห ก็ โตะ ไล โมเซด คือเน “อิห แอง ลุห แลว เป็น ตัก ปึง อิห โป เยโฮวา เคิบ โป มัห วัล ครอ ระ มัห ครอ เคิบ เยโฮวา ระ นำ แอ็มๆ มาล ปิด เน ดาย” อัห อัง โมเซด ก็ ครอ เคิบ เยโฮวา จวย อัห 8เยโฮวา ก็ ไล โมเซด คือเน “มัห เอิด ทอง ซำริด แอง เป็น ฮูบ มาล ปิด ท็อก ระ ตัก งกรัง ดาย ล็อง นเดย ตี มาล ท็อห กัน อัห ดอม ฮูบ มาล นัน อัห ก็ ไอ มี เปิล เตาะ” เยโฮวา อัง 9โมเซด ก็ ลด แอง ฮูบ มาล มี นัง ท็อก ระ ตัก งกรัง กัน มาล ท็อห ล็อง นเดย กัน อัห ดอม ฮูบ มาล นัน อัห ก็ รีด ไอ มี เปิล เตาะ
Iliyochaguliwa sasa
อุ ตี แลง 21: Prai
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Global Partners