ARomo 6
6
Kpi ti ingapai ono unga rogo Kristo yo
1Ani aya wãi tie? Ani nimángi gbegberẽpai amanga undahe moi pai? 2Wo te. Agu rani nakpi ti ingapai, ka ani wiri pa du ni ungarani na gbegberẽpai wãi kindi? 3Oni aina nga ya agu rani dunduko i abapatizi rani ku rogo Kristo Yesu yo i abapatizi rani ku rogo kpioko yo te? 4Si du i akpisidi rani ti ni na ko ku rogo kpio yo mbiko bapatiza, ya wa Kristo azingi dagba akangba be ga Bako taarimo, ani ta a wo ni vovo ungarani.
5Bambiko wa ani adu na ko sa mbiko wira kpioko, kina wo ani ka du a mbiko wira zingako; 6niini gi nga i awagi kuru bororani na Kristo re, boro ingapai go, ka ani adu nga ni zizi aboro fu ingapai kindi ya; 7bambiko gu ni kpi i di pa ingapai ri ni. 8Ono wa ani akpi na Kristo ani idi pa gu pai nga ani adú ni ungarani a na ko; 9niini ya Kristo azingi dagba akangba koakpí nga berewe te; kpio afú nga ri ko berewe te. 10Bambiko gu kpio ko akpi, ko akpi fu ingapai bara sa; ono gu unga du ko ni, ko ni ungako fu Mbori. 11Kina wo ka oni niya tigaoni oni akpi fu ingapai, ki du ni ungaroni fu Mbori rogo Kristo Yesu yo.
12Si ka ingapai akindo nga ti ni kurugbo kpotoroni yo, oni gi sangba gu nyemuhe ugagahaya. 13Ka oni afú nga apa bororoni fu ingapai ni úsunge sa irairapai ya; ono oni fú tironi fu Mbori wa zingi oni dagba ikangba ni ungaroni, na aparoni ni úsunge sa rurupai fu Mbori. 14Bambiko ingapai afú nga ri roni te; bambiko oni tii rugute te, oni kina tii undahe.
Akanga fu rurupai
15Wãi tie? ani aínga pai bambiko ani tii rugute te, kina tii undane? Wo te. 16Oni aina nga ha te? ya gu ni oni afu tironi fu ni ni kanga sa gia sangbani, oni nga ga gu ni kanga oni agia sangbani; watadu fu ingapai sa kpio, na fu giasangba sa du oni ni ruru roni bangiri Mbori. 17Ono tambuahe du fu Mbori, ya, wa oni avura du ni akanga ingapai, oni agi sangba gu yugopai i amoi ri roni, kpotoroni yo; 18wa i nakusi roni be nigapai, oni ki ye ka du ni akanga rurupai. 19Mi nagumba ha rogo fugo aboro bambiko ga bororoni rungbura; mbiko wa oni afu aparoni ni akanga fu nibirikooai na ingapai sa ingapai, kina wo ka oni nifú aparoni ni akanga awere fu rurupai sa ziazia pai.
20Bambiko ho oni adu ni ni akanga ingapai, oni ara nga fu rurupai te. 21Gini zuzuhe tie nadu ti roni ni gu rago re be agu apai zee amanga roni ti ni awere? Bambiko digida agu apai re nga kpio. 22Ono awere i kusi roni be ingapai oni ki du ni akanga fu Mbori, zuzuroni ti roni sa ziazia pai, digidaha nga nyenye unga. 23Bambiko mosoro ingapai nga kpio; ono ga Mbori gamunihe gbua nga nyenye unga rogo Kristo Yesu yo gaani Gbia.
Iliyochaguliwa sasa
ARomo 6: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
ARomo 6
6
Kpi ti ingapai ono unga rogo Kristo yo
1Ani aya wãi tie? Ani nimángi gbegberẽpai amanga undahe moi pai? 2Wo te. Agu rani nakpi ti ingapai, ka ani wiri pa du ni ungarani na gbegberẽpai wãi kindi? 3Oni aina nga ya agu rani dunduko i abapatizi rani ku rogo Kristo Yesu yo i abapatizi rani ku rogo kpioko yo te? 4Si du i akpisidi rani ti ni na ko ku rogo kpio yo mbiko bapatiza, ya wa Kristo azingi dagba akangba be ga Bako taarimo, ani ta a wo ni vovo ungarani.
5Bambiko wa ani adu na ko sa mbiko wira kpioko, kina wo ani ka du a mbiko wira zingako; 6niini gi nga i awagi kuru bororani na Kristo re, boro ingapai go, ka ani adu nga ni zizi aboro fu ingapai kindi ya; 7bambiko gu ni kpi i di pa ingapai ri ni. 8Ono wa ani akpi na Kristo ani idi pa gu pai nga ani adú ni ungarani a na ko; 9niini ya Kristo azingi dagba akangba koakpí nga berewe te; kpio afú nga ri ko berewe te. 10Bambiko gu kpio ko akpi, ko akpi fu ingapai bara sa; ono gu unga du ko ni, ko ni ungako fu Mbori. 11Kina wo ka oni niya tigaoni oni akpi fu ingapai, ki du ni ungaroni fu Mbori rogo Kristo Yesu yo.
12Si ka ingapai akindo nga ti ni kurugbo kpotoroni yo, oni gi sangba gu nyemuhe ugagahaya. 13Ka oni afú nga apa bororoni fu ingapai ni úsunge sa irairapai ya; ono oni fú tironi fu Mbori wa zingi oni dagba ikangba ni ungaroni, na aparoni ni úsunge sa rurupai fu Mbori. 14Bambiko ingapai afú nga ri roni te; bambiko oni tii rugute te, oni kina tii undahe.
Akanga fu rurupai
15Wãi tie? ani aínga pai bambiko ani tii rugute te, kina tii undane? Wo te. 16Oni aina nga ha te? ya gu ni oni afu tironi fu ni ni kanga sa gia sangbani, oni nga ga gu ni kanga oni agia sangbani; watadu fu ingapai sa kpio, na fu giasangba sa du oni ni ruru roni bangiri Mbori. 17Ono tambuahe du fu Mbori, ya, wa oni avura du ni akanga ingapai, oni agi sangba gu yugopai i amoi ri roni, kpotoroni yo; 18wa i nakusi roni be nigapai, oni ki ye ka du ni akanga rurupai. 19Mi nagumba ha rogo fugo aboro bambiko ga bororoni rungbura; mbiko wa oni afu aparoni ni akanga fu nibirikooai na ingapai sa ingapai, kina wo ka oni nifú aparoni ni akanga awere fu rurupai sa ziazia pai.
20Bambiko ho oni adu ni ni akanga ingapai, oni ara nga fu rurupai te. 21Gini zuzuhe tie nadu ti roni ni gu rago re be agu apai zee amanga roni ti ni awere? Bambiko digida agu apai re nga kpio. 22Ono awere i kusi roni be ingapai oni ki du ni akanga fu Mbori, zuzuroni ti roni sa ziazia pai, digidaha nga nyenye unga. 23Bambiko mosoro ingapai nga kpio; ono ga Mbori gamunihe gbua nga nyenye unga rogo Kristo Yesu yo gaani Gbia.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.