ARomo 14
14
Ka mo sápu nga ngbanga wirinamo ya
1Ono gu ni rungbura arungbura rogo idapase oni dí ni adia ku gume, ono ka pe pai kuti sakapai te. 2Gu boro ho ni ki du na idapase ka ri ahe ari dunduko, ono gu ni rungbura arungbura ni niri kina akpe pasio. 3Gu ni nari he, ka ni páyasi nga gu ni zanga ri he ya, gu ni ari nga ha ya, ka ni sápu nga ngbanga gu ni nari he ya: bambiko Mbori di ni ku gume. 4Da nga mo nasana ngbanga ga kura boro moyambu? Ni nita ru fu kina gani gbia niti. Ii, i arugusa ni arugusa; bambiko tandu ti Gbia sa rugusa ni.
5Gu boro ho ni ki niberẽ kina pa gu uru susi kura ha, gu ni ho ni ki niberẽ pa uru aberã dunduko sa. Aboro dunduko i rugu tiyo aruga na payo rogo gayo berã yo. 6Gu ni naberã pa gu uru, ni naberã paha fu Gbia. Gu ni nari he ni nari he fu Gbia, bambiko ni natambua Mbori atambua; gu ni ari nga ha ya ni ari nga ha te fu Gbia, ni natambua Mbori atambua 7Bambiko boro ni ungani fu kina ni wa sa te, a nga boro sa ka kpi fu kina tini te. 8Bambiko wa du ani ni ungarani, ani ni ungarani fu Gbia; wa ani nikpi, ani nikpi fu kina Gbia; watadu ani ni ungarani tie na ni kurugborani ani ni ga Gbia rani. 9Bambiko Kristo akpi ki du ni ungako berewe sa gi pai re, nga ko du ni ga kangba aboro Gbia na unga aboro.
10Ono mo, tipagine mo asapa ngbanga wirinamo ti ni? Kina ro berewe, tipagine mo apayasi wirinamo ti ni? Bambiko ani amongo ru aru barangba ga Mbori mbata sapangbanga dunduko. 11Bambiko si ni keke he ya,
“Wa du mi ni ungare, Gbia nipoi wo, arukusue akúka akuka fere du,
mirãse akúsa pai akusa fu Mbori du.”
12Si du ani aríngbisa pa tirani aringbisa ti ni fu Mbori ni ba sa sa.
Ka mo kótosi nga wirinamo ya
13Si du ka ani asapa nga ngbanga akuarani ti ni berewe ya, kina gi ka oni sapu ngbanga ha re nga, a nga boro sa ka moi úkota gene wirinani, na ũtigo te. 14Mi ini aina ki rugu tire na ni rogo Gbia Yesu yo ya, a nga he sa du ni birikobiriko ho ni tihe te: si wo fu kina gu ni naberã pa ha ya si ni birikobiriko ho, ni du he fu ni ni birikobiriko ho. 15Bambiko ka wirinamo arungo mbiko ga riahe, si wa mo ata nga rogo nyemuse te. Ka mo gbárasi nga gu ni Kristo akpi tipa ni ni ga riahe ya. 16Ka i gúmba nga gbegberẽpai tie kuti ga wenepai ya. 17Bambiko ga Mbori ngbi nga ri he na mbira he te, kina rurupai na zereda na ngbarago rogo Ziazia Toro yo. 18Bambiko gu ni ka manga pa Kristo ni agi apai re, ni ngba angba ti Mbori, aboro ki tambua ni. 19Si du ka ani peke kina agu apai ti ni namanga sa zereda, na agu apai ka ani sonosi akuarani na ni. 20Ka mo gbárasi nga ga Mbori sunge mbiko riahe ya. Ahe ni kina gigiri he ni rengo dú; si ni gbegberẽpai fu kina gu boro nari he ni nzingiripai. 21Ngba nga ri pasio, nambira imekakue, na manga gu pai ka wirinamo koto be he wa sa te. 22Gu pai idi mo pa ha tigamo, si kina dagba ro na Mbori. Betedi boro nga gu ni asapa nga ngbanga tini ni agu apai ni aida na ni ya. 23Ono gu ni nasaka pa ha asaka, ka ni ri he i kiti ngbanga ni akita bambiko ni ari nga ha ni idapase te; gu pai adu nga ni idapase ya, ingapai nga ha.
Iliyochaguliwa sasa
ARomo 14: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
ARomo 14
14
Ka mo sápu nga ngbanga wirinamo ya
1Ono gu ni rungbura arungbura rogo idapase oni dí ni adia ku gume, ono ka pe pai kuti sakapai te. 2Gu boro ho ni ki du na idapase ka ri ahe ari dunduko, ono gu ni rungbura arungbura ni niri kina akpe pasio. 3Gu ni nari he, ka ni páyasi nga gu ni zanga ri he ya, gu ni ari nga ha ya, ka ni sápu nga ngbanga gu ni nari he ya: bambiko Mbori di ni ku gume. 4Da nga mo nasana ngbanga ga kura boro moyambu? Ni nita ru fu kina gani gbia niti. Ii, i arugusa ni arugusa; bambiko tandu ti Gbia sa rugusa ni.
5Gu boro ho ni ki niberẽ kina pa gu uru susi kura ha, gu ni ho ni ki niberẽ pa uru aberã dunduko sa. Aboro dunduko i rugu tiyo aruga na payo rogo gayo berã yo. 6Gu ni naberã pa gu uru, ni naberã paha fu Gbia. Gu ni nari he ni nari he fu Gbia, bambiko ni natambua Mbori atambua; gu ni ari nga ha ya ni ari nga ha te fu Gbia, ni natambua Mbori atambua 7Bambiko boro ni ungani fu kina ni wa sa te, a nga boro sa ka kpi fu kina tini te. 8Bambiko wa du ani ni ungarani, ani ni ungarani fu Gbia; wa ani nikpi, ani nikpi fu kina Gbia; watadu ani ni ungarani tie na ni kurugborani ani ni ga Gbia rani. 9Bambiko Kristo akpi ki du ni ungako berewe sa gi pai re, nga ko du ni ga kangba aboro Gbia na unga aboro.
10Ono mo, tipagine mo asapa ngbanga wirinamo ti ni? Kina ro berewe, tipagine mo apayasi wirinamo ti ni? Bambiko ani amongo ru aru barangba ga Mbori mbata sapangbanga dunduko. 11Bambiko si ni keke he ya,
“Wa du mi ni ungare, Gbia nipoi wo, arukusue akúka akuka fere du,
mirãse akúsa pai akusa fu Mbori du.”
12Si du ani aríngbisa pa tirani aringbisa ti ni fu Mbori ni ba sa sa.
Ka mo kótosi nga wirinamo ya
13Si du ka ani asapa nga ngbanga akuarani ti ni berewe ya, kina gi ka oni sapu ngbanga ha re nga, a nga boro sa ka moi úkota gene wirinani, na ũtigo te. 14Mi ini aina ki rugu tire na ni rogo Gbia Yesu yo ya, a nga he sa du ni birikobiriko ho ni tihe te: si wo fu kina gu ni naberã pa ha ya si ni birikobiriko ho, ni du he fu ni ni birikobiriko ho. 15Bambiko ka wirinamo arungo mbiko ga riahe, si wa mo ata nga rogo nyemuse te. Ka mo gbárasi nga gu ni Kristo akpi tipa ni ni ga riahe ya. 16Ka i gúmba nga gbegberẽpai tie kuti ga wenepai ya. 17Bambiko ga Mbori ngbi nga ri he na mbira he te, kina rurupai na zereda na ngbarago rogo Ziazia Toro yo. 18Bambiko gu ni ka manga pa Kristo ni agi apai re, ni ngba angba ti Mbori, aboro ki tambua ni. 19Si du ka ani peke kina agu apai ti ni namanga sa zereda, na agu apai ka ani sonosi akuarani na ni. 20Ka mo gbárasi nga ga Mbori sunge mbiko riahe ya. Ahe ni kina gigiri he ni rengo dú; si ni gbegberẽpai fu kina gu boro nari he ni nzingiripai. 21Ngba nga ri pasio, nambira imekakue, na manga gu pai ka wirinamo koto be he wa sa te. 22Gu pai idi mo pa ha tigamo, si kina dagba ro na Mbori. Betedi boro nga gu ni asapa nga ngbanga tini ni agu apai ni aida na ni ya. 23Ono gu ni nasaka pa ha asaka, ka ni ri he i kiti ngbanga ni akita bambiko ni ari nga ha ni idapase te; gu pai adu nga ni idapase ya, ingapai nga ha.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.