ARomo 11
11
Pa yangara aYisaraere
1Ya mi tie, Mbori ba gako aboro ku sa yo? Wo te. Bambiko mi a tigimi nga Yisaraere, nga ngbatunga Abaravama, nga ngbatunga Benyamina. 2Mbori aba nga gu gako aboro ku sa yo ko aini yo mbata te. Oni aina nga gu pai Ziazia Kekeapai agumba tipa Eriya te? Wa ko agumba pai rogo kpe yo fu Mbori kuti aYisaraere ki ya, 3“Gbia, i imi gamo anebi, i gbarasi gamo abamotumo; kina mi du ni sa re, i ki nigbata ungare.” 4Ono gini pai Mbori akaraga fu ko? “Mi kpara agu akumba 7,000 fere akuka nga fu Bara ya.” 5Kina wo du agu yo zogoro awere a ku sangba gu siaboro yo nga ga undahe. 6Ono ka si du mbiko undahe, si du nga ni ga mangaapai berewe te; ka si adu nga wo ya, undahe adu nga ni undahe berewe te.
7Wãi tie? Gu pai aYisaraere agbata i adia nga ha te; kina siasia yo di he, yangara yo ki nyaki anyaka: 8wa du he ni keke he ya, “Mbori afu toro vukura fu yo, na bangirise ka i ngere nga ya, na tue ka i gi nga pai ya kina ku awere.”
9Dawidi ki ya.
“Gayo mbisa dú ni nzingiri pai ni gbina,
na ũkota na idabape fu yo;
10bangiriyo dú na bitimo ka i angera nga ya,
mo núga ngongoyo kindi.”
Bata tipa aGendiria
11Ya mi tie, i akoto ka ti? Wo te. Ono bata ye tu rika aboro mbiko tigoyo sa wi ngbayo i de ringo. 12Were ka ga zegino ũkumuko du mbiko tigoyo, ga aGendiria ũkumuko ki du mbiko payayo, ngbatika gayo maapai!
13Ono mi nagumoa ha fu agu roni nga aGendiria. Wa du mi ni ga aGendiria mokedi tie, mi nataasa gi mangaapai: 14si ya du wa ka mi wi ngba agu yo sa de ringo nga ngbatungare nga aYudo, mi wi ngba yo, ki batasi agu yo. 15Bambiko ka ba yo ku sa yo ngia zeresi zegino, dia yo ku gume du wãi, kina unga dagba akangba? 16Ka bambata zuzuhe du ziazia gu kina wo a, ka tarã ngua du ziazia abehe kina wo a.
17Ono ka bete abehe kuadi, wa du mo nga gu eraya nvuo, i azuneu ro azunga ku dagba ha, mo ki mongo du ti tarã gu ngua eraya nanze; 18ka mo mángi nga ruka fu abehe ya; ka mo amanga ruka, a nga mo nahusa tarãha te, kina tarãha nahusa ro. 19Mo ayá aya tie, “Abehe akuadi akuadi i zungu re kuti ni.” 20Rengo du, bambiko zanga idapase i akuadi yo, mo ru mbiko ga idapase. Ka mo ende nga ya, kina gunde mo; 21mbiko ka Mbori ahe nga ngbatunga gu abehe re ya, ko ahe nga ro a te. 22Mo neére nga ga Mbori veneringise na gberãringise tie, gberãringise fu agu yo natiwi, ono ga Mbori weneringise foro, ka ngia mo anye rogo gako weneringise; ka si adu nga wo ya i kati ro akata a. 23Ii, ka i anyé nga na gayo zanga idapase a ya, i azúnga yo azunga ti ni, mbiko ka Mbori zungu yo azunga berewe. 24Bambiko si ngia i akati ro ti gu ngua eraya du ti sinoho ni ga nvuo, ki zungu ro kuti gu wene ngua eraya akia ti sinoho; ngbatika wa ka i zungu yo kuti gayo ngua eraya wa du yo nga ngbatunga abehe?
Pa karaga aYisaraere berewe
25Awirina, bambiko mi akpi nga nyemu oni du ni iramungo ti gi gbugbu pai te re, oni ka du ni airatatamana ni gaoni enda, nga zogoro nyaka ye fu aYisaraere da kina ho aGendiria ka sona ni wa i aringbisi he; 26si aYisaraere ka bata ti ni dunduko, wa du he ni keke he ya,
“Batasi ayé Siona yo,
ko akpara zangasinombori dunduko ti Yakoba”;
27“gi nga gi ndika fu yo re,
ho mi ka dia gayo ingaapai ni ku sa yo.”
28Tipa Wene Pangbanga i nga avura mbiko roni, ono tipa sia aboro, i nga nyemuse mbiko agu abaakumba nadu bakuru yo. 29Bambiko Mbori asa nga berãko ti gako gagamaahe na yambahe te. 30Wa oni akeretu fu Mbori mbata, awere oni di inapai ku gume mbiko gayo keretu, 31kina wo agi yo a nga aboro keretu awere, ya i di inapai ku gume awere a mbiko gu inapai yugu yo fu roni. 32Bambiko Mbori kisi aboro akisa dũ sa keretu, ko ini pai aina fu aboro dunduko.
33Ako gu dungura nga ga gu ũkumuko nga ga Mbori tatamana na inahe! Na gasi wisiga gako andika, na gasi rugatise na gako mangaapai! Ziazia Kekeapai naya,
34“Bambiko da ini nga ga Gbia berã?
Da nadu nga ni barugupai fu ko?”
35“Da nafu he fu ko mbata,
ko karaga kura he fu ni berewe?”
36Bambiko ahe dunduko si aye kina be ko, mbiko ko, na fu ko. Taarimo dú fu ko nye anye kindi. Amina.
Iliyochaguliwa sasa
ARomo 11: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
ARomo 11
11
Pa yangara aYisaraere
1Ya mi tie, Mbori ba gako aboro ku sa yo? Wo te. Bambiko mi a tigimi nga Yisaraere, nga ngbatunga Abaravama, nga ngbatunga Benyamina. 2Mbori aba nga gu gako aboro ku sa yo ko aini yo mbata te. Oni aina nga gu pai Ziazia Kekeapai agumba tipa Eriya te? Wa ko agumba pai rogo kpe yo fu Mbori kuti aYisaraere ki ya, 3“Gbia, i imi gamo anebi, i gbarasi gamo abamotumo; kina mi du ni sa re, i ki nigbata ungare.” 4Ono gini pai Mbori akaraga fu ko? “Mi kpara agu akumba 7,000 fere akuka nga fu Bara ya.” 5Kina wo du agu yo zogoro awere a ku sangba gu siaboro yo nga ga undahe. 6Ono ka si du mbiko undahe, si du nga ni ga mangaapai berewe te; ka si adu nga wo ya, undahe adu nga ni undahe berewe te.
7Wãi tie? Gu pai aYisaraere agbata i adia nga ha te; kina siasia yo di he, yangara yo ki nyaki anyaka: 8wa du he ni keke he ya, “Mbori afu toro vukura fu yo, na bangirise ka i ngere nga ya, na tue ka i gi nga pai ya kina ku awere.”
9Dawidi ki ya.
“Gayo mbisa dú ni nzingiri pai ni gbina,
na ũkota na idabape fu yo;
10bangiriyo dú na bitimo ka i angera nga ya,
mo núga ngongoyo kindi.”
Bata tipa aGendiria
11Ya mi tie, i akoto ka ti? Wo te. Ono bata ye tu rika aboro mbiko tigoyo sa wi ngbayo i de ringo. 12Were ka ga zegino ũkumuko du mbiko tigoyo, ga aGendiria ũkumuko ki du mbiko payayo, ngbatika gayo maapai!
13Ono mi nagumoa ha fu agu roni nga aGendiria. Wa du mi ni ga aGendiria mokedi tie, mi nataasa gi mangaapai: 14si ya du wa ka mi wi ngba agu yo sa de ringo nga ngbatungare nga aYudo, mi wi ngba yo, ki batasi agu yo. 15Bambiko ka ba yo ku sa yo ngia zeresi zegino, dia yo ku gume du wãi, kina unga dagba akangba? 16Ka bambata zuzuhe du ziazia gu kina wo a, ka tarã ngua du ziazia abehe kina wo a.
17Ono ka bete abehe kuadi, wa du mo nga gu eraya nvuo, i azuneu ro azunga ku dagba ha, mo ki mongo du ti tarã gu ngua eraya nanze; 18ka mo mángi nga ruka fu abehe ya; ka mo amanga ruka, a nga mo nahusa tarãha te, kina tarãha nahusa ro. 19Mo ayá aya tie, “Abehe akuadi akuadi i zungu re kuti ni.” 20Rengo du, bambiko zanga idapase i akuadi yo, mo ru mbiko ga idapase. Ka mo ende nga ya, kina gunde mo; 21mbiko ka Mbori ahe nga ngbatunga gu abehe re ya, ko ahe nga ro a te. 22Mo neére nga ga Mbori veneringise na gberãringise tie, gberãringise fu agu yo natiwi, ono ga Mbori weneringise foro, ka ngia mo anye rogo gako weneringise; ka si adu nga wo ya i kati ro akata a. 23Ii, ka i anyé nga na gayo zanga idapase a ya, i azúnga yo azunga ti ni, mbiko ka Mbori zungu yo azunga berewe. 24Bambiko si ngia i akati ro ti gu ngua eraya du ti sinoho ni ga nvuo, ki zungu ro kuti gu wene ngua eraya akia ti sinoho; ngbatika wa ka i zungu yo kuti gayo ngua eraya wa du yo nga ngbatunga abehe?
Pa karaga aYisaraere berewe
25Awirina, bambiko mi akpi nga nyemu oni du ni iramungo ti gi gbugbu pai te re, oni ka du ni airatatamana ni gaoni enda, nga zogoro nyaka ye fu aYisaraere da kina ho aGendiria ka sona ni wa i aringbisi he; 26si aYisaraere ka bata ti ni dunduko, wa du he ni keke he ya,
“Batasi ayé Siona yo,
ko akpara zangasinombori dunduko ti Yakoba”;
27“gi nga gi ndika fu yo re,
ho mi ka dia gayo ingaapai ni ku sa yo.”
28Tipa Wene Pangbanga i nga avura mbiko roni, ono tipa sia aboro, i nga nyemuse mbiko agu abaakumba nadu bakuru yo. 29Bambiko Mbori asa nga berãko ti gako gagamaahe na yambahe te. 30Wa oni akeretu fu Mbori mbata, awere oni di inapai ku gume mbiko gayo keretu, 31kina wo agi yo a nga aboro keretu awere, ya i di inapai ku gume awere a mbiko gu inapai yugu yo fu roni. 32Bambiko Mbori kisi aboro akisa dũ sa keretu, ko ini pai aina fu aboro dunduko.
33Ako gu dungura nga ga gu ũkumuko nga ga Mbori tatamana na inahe! Na gasi wisiga gako andika, na gasi rugatise na gako mangaapai! Ziazia Kekeapai naya,
34“Bambiko da ini nga ga Gbia berã?
Da nadu nga ni barugupai fu ko?”
35“Da nafu he fu ko mbata,
ko karaga kura he fu ni berewe?”
36Bambiko ahe dunduko si aye kina be ko, mbiko ko, na fu ko. Taarimo dú fu ko nye anye kindi. Amina.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.