Marako 16
16
Yesu azingi be kpio
(Mt. 28:1-10; Rk. 24:1-12; Yo. 20:1-10)
1Ho rago sabiti asusi ni, aMaria Magadara, na gu Maria nga na Yakoba, a Sarome, i ki ngbe wene fuo he ka ye ka mbeda kangba Yesu na ni. 2Ho rago agiri ni ni gu mbata uru nga ga poso, i ki ye ku pati murã, ho uru nakura ni wiso. 3I ki niya dagba yo, “Da nikawiriga mbia ti ngbadimo murã fu rani?” 4I ki ya ngere ki bi mbia ni wirigi wirigi he; bambiko wa si akii gbe. 5I ki rimi ku rogo murã yo, ki bi paranga kumba ko sungu ku kumbabe naukadi pusi remu; i ki nikigi akiga. 6Ko ki ya fu yo, “Ka oni kígi nga ya: oni nagbata Yesu nga boro Nazareta, gu ko i awagi ko. Ko zingi; ko etere; oni bí gu ba i apigi ko rogo! 7Oni ndú ki ya fu gako abawiriki na Petero, ko nandu mbata fu roni ku Gariraya yo. Oni abi ko yo, wa ko agumba ha fu roni.” 8I ki kuru, ki oro pati murã; bambiko i akio akio ki nikigi akiga. Ka i agumba nga pai fu boro wa sa ya; bambiko i agunde agunde.
Yesu ayugu tiko fu Maria Magadara
(Yo. 20:11-18)
9Were ho Yesu azingi ni ngbatutu ni gu bambata uru nga ga poso, ko ki yugu tiko fu kina Maria Magadara mbata, gu ri ko adandi adaimona ti ri saba. 10Ri ki ndu ki gumba ha fu agu yo nanidu na ko, wa i arungo ki nikpari. 11Ho i agi he ni ya, ko ni ungako, kina ri niima bi ko, si ki du bangiriyo wa kina zire.
Yesu ayugu tiko fu abawiriki ue
(Rk. 24:13-35)
12Fuo agi apai re ko ki yugu tiko akia fu agu yo ue, wa i andu gayo nunguro ku ringara yo. 13I ki ndu ki gumba ha fu akura yo; gayo pai ki du adu bangiriyo wa kina zire a.
Yesu aringbisi pai fu agu yo nadu bawe na sa
(Mt. 28:16-20; Rk. 24:36-49; Yo. 20:19-23)
14Fuo gure ko ki yugu tiko fu agu yo nadu bawe na sa, wa i asungu ka ri riahe; ko ki nirugu yo ti gayo basapai na nyaka ngbaduyo, bambiko i abasa gu pai nga ga agu yo naabi ko fuo zinga ko be kpio. 15Ko ki ya fu yo, “Oni gbándaka agbandaka ku rogo gi zegino dunduko re, ki nitungusi wene pangbanga fu aboro dunduko. 16Gu ni nikaniidi pa ha i ki bapatizi ni, i abátasa ni abatasa, ono gu ni nikanibasa ha i ambúsa ni ambusa. 17Agi apai i aina pai ti ni re si nikadu ti agu yo naida pa ha; i adánda adaimona adanda ni rimore; i agúmba vovo apai agumba; 18i atúmba wo ku ari ka i ambíra kere he, si amánga nga yo wa sa te; i animoi beyo auru aboro kaza i ki huku ahuka.”
Yesu aga ku ngbangbaturũ yo
(Rk. 24:50-53; Amo. 1:9-11)
19Si ki ta du wa gere, Gbia Yesu, ho ko agumba ha ni fu yo, Mbori ki di ko ku ngbangbaturũ yo, ko ki sungu ku kumbabe Mbori. 20Abawiriki ki ndu ki nitungusi wene pai rogo aringara dunduko, Gbia ki nimangi sunge na yo, ki ninyakasi gu pai re ni agu apai i aina pai ti ni naadu fuo ho. Amina.
Iliyochaguliwa sasa
Marako 16: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
Marako 16
16
Yesu azingi be kpio
(Mt. 28:1-10; Rk. 24:1-12; Yo. 20:1-10)
1Ho rago sabiti asusi ni, aMaria Magadara, na gu Maria nga na Yakoba, a Sarome, i ki ngbe wene fuo he ka ye ka mbeda kangba Yesu na ni. 2Ho rago agiri ni ni gu mbata uru nga ga poso, i ki ye ku pati murã, ho uru nakura ni wiso. 3I ki niya dagba yo, “Da nikawiriga mbia ti ngbadimo murã fu rani?” 4I ki ya ngere ki bi mbia ni wirigi wirigi he; bambiko wa si akii gbe. 5I ki rimi ku rogo murã yo, ki bi paranga kumba ko sungu ku kumbabe naukadi pusi remu; i ki nikigi akiga. 6Ko ki ya fu yo, “Ka oni kígi nga ya: oni nagbata Yesu nga boro Nazareta, gu ko i awagi ko. Ko zingi; ko etere; oni bí gu ba i apigi ko rogo! 7Oni ndú ki ya fu gako abawiriki na Petero, ko nandu mbata fu roni ku Gariraya yo. Oni abi ko yo, wa ko agumba ha fu roni.” 8I ki kuru, ki oro pati murã; bambiko i akio akio ki nikigi akiga. Ka i agumba nga pai fu boro wa sa ya; bambiko i agunde agunde.
Yesu ayugu tiko fu Maria Magadara
(Yo. 20:11-18)
9Were ho Yesu azingi ni ngbatutu ni gu bambata uru nga ga poso, ko ki yugu tiko fu kina Maria Magadara mbata, gu ri ko adandi adaimona ti ri saba. 10Ri ki ndu ki gumba ha fu agu yo nanidu na ko, wa i arungo ki nikpari. 11Ho i agi he ni ya, ko ni ungako, kina ri niima bi ko, si ki du bangiriyo wa kina zire.
Yesu ayugu tiko fu abawiriki ue
(Rk. 24:13-35)
12Fuo agi apai re ko ki yugu tiko akia fu agu yo ue, wa i andu gayo nunguro ku ringara yo. 13I ki ndu ki gumba ha fu akura yo; gayo pai ki du adu bangiriyo wa kina zire a.
Yesu aringbisi pai fu agu yo nadu bawe na sa
(Mt. 28:16-20; Rk. 24:36-49; Yo. 20:19-23)
14Fuo gure ko ki yugu tiko fu agu yo nadu bawe na sa, wa i asungu ka ri riahe; ko ki nirugu yo ti gayo basapai na nyaka ngbaduyo, bambiko i abasa gu pai nga ga agu yo naabi ko fuo zinga ko be kpio. 15Ko ki ya fu yo, “Oni gbándaka agbandaka ku rogo gi zegino dunduko re, ki nitungusi wene pangbanga fu aboro dunduko. 16Gu ni nikaniidi pa ha i ki bapatizi ni, i abátasa ni abatasa, ono gu ni nikanibasa ha i ambúsa ni ambusa. 17Agi apai i aina pai ti ni re si nikadu ti agu yo naida pa ha; i adánda adaimona adanda ni rimore; i agúmba vovo apai agumba; 18i atúmba wo ku ari ka i ambíra kere he, si amánga nga yo wa sa te; i animoi beyo auru aboro kaza i ki huku ahuka.”
Yesu aga ku ngbangbaturũ yo
(Rk. 24:50-53; Amo. 1:9-11)
19Si ki ta du wa gere, Gbia Yesu, ho ko agumba ha ni fu yo, Mbori ki di ko ku ngbangbaturũ yo, ko ki sungu ku kumbabe Mbori. 20Abawiriki ki ndu ki nitungusi wene pai rogo aringara dunduko, Gbia ki nimangi sunge na yo, ki ninyakasi gu pai re ni agu apai i aina pai ti ni naadu fuo ho. Amina.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.