Marako 13
13
Yesu ayugu pa gbarasa yekaru
(Mt. 24:1-2; Rk. 21:5-6)
1Yesu ki ya kuru yekaru yo, gu gako bawiriki ki ya fu ko sa, “Bayugupai, mo bí, ngbatunga gi mbia re, na ngbatunga gi duadua bambu re!” 2Yesu ki ya fu ko, “Mo bi gi bakere duadua bambu re? mbia adu nga erẽ sa auru kura ha, i ka he bafa ha te.”
Tonatona arungo
(Mt. 24:3-14; Rk. 21:7-19)
3Wa ko asungu auru bagangara Aeraya pati yekaru aPetero ki sana ko ni rondo na Yakoba a Yoane a Andarea, 4ki ya, “Mo gúmba nga ha fu rani, ni gini rago agi apai ka manga re? gine i ka ina ti ni ni gu rago agi apai ka manga re?” 5Yesu ki tona ya fu yo, “Oni bánda tironi ka boro ingisi nga roni wa sa ya. 6Dungu aboro nikaye ni rimore, niya, ‘Mi nga ko!’ i aíngisa dungu aboro. 7Ni gu rago oni ka gia pa sopa avura na serekpo avura ka si fudi nga roni ya; agi apai re si ye aye ni rengo, ono digidaha ata mbeda nga te. 8Bambiko arikaaboro azínga kuti gu rikaaboro, ngbi ki zingi kuti gu ngbi; bazigizo nikadu rogo agu arago; angbongi nikadu; tonatona rungo nga agi apai re.
9“Ono oni bánda tironi abanda; ba mbiko i afú roni fu abororondo; i atáka roni rogo abambutiria; oni arú tipa re barangba agbia na abakindo mbiko yugopai fu yo. 10Wene pangbanga adú adu ni tungusitungusi he fu arikaaboro mbata dunduko. 11Ni gu rago i ka ndu na oni i sapu ngbanga roni, ki fu roni i mbusi roni, ka oni abérã nga gu pai mbata oni ka gumba ya. Gu pai i ka fu fu roni ni gu rago re, oni ki gumba kina ha; bambiko oni nikagumba ha te, kina Ziazia Toro. 12Boro anifu wirinani afu fu kpio, boro ki nifu wirini afu; agude ki zingi kuti avunguyo, ka aimo yo. 13Aboro asóga roni asoga dunduko tipa rimore; ono gu ni nikaru ki da ho ragoho ka nyasa ni, i abátasa ni abatasa.
Bakere gbarasa rago
(Mt. 24:15-28; Rk. 21:20-24)
14“Ono no oni ka bi gu gbegberẽ kere ni ni nga gbarasa rago ni naru rogo gu ba angba nga ru ni rogo ya (gu ni nageda ha ni rugu tini na ni), agu aboro du Yuda yo i ki oro ku abaagangara yo. 15Gu ni ka du ri bambu yo ka ni azórã nga ka rima ku dimo yo ka dia he yo wa sa ya. 16Gu ni ka du ati yo ka ni akáraga nga tini ka dia gani roko ya. 17Ono si agbérã agberã ti agu yo ka aduku na vuse na agu yo ka agude aaka momuyo ni gu rago re. 18Oni kpári ya ka si da nga ragozere ya. 19Bambiko gberãngbi adú ni gu rago re gbe wa ahe aenge ka manga, nga agu ahe Mbori amangi, he adu nga wo mbata te, he adú nga wa ha berewe fuo ho te. 20Ka Gbia agurusa nga gu rago re ya, ka unga he du nga sa ka bati te; ko agurusi gu rago re mbiko gu siasia aboro ko asia yo. 21Ka boro ya fu roni ni gu rago re. ‘Oni bí, Kristo du re!’ ki ya a, ‘Oni bí, ko du yore!’ ka oni aída nga ha ya. 22Bambiko zire a Kristo aye na zire anebi, ki niyugu agu apai i aina pai ti ni na iiriwo apai si ya du wa ka i ingisi siasia aboro, i ingisi yo. 23Ono oni bánda tironi abanda; oni ngére, mi gumba pa apai dunduko fu roni mbata si nikamanga.
Wiri Boro nikayega
(Mt. 24:29-31; Rk. 21:25-28)
24“Ni gu rago re, fuo rago gberãngbi, i adáda uru adada, diwi ahása nga rago te, 25akerekuru atíwa atiwa ari yo, na agu atandu du ngbangbaturũ yo, i azígizo ho azigizo. 26I ki bi Wiri boro ko niye rogo mai na bakere tandu na imarago. 27Ko akéda amaraika i dungura gako siasia aboro rogo gi zegino dunduko re, digida sende yo na digida ngbangbaturũ yo.
Yugopai tipa pa vurumo
(Mt. 24:32-35; Rk. 21:29-33)
28“Were oni wíriki gu sanza du tipa vurumo; ho behe nafuna ni ka maa fogo kpehe oni niini aina ya, kita nambeda. 29Were, ho oni ka bi agi apai ni re si niye, oni aína aina ya ko mbedi, ko ngbadimo. 30Ya mi fu roni ni rengo, gi rika aboro re i ago nga mbata fu agi apai ki digi dunduko te re. 31Ngbangbaturũ ago ago na kpotosende; ono gimi apai agó nga te.
Boro aina nga gu uru na gu saa te
(Mt. 24:36-42; Rk. 17:26-30,34-36)
32“Boro aina nga gu uru na gu saa wa sa te, amaraika ngbangbaturũ yo i aina nga ha te. Wiri aina nga ha a te, kina Mbori nga Ba ini he sa. 33Oni bánda tironi abanda, oni ngére angera ki nikpari; bambiko oni aina nga ragoho te. 34Si wa ka boro nye rogo kura ringara, ni naguari kpuni ki asia paha fu gani aboro sunge, ki kparaka sunge fu yo ni ba sa sa, ki ya fu sungudi ngbadimo ni ningere angera. 35Oni ngére a wo, bambiko oni aina nga ni gu rago irakporo ka yega te, ka ni yega a nyemu na bebere yuru, na ho kondo nakua ni, a wiso a― 36ko ka tunguo roni atunguo oni ra ara. 37Gu pai mi agumba fu roni kina ha mi agumba fu aboro dũ, Oni ngére angera.”
Iliyochaguliwa sasa
Marako 13: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
Marako 13
13
Yesu ayugu pa gbarasa yekaru
(Mt. 24:1-2; Rk. 21:5-6)
1Yesu ki ya kuru yekaru yo, gu gako bawiriki ki ya fu ko sa, “Bayugupai, mo bí, ngbatunga gi mbia re, na ngbatunga gi duadua bambu re!” 2Yesu ki ya fu ko, “Mo bi gi bakere duadua bambu re? mbia adu nga erẽ sa auru kura ha, i ka he bafa ha te.”
Tonatona arungo
(Mt. 24:3-14; Rk. 21:7-19)
3Wa ko asungu auru bagangara Aeraya pati yekaru aPetero ki sana ko ni rondo na Yakoba a Yoane a Andarea, 4ki ya, “Mo gúmba nga ha fu rani, ni gini rago agi apai ka manga re? gine i ka ina ti ni ni gu rago agi apai ka manga re?” 5Yesu ki tona ya fu yo, “Oni bánda tironi ka boro ingisi nga roni wa sa ya. 6Dungu aboro nikaye ni rimore, niya, ‘Mi nga ko!’ i aíngisa dungu aboro. 7Ni gu rago oni ka gia pa sopa avura na serekpo avura ka si fudi nga roni ya; agi apai re si ye aye ni rengo, ono digidaha ata mbeda nga te. 8Bambiko arikaaboro azínga kuti gu rikaaboro, ngbi ki zingi kuti gu ngbi; bazigizo nikadu rogo agu arago; angbongi nikadu; tonatona rungo nga agi apai re.
9“Ono oni bánda tironi abanda; ba mbiko i afú roni fu abororondo; i atáka roni rogo abambutiria; oni arú tipa re barangba agbia na abakindo mbiko yugopai fu yo. 10Wene pangbanga adú adu ni tungusitungusi he fu arikaaboro mbata dunduko. 11Ni gu rago i ka ndu na oni i sapu ngbanga roni, ki fu roni i mbusi roni, ka oni abérã nga gu pai mbata oni ka gumba ya. Gu pai i ka fu fu roni ni gu rago re, oni ki gumba kina ha; bambiko oni nikagumba ha te, kina Ziazia Toro. 12Boro anifu wirinani afu fu kpio, boro ki nifu wirini afu; agude ki zingi kuti avunguyo, ka aimo yo. 13Aboro asóga roni asoga dunduko tipa rimore; ono gu ni nikaru ki da ho ragoho ka nyasa ni, i abátasa ni abatasa.
Bakere gbarasa rago
(Mt. 24:15-28; Rk. 21:20-24)
14“Ono no oni ka bi gu gbegberẽ kere ni ni nga gbarasa rago ni naru rogo gu ba angba nga ru ni rogo ya (gu ni nageda ha ni rugu tini na ni), agu aboro du Yuda yo i ki oro ku abaagangara yo. 15Gu ni ka du ri bambu yo ka ni azórã nga ka rima ku dimo yo ka dia he yo wa sa ya. 16Gu ni ka du ati yo ka ni akáraga nga tini ka dia gani roko ya. 17Ono si agbérã agberã ti agu yo ka aduku na vuse na agu yo ka agude aaka momuyo ni gu rago re. 18Oni kpári ya ka si da nga ragozere ya. 19Bambiko gberãngbi adú ni gu rago re gbe wa ahe aenge ka manga, nga agu ahe Mbori amangi, he adu nga wo mbata te, he adú nga wa ha berewe fuo ho te. 20Ka Gbia agurusa nga gu rago re ya, ka unga he du nga sa ka bati te; ko agurusi gu rago re mbiko gu siasia aboro ko asia yo. 21Ka boro ya fu roni ni gu rago re. ‘Oni bí, Kristo du re!’ ki ya a, ‘Oni bí, ko du yore!’ ka oni aída nga ha ya. 22Bambiko zire a Kristo aye na zire anebi, ki niyugu agu apai i aina pai ti ni na iiriwo apai si ya du wa ka i ingisi siasia aboro, i ingisi yo. 23Ono oni bánda tironi abanda; oni ngére, mi gumba pa apai dunduko fu roni mbata si nikamanga.
Wiri Boro nikayega
(Mt. 24:29-31; Rk. 21:25-28)
24“Ni gu rago re, fuo rago gberãngbi, i adáda uru adada, diwi ahása nga rago te, 25akerekuru atíwa atiwa ari yo, na agu atandu du ngbangbaturũ yo, i azígizo ho azigizo. 26I ki bi Wiri boro ko niye rogo mai na bakere tandu na imarago. 27Ko akéda amaraika i dungura gako siasia aboro rogo gi zegino dunduko re, digida sende yo na digida ngbangbaturũ yo.
Yugopai tipa pa vurumo
(Mt. 24:32-35; Rk. 21:29-33)
28“Were oni wíriki gu sanza du tipa vurumo; ho behe nafuna ni ka maa fogo kpehe oni niini aina ya, kita nambeda. 29Were, ho oni ka bi agi apai ni re si niye, oni aína aina ya ko mbedi, ko ngbadimo. 30Ya mi fu roni ni rengo, gi rika aboro re i ago nga mbata fu agi apai ki digi dunduko te re. 31Ngbangbaturũ ago ago na kpotosende; ono gimi apai agó nga te.
Boro aina nga gu uru na gu saa te
(Mt. 24:36-42; Rk. 17:26-30,34-36)
32“Boro aina nga gu uru na gu saa wa sa te, amaraika ngbangbaturũ yo i aina nga ha te. Wiri aina nga ha a te, kina Mbori nga Ba ini he sa. 33Oni bánda tironi abanda, oni ngére angera ki nikpari; bambiko oni aina nga ragoho te. 34Si wa ka boro nye rogo kura ringara, ni naguari kpuni ki asia paha fu gani aboro sunge, ki kparaka sunge fu yo ni ba sa sa, ki ya fu sungudi ngbadimo ni ningere angera. 35Oni ngére a wo, bambiko oni aina nga ni gu rago irakporo ka yega te, ka ni yega a nyemu na bebere yuru, na ho kondo nakua ni, a wiso a― 36ko ka tunguo roni atunguo oni ra ara. 37Gu pai mi agumba fu roni kina ha mi agumba fu aboro dũ, Oni ngére angera.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.