Bambata Pai 37
37
Pa Yosefa na awiribako
1Yakoba ki niraki rogo gu ringara bako ananunga ku rogo ho, nga ringara Kanana. 2Gere nga pai tipa angbatunga Yakoba.
Ho garã Yosefa adu ni 17, ko anariga akandoro wa sa na awiribako; ko ki du ni paranga na awiri Bira, na awiri Zirepa nangia adia bako. Yosefa ki ye na pa gayo gbigbita apai fu bayo. 3Were Yisaraere anakpi nyemu Yosefa ki susi kura awiriko dunduko, bambiko ko adu ni gako wiri gbinza; ko ki mbakadi gbanga roko fu ko na dungu azehe ti ni. 4Awiribako ki bi he ya bayo nakpi nyemu ko ki susi awiribako dunduko, i ki nisogo ko asoga, ka i afura nga na ko zezeredi ya.
5Yosefa ki rari musumo, ko ki gumba paha fu awiribako, i ki nisogo ko asoga ki susi gu naadu mbata. 6Ko ki ya fu yo, “Mi nazungadi roni, oni gí pa gu musumo mi nirari: 7oni ngére, ani avodi vodivodi zende ahe ati yo, were gi vodivodi zende ahe ki guari sande ki ru ku ari; oni ngére, gaoni vodivodi zende ahe ki ye ki ru pati gimi kirikiri ki tumusa fu gi vodivodi zende ahe.” 8Awiribako ki ya fu ko, “Boro mo nikazoga rani ni rengo? Boro mo nikakindo ku ri rani ni rengo?” I ki nisogo ko asoga ki susi gu naadu mbata tipa gako musumo, na mbiko gako afugo a. 9Ko ki rari kura musumo berewe, ki gumba paha fu awiribako, ki ya, “Oni ngére, mi nirari musumo berewe; oni ngére, auru na diwi na akerekuru 11 ki tumusa fere.” 10Ko ki gumba ha fu bako, na fu awiribako, bako ki za ko ti ni, ki ya fu ko, “Gini musumo nga gi rari mo re? Boro ani na namo na awiribamo nikaye ka tumusa ku sande foro ni rengo?” 11Awiribako ki nikpi ko akpi, ono bako ki ka kuti gu pai re ku rogo gako berã.
Pa baga yo Yosefa ku Ezipeta yo
12Awiribako ki ndu ka riga ga bayo rimbasa akandoro Sekeme yo. 13Yisaraere ki ya fu Yosefa, “A nga awiribamo nariga rimbasa akandoro Sekeme yo te? Mo yé, mi kédi ro koyo du yo ni.” Ko ki ya fu ko, “Mi du re.” 14Ko ki ya fu ko, “Mo ndú awere ki bi nga, si ngia awiribamo zezeredi, na rimbasa akandoro a; mo ki yega na pai tipa yo fere berewe.” Si du ko akedi ko ti ni rogo gu ngboongboorago nga Eburone, ko ki da ku Sekeme yo. 15Kumba sa ki bi Yosefa ko ningbuo angbuo rogo ringara. Gu kumba re ki sana ko, ki ya. “Gine mo agbata?” 16Ko ki ya, “Mi nagbata awiribuba. Mi nazungadi ro, mo gúmba nga ha fere, wari i ariga rimbasa akandoro ni?” 17Gu kumba re ki ya fu ko, “I aguari erẽ, bambiko mi agi he i niya, ‘Ani ndú ku Dotana yo.’ ” Yosefa ki ndu fuo awiribako, ki bi yo Dotana yo. 18I ki bi ko tuturũ mbata ko nikambeda koyo du yo ni, i ki ta bura ko ka imo ko. 19I ki ya dagba yo. “Oni ngére, gi bararimusumo re naye. 20Oni yé nga, ani ími ko ki ba ko ku rogo gu due sa. Ani ayá, kere nya riti ko, ani ki bi nga gu pai nikaye be gako musumo.” 21Ho Rubena agi he ni, ko ki batasi ko be yo, ki ya, “Ka oni ími nga ko ya.” 22Rubena ki ya fu yo, “Ka oni úka nga kureko ya; ono oni bá ko ku rogo gi due re du ngbakungba no, ono ka oni túmba nga beroni kuti ko ya” ― bambiko ko akpi nyemu ka batasa ko be yo, ka karaga ko fu bako. 23Si ki ta du wa gere, ho Yosefa aye ni koyo du awiribako ni, i ki uru gako roko ti ko, nga gu gbanga roko nadu ti ko na dungu azehe ti ni. 24I ki di ko, ki ba ko ku due yo. Due adu ni ugu he, ka ime adu nga rogo ho yo ya.
25I ki sungu ka ri riahe; i ki tuka bangiriyo ki ya ngere, rimbasa nungunungu aYisamaere naye Girada yo, na gayo akameri natindi gayo wene fuõngua na tome ngua nga ngua kaza na mure, i atindi he ka ndu ku Ezipeta yo. 26Yuda ki ya fu awiribako. “Kaani ími wiribaranikaokakureko, gini u du ti ni? 27Oni yé, ani bági ko fu aYisamaere, ka ani túmba nga berani kuti ko ya, bambiko wiribarani nga ko, nga kina pasiorani.” Awiribako ki gi sangbako. 28AMidiano ki nisusi nangia ababagiahe. Awiribako ki gbe Yosefa due yo ki kusi ko, ki bagi Yosefa fu aYisamaere tipa sekere feda 20. I ki ndu na Yosefa ku Ezipeta yo.
29Ho Rubena akaraga tiko ni ku pati due yo, ka ko abi nga Yosefa due yo ya, ko ki sipi gako aroko asipa. 30Ko ki karaga tiko koyo du awiribako ni, ki ya, “Gude due yo te; na mi tigimi, mi amánga waĩ?” 31I ki di ga Yosefa roko ki imi bameme, ki mogodi roko ku rogo kureru yo. 32I ki kedi gbanga roko, i ndu na ni fu bayo, ki ya, “Gere bi ani he; mo íni he si ngia ga wiro roko du, watadu si te.” 33Yakoba ki ini he, ki ya, “Ga wire roko du; kere nya riti ko; Yosefa ni sipisipi ko ni rengo.” 34Yakoba ki sipi gako roko asipa ki nivo kina mbuzaroko dimoko, ki nikpari tipa wiriko tipa dungu arame. 35Agu awiriko nangia akumba dunduko na agu yo nangia ade i ki mo ka ngarãsa ko; ono ko aka pa ngarãsa ko. Ko ki ya, “Oõ, mi andú ku murã yo na kina kpe wire.” Bako ki nikpari tipa ko ni aume. 36AMidiano ki bagi Yosefa ku Ezipeta yo fu Potifaro nangia ga Faro barumbatayo nangia barutiri ababandarago.
Iliyochaguliwa sasa
Bambata Pai 37: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
Bambata Pai 37
37
Pa Yosefa na awiribako
1Yakoba ki niraki rogo gu ringara bako ananunga ku rogo ho, nga ringara Kanana. 2Gere nga pai tipa angbatunga Yakoba.
Ho garã Yosefa adu ni 17, ko anariga akandoro wa sa na awiribako; ko ki du ni paranga na awiri Bira, na awiri Zirepa nangia adia bako. Yosefa ki ye na pa gayo gbigbita apai fu bayo. 3Were Yisaraere anakpi nyemu Yosefa ki susi kura awiriko dunduko, bambiko ko adu ni gako wiri gbinza; ko ki mbakadi gbanga roko fu ko na dungu azehe ti ni. 4Awiribako ki bi he ya bayo nakpi nyemu ko ki susi awiribako dunduko, i ki nisogo ko asoga, ka i afura nga na ko zezeredi ya.
5Yosefa ki rari musumo, ko ki gumba paha fu awiribako, i ki nisogo ko asoga ki susi gu naadu mbata. 6Ko ki ya fu yo, “Mi nazungadi roni, oni gí pa gu musumo mi nirari: 7oni ngére, ani avodi vodivodi zende ahe ati yo, were gi vodivodi zende ahe ki guari sande ki ru ku ari; oni ngére, gaoni vodivodi zende ahe ki ye ki ru pati gimi kirikiri ki tumusa fu gi vodivodi zende ahe.” 8Awiribako ki ya fu ko, “Boro mo nikazoga rani ni rengo? Boro mo nikakindo ku ri rani ni rengo?” I ki nisogo ko asoga ki susi gu naadu mbata tipa gako musumo, na mbiko gako afugo a. 9Ko ki rari kura musumo berewe, ki gumba paha fu awiribako, ki ya, “Oni ngére, mi nirari musumo berewe; oni ngére, auru na diwi na akerekuru 11 ki tumusa fere.” 10Ko ki gumba ha fu bako, na fu awiribako, bako ki za ko ti ni, ki ya fu ko, “Gini musumo nga gi rari mo re? Boro ani na namo na awiribamo nikaye ka tumusa ku sande foro ni rengo?” 11Awiribako ki nikpi ko akpi, ono bako ki ka kuti gu pai re ku rogo gako berã.
Pa baga yo Yosefa ku Ezipeta yo
12Awiribako ki ndu ka riga ga bayo rimbasa akandoro Sekeme yo. 13Yisaraere ki ya fu Yosefa, “A nga awiribamo nariga rimbasa akandoro Sekeme yo te? Mo yé, mi kédi ro koyo du yo ni.” Ko ki ya fu ko, “Mi du re.” 14Ko ki ya fu ko, “Mo ndú awere ki bi nga, si ngia awiribamo zezeredi, na rimbasa akandoro a; mo ki yega na pai tipa yo fere berewe.” Si du ko akedi ko ti ni rogo gu ngboongboorago nga Eburone, ko ki da ku Sekeme yo. 15Kumba sa ki bi Yosefa ko ningbuo angbuo rogo ringara. Gu kumba re ki sana ko, ki ya. “Gine mo agbata?” 16Ko ki ya, “Mi nagbata awiribuba. Mi nazungadi ro, mo gúmba nga ha fere, wari i ariga rimbasa akandoro ni?” 17Gu kumba re ki ya fu ko, “I aguari erẽ, bambiko mi agi he i niya, ‘Ani ndú ku Dotana yo.’ ” Yosefa ki ndu fuo awiribako, ki bi yo Dotana yo. 18I ki bi ko tuturũ mbata ko nikambeda koyo du yo ni, i ki ta bura ko ka imo ko. 19I ki ya dagba yo. “Oni ngére, gi bararimusumo re naye. 20Oni yé nga, ani ími ko ki ba ko ku rogo gu due sa. Ani ayá, kere nya riti ko, ani ki bi nga gu pai nikaye be gako musumo.” 21Ho Rubena agi he ni, ko ki batasi ko be yo, ki ya, “Ka oni ími nga ko ya.” 22Rubena ki ya fu yo, “Ka oni úka nga kureko ya; ono oni bá ko ku rogo gi due re du ngbakungba no, ono ka oni túmba nga beroni kuti ko ya” ― bambiko ko akpi nyemu ka batasa ko be yo, ka karaga ko fu bako. 23Si ki ta du wa gere, ho Yosefa aye ni koyo du awiribako ni, i ki uru gako roko ti ko, nga gu gbanga roko nadu ti ko na dungu azehe ti ni. 24I ki di ko, ki ba ko ku due yo. Due adu ni ugu he, ka ime adu nga rogo ho yo ya.
25I ki sungu ka ri riahe; i ki tuka bangiriyo ki ya ngere, rimbasa nungunungu aYisamaere naye Girada yo, na gayo akameri natindi gayo wene fuõngua na tome ngua nga ngua kaza na mure, i atindi he ka ndu ku Ezipeta yo. 26Yuda ki ya fu awiribako. “Kaani ími wiribaranikaokakureko, gini u du ti ni? 27Oni yé, ani bági ko fu aYisamaere, ka ani túmba nga berani kuti ko ya, bambiko wiribarani nga ko, nga kina pasiorani.” Awiribako ki gi sangbako. 28AMidiano ki nisusi nangia ababagiahe. Awiribako ki gbe Yosefa due yo ki kusi ko, ki bagi Yosefa fu aYisamaere tipa sekere feda 20. I ki ndu na Yosefa ku Ezipeta yo.
29Ho Rubena akaraga tiko ni ku pati due yo, ka ko abi nga Yosefa due yo ya, ko ki sipi gako aroko asipa. 30Ko ki karaga tiko koyo du awiribako ni, ki ya, “Gude due yo te; na mi tigimi, mi amánga waĩ?” 31I ki di ga Yosefa roko ki imi bameme, ki mogodi roko ku rogo kureru yo. 32I ki kedi gbanga roko, i ndu na ni fu bayo, ki ya, “Gere bi ani he; mo íni he si ngia ga wiro roko du, watadu si te.” 33Yakoba ki ini he, ki ya, “Ga wire roko du; kere nya riti ko; Yosefa ni sipisipi ko ni rengo.” 34Yakoba ki sipi gako roko asipa ki nivo kina mbuzaroko dimoko, ki nikpari tipa wiriko tipa dungu arame. 35Agu awiriko nangia akumba dunduko na agu yo nangia ade i ki mo ka ngarãsa ko; ono ko aka pa ngarãsa ko. Ko ki ya, “Oõ, mi andú ku murã yo na kina kpe wire.” Bako ki nikpari tipa ko ni aume. 36AMidiano ki bagi Yosefa ku Ezipeta yo fu Potifaro nangia ga Faro barumbatayo nangia barutiri ababandarago.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.