Amokedi 2
2
Ziazia Toro aye
1Ho rago Pendekote ada ni i nadungura tiyo kina ku rogo gu ba sa. 2I ki ya gi woro si niwo awo ari yo wa ka kina bakere yuge aya ari yo, si ki du adu vuru gu bambu yo dunduko i asungu ni. 3I ki bi mirãhe si nikparaka wa kina mirã we; si ki du adu riyo dunduko. 4I ki hiki ahika be Ziazia Toro dunduko, i ki tona fura ni kura ngbatunga afugo, wa Toro afu he fu yo i nigumba ha.
5Were, aYudo nanidu Yerusarema yo, nangia ruru aboro i aye dagba rika aboro dunduko zegino. 6Ho i agi gi woro ni re, rimbasa ki dungura tiyo, ngbayo ki zere azera bambiko aboro agi payo dunduko i nifura rogo payo yo. 7Si ki niiriwo airiwo ti yo i ki niberẽ kina ha, niya, “Oni ngére, a nga aGarirayo du nafura dunduko te re? 8Wiri ani pa gia ha wãi, ani na kina parani dunduko i avungu rani kuti ni? 9Nga aPurutio na aMadaio a aEramo, na agu yo nidu Mesopotamia yo na Yuda yo, a Kapadokia yo, a Pondo yo a Asia yo, 10a Purugia yo a Pamburia yo, a Ezipeta yo na agu arago du Ribue yo mbedi ambeda ku Kurene yo, na gu kungba aboro ninaima ku Roma yo, aYudo na agu aboro idi ga aYudo yugopai, 11aKureto a aArabo, ani nagia payo i nigumba agu apai du na tandu nga ga Mbori parani yo.” 12Si ki iriwo airiwo ti yo dunduko i ki nibaki bangiriyo abaka ki ya dagba yo, “Gini pai nga gere?” 13Agu yo ki ya ni wia, “I hiki be vovo imekakue.”
Petero atungusi pai
14Petero ki ru ku ari na agu yo nanidu bawe na sa, ki poi ku ari ki ya fu yo, “Aboro Yuda, na agu roni dunduko ninaima ku Yerusarema yo, oni ini gere ki ye turoni sa gimi apai. 15Agi yo akpi nga imekakue re wa oni aberã ha te; oni bi nga saa ribua gbua nga ga wiso du; 16ono gi pai re nga gu i agumba ku ngba gu nebi nga Yoere; ya,
17‘Ya Mbori, Si adá ada ti yangara rame,
mi aúka Torore ku ri aboro dunduko,
awironi nga akumba na agu awironi nga ade, i agúmba pai,
gaoni aparanga abí yuguyugupai,
gaoni gbinza aboro ki nirari amusumo;
18ii, ni gu rago re mi aúka Torore ku ri gimi akanga nga akumba
na ku ri agu akanga nga ade, i nigumba pai.
19Mi ki yugu iiriwo apai ngbangbaturũ yo ari yo,
na agu apai i aina pai ti ni zegino;
kure na we na ngime;
20i ki sa uru ku bitimo yo,
ki sa diwi ku kure yo,
mbata gu rago nikada nga ga Gbia,
nga gu bakere iiriwo rago re.
21Si adú adu, gu ni ka kpara ti rimo Gbia ni bati abata.’
22“Aboro aYisaraere oni gí agi apai re: Yesu nga boro Nazareta, nga gu kumba Mbori anayugo ngba na ko fu roni ti agu apai du na tandu na iiriwo apai na agu apai i aina pai ti ni, Mbori anamanga ha rogo ko yo ku dagba roni, wa ini oni he ni tironi a. 23Ko, Mbori aringbisi zia ko fu roni wa ko aima ina ha mbata, oni awagi ko ki imi ko vurube agu aboro yo aru nga ya. 24Ko Mbori azingisi ko, ki zaki kpio ti ko; bambiko si adu nga wa ka kpio di be ko te. 25Bambiko ya Dawidi tipa ko,
‘Mi anabi Gbia barangba re dedede,
bambiko ko du ku kumbabere, ya ka mi wo nga ya;
26si du kpotore yo angí ti ni, mirãre ki du pusiapusia;
borore aráka na maabangirise.
27Bambiko mo ambu nga mbisimore Adisi yo te,
mo afu nga ga Ziazia Ko ko bi zirã a te.
28Mo ayugu gene unga fere;
mo ambíisa re ni ngbarago yo du mo ni.’
29“Awirinami, mi gumba pa gu titarani fu roni nga Dawidi zukazuka, ya ko akpi i ki kpisidi ko, murãko du na ani a wa du rago re. 30Bambiko ko adu ni nebi, ki ini ya Mbori zunga he fu ko ya ko amaa boro auru gako mbata bakindo dagba atitako. 31Ko aima bi gere ki gumba pa gu zingabekpio nga ga Kristo, ya i ambú nga ko ku Adisi yo te, boroko abí nga zirã a te. 32Gi Yesu re Mbori azingisi ko, ani nga adezire gere dunduko. 33Kumbabe Mbori amoi irisa riko, Bako ki kido ko tipa Ziazia Toro, si ki ta du wa gere ko ki uka gi pai oni ata bi re nigi he. 34Bambiko Dawidi andu nga ku angbangbaturũ yo te; ono ko aya ni tiko, ya
‘Gbia aya fu gi Gbia, Mo sungu ku kumbabere,
35daho mi ka maa avuraro ni ku tii
nduro yo wa gbada.’
36Aboro aYisaraere ini ti ni ni rengo ya Mbori amangi ko ni Gbia, ni Kristo, nga gi Yesu oni awagi ko re.”
Aboro 3,000 aidi pa Yesu
37Were ho i agi gi ni re, ngbaduyo ki nikua akua, i ki ya fu Petero na kura amokedi, “Awirinarani, ani amánga wãi?” 38Petero ki ya fu yo, “Oni sá gaoni berã i ki bapatizi roni dunduko ti rimo Yesu Kristo i di gaoni ingaapai ti roni; oni ki di gu ũgume nga Ziazia Toro. 39Bambiko oni i akido roni, na awironi, na agu yo dunduko du adu tuturu nga agu yo dunduko Gbia ka yamba yo koyo du ko ni nga gaani Mbori.” 40Kura dungu apai ko ayugu he na ni, ki ta ruga yo niya, “Oni bátasi tironi ti gi iraira rika aboro re.” 41Agu yo naka kuti gako pai i ki bapatizi yo; ni gu rago re i ki gedi agu yo na yo i ki du wa ka i du 3,000. 42I ki nye anye rogo ga amokedi yugopai yo na gayo ngbanya nyanyaki nikuadi kpokuta nikpakpari kpe.
Sino aidinase
43Gunde ki zi aboro azia dũ; amokedi ki nimangi dungu iiriwo apai na agu apai i aina apai ti ni. 44Agu yo dunduko naidi pai i ki du adu sa, gayo ahe ki du adu sa dunduko. 45I ki babagi gayo akporo na gayo ahe, i ki kparaka ha fu aboro dunduko, a wa zingo ho amanga yo. 46I ki nidu adu kina ku bani yekaru yo nikuadi kpokuta kpuyo yo i ki niri gayo riahe na kina ngbarago na ruru ngbaduyo na uru, 47nitambua Mbori, aboro ki ningba angba na yo dunduko. Gbia ki nifu agu aboro nanabata ku dagba yo yo na uru.
Iliyochaguliwa sasa
Amokedi 2: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
Amokedi 2
2
Ziazia Toro aye
1Ho rago Pendekote ada ni i nadungura tiyo kina ku rogo gu ba sa. 2I ki ya gi woro si niwo awo ari yo wa ka kina bakere yuge aya ari yo, si ki du adu vuru gu bambu yo dunduko i asungu ni. 3I ki bi mirãhe si nikparaka wa kina mirã we; si ki du adu riyo dunduko. 4I ki hiki ahika be Ziazia Toro dunduko, i ki tona fura ni kura ngbatunga afugo, wa Toro afu he fu yo i nigumba ha.
5Were, aYudo nanidu Yerusarema yo, nangia ruru aboro i aye dagba rika aboro dunduko zegino. 6Ho i agi gi woro ni re, rimbasa ki dungura tiyo, ngbayo ki zere azera bambiko aboro agi payo dunduko i nifura rogo payo yo. 7Si ki niiriwo airiwo ti yo i ki niberẽ kina ha, niya, “Oni ngére, a nga aGarirayo du nafura dunduko te re? 8Wiri ani pa gia ha wãi, ani na kina parani dunduko i avungu rani kuti ni? 9Nga aPurutio na aMadaio a aEramo, na agu yo nidu Mesopotamia yo na Yuda yo, a Kapadokia yo, a Pondo yo a Asia yo, 10a Purugia yo a Pamburia yo, a Ezipeta yo na agu arago du Ribue yo mbedi ambeda ku Kurene yo, na gu kungba aboro ninaima ku Roma yo, aYudo na agu aboro idi ga aYudo yugopai, 11aKureto a aArabo, ani nagia payo i nigumba agu apai du na tandu nga ga Mbori parani yo.” 12Si ki iriwo airiwo ti yo dunduko i ki nibaki bangiriyo abaka ki ya dagba yo, “Gini pai nga gere?” 13Agu yo ki ya ni wia, “I hiki be vovo imekakue.”
Petero atungusi pai
14Petero ki ru ku ari na agu yo nanidu bawe na sa, ki poi ku ari ki ya fu yo, “Aboro Yuda, na agu roni dunduko ninaima ku Yerusarema yo, oni ini gere ki ye turoni sa gimi apai. 15Agi yo akpi nga imekakue re wa oni aberã ha te; oni bi nga saa ribua gbua nga ga wiso du; 16ono gi pai re nga gu i agumba ku ngba gu nebi nga Yoere; ya,
17‘Ya Mbori, Si adá ada ti yangara rame,
mi aúka Torore ku ri aboro dunduko,
awironi nga akumba na agu awironi nga ade, i agúmba pai,
gaoni aparanga abí yuguyugupai,
gaoni gbinza aboro ki nirari amusumo;
18ii, ni gu rago re mi aúka Torore ku ri gimi akanga nga akumba
na ku ri agu akanga nga ade, i nigumba pai.
19Mi ki yugu iiriwo apai ngbangbaturũ yo ari yo,
na agu apai i aina pai ti ni zegino;
kure na we na ngime;
20i ki sa uru ku bitimo yo,
ki sa diwi ku kure yo,
mbata gu rago nikada nga ga Gbia,
nga gu bakere iiriwo rago re.
21Si adú adu, gu ni ka kpara ti rimo Gbia ni bati abata.’
22“Aboro aYisaraere oni gí agi apai re: Yesu nga boro Nazareta, nga gu kumba Mbori anayugo ngba na ko fu roni ti agu apai du na tandu na iiriwo apai na agu apai i aina pai ti ni, Mbori anamanga ha rogo ko yo ku dagba roni, wa ini oni he ni tironi a. 23Ko, Mbori aringbisi zia ko fu roni wa ko aima ina ha mbata, oni awagi ko ki imi ko vurube agu aboro yo aru nga ya. 24Ko Mbori azingisi ko, ki zaki kpio ti ko; bambiko si adu nga wa ka kpio di be ko te. 25Bambiko ya Dawidi tipa ko,
‘Mi anabi Gbia barangba re dedede,
bambiko ko du ku kumbabere, ya ka mi wo nga ya;
26si du kpotore yo angí ti ni, mirãre ki du pusiapusia;
borore aráka na maabangirise.
27Bambiko mo ambu nga mbisimore Adisi yo te,
mo afu nga ga Ziazia Ko ko bi zirã a te.
28Mo ayugu gene unga fere;
mo ambíisa re ni ngbarago yo du mo ni.’
29“Awirinami, mi gumba pa gu titarani fu roni nga Dawidi zukazuka, ya ko akpi i ki kpisidi ko, murãko du na ani a wa du rago re. 30Bambiko ko adu ni nebi, ki ini ya Mbori zunga he fu ko ya ko amaa boro auru gako mbata bakindo dagba atitako. 31Ko aima bi gere ki gumba pa gu zingabekpio nga ga Kristo, ya i ambú nga ko ku Adisi yo te, boroko abí nga zirã a te. 32Gi Yesu re Mbori azingisi ko, ani nga adezire gere dunduko. 33Kumbabe Mbori amoi irisa riko, Bako ki kido ko tipa Ziazia Toro, si ki ta du wa gere ko ki uka gi pai oni ata bi re nigi he. 34Bambiko Dawidi andu nga ku angbangbaturũ yo te; ono ko aya ni tiko, ya
‘Gbia aya fu gi Gbia, Mo sungu ku kumbabere,
35daho mi ka maa avuraro ni ku tii
nduro yo wa gbada.’
36Aboro aYisaraere ini ti ni ni rengo ya Mbori amangi ko ni Gbia, ni Kristo, nga gi Yesu oni awagi ko re.”
Aboro 3,000 aidi pa Yesu
37Were ho i agi gi ni re, ngbaduyo ki nikua akua, i ki ya fu Petero na kura amokedi, “Awirinarani, ani amánga wãi?” 38Petero ki ya fu yo, “Oni sá gaoni berã i ki bapatizi roni dunduko ti rimo Yesu Kristo i di gaoni ingaapai ti roni; oni ki di gu ũgume nga Ziazia Toro. 39Bambiko oni i akido roni, na awironi, na agu yo dunduko du adu tuturu nga agu yo dunduko Gbia ka yamba yo koyo du ko ni nga gaani Mbori.” 40Kura dungu apai ko ayugu he na ni, ki ta ruga yo niya, “Oni bátasi tironi ti gi iraira rika aboro re.” 41Agu yo naka kuti gako pai i ki bapatizi yo; ni gu rago re i ki gedi agu yo na yo i ki du wa ka i du 3,000. 42I ki nye anye rogo ga amokedi yugopai yo na gayo ngbanya nyanyaki nikuadi kpokuta nikpakpari kpe.
Sino aidinase
43Gunde ki zi aboro azia dũ; amokedi ki nimangi dungu iiriwo apai na agu apai i aina apai ti ni. 44Agu yo dunduko naidi pai i ki du adu sa, gayo ahe ki du adu sa dunduko. 45I ki babagi gayo akporo na gayo ahe, i ki kparaka ha fu aboro dunduko, a wa zingo ho amanga yo. 46I ki nidu adu kina ku bani yekaru yo nikuadi kpokuta kpuyo yo i ki niri gayo riahe na kina ngbarago na ruru ngbaduyo na uru, 47nitambua Mbori, aboro ki ningba angba na yo dunduko. Gbia ki nifu agu aboro nanabata ku dagba yo yo na uru.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.