Amokedi 19
19
Pauro Efesa yo
1Si ki ta du wa gere, ho Aporo adu ni Korinda yo, Pauro ki ye ku Efesa yo ko akuru rogo gu ringara nadu ku ngbi yo, ko ki bi agu abawiriki. 2Pauro ki ya fu yo, “Oni adi Ziazia Toro ho oni aidi pai ni?” I ki ya fu ko, “Oó, ani agia nga pa Ziazia Toro ya i afu ko a te.” 3Ko ki ya, “I abapatizi roni ku rogo gine tie?” I ki ya, “Ku rogo ga Yoane bapatiza.” 4Pauro ki ya, “Yoane abapatizi ni gu bapatiza nga ga saberã, niya fu aboro i idi pa gu ko nikaye fuo ko, nga Yesu.” 5Ho i agi gi pai ni re, i ki bapatizi yo ku rogo rimo Gbia Yesu. 6Ho Pauro amoi beko ri yo ni, Ziazia Toro ki ye ku ri yo; i ki nipoi apaa ni ngbatunga afugo, ki nigumba pai. 7I ki du dunduko wa ka akumba adu bawe na ue.
8Pauro ki rimi ku bambutiria yo, ki nipoi apaa zukazuka tipa diwi biata ki ta saka pai nizungadi aboro ti agu apai nga ga ga Mbori ngbi. 9Ho agu yo anyaki ni ki ta keretu nigumba gbegberẽpai tipa gu Gene barangba rimbasa, ko ki guari pati yo, ki kparaka abawiriki ki nisaki pai na uru ti gu bambu yugopai yo nga ga Turano. 10Si ki du wo kindi tipa garã ue; agu yo nadu Asia yo i ki nigi pa ga Gbia pai dunduko, aYudo na aGiriki a.
Awiri Sekewa
11Mbori ki nimangi agu apai akia du na tandu ku be Pauro, 12aboro arogo atambara ti kpotoko na roko sunge fu aboro kaza, akaza ki go ago ti yo, gbigbita atoro ki kuru akura. 13Ono agu yo dagba yarayara aYudo a, nangia airadandaatoro i adi pa yamba rimo Gbia Yesu ku ri agu aboro nadu na gbigbita atoro ni sa yo, niya, “Mi zungadi roni mbiko Yesu gu ko Pauro natungusa pa ko.” 14Awiri Sekewa nangia Yudo, nangia bairamotumo, i adu saba i ki mangi gere. 15Gbigbita toro ki karaga ha ki ya fu yo. “Mi im Yesu, mi ini Pauro a; ono oni nga da?” 16Gu boro gbigbita toro adu rogo ni yo ki gu agu ku auru yo, ki di be yo ki ta yo ata, wa i aoro tii gu bambu yo re ni kundiriyo nihoko ahoka. 17Agu yo nadu Efesa yo i ki ye ka ina gere dunduko, aYudo na aGiriki; gunde ki zi yo azia dunduko, rimo Gbia Yesu ki du ni taasitaasi he. 18Agu yo naidi pai a i ki ye ni dungu yo, ki ta kusa gayo apai nigumba pa agu apai i amangi. 19Agu yo ni umba yo te nanasoroka i ki dungura gayo akitabu, ki zo ho azo ku bangiri aboro dũ; i ki gedi marãha, ki bi he ya si du wa marã feda 50,000. 20Ga Gbia pai ki kia akia were ki susi,
Gbarakagbaraka pai Efesa yo
21Were fuo diga agi pai re, Pauro ki berẽ he kpotoko yo ya, fuo ko ka susa rogo Makedonia yo ni na Akaya yo, ko ki ndu ku Yerusarema yo, niya, “Fuo da mi yo, mi andú ka bi Roma a.” 22Fuo keda ko agu yo anamanga pa ko ue ku Makedonia yo, nga aTimoteo na Eraseto, ko ki nye Asia yo tigako ngbutuko.
23Ni kina gu rago re gbarakagbaraka pai ki ye ni bakere he tipa Gene. 24Bambiko kumba adu sa rimoko angia Demeturio, nangia pangu ta feda nanamanga akpia Diana ni feda, ko afu bakere ũkumuko fu aboro sunge; 25ko ki dungura yo na agu aboro nanamanga ngbatunga sunge wa gure, ki ya fu yo, “Aboro, oni ini ya ani nakumuko be gi sunge re. 26Oni ki bi he ki gi pa ha ya, gi Pauro re azungadi aboro ki nisa yo ni dungu yo, na rogo kina Efesa yo te, si mbedi ka du wo rogo Asia yo dunduko niya, agu ahe i namanga ni be si nga mbori te. 27Si ki du wa i apayasi nga gi gaani sunge gbua te re; ono gu yekaru nga ga gu bakere dembori nga Diana a si nikadu gbua, si ki du wa i nikaroga gari taarimo ti ri, nga gu ri aboro Asia na aboro zegino dunduko nairisa ri.”
28Ho i agi gi pai ni re i ki nigberẽ agberã be zinga, ki nipoi ku ari, niya, “Bahe nga ga aEfeso Diana!” 29I ki hisi bakporo ni gbarakagbaraka pai; i ki mongo oro ku batiria yo dunduko, i naima zia aGayo na Arisitaruko nangia aboro Makedonia, i adu ni ga Pauro abadiata. 30Ho Pauro aberẽ pa rima koyo du aboro ni ka abawiriki aida nga ha fu ko ya. 31Agu yo dagba abazogo Asia yo nangia abadiangbako, i ki kedi sunge koyo du ko ni, ki zungadi ko ka ko da nga ku batiria yo ya. 32Were agu yo ki nipoi ku ari ni pai sa, akura yo ki gumba kura pai akia, bambiko rimbasa amanga gbarakagbaraka; agu yo ni dungu yo ka i aina nga gu pai i atiria mbiko ho ya. 33I ki ye na Aresanduro rimbasa yo, aYudo namoi ko ku barangba rimbasa. Aresanduro ki za yo ni beko, ki nikpi nyemu ka gumba gako pai fu aboro. 34Ono ho i abi ko ni ya Yudo nga ko, i ki nipoi ku ari kina ku bani si ki du wa ka saa adu ue, niya, “Bahe nga ga aEfeso Diana!” 35Ho baringbisi pa bakporo azeresi rimbasa ni, ko ki ya, “Aboro Efesa, gini boro du ho dagba roni yo ni aina nga ya gu bakporo nga ga aEfeso si nabanda gu yekaru nga ga bakere Diana, na gu kpiahe nati Zeu yo ari yo ku sende te? 36Were bambiko ka boro ti nga kangu agi apai te re, oni súngu nga zezeredi, ka oni mángi nga pai ni aura ya. 37Bambiko oni aye na agi akumba kono re adu nga ni abatuka ahe yekaru yo na airagberãngbayo fu gaani dembori a ya. 38Were Demeturio na agu aborosunge nadu na ko, ka ngia i nakpi nyemu ka gumba pai kuti boro, abambu sapangbanga du ni zaza ha, agbia bakporo kina ho, i ndu ku ngbanga yo. 39Ono si ngia kura pai ho oni akia ha, i rugu he ku gbuuroni. 40Bambiko ani du ngba pai i ka kita ngbanga rani tipa gi gbarakagbaraka pai dũ areme re, bambiko ndu pai ho rengbe na ni te, pai ho ka ani gumba kuti gi dungura ani tirani te re.” 41Ho ko agumba ha ni were, ko ki gbandaka rimbasa.
Iliyochaguliwa sasa
Amokedi 19: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
Amokedi 19
19
Pauro Efesa yo
1Si ki ta du wa gere, ho Aporo adu ni Korinda yo, Pauro ki ye ku Efesa yo ko akuru rogo gu ringara nadu ku ngbi yo, ko ki bi agu abawiriki. 2Pauro ki ya fu yo, “Oni adi Ziazia Toro ho oni aidi pai ni?” I ki ya fu ko, “Oó, ani agia nga pa Ziazia Toro ya i afu ko a te.” 3Ko ki ya, “I abapatizi roni ku rogo gine tie?” I ki ya, “Ku rogo ga Yoane bapatiza.” 4Pauro ki ya, “Yoane abapatizi ni gu bapatiza nga ga saberã, niya fu aboro i idi pa gu ko nikaye fuo ko, nga Yesu.” 5Ho i agi gi pai ni re, i ki bapatizi yo ku rogo rimo Gbia Yesu. 6Ho Pauro amoi beko ri yo ni, Ziazia Toro ki ye ku ri yo; i ki nipoi apaa ni ngbatunga afugo, ki nigumba pai. 7I ki du dunduko wa ka akumba adu bawe na ue.
8Pauro ki rimi ku bambutiria yo, ki nipoi apaa zukazuka tipa diwi biata ki ta saka pai nizungadi aboro ti agu apai nga ga ga Mbori ngbi. 9Ho agu yo anyaki ni ki ta keretu nigumba gbegberẽpai tipa gu Gene barangba rimbasa, ko ki guari pati yo, ki kparaka abawiriki ki nisaki pai na uru ti gu bambu yugopai yo nga ga Turano. 10Si ki du wo kindi tipa garã ue; agu yo nadu Asia yo i ki nigi pa ga Gbia pai dunduko, aYudo na aGiriki a.
Awiri Sekewa
11Mbori ki nimangi agu apai akia du na tandu ku be Pauro, 12aboro arogo atambara ti kpotoko na roko sunge fu aboro kaza, akaza ki go ago ti yo, gbigbita atoro ki kuru akura. 13Ono agu yo dagba yarayara aYudo a, nangia airadandaatoro i adi pa yamba rimo Gbia Yesu ku ri agu aboro nadu na gbigbita atoro ni sa yo, niya, “Mi zungadi roni mbiko Yesu gu ko Pauro natungusa pa ko.” 14Awiri Sekewa nangia Yudo, nangia bairamotumo, i adu saba i ki mangi gere. 15Gbigbita toro ki karaga ha ki ya fu yo. “Mi im Yesu, mi ini Pauro a; ono oni nga da?” 16Gu boro gbigbita toro adu rogo ni yo ki gu agu ku auru yo, ki di be yo ki ta yo ata, wa i aoro tii gu bambu yo re ni kundiriyo nihoko ahoka. 17Agu yo nadu Efesa yo i ki ye ka ina gere dunduko, aYudo na aGiriki; gunde ki zi yo azia dunduko, rimo Gbia Yesu ki du ni taasitaasi he. 18Agu yo naidi pai a i ki ye ni dungu yo, ki ta kusa gayo apai nigumba pa agu apai i amangi. 19Agu yo ni umba yo te nanasoroka i ki dungura gayo akitabu, ki zo ho azo ku bangiri aboro dũ; i ki gedi marãha, ki bi he ya si du wa marã feda 50,000. 20Ga Gbia pai ki kia akia were ki susi,
Gbarakagbaraka pai Efesa yo
21Were fuo diga agi pai re, Pauro ki berẽ he kpotoko yo ya, fuo ko ka susa rogo Makedonia yo ni na Akaya yo, ko ki ndu ku Yerusarema yo, niya, “Fuo da mi yo, mi andú ka bi Roma a.” 22Fuo keda ko agu yo anamanga pa ko ue ku Makedonia yo, nga aTimoteo na Eraseto, ko ki nye Asia yo tigako ngbutuko.
23Ni kina gu rago re gbarakagbaraka pai ki ye ni bakere he tipa Gene. 24Bambiko kumba adu sa rimoko angia Demeturio, nangia pangu ta feda nanamanga akpia Diana ni feda, ko afu bakere ũkumuko fu aboro sunge; 25ko ki dungura yo na agu aboro nanamanga ngbatunga sunge wa gure, ki ya fu yo, “Aboro, oni ini ya ani nakumuko be gi sunge re. 26Oni ki bi he ki gi pa ha ya, gi Pauro re azungadi aboro ki nisa yo ni dungu yo, na rogo kina Efesa yo te, si mbedi ka du wo rogo Asia yo dunduko niya, agu ahe i namanga ni be si nga mbori te. 27Si ki du wa i apayasi nga gi gaani sunge gbua te re; ono gu yekaru nga ga gu bakere dembori nga Diana a si nikadu gbua, si ki du wa i nikaroga gari taarimo ti ri, nga gu ri aboro Asia na aboro zegino dunduko nairisa ri.”
28Ho i agi gi pai ni re i ki nigberẽ agberã be zinga, ki nipoi ku ari, niya, “Bahe nga ga aEfeso Diana!” 29I ki hisi bakporo ni gbarakagbaraka pai; i ki mongo oro ku batiria yo dunduko, i naima zia aGayo na Arisitaruko nangia aboro Makedonia, i adu ni ga Pauro abadiata. 30Ho Pauro aberẽ pa rima koyo du aboro ni ka abawiriki aida nga ha fu ko ya. 31Agu yo dagba abazogo Asia yo nangia abadiangbako, i ki kedi sunge koyo du ko ni, ki zungadi ko ka ko da nga ku batiria yo ya. 32Were agu yo ki nipoi ku ari ni pai sa, akura yo ki gumba kura pai akia, bambiko rimbasa amanga gbarakagbaraka; agu yo ni dungu yo ka i aina nga gu pai i atiria mbiko ho ya. 33I ki ye na Aresanduro rimbasa yo, aYudo namoi ko ku barangba rimbasa. Aresanduro ki za yo ni beko, ki nikpi nyemu ka gumba gako pai fu aboro. 34Ono ho i abi ko ni ya Yudo nga ko, i ki nipoi ku ari kina ku bani si ki du wa ka saa adu ue, niya, “Bahe nga ga aEfeso Diana!” 35Ho baringbisi pa bakporo azeresi rimbasa ni, ko ki ya, “Aboro Efesa, gini boro du ho dagba roni yo ni aina nga ya gu bakporo nga ga aEfeso si nabanda gu yekaru nga ga bakere Diana, na gu kpiahe nati Zeu yo ari yo ku sende te? 36Were bambiko ka boro ti nga kangu agi apai te re, oni súngu nga zezeredi, ka oni mángi nga pai ni aura ya. 37Bambiko oni aye na agi akumba kono re adu nga ni abatuka ahe yekaru yo na airagberãngbayo fu gaani dembori a ya. 38Were Demeturio na agu aborosunge nadu na ko, ka ngia i nakpi nyemu ka gumba pai kuti boro, abambu sapangbanga du ni zaza ha, agbia bakporo kina ho, i ndu ku ngbanga yo. 39Ono si ngia kura pai ho oni akia ha, i rugu he ku gbuuroni. 40Bambiko ani du ngba pai i ka kita ngbanga rani tipa gi gbarakagbaraka pai dũ areme re, bambiko ndu pai ho rengbe na ni te, pai ho ka ani gumba kuti gi dungura ani tirani te re.” 41Ho ko agumba ha ni were, ko ki gbandaka rimbasa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.