Ekisodha 33
33
Ngilozi ya Nungungulu yi na thanga mbeli ga vathu
(Mitengo 10:11-13)
1 # Wona gambe: Gen 12:7; 26:3; 28:13. Pfhumu Nungungulu a di embela Mosi, khuye: “Khuga khu wulanga wowu, u hongola gumogo ni vathu u va dusidego khu tigoni ga Egipito. Indrani tigoni nyi tumbisidego gu ninga Abrahama, Isaki ni Jakobe, khu gusambanya, kheni: Nyi na ninga sanana sago. 2Eni nyi na rumela Ngilozi yangu#33:2 Nyi na rumela Ngilozi yangu: Gu thudwa giwonegiso gya Nungungulu a si wonegigo; gikombiso nya gukari gi tiyisago vathu gukhavo khu lisine Nungungulu womo vbakari gwawe. Wona: Eks 23:20-23. yi thanga mbeli gwago, nyi na tutumisa Vakhanani, Vaamori, Vahiti, Vaperezi, Vahevhi ni Vajebhuzi. 3Indra ga litigo lolo li gogago mahwe ni wulombe. Aholu, eni kha nyi na hongola nanu kholu mu vathu nya gubange mihungo, nyi nga beledwa khu monyo nya gu mi mbembise ndzilani.”
4Vathu na va pwide magana yaya nya gugaradze, va di tala khu guswihala, ni moyo wawe kha nga tiyela guambala dziphera ni sombo nya gu dzi mburisele. 5Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.” 6Khavbo avbo, sanana sa Israyeli, gukhugela guduga gwawe khu gigomoni ga Horebhi, va di tshula iso nya gu dzi mburisele khiso.
7Mosi a di gu olovela#33:7 Vambe vari, khavo: “Mosi a di khusa Tshatsha aya wu tsitsa phuvbo, vbavbandze nya lizumbo.” Vambe, khavo: “Gikhati gyatshavbo va na Israeyeli va nga bani va gu ghova, Mosi a di gu olovela gu ya tsitsa Tshatsha nya Tshangano phuvbo, vbavbandze nya lizumbo.” gu tsitsa tshatsha vbavbandze nya lizumbo. A di wu rana khuye Tshatsha nya Tshangano#33:7 Tshatsha nya Tshangano khu wulanga Pfhumu Nungungulu a nga bani na gu manana avbo ni Mosi, ni vathu vaye. Vathu vatshavbo va nga bani va gu vbweta gu wudzisa mahungu ga Pfhumu Nungungulu, va diya Tshatshani nya Tshangano vbavbandze nya lizumbo. 8Gikhati Mosi a hongolago Tshatshani, vathu vatshavbo va di gu khuga va ema, muthu ni muthu vbamwanyatunu nya tshatsha waye, gasi gu mu landrisela khu maho kala Mosi a bela Tshatshani. 9Avbo Mosi a nga bani a gu bela Tshatshani, lipfhi li di tshiga li ta ema khu vbamwanyatunu nya Tshatsha; khavbo avbo, Pfhumu Nungungulu a di gu ganela ni Mosi. 10Vathu vatshavbo, na va gu wona lipfhi vbamwanyatunu nya Tshatsha, va di khuga va ema, va khozela, moyo ni moyo vbamwanyatunu nya tshatsha waye. 11Pfhumu Nungungulu a di gu ganela ni Mosi khovbe ni khovbe gukhwatshi khu muthu a gu bani a gu ganela ni pari yaye. Hwane nya ugo, Mosi a di khuga a gu bwelela lizumboni; aholu Josuwa, mwamana wa Nuni, lidzaha li nga bani li mu phasedzela mithumoni, a di si dugi Tshatshani.
Mosi a ngu lombelela mbeli ga Nungungulu
12Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu. 13Khu guralo, olu, a gu bani ari lisine gukhuwe nyi mane wuhigo mahoni gwago, nyi ngu lomba u nyi embela gikhungo gyago, nyifela gu guti gasi nyi kodza gu gu nengedzisa. Pima gukhuwe vathu vava litigo lago.”
14Nungungulu a di hakha, khuye: “Eni mune furi nyi na thanga mbeli gwago, nyi na gu hefemudza.”
15Mosi a di khuye: “Uwe mune wurumba wa gumba nyi bangaladza, u nga hi gurumedzi gu khuga wulanga wowu. 16Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”
17 Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”
Mosi a ngu lomba gu wona Wudhumo wa Nungungulu
18Mosi a di khuye: “Nyi nonedze gungangamela nya khovbe yago.”
19 # Wona gambe: Rom 9:15. Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.” 20A di engedza gambe, khuye: “Aholu uwe khu dzi kodzi gu wona khovbe yangu, kholu muthu kha dzi kodzi gu nyi wona a wuya a simama guvbanya.”
21 Pfhumu Nungungulu a di ganela gambe, khuye: “Wona, womo wulanga avba vbafuvbi gwangu; u na ema vbatshani nya giwindri. 22Gikhati wudhumo wangu wu vbindrago, nyi na gu bedza phagoni nya giwindri, Eni nyi na gu fenengedza khu mandza yangu, kala nyi gu vbindra. 23Avbo nyi na dusago mandza yangu, uwe u na nyi wona khu madzugatunu. Aholu khovbe yangu kha yi dzi kodzi gu wonwa.”
Iliyochaguliwa sasa
Ekisodha 33: BGE2014
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
A Bíblia em Gitonga © Bible Society in Mozambique, 2014.
Ekisodha 33
33
Ngilozi ya Nungungulu yi na thanga mbeli ga vathu
(Mitengo 10:11-13)
1 # Wona gambe: Gen 12:7; 26:3; 28:13. Pfhumu Nungungulu a di embela Mosi, khuye: “Khuga khu wulanga wowu, u hongola gumogo ni vathu u va dusidego khu tigoni ga Egipito. Indrani tigoni nyi tumbisidego gu ninga Abrahama, Isaki ni Jakobe, khu gusambanya, kheni: Nyi na ninga sanana sago. 2Eni nyi na rumela Ngilozi yangu#33:2 Nyi na rumela Ngilozi yangu: Gu thudwa giwonegiso gya Nungungulu a si wonegigo; gikombiso nya gukari gi tiyisago vathu gukhavo khu lisine Nungungulu womo vbakari gwawe. Wona: Eks 23:20-23. yi thanga mbeli gwago, nyi na tutumisa Vakhanani, Vaamori, Vahiti, Vaperezi, Vahevhi ni Vajebhuzi. 3Indra ga litigo lolo li gogago mahwe ni wulombe. Aholu, eni kha nyi na hongola nanu kholu mu vathu nya gubange mihungo, nyi nga beledwa khu monyo nya gu mi mbembise ndzilani.”
4Vathu na va pwide magana yaya nya gugaradze, va di tala khu guswihala, ni moyo wawe kha nga tiyela guambala dziphera ni sombo nya gu dzi mburisele. 5Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.” 6Khavbo avbo, sanana sa Israyeli, gukhugela guduga gwawe khu gigomoni ga Horebhi, va di tshula iso nya gu dzi mburisele khiso.
7Mosi a di gu olovela#33:7 Vambe vari, khavo: “Mosi a di khusa Tshatsha aya wu tsitsa phuvbo, vbavbandze nya lizumbo.” Vambe, khavo: “Gikhati gyatshavbo va na Israeyeli va nga bani va gu ghova, Mosi a di gu olovela gu ya tsitsa Tshatsha nya Tshangano phuvbo, vbavbandze nya lizumbo.” gu tsitsa tshatsha vbavbandze nya lizumbo. A di wu rana khuye Tshatsha nya Tshangano#33:7 Tshatsha nya Tshangano khu wulanga Pfhumu Nungungulu a nga bani na gu manana avbo ni Mosi, ni vathu vaye. Vathu vatshavbo va nga bani va gu vbweta gu wudzisa mahungu ga Pfhumu Nungungulu, va diya Tshatshani nya Tshangano vbavbandze nya lizumbo. 8Gikhati Mosi a hongolago Tshatshani, vathu vatshavbo va di gu khuga va ema, muthu ni muthu vbamwanyatunu nya tshatsha waye, gasi gu mu landrisela khu maho kala Mosi a bela Tshatshani. 9Avbo Mosi a nga bani a gu bela Tshatshani, lipfhi li di tshiga li ta ema khu vbamwanyatunu nya Tshatsha; khavbo avbo, Pfhumu Nungungulu a di gu ganela ni Mosi. 10Vathu vatshavbo, na va gu wona lipfhi vbamwanyatunu nya Tshatsha, va di khuga va ema, va khozela, moyo ni moyo vbamwanyatunu nya tshatsha waye. 11Pfhumu Nungungulu a di gu ganela ni Mosi khovbe ni khovbe gukhwatshi khu muthu a gu bani a gu ganela ni pari yaye. Hwane nya ugo, Mosi a di khuga a gu bwelela lizumboni; aholu Josuwa, mwamana wa Nuni, lidzaha li nga bani li mu phasedzela mithumoni, a di si dugi Tshatshani.
Mosi a ngu lombelela mbeli ga Nungungulu
12Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu. 13Khu guralo, olu, a gu bani ari lisine gukhuwe nyi mane wuhigo mahoni gwago, nyi ngu lomba u nyi embela gikhungo gyago, nyifela gu guti gasi nyi kodza gu gu nengedzisa. Pima gukhuwe vathu vava litigo lago.”
14Nungungulu a di hakha, khuye: “Eni mune furi nyi na thanga mbeli gwago, nyi na gu hefemudza.”
15Mosi a di khuye: “Uwe mune wurumba wa gumba nyi bangaladza, u nga hi gurumedzi gu khuga wulanga wowu. 16Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”
17 Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”
Mosi a ngu lomba gu wona Wudhumo wa Nungungulu
18Mosi a di khuye: “Nyi nonedze gungangamela nya khovbe yago.”
19 # Wona gambe: Rom 9:15. Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.” 20A di engedza gambe, khuye: “Aholu uwe khu dzi kodzi gu wona khovbe yangu, kholu muthu kha dzi kodzi gu nyi wona a wuya a simama guvbanya.”
21 Pfhumu Nungungulu a di ganela gambe, khuye: “Wona, womo wulanga avba vbafuvbi gwangu; u na ema vbatshani nya giwindri. 22Gikhati wudhumo wangu wu vbindrago, nyi na gu bedza phagoni nya giwindri, Eni nyi na gu fenengedza khu mandza yangu, kala nyi gu vbindra. 23Avbo nyi na dusago mandza yangu, uwe u na nyi wona khu madzugatunu. Aholu khovbe yangu kha yi dzi kodzi gu wonwa.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
A Bíblia em Gitonga © Bible Society in Mozambique, 2014.