VARUMI 16
16
1Nyaanzi kuhaana kumunyi mbozo wiitu Febe, utumikiraa likanisa ha Kengurea. 2Mumuvugiliri mu lieta liu Mwami, kuli gaduukiraa Avakristayo vache, kandi muhaane kuye ovokonyi vwosi vwa yakava niyenya kutura ku munyi; kigira mwene yaveyange mulina wovokonyi ligali ku vandu vanyingi, kandi ku inzi mwene.
3Ndumaa mirembe jange ku Berisila na Akwila, avayinziri vache vange mu vutumiki vwa Kristo Yeso. 4Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri. 5Mirembe jange kandi jiduuki ku likanisa livuganiraa munyumba yaavo.
Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo. 6Mirembe jange jiduuki ku Maria, wamukolera miyinzi minyingi nu vugulu.
7Mirembe jange jiduuki kandi ku Anduroniko na Yunia, aviiko vange Vayuda avaari muvuhambe harara ninzi. Yava vamanyikana ligali ku vatumwa, kandi vaagwa Avakristayo imbiri wange.
8Mirembe jange jiduuki ku Ampiliato, mulina wange muyanze mu Mwami. 9Mirembe jange jiduuki ku Uribanusi, muyinziri wache wiitu mu vutumikiri vwa Kristo kandi Sitaki mulina wange. 10Mirembe jange jiduuki ku Apele wu vusuuvirifu vwivwe mu Kristo vumali kuvugilirwa. Muhaane mirembe jange ku yavo vosi avaveeye munyumba ya Arisitobulo. 11Mirembe ku Herodiani, mwiko wange Muyuda kandi ku vaamitu Vakrisitayo munyumba ya Narikisu.
12Mirembe jange jiduuki ku Turufena na Turufosa avayinziraa mu vutumiki vwu Mwami, harara na Berisi, umulina wange muyanze wakolera Mwami miyinzi minyingi. 13Nduma mirembe jange ku Rufasi, muyinziri mudinyu kandi muduukiru mu vutumiki vwu Mwami, kandi ku mama weve oveeye mama wambugula kuli mwana weve kazozo.
14Mireme jange jiduuki ku Asinukurito, Fulegoni, Herime, Paturoba, Herima, na vaamitu Vakrisitayo vandi vosi vaveeye harara navo. 15Mirembe ku Filologo na Yulia, Nerea na mbozo weve, kandi Olimpa, kandi ku Avakristayo vosi avaveeye harara navo.
16Muchelizane munyi veene naveene ni livuusana liu vutakatifu. Amakanisa goosi aga Kristo gahaani mirembe kumunyi.
Lieganihiza liu kumaliriza
17Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo! 18Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala. 19Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.
20Nyasaye wi mirembe sialalindagilira kusionolanyia Setani isi wi virenge vienyu mba.
Zimbavasi ziu Mwami wiitu Yeso Kristo zive ni munyi.
21Timateo, umuyinziri wachange amuchelizi; kandi Lukia kandi Yasoni na Sosipatero vamiitu vange Vayuda vamuchelizi.
22Inzi Teritiu, umung'odi wi ibarwa yiyi, nduma mirembe jiange ju vukristayo ku munyi.
23Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi.
[ 24Zimbavasi ziu Mwami wiitu Yeso Kristo zive harara ni munyi. Amini.]
Lisaala liu kumaliriza liu kwizominya
25Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita. 26Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.
27Vukumi vove ku Nyasaye oveeye no vogeri yenyine, kuvitira mu Yeso Kristo, mihiga ni mihiga! Amini.
Iliyochaguliwa sasa
VARUMI 16: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019
VARUMI 16
16
1Nyaanzi kuhaana kumunyi mbozo wiitu Febe, utumikiraa likanisa ha Kengurea. 2Mumuvugiliri mu lieta liu Mwami, kuli gaduukiraa Avakristayo vache, kandi muhaane kuye ovokonyi vwosi vwa yakava niyenya kutura ku munyi; kigira mwene yaveyange mulina wovokonyi ligali ku vandu vanyingi, kandi ku inzi mwene.
3Ndumaa mirembe jange ku Berisila na Akwila, avayinziri vache vange mu vutumiki vwa Kristo Yeso. 4Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri. 5Mirembe jange kandi jiduuki ku likanisa livuganiraa munyumba yaavo.
Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo. 6Mirembe jange jiduuki ku Maria, wamukolera miyinzi minyingi nu vugulu.
7Mirembe jange jiduuki kandi ku Anduroniko na Yunia, aviiko vange Vayuda avaari muvuhambe harara ninzi. Yava vamanyikana ligali ku vatumwa, kandi vaagwa Avakristayo imbiri wange.
8Mirembe jange jiduuki ku Ampiliato, mulina wange muyanze mu Mwami. 9Mirembe jange jiduuki ku Uribanusi, muyinziri wache wiitu mu vutumikiri vwa Kristo kandi Sitaki mulina wange. 10Mirembe jange jiduuki ku Apele wu vusuuvirifu vwivwe mu Kristo vumali kuvugilirwa. Muhaane mirembe jange ku yavo vosi avaveeye munyumba ya Arisitobulo. 11Mirembe ku Herodiani, mwiko wange Muyuda kandi ku vaamitu Vakrisitayo munyumba ya Narikisu.
12Mirembe jange jiduuki ku Turufena na Turufosa avayinziraa mu vutumiki vwu Mwami, harara na Berisi, umulina wange muyanze wakolera Mwami miyinzi minyingi. 13Nduma mirembe jange ku Rufasi, muyinziri mudinyu kandi muduukiru mu vutumiki vwu Mwami, kandi ku mama weve oveeye mama wambugula kuli mwana weve kazozo.
14Mireme jange jiduuki ku Asinukurito, Fulegoni, Herime, Paturoba, Herima, na vaamitu Vakrisitayo vandi vosi vaveeye harara navo. 15Mirembe ku Filologo na Yulia, Nerea na mbozo weve, kandi Olimpa, kandi ku Avakristayo vosi avaveeye harara navo.
16Muchelizane munyi veene naveene ni livuusana liu vutakatifu. Amakanisa goosi aga Kristo gahaani mirembe kumunyi.
Lieganihiza liu kumaliriza
17Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo! 18Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala. 19Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.
20Nyasaye wi mirembe sialalindagilira kusionolanyia Setani isi wi virenge vienyu mba.
Zimbavasi ziu Mwami wiitu Yeso Kristo zive ni munyi.
21Timateo, umuyinziri wachange amuchelizi; kandi Lukia kandi Yasoni na Sosipatero vamiitu vange Vayuda vamuchelizi.
22Inzi Teritiu, umung'odi wi ibarwa yiyi, nduma mirembe jiange ju vukristayo ku munyi.
23Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi.
[ 24Zimbavasi ziu Mwami wiitu Yeso Kristo zive harara ni munyi. Amini.]
Lisaala liu kumaliriza liu kwizominya
25Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita. 26Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.
27Vukumi vove ku Nyasaye oveeye no vogeri yenyine, kuvitira mu Yeso Kristo, mihiga ni mihiga! Amini.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019