LITANGA 44
44
Kekombe Chagota
1Maku Josefu yalaga mutumikiri winyumba yeeye, “Wizulizi viukulia vinyingi ligali mu misigo ja vandu yava, kandi uvuguli mabesa ga vuli mundu uviiki ha munwa gu mu musigo gwigwe. 2Uvuguli kekombe change chi ifeza uviviiki mu musigo gwu muyaayi mukogoti harara na mabesa geege gu vuswage.” Mutumikiri oyo yakola kuli Josefu yamuvolera. 3Mugambazuri, vavavolera viirane harara ni zibunda ziavo. 4Lwa vaali ni vakazia logendo lwimbi kutura mu lidaala, Josefu yavolera mutumikiri winyumba yeeye, “Londelera avandu yava. Lwa uvanyoola, uvateeve, ‘Kigira ki mutungi uvudamanu ku vulahi? Kigira ki mwivi kekombe chu mugasa chu munene wange? 5Yiki ni kekombe chu munene wange anweramu, kandi keveeye cha koleramu uvukumu. Mumali kokora vudamanu ligali!’ ”
6Lwu mutumikiri oyo yavanyoola, yavavolera makuva gu munene weve yaali namuvooleye. 7Navuzwa vandu yava vamuvolera, “Mwami wiitu, yaga gaveeye kovora ki lwa ovola makuva kuli yaga? Kunyi kwisuhaa ndi, si kwakora kindu kuli yiki mba. 8Ivi umanyi ndi kunyi kwiranyia mabese ga kwanyoora mu misigo jietu, kutura mukivala cha Kanaani. Kunyi kunyala ndi kwiva ifeza anoho izahabu kutura munyumba yu munene woovo? 9Niiva mulala ku kunyi alanyooleka ne kekombe yiki, gamudukira yiitwi, na vandi vosi kulagwa vatugwa vu munene woovo.”
10Mutumikiri yavoola, “Galava kuli ndio. Nitali oyo onyooleka ne kekombe mu musigo gwigwe, alava mutugwa wu munene wange, na vandi vosi mulava avavoholore.” 11Kunangwa vakora vwangu ni viikiza misigo jaavo kutura ku zibunda ziavo. Vuli mundu ya voholora musigo gwigwe. 12Mutumikiri wa Josefu yenyeleriza mu misigo josi, yatangila nu musigo gwu mukulundu na malirizila mu musigo gwu mukekeeke. Kekombe chanyooleka mu musigo gwa Benjamini. 13Maku vamwavo veve vatandula zinguvu ziavo mu vovereri, nivilanyia misigo jaavo ku zibunda, ma nivirana mu lidaala linene.
14Lwa Yuda harara na vamwavo veve vaduuka munyumba ya Josefu, mwene yaali nakikiri mu. Vazia nivasigama imbiri weve. 15Josefu yavoola, “Kindiki cha mumali kokora yiki? Si mumanyi ku mundu kuli inzi nyara kokora vusigitiri ma manye cha mukoli?”
16Yuda yavoola, “Kunyi kunyala kokovoolera kindiki? Kunyala kovora ki? Kunyala ndi kutura mu yaga? Nyasaye umali kulang'aminya uvudamanu vwitu. Kalunu kunyi kwosi koveeye avatugwa vovo harara nu wekekombe kenyooleki mu musigo gwigwe.”
17Josefu yavoola, “Inzi si nyara kokora ndio mba! Oyo we kekombe kenyooleki mu musigo gwigwe niyie uva mutugwa wange. Navuzwa vandi vosi munyala kwirana ku baba winyu ni mirembe.”
Yuda Yagoonya Josefu Amuhe Benjamini
18Yuda yazia ku Josefu namuvolera, “Mwaza, yaanza umbugiliri molome na ivi, utava nu vutima na inzi mba. Ivi oveeye kuli mwami mwene. 19Ivi wakoteeva ndi, ‘Munyi muveeye na baba anoho amwavo winyu wundi?’ 20Kunyi kwativula, ‘Koveeye na baba oveeye musakulu ligali harara na amwavo wiitu mukogoti, wa baba wiitu yivula naveeye musakulu. Amwavo weve wundi yakuza, niyie yeng'ine oveeye mwoyo ku vana va mama weve. Baba weve yamuyanza ligali.’ 21Ivi wakovolera kumulete hano kunangwa uduuki kumulora, 22navuzwa kwakovoolera ndi muyaayi oyo sianyala koleka baba weve mba. Niiva alamuleka, baba weve alakuza. 23Maku wavoola, ‘Munyi si mulavugilirwa kwingira munyumba yange nimutaveeye nu muyaayi winyu mukogoti mba.’
24“Lwa kwirana ku baba wiitu, kwamuvolera makuva ga wavoola. 25Maku baba wiitu yakovolera kwirane kuguli viukulia vikekeke. 26Navuzwa kwa volera baba wiitu ndi, ‘Kunyi si kunyala kuzia mba. Si kunyala kuvugilirwa kwingira munyumba yu mundu oyo nikutaveeye nu muyaayi wiitu mukogoti mba. Kunyi kunyala kuzia niiva muyaayi wiitu mukogoti alazia ni kunyi.’ 27Maku baba wiitu yakovolera, ‘Munyi mumanyi vulahi ndi mukali wange Raheli yanzivulaa avayaayi vaviri vuzwa. 28Mulala kuvo yatura ku inzi. Hawundi zinyama ziu muvulimu zia mutandulanyia mu vidonye. Inzi si ndamulolaku kutura natura ku inzi mba. 29Niiva mulavugula uyu kutura ku inzi kandi, ma uvudinyu vumunyoole, ovovereri vwa munyala kuva nimuleti ku inzi mu vusakulu vwange, vulanzita.’ ”
30Yuda yaazizagilira kovora, “Kalunu niiva amwavo wiitu si alazia ni kunyi lwa kwirana ku baba wiitu, kandi niiva baba wiitu wu vulamu vwivwe voveeye harara livamwoyo liu muyaayi uyu, 31alolaa ndi muyaayi weve siaveeye ni kunyi mba, alakuza. Ovovereri vwa koleta kuye mu vusakulu vwivwe vulamulomba akuzi. 32Inzi ndekola kihambiliru ku baba wange kigira muyaayi uyu. Ndamuvolera ndi, niiva si ndilanyia muyaayi uyu kuye mba, alandula mu livamwoyo liange liosi. 33Kalunu ngogonya nuyanza oleke muyaayi wiitu mukogoti yirani na vamwavo vange vandi; na inzi ndatigara hano menye kuli mutugwa woovo havogono hu muyaayi wiitu mukogoti. 34Inzi nyara ndi kwirana ku baba wange muyaayi wiitu nataveeye na inzi? Mbeeye nuvuti kolola kivi kimanyaa kiduuki ku baba wange.”
Iliyochaguliwa sasa
LITANGA 44: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019
LITANGA 44
44
Kekombe Chagota
1Maku Josefu yalaga mutumikiri winyumba yeeye, “Wizulizi viukulia vinyingi ligali mu misigo ja vandu yava, kandi uvuguli mabesa ga vuli mundu uviiki ha munwa gu mu musigo gwigwe. 2Uvuguli kekombe change chi ifeza uviviiki mu musigo gwu muyaayi mukogoti harara na mabesa geege gu vuswage.” Mutumikiri oyo yakola kuli Josefu yamuvolera. 3Mugambazuri, vavavolera viirane harara ni zibunda ziavo. 4Lwa vaali ni vakazia logendo lwimbi kutura mu lidaala, Josefu yavolera mutumikiri winyumba yeeye, “Londelera avandu yava. Lwa uvanyoola, uvateeve, ‘Kigira ki mutungi uvudamanu ku vulahi? Kigira ki mwivi kekombe chu mugasa chu munene wange? 5Yiki ni kekombe chu munene wange anweramu, kandi keveeye cha koleramu uvukumu. Mumali kokora vudamanu ligali!’ ”
6Lwu mutumikiri oyo yavanyoola, yavavolera makuva gu munene weve yaali namuvooleye. 7Navuzwa vandu yava vamuvolera, “Mwami wiitu, yaga gaveeye kovora ki lwa ovola makuva kuli yaga? Kunyi kwisuhaa ndi, si kwakora kindu kuli yiki mba. 8Ivi umanyi ndi kunyi kwiranyia mabese ga kwanyoora mu misigo jietu, kutura mukivala cha Kanaani. Kunyi kunyala ndi kwiva ifeza anoho izahabu kutura munyumba yu munene woovo? 9Niiva mulala ku kunyi alanyooleka ne kekombe yiki, gamudukira yiitwi, na vandi vosi kulagwa vatugwa vu munene woovo.”
10Mutumikiri yavoola, “Galava kuli ndio. Nitali oyo onyooleka ne kekombe mu musigo gwigwe, alava mutugwa wu munene wange, na vandi vosi mulava avavoholore.” 11Kunangwa vakora vwangu ni viikiza misigo jaavo kutura ku zibunda ziavo. Vuli mundu ya voholora musigo gwigwe. 12Mutumikiri wa Josefu yenyeleriza mu misigo josi, yatangila nu musigo gwu mukulundu na malirizila mu musigo gwu mukekeeke. Kekombe chanyooleka mu musigo gwa Benjamini. 13Maku vamwavo veve vatandula zinguvu ziavo mu vovereri, nivilanyia misigo jaavo ku zibunda, ma nivirana mu lidaala linene.
14Lwa Yuda harara na vamwavo veve vaduuka munyumba ya Josefu, mwene yaali nakikiri mu. Vazia nivasigama imbiri weve. 15Josefu yavoola, “Kindiki cha mumali kokora yiki? Si mumanyi ku mundu kuli inzi nyara kokora vusigitiri ma manye cha mukoli?”
16Yuda yavoola, “Kunyi kunyala kokovoolera kindiki? Kunyala kovora ki? Kunyala ndi kutura mu yaga? Nyasaye umali kulang'aminya uvudamanu vwitu. Kalunu kunyi kwosi koveeye avatugwa vovo harara nu wekekombe kenyooleki mu musigo gwigwe.”
17Josefu yavoola, “Inzi si nyara kokora ndio mba! Oyo we kekombe kenyooleki mu musigo gwigwe niyie uva mutugwa wange. Navuzwa vandi vosi munyala kwirana ku baba winyu ni mirembe.”
Yuda Yagoonya Josefu Amuhe Benjamini
18Yuda yazia ku Josefu namuvolera, “Mwaza, yaanza umbugiliri molome na ivi, utava nu vutima na inzi mba. Ivi oveeye kuli mwami mwene. 19Ivi wakoteeva ndi, ‘Munyi muveeye na baba anoho amwavo winyu wundi?’ 20Kunyi kwativula, ‘Koveeye na baba oveeye musakulu ligali harara na amwavo wiitu mukogoti, wa baba wiitu yivula naveeye musakulu. Amwavo weve wundi yakuza, niyie yeng'ine oveeye mwoyo ku vana va mama weve. Baba weve yamuyanza ligali.’ 21Ivi wakovolera kumulete hano kunangwa uduuki kumulora, 22navuzwa kwakovoolera ndi muyaayi oyo sianyala koleka baba weve mba. Niiva alamuleka, baba weve alakuza. 23Maku wavoola, ‘Munyi si mulavugilirwa kwingira munyumba yange nimutaveeye nu muyaayi winyu mukogoti mba.’
24“Lwa kwirana ku baba wiitu, kwamuvolera makuva ga wavoola. 25Maku baba wiitu yakovolera kwirane kuguli viukulia vikekeke. 26Navuzwa kwa volera baba wiitu ndi, ‘Kunyi si kunyala kuzia mba. Si kunyala kuvugilirwa kwingira munyumba yu mundu oyo nikutaveeye nu muyaayi wiitu mukogoti mba. Kunyi kunyala kuzia niiva muyaayi wiitu mukogoti alazia ni kunyi.’ 27Maku baba wiitu yakovolera, ‘Munyi mumanyi vulahi ndi mukali wange Raheli yanzivulaa avayaayi vaviri vuzwa. 28Mulala kuvo yatura ku inzi. Hawundi zinyama ziu muvulimu zia mutandulanyia mu vidonye. Inzi si ndamulolaku kutura natura ku inzi mba. 29Niiva mulavugula uyu kutura ku inzi kandi, ma uvudinyu vumunyoole, ovovereri vwa munyala kuva nimuleti ku inzi mu vusakulu vwange, vulanzita.’ ”
30Yuda yaazizagilira kovora, “Kalunu niiva amwavo wiitu si alazia ni kunyi lwa kwirana ku baba wiitu, kandi niiva baba wiitu wu vulamu vwivwe voveeye harara livamwoyo liu muyaayi uyu, 31alolaa ndi muyaayi weve siaveeye ni kunyi mba, alakuza. Ovovereri vwa koleta kuye mu vusakulu vwivwe vulamulomba akuzi. 32Inzi ndekola kihambiliru ku baba wange kigira muyaayi uyu. Ndamuvolera ndi, niiva si ndilanyia muyaayi uyu kuye mba, alandula mu livamwoyo liange liosi. 33Kalunu ngogonya nuyanza oleke muyaayi wiitu mukogoti yirani na vamwavo vange vandi; na inzi ndatigara hano menye kuli mutugwa woovo havogono hu muyaayi wiitu mukogoti. 34Inzi nyara ndi kwirana ku baba wange muyaayi wiitu nataveeye na inzi? Mbeeye nuvuti kolola kivi kimanyaa kiduuki ku baba wange.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019