2 VAKORINZO 6
6
1Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora. 2Nyasaye avoora ndi:
“Lwing'inga yaduuka yukumumanyia livugilirwa,
ndaamuhulira;
Lwi lidiku liaduuka liu kumuhonyia,
ndamukonya.”
Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.
3Kunyi sikwenyaa mundu woosi anyoore mahiolo mu miyinzi jietu mba; sikwenyaa kuviika ikindu chu kwikigitariza mundu woosi mba. 4Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi. 5Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara. 6Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali. 7Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira. 8Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali; 9Koveeye kuli avatamanyikani, navuzwa kwamanyikana vulahi vosi; kuli avakwaali ni kwakuza, navuzwa munyi muloraa kunyi kuli koveeye mwoyo. Kali nikoheevwa amageri, sikwitwaa mba; 10kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.
11Avalina vayaanze mu Korinzo! Kumali kwilwaza ku munyi havulavu. Kumali kwigura imioyo jietu ku munyi. 12Sikoveeye ni kunyi kwigalira vuyanzi vwitu ku munyi mba, navuzwa ni munyi vene avamali kwigalira vuyanzi vwinyu ku kunyi. 13Molomaa kalunu kuli munyi muveeye avana vange: mukumanyie liiva lia kunyi koveeye nalio ku munyi. Mwiguli imioyo jinyu ligali!
Mutava ni lisanga harara na vandu avatasuuvira mba
14Mutahambani mulikola lienyu harara na vatasuuvira mu Kristo kigira yaga siganyala kunyalika mba. Haveeye na lisanga ki hagati hu vulungi nu vudamanu? Anoho haveeye na lisanga ki hagati hu vulavu ni kisundi? 15Kristo na Setani vanyara kuhulirizana ndi? Uyu usuviraa anyoolekana ndi mu lisanga na uyu utasuviraa? 16Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora,
“Ndakalombe hango hange harara na vandu vange
nokomenya hagati haavo ndakave Nyasaye wavo,
navo valava avandu vange.”
17Mwami avoora,
“Mwiyahuli aveene kutura kuvo.
Mutadiiri kindu choosi kitaveeye kinifu,
ninzi ndamuvugirira.
18Inzi ndava Baba winyu,
namunyi mulava avana vange, avayaayi na vakana.”
Mwami Wanyala Viosi avoora.
Iliyochaguliwa sasa
2 VAKORINZO 6: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019
2 VAKORINZO 6
6
1Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora. 2Nyasaye avoora ndi:
“Lwing'inga yaduuka yukumumanyia livugilirwa,
ndaamuhulira;
Lwi lidiku liaduuka liu kumuhonyia,
ndamukonya.”
Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.
3Kunyi sikwenyaa mundu woosi anyoore mahiolo mu miyinzi jietu mba; sikwenyaa kuviika ikindu chu kwikigitariza mundu woosi mba. 4Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi. 5Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara. 6Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali. 7Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira. 8Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali; 9Koveeye kuli avatamanyikani, navuzwa kwamanyikana vulahi vosi; kuli avakwaali ni kwakuza, navuzwa munyi muloraa kunyi kuli koveeye mwoyo. Kali nikoheevwa amageri, sikwitwaa mba; 10kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.
11Avalina vayaanze mu Korinzo! Kumali kwilwaza ku munyi havulavu. Kumali kwigura imioyo jietu ku munyi. 12Sikoveeye ni kunyi kwigalira vuyanzi vwitu ku munyi mba, navuzwa ni munyi vene avamali kwigalira vuyanzi vwinyu ku kunyi. 13Molomaa kalunu kuli munyi muveeye avana vange: mukumanyie liiva lia kunyi koveeye nalio ku munyi. Mwiguli imioyo jinyu ligali!
Mutava ni lisanga harara na vandu avatasuuvira mba
14Mutahambani mulikola lienyu harara na vatasuuvira mu Kristo kigira yaga siganyala kunyalika mba. Haveeye na lisanga ki hagati hu vulungi nu vudamanu? Anoho haveeye na lisanga ki hagati hu vulavu ni kisundi? 15Kristo na Setani vanyara kuhulirizana ndi? Uyu usuviraa anyoolekana ndi mu lisanga na uyu utasuviraa? 16Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora,
“Ndakalombe hango hange harara na vandu vange
nokomenya hagati haavo ndakave Nyasaye wavo,
navo valava avandu vange.”
17Mwami avoora,
“Mwiyahuli aveene kutura kuvo.
Mutadiiri kindu choosi kitaveeye kinifu,
ninzi ndamuvugirira.
18Inzi ndava Baba winyu,
namunyi mulava avana vange, avayaayi na vakana.”
Mwami Wanyala Viosi avoora.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019