2 VAKORINZO 4
4
1Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba. 2Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu. 3Niiva Ivangeri ya kwilwazaa sielorekaa mba, eveeye vuzwa inzivisu ku yavo avagotanga. 4Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye. 5Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso. 6Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.
7Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba. 8Kukubizwa kivi kazozo mu zinzira ziosi, navuzwa sikudivizwa mba. Ing'inga yindi, konyoora vudinyu, navuzwa sikukuzaa mwoyo mba. 9Avandu vanyingi vakudambiza, navuzwa Nyasaye siakolekaa mba. Kali nikozomazomwa hasi kazozo sikudivizwa mba. 10Vuli ing'inga kugingaa likuza lia Kristo mu miviri jietu, kunangwa livamwoyo lia Yeso liduuki kololeka mu miviri jietu. 11Mu livamwoyo lietu liosi kovezaa kazozo mu vuhiimwa vwu kwitwa kigira Yeso, kunangwa livamwoyo lilie liduuki kololeka havulavu mu miviri jiitu ji likuza. 12Kunangwa kovora ndi likuza likora miyinzi mu kunyi, navuzwa livamwoyo likora imiyinzi mu munyi.
13Mang'oda Matakatifu gavoora, “Ndilwaza kigira ndaasuuvira.” Lisuuvira liu lugano lulala lwere mu Roho; kunyi kandi kwilwazaa kigira kusuuviraa. 14Kunyi kwamanya ndi Nyasaye wasimugukiza Mwami Yeso alakasimugukizi kunyi kandi harara na Yeso, kandi alakakuhili, harara ni munyi imbiri weve. 15Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.
Komenya mu lisuuvira
16Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo. 17Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa. 18Kunangwa kunyi sikogoteraa ku vindu vilolekaa mba, navuzwa ku vindu vitalolekaa. Ivindu vilolekaa vimenya ku ing'inga ngekeeke vuzwa, navuzwa vitalolekaa vihindiraa mihiga ni mihiga.
Vomenyo vwu mwigulu
Iliyochaguliwa sasa
2 VAKORINZO 4: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019
2 VAKORINZO 4
4
1Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba. 2Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu. 3Niiva Ivangeri ya kwilwazaa sielorekaa mba, eveeye vuzwa inzivisu ku yavo avagotanga. 4Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye. 5Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso. 6Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.
7Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba. 8Kukubizwa kivi kazozo mu zinzira ziosi, navuzwa sikudivizwa mba. Ing'inga yindi, konyoora vudinyu, navuzwa sikukuzaa mwoyo mba. 9Avandu vanyingi vakudambiza, navuzwa Nyasaye siakolekaa mba. Kali nikozomazomwa hasi kazozo sikudivizwa mba. 10Vuli ing'inga kugingaa likuza lia Kristo mu miviri jietu, kunangwa livamwoyo lia Yeso liduuki kololeka mu miviri jietu. 11Mu livamwoyo lietu liosi kovezaa kazozo mu vuhiimwa vwu kwitwa kigira Yeso, kunangwa livamwoyo lilie liduuki kololeka havulavu mu miviri jiitu ji likuza. 12Kunangwa kovora ndi likuza likora miyinzi mu kunyi, navuzwa livamwoyo likora imiyinzi mu munyi.
13Mang'oda Matakatifu gavoora, “Ndilwaza kigira ndaasuuvira.” Lisuuvira liu lugano lulala lwere mu Roho; kunyi kandi kwilwazaa kigira kusuuviraa. 14Kunyi kwamanya ndi Nyasaye wasimugukiza Mwami Yeso alakasimugukizi kunyi kandi harara na Yeso, kandi alakakuhili, harara ni munyi imbiri weve. 15Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.
Komenya mu lisuuvira
16Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo. 17Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa. 18Kunangwa kunyi sikogoteraa ku vindu vilolekaa mba, navuzwa ku vindu vitalolekaa. Ivindu vilolekaa vimenya ku ing'inga ngekeeke vuzwa, navuzwa vitalolekaa vihindiraa mihiga ni mihiga.
Vomenyo vwu mwigulu
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019