KORINTUS HWAI Meijouhw
Meijouhw
Sug Paulus og surad gini dou leng Krisden se cinogo Korintus, kaba, Paulus dara leng Korintus len merdoc dag homero. Anai Paulus owun len an meren sesar, dara en eperwei medoc mes naugb sug en edebeij len touohob. Hang ligbum dau leng Korintus, kaba, len lowun Paulus en moho dag en medoc gororougb lenero. Doba en medoc dag hwai an len namcir. Dangga se pasal 1—7, kaba, Paulus ens enin medoc mes dou len dag en medoc gororougb len terimda. Anai Allah esa en dou len naugb en esai Mer Geigouhw eisaugb Krisdus aimougtut dou len. Hang en acgeij len dauntoba len lemeperwei merdoc mes an enero. Doba len merdoc gogorougb en namcir. Dara en acgeij naugb len leic gesgigouhwesem ucugb toua.
Dara en ens dau sug en emedebeij len dedemedero meijouhw augwan asesa dou len toua. Anai en ouwan eic cumougt dou len naugb len lesga meren sesar dara lahau an dougwo namcir. Dauntoba sug en edebeij len, kaba, en emeic gogom dou lenero, doba len merdoc dag hom dous. Dangga sug en ouman dau Titus dag len leineg dau sesar augwan, dara len merdoc erleij naugb en deitohob, kaba, en agahugouhw an len namcir.
Se pasal 8—9, kaba, Paulus acgeij leng Krisden se Korintus, dauntoba len lemarges dau sug len lesedeb aregoufu naugb leng Krisden se leng Yudea meren hancob touwero. Doba len laimo gin terimda sug edouwedoc toua. Anai sir gogoufu einesa leng Yudea meren hancobohob.
Se pasal 10—13, kaba, Paulus enara bauni dou merug aibibra dau leng Yahudi se goucimdeb se Korintus. Anai len lowun Paulus en moho deseino leng Korintus dag en emedag gembala misenero. Dangga, kaba, Paulus ens dau sug en aimo ucina mog erij augwan asesa dou leng Korintus. Anai gembala areibahau emaimo ucina mog erijero, doba gembala misen eng aimo ucina gerij gin dous. Hang ens en ainyes dou len dag Paulus en edag gembala misen namcirohob.
Hancob Aududi:
Paulus ou leng Korintus dara en sijo dou Allah. 1:1-11
Paulus esulou len se goucimdeb se cinogo Korintus. 1:12—7:16
Meijouhw eisaugb meren mogud naugb len Krisden se Yudea. 8:1—9:15
Paulus en dougwo leng lowun en moho dag gembala areibahau. 10:1—13:10
Paulus esulou len sug ouwedoc. 13:11-14
Iliyochaguliwa sasa
KORINTUS HWAI Meijouhw: INOSOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
ALLAH MEN GOS DOU MENAU © Indonesian Bible Society 1996, 2016
KORINTUS HWAI Meijouhw
Meijouhw
Sug Paulus og surad gini dou leng Krisden se cinogo Korintus, kaba, Paulus dara leng Korintus len merdoc dag homero. Anai Paulus owun len an meren sesar, dara en eperwei medoc mes naugb sug en edebeij len touohob. Hang ligbum dau leng Korintus, kaba, len lowun Paulus en moho dag en medoc gororougb lenero. Doba en medoc dag hwai an len namcir. Dangga se pasal 1—7, kaba, Paulus ens enin medoc mes dou len dag en medoc gororougb len terimda. Anai Allah esa en dou len naugb en esai Mer Geigouhw eisaugb Krisdus aimougtut dou len. Hang en acgeij len dauntoba len lemeperwei merdoc mes an enero. Doba len merdoc gogorougb en namcir. Dara en acgeij naugb len leic gesgigouhwesem ucugb toua.
Dara en ens dau sug en emedebeij len dedemedero meijouhw augwan asesa dou len toua. Anai en ouwan eic cumougt dou len naugb len lesga meren sesar dara lahau an dougwo namcir. Dauntoba sug en edebeij len, kaba, en emeic gogom dou lenero, doba len merdoc dag hom dous. Dangga sug en ouman dau Titus dag len leineg dau sesar augwan, dara len merdoc erleij naugb en deitohob, kaba, en agahugouhw an len namcir.
Se pasal 8—9, kaba, Paulus acgeij leng Krisden se Korintus, dauntoba len lemarges dau sug len lesedeb aregoufu naugb leng Krisden se leng Yudea meren hancob touwero. Doba len laimo gin terimda sug edouwedoc toua. Anai sir gogoufu einesa leng Yudea meren hancobohob.
Se pasal 10—13, kaba, Paulus enara bauni dou merug aibibra dau leng Yahudi se goucimdeb se Korintus. Anai len lowun Paulus en moho deseino leng Korintus dag en emedag gembala misenero. Dangga, kaba, Paulus ens dau sug en aimo ucina mog erij augwan asesa dou leng Korintus. Anai gembala areibahau emaimo ucina mog erijero, doba gembala misen eng aimo ucina gerij gin dous. Hang ens en ainyes dou len dag Paulus en edag gembala misen namcirohob.
Hancob Aududi:
Paulus ou leng Korintus dara en sijo dou Allah. 1:1-11
Paulus esulou len se goucimdeb se cinogo Korintus. 1:12—7:16
Meijouhw eisaugb meren mogud naugb len Krisden se Yudea. 8:1—9:15
Paulus en dougwo leng lowun en moho dag gembala areibahau. 10:1—13:10
Paulus esulou len sug ouwedoc. 13:11-14
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
ALLAH MEN GOS DOU MENAU © Indonesian Bible Society 1996, 2016