JEPANYA 3
3
Yerusalemu hilukuumani wau pilopoaahu
1Malaa̒-laa̒natilo Yerusalemu, kota u loruusa watade wau u motohilaa momintaa̒ tingolo ode Eeya wau hemodeehe ulipulio lohihilao! 2Matilopotala kota u diila mohuto mololimo poe̒ela lo Eeya, wau diila olo momandungi ngoa̒amila didini-Lio, udiila mohudu paladio ode Eeya, wau diila mei̒ tuulungi o-Lio!
3Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola. 4Mongo nabiilio debo odelo diila o banta wau diila mowali yakiniyaalo; mongo iimamu loponajisi wolo u pilopo tolomodu ode Eeya wau lopo loloombulia bubuu-too̒waalo Allahu Taa̒ala duo̒lo pae̒eda olimongolio lohihilao. 5Bo Eeya donggo woluo tokota boito; Tio laito hemohutu u otutu wau diila pee̒enta mao̒ u tilaala. Timii̒du dumodupo tantuulo mao̒ Eeya mongohi u aadili ode umati-Lio. Bo, taa u diila motota u aadili tokota boito debo hemohutu u moleeto lou̒ diila motota moolito.
6 Eeya lotahuda, “Wau̒ malo poloopu dadaata bangusa; kokoo-tawaalo limongolio mailantulu-U̒, wau didii-ngingaalo meeseli wau momoo-nalawaalo limongolio pilowalii-U̒ tutuu-wodeyaalo. Kokoo-tawaalo limongolio moliilo lou̒ diila otuangio wau dadaa-lalaalio moliilo daa̒. 7To pikiilangi-U̒, ‘Botia tantuulo mao̒ umati-U̒ mohulumati ola-U̒ wau momandungi ngoa̒amila dini-U̒. Tantuulo mao̒ timongolio moe̒ela mola pongaajali uilohi-U̒ olimongolio.’ Bo malo ilaalo, timongolio bo lebe moo̒olohu poli hemohutu moleeto wolo udipo-dipolulio mai.
8Bo dahailo! Yimai mao̒ wambao̒ dulahio Wau̒ mobongu mai odelo taa u ohilaa mopodulohu. Sababu matilantu-U̒ u mongambu mai babaa-ngusawalo wau yiyii-ladiyaalo huna mopodungga mai mulukaa-U̒ ode limongolio. Ngoilanggubu dunia mamo pulito maahu lotulu omulukaa-U̒.
9Bo lapatao̒ Wau̒ mamo lomelo hilaa lo babaa-ngusawalo boito, tilinggula timongolio modua̒ ode Olau̒ wambai̒o, wau diila ode ila-ila wewo. Babaa-ngusawalo ngoa̒amila mamo dungohe ola-U̒. 10Tumbao̒ monto Sudan u molamingo, umati-U̒ tamalo bubuua̒yawa boito mamonao̒ mai wau mopodewo bake ode Olau̒. 11Tou̒ boito, wuu umati-U̒, timongoli diilalo palalu molaasa moolito sababu malo mintaa̒ tingolo to Olau̒. Wau̒ mamopolahi timii̒du taa u sombongi wau batingga, wau timongoli diilalo momintaa̒ tingolo to Olau̒ tohuludu-U̒ u mantali. 12Mola teto mapoluli-U̒ mao̒ motitatapu bangusa tuwau tadupa-dupapa lohilao, tamo pongaku polo tulungi-U̒. Timongolio mowali motibiluloa̒ mola teto. 13Taulo Isirai̒lu tadonggo ilolabita, diila tamohutu u moleeto poli penu boli ode olita; timongolio diilalo mohimbulo wau diila olo mongaakali. Timongolio maa maa̒mulu wau moa̒ahu, wau diila molaasa moohe penu boli ode olita.”
Lahu meengahe
14Wuu Isirai̒lu, pongiibodulo wau polahualo mola!
Wuu Yerusalemu, poti wengahulo wolo lealeaatu lohilao!
15Sababu Eeya lohuheli lohukuumani olimongoli;
Tio malo polahi ngoa̒amila musuumu.
Timongoli diluo̒la li olongia lo Isirai̒lu, Eeyaamu lohihilao.
Botia timongoli diilalo palalu molaasa moohe.
16Mamei dungga wakutuulio tau-tauwalo de mamoloi̒ya,
“Wuu Yerusalemu diila mao̒ oohe wau mooli halapani.
17Timongoli diluo̒la lo Eeya Allahu Taa̒ala limongoli tamolotolo suukali olaahe boli buheli.
Timongoli moo̒haama sababu kawasaa-Lio.
Eeya meengahe wau sanangi sababu timongoli,
todelomo ponu-Lio timongoli yilohia-Lio tutumulo bohu.
18Sababu timongoli, Tio mopolahu weengahu
debo odelo taa u donggo hemo potihunggu.”
Tahuda lo Eeya,
“Hidala-dalaala baala u monganjamu olimongoli pilopo diaaluwo-U̒.
Ohihinamu mailulutu-U̒.
19Masaalio mamei dungga tamoo-deehea olemu antuluwo-U̒,
wau taa penggo poa̒ahuwo-U̒;
ngoa̒amila tapola-polayahu deloo-U̒ mohualingo.
Ohihina limongolio lomelo-U̒ mowali ohulumati;
penu boli tou̒toonu wambai̒o, tumbao̒ to ngoilanggubu dunia,
timongolio mapo lamahulio wau pujiolo.
20Masaalio mamei dungga,
ulipumu talo bubuua̒yawa deloo-U̒ mohualinga.
Timongoli pohutuwo-U̒ masa-masaahulu to ngoilanggubu dunia,
wau omaa̒mulumu mamuli ponguliyo-U̒.”
Eeya malo tahuda.
Iliyochaguliwa sasa
JEPANYA 3: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
JEPANYA 3
3
Yerusalemu hilukuumani wau pilopoaahu
1Malaa̒-laa̒natilo Yerusalemu, kota u loruusa watade wau u motohilaa momintaa̒ tingolo ode Eeya wau hemodeehe ulipulio lohihilao! 2Matilopotala kota u diila mohuto mololimo poe̒ela lo Eeya, wau diila olo momandungi ngoa̒amila didini-Lio, udiila mohudu paladio ode Eeya, wau diila mei̒ tuulungi o-Lio!
3Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola. 4Mongo nabiilio debo odelo diila o banta wau diila mowali yakiniyaalo; mongo iimamu loponajisi wolo u pilopo tolomodu ode Eeya wau lopo loloombulia bubuu-too̒waalo Allahu Taa̒ala duo̒lo pae̒eda olimongolio lohihilao. 5Bo Eeya donggo woluo tokota boito; Tio laito hemohutu u otutu wau diila pee̒enta mao̒ u tilaala. Timii̒du dumodupo tantuulo mao̒ Eeya mongohi u aadili ode umati-Lio. Bo, taa u diila motota u aadili tokota boito debo hemohutu u moleeto lou̒ diila motota moolito.
6 Eeya lotahuda, “Wau̒ malo poloopu dadaata bangusa; kokoo-tawaalo limongolio mailantulu-U̒, wau didii-ngingaalo meeseli wau momoo-nalawaalo limongolio pilowalii-U̒ tutuu-wodeyaalo. Kokoo-tawaalo limongolio moliilo lou̒ diila otuangio wau dadaa-lalaalio moliilo daa̒. 7To pikiilangi-U̒, ‘Botia tantuulo mao̒ umati-U̒ mohulumati ola-U̒ wau momandungi ngoa̒amila dini-U̒. Tantuulo mao̒ timongolio moe̒ela mola pongaajali uilohi-U̒ olimongolio.’ Bo malo ilaalo, timongolio bo lebe moo̒olohu poli hemohutu moleeto wolo udipo-dipolulio mai.
8Bo dahailo! Yimai mao̒ wambao̒ dulahio Wau̒ mobongu mai odelo taa u ohilaa mopodulohu. Sababu matilantu-U̒ u mongambu mai babaa-ngusawalo wau yiyii-ladiyaalo huna mopodungga mai mulukaa-U̒ ode limongolio. Ngoilanggubu dunia mamo pulito maahu lotulu omulukaa-U̒.
9Bo lapatao̒ Wau̒ mamo lomelo hilaa lo babaa-ngusawalo boito, tilinggula timongolio modua̒ ode Olau̒ wambai̒o, wau diila ode ila-ila wewo. Babaa-ngusawalo ngoa̒amila mamo dungohe ola-U̒. 10Tumbao̒ monto Sudan u molamingo, umati-U̒ tamalo bubuua̒yawa boito mamonao̒ mai wau mopodewo bake ode Olau̒. 11Tou̒ boito, wuu umati-U̒, timongoli diilalo palalu molaasa moolito sababu malo mintaa̒ tingolo to Olau̒. Wau̒ mamopolahi timii̒du taa u sombongi wau batingga, wau timongoli diilalo momintaa̒ tingolo to Olau̒ tohuludu-U̒ u mantali. 12Mola teto mapoluli-U̒ mao̒ motitatapu bangusa tuwau tadupa-dupapa lohilao, tamo pongaku polo tulungi-U̒. Timongolio mowali motibiluloa̒ mola teto. 13Taulo Isirai̒lu tadonggo ilolabita, diila tamohutu u moleeto poli penu boli ode olita; timongolio diilalo mohimbulo wau diila olo mongaakali. Timongolio maa maa̒mulu wau moa̒ahu, wau diila molaasa moohe penu boli ode olita.”
Lahu meengahe
14Wuu Isirai̒lu, pongiibodulo wau polahualo mola!
Wuu Yerusalemu, poti wengahulo wolo lealeaatu lohilao!
15Sababu Eeya lohuheli lohukuumani olimongoli;
Tio malo polahi ngoa̒amila musuumu.
Timongoli diluo̒la li olongia lo Isirai̒lu, Eeyaamu lohihilao.
Botia timongoli diilalo palalu molaasa moohe.
16Mamei dungga wakutuulio tau-tauwalo de mamoloi̒ya,
“Wuu Yerusalemu diila mao̒ oohe wau mooli halapani.
17Timongoli diluo̒la lo Eeya Allahu Taa̒ala limongoli tamolotolo suukali olaahe boli buheli.
Timongoli moo̒haama sababu kawasaa-Lio.
Eeya meengahe wau sanangi sababu timongoli,
todelomo ponu-Lio timongoli yilohia-Lio tutumulo bohu.
18Sababu timongoli, Tio mopolahu weengahu
debo odelo taa u donggo hemo potihunggu.”
Tahuda lo Eeya,
“Hidala-dalaala baala u monganjamu olimongoli pilopo diaaluwo-U̒.
Ohihinamu mailulutu-U̒.
19Masaalio mamei dungga tamoo-deehea olemu antuluwo-U̒,
wau taa penggo poa̒ahuwo-U̒;
ngoa̒amila tapola-polayahu deloo-U̒ mohualingo.
Ohihina limongolio lomelo-U̒ mowali ohulumati;
penu boli tou̒toonu wambai̒o, tumbao̒ to ngoilanggubu dunia,
timongolio mapo lamahulio wau pujiolo.
20Masaalio mamei dungga,
ulipumu talo bubuua̒yawa deloo-U̒ mohualinga.
Timongoli pohutuwo-U̒ masa-masaahulu to ngoilanggubu dunia,
wau omaa̒mulumu mamuli ponguliyo-U̒.”
Eeya malo tahuda.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia