HOSEA 4
4
Eeya lopotulude to Isirai̒lu
1 Eeya o palakala wolo ulipu lolipu botie. Wuu Isirai̒lu, dungohe mao̒ wolo upilo tahudaa-Lio mai, “To lipu botie diaaluo otatapu wau molotolo hilao meaambo tolia̒ngo, wau ulipulio diila momasisi ola-U̒ odelo Allahu Taa̒ala. 2Timongolio hemotadia bo timongolio diila moe̒elao̒; timongolio hemohimbulo, hemomate mate-mateelo mao̒, hemotao̒, wau hemojina. Ololeeto heo̒duhenga mola, wau polomatea mate-mateelo mao̒ helo toduo tutuuntunga. 3Sababu uito lipu botie mamowali mohengu, wau totoonulalo u hitumula teto maamate. Totoonulalo binatangi u hidala-dalaala u todulente, totudulio wau todeheto mabinasa.”
Eeya helo pototulude tomongo iimamu
4 Eeya lotahuda mai, “Wuu mongo iimamu, diila mao̒ woluo taa mopotala meaala moingo to umati-U̒, sababu timongolilo tapotaala-U̒. 5Hui wau dulahu timongoli hipohutua totala, odito olo mongo nabi. Sababu uito Wau̒ mamopo binasa mai Isirai̒lu tiilamu. 6Timongoli, mongo iimamu, diila helo mandungi ola-U̒ tilinggula timongolio tilopotala. Timongoli helo potouli popoo-ngaajali-U̒. Oditolio, Wau̒ olo mamo potouli olimongoli, wau mongo walau̒mu diila taa̒kuwo-U̒ odelo mongo iimamu-U̒.
7Timongoli helebe dadaata mola, timongoli helebe mola olo odusa to Olau̒, wuu mongo iimamu! Sababu uito owowoluwoamu malomelo-U̒: Timongoli diilalo hulumatiolo, bo mahinaalio. 8Timongoli lowali kaya sababu dusa lo umati-U̒, sababu uito timongoli ohilaa alihu timongolio odusa tulusi. 9Yi timongoli mamodutolo tutuuwauwa debo odelo ulipu! Wau̒ mamo hukuumani mai olimongoli motuuu̒de wolo totoonulalo huhutuumu. 10Timongoli mamolamelo babaa-keyaalo upilodewo, bo timongoli madebo pola-polaango. Timongoli mamolubo dedee-waalo u molomiyodu, bo ulipumu debo diila oduhenga mola, sababu timongoli malo lolaa ola-U̒ u lolubo ila-ila wewo.”
Eeya helo hukuumani polotubowa to balaahala
11 Eeya lotahuda mai, “Wuu umati-U̒, mopio angguru u deedelo meaalo angguru u bohu malo podiaaa̒ omambowamu u momikiilangi mola wolo seehati. 12Timongoli hipohilea potuhata monto ayu ngoputu! Tunggudu ngoputu hemo poo̒taa mai olemu wolo u otohilaa otaawa mao̒ limongoli! Timongoli debo odelo ngotaalio lodile taabua talowali suntali; timongoli lololaa ola-U̒ wau lohudu batanga ode ila-ila wewo. 13To tataa-mbatiyalo polubowalo balaahala to bobooli-tutuo̒walo huludu wau hui̒du, timongoli helo podewo bake, wau helomobu totabu towalungo bubuu-ngowaalo ayu lei̒daa̒ u mohimbungo mola teto sababu tambati boito moliilo.
Bo wolo akibatilio? Mongo dulahumu lowali suntali wau walao̒ mongo moluhengumu taabua helojina! 14Bo Wau̒ diila tamo hukuumani huhutu limongolio boito, sababu timongolio lohihilao olo helonao̒ mota ode tahi suntalia tahipo kalajawa to kukuu-wiliyalo, wau pee̒-pee̒enta woli mongolio helo podewo bake ode dewa. Otutu banali tahuda botie: ‘Bangusa tadiila ohuhama pasali lo Allahu Taa̒ala mamoa̒antulu.’
15Wuu timongoli taulo Isirai̒lu, timongoli diila tatapu wau molotolo hilao to ola-U̒! Bo halapuwo-U̒ Yehuda diila mohutu totala u tutuuwauwa! Diila mao̒ poi̒baadati to Gilgal meaalo to Betel. Diila mao̒ potadia mola teto domi tanggulo Eeya tatumu-tumulo. 16Timongoli, wuu taulo Isirai̒lu, baaa̒ngiola daa̒! Woloolo mola Wau̒ mowali mohimbala olimongoli debo odelo himba tohuta luasi u pilobutua lo huo̒yoto?”
17Umati lo Isirai̒lu mai̒lo aanga lo balaahala. Sababu uito polulia mao̒ timongolio. 18Lapatao̒ hiluwoa̒ helongilu angguru dadaata, timongoli helo tisuntali wolo sanangi lohilao. Timongolio lebe motohilaa hinaalo lou̒ hulumatiolo. 19Sababu uito timongolio mamooli debo odelo hiliipa lodupoto. Timongolio mamoo̒ toduo wolito sababu babaa-keyaalo u pilodewo limongolio ode dedeewaalo.
Iliyochaguliwa sasa
HOSEA 4: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
HOSEA 4
4
Eeya lopotulude to Isirai̒lu
1 Eeya o palakala wolo ulipu lolipu botie. Wuu Isirai̒lu, dungohe mao̒ wolo upilo tahudaa-Lio mai, “To lipu botie diaaluo otatapu wau molotolo hilao meaambo tolia̒ngo, wau ulipulio diila momasisi ola-U̒ odelo Allahu Taa̒ala. 2Timongolio hemotadia bo timongolio diila moe̒elao̒; timongolio hemohimbulo, hemomate mate-mateelo mao̒, hemotao̒, wau hemojina. Ololeeto heo̒duhenga mola, wau polomatea mate-mateelo mao̒ helo toduo tutuuntunga. 3Sababu uito lipu botie mamowali mohengu, wau totoonulalo u hitumula teto maamate. Totoonulalo binatangi u hidala-dalaala u todulente, totudulio wau todeheto mabinasa.”
Eeya helo pototulude tomongo iimamu
4 Eeya lotahuda mai, “Wuu mongo iimamu, diila mao̒ woluo taa mopotala meaala moingo to umati-U̒, sababu timongolilo tapotaala-U̒. 5Hui wau dulahu timongoli hipohutua totala, odito olo mongo nabi. Sababu uito Wau̒ mamopo binasa mai Isirai̒lu tiilamu. 6Timongoli, mongo iimamu, diila helo mandungi ola-U̒ tilinggula timongolio tilopotala. Timongoli helo potouli popoo-ngaajali-U̒. Oditolio, Wau̒ olo mamo potouli olimongoli, wau mongo walau̒mu diila taa̒kuwo-U̒ odelo mongo iimamu-U̒.
7Timongoli helebe dadaata mola, timongoli helebe mola olo odusa to Olau̒, wuu mongo iimamu! Sababu uito owowoluwoamu malomelo-U̒: Timongoli diilalo hulumatiolo, bo mahinaalio. 8Timongoli lowali kaya sababu dusa lo umati-U̒, sababu uito timongoli ohilaa alihu timongolio odusa tulusi. 9Yi timongoli mamodutolo tutuuwauwa debo odelo ulipu! Wau̒ mamo hukuumani mai olimongoli motuuu̒de wolo totoonulalo huhutuumu. 10Timongoli mamolamelo babaa-keyaalo upilodewo, bo timongoli madebo pola-polaango. Timongoli mamolubo dedee-waalo u molomiyodu, bo ulipumu debo diila oduhenga mola, sababu timongoli malo lolaa ola-U̒ u lolubo ila-ila wewo.”
Eeya helo hukuumani polotubowa to balaahala
11 Eeya lotahuda mai, “Wuu umati-U̒, mopio angguru u deedelo meaalo angguru u bohu malo podiaaa̒ omambowamu u momikiilangi mola wolo seehati. 12Timongoli hipohilea potuhata monto ayu ngoputu! Tunggudu ngoputu hemo poo̒taa mai olemu wolo u otohilaa otaawa mao̒ limongoli! Timongoli debo odelo ngotaalio lodile taabua talowali suntali; timongoli lololaa ola-U̒ wau lohudu batanga ode ila-ila wewo. 13To tataa-mbatiyalo polubowalo balaahala to bobooli-tutuo̒walo huludu wau hui̒du, timongoli helo podewo bake, wau helomobu totabu towalungo bubuu-ngowaalo ayu lei̒daa̒ u mohimbungo mola teto sababu tambati boito moliilo.
Bo wolo akibatilio? Mongo dulahumu lowali suntali wau walao̒ mongo moluhengumu taabua helojina! 14Bo Wau̒ diila tamo hukuumani huhutu limongolio boito, sababu timongolio lohihilao olo helonao̒ mota ode tahi suntalia tahipo kalajawa to kukuu-wiliyalo, wau pee̒-pee̒enta woli mongolio helo podewo bake ode dewa. Otutu banali tahuda botie: ‘Bangusa tadiila ohuhama pasali lo Allahu Taa̒ala mamoa̒antulu.’
15Wuu timongoli taulo Isirai̒lu, timongoli diila tatapu wau molotolo hilao to ola-U̒! Bo halapuwo-U̒ Yehuda diila mohutu totala u tutuuwauwa! Diila mao̒ poi̒baadati to Gilgal meaalo to Betel. Diila mao̒ potadia mola teto domi tanggulo Eeya tatumu-tumulo. 16Timongoli, wuu taulo Isirai̒lu, baaa̒ngiola daa̒! Woloolo mola Wau̒ mowali mohimbala olimongoli debo odelo himba tohuta luasi u pilobutua lo huo̒yoto?”
17Umati lo Isirai̒lu mai̒lo aanga lo balaahala. Sababu uito polulia mao̒ timongolio. 18Lapatao̒ hiluwoa̒ helongilu angguru dadaata, timongoli helo tisuntali wolo sanangi lohilao. Timongolio lebe motohilaa hinaalo lou̒ hulumatiolo. 19Sababu uito timongolio mamooli debo odelo hiliipa lodupoto. Timongolio mamoo̒ toduo wolito sababu babaa-keyaalo u pilodewo limongolio ode dedeewaalo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia