YEHESKIEL 47
47
Butu lotaluhu to Bele lo Eeya
1Talolai̒ boito luli lodelo olaatia ode huhebu potuwotalo Bele lo Eeya. Iloontonga lowatia taluhee tolo-tolohe lonto walungo huhebu boito ode tiimuru, debo odelo Bele lo Eeya olo talutalu ode tiimuru. Taluhee boito tolo-tolohe monto walungo koosengi lohuhebu Bele lo Eeya wimbihu huliaalio loli biihu huliaalio lomesba. 2Lapatao̒ talolai̒ boito lodelo olaatia yilumualo loli hulubangi tilayo wau lodelo olaatia ode hulubangi tiimuru. Dutulaa mooyoto boito tolo-tolohe monto biihu huliaalio lo hulubangi boito. 3Sambela hemoluu̒ude wolo tunggudu polouu̒dio talolao̒ boito lodelo olaatia, loduduao̒ tolohio lo dutulaa boito ode tiimuru ngoilaminga limo lohetuto meeteri, tulusi lopoa̒hu olaatia lobalanga. To tambati boito taluhio bo ngoilanggato ngopai̒. 4Lapatao̒ tio loluu̒udeo̒ poli limo lohetuto meeteri, wau teto taluhio tunggula ode huu̒u. Tio loluu̒udeo̒ limo lohetuto meeteri poli, wau taluhio tunggula ode wohuta. 5Pee̒entapo tio loluu̒udeo̒ ngoilaminga limo lohetuto meeteri, wau teto taluhio modeloma daa̒ u polibayaalo tolimbuta. Wonu tau ohilaa mobalango musi mongoloyohe. 6Lapatao̒ ualo tau boito odelaatia, “Wuu manusia panaa, poo̒tuotalo utie ngoa̒amila mopio-piohuulo mao̒.”
Lapatao̒ tio luli lodelo olaatia lotiduluhe mota to dutulaa, 7wau watia loo̒onto deu̒ tobiihu lodutulaa mohu-mohualia dadaata daa̒ bungo lo ayu. 8Tio loloi̒ya odelaatia, “Dutulaa botie tolo-tolohe ode tiimuru yilumaode tolipu botie wau yilumaode to Lumbaya Dutulaa lo Yordan dulu-dulunga ode Lau Mati. Wonu taluhio tunggula ode delomo Lau Mati, yi taluhu deheto u mopanggelo boito lomelolio wolo taluhee diila olamita. 9Penu boli ode utoonu potolohe lo dutulaa botie, teto olo mao̒dungga tilolahepalo tola wau binatangi wewo u hidala-dalaala. Taluhu Lau Mati mapo hutuwolio mowali diila olamita, wau penu boli ode utoonu potolohe lo taluhee boito, teto mao̒dungga tutumulo. 10Monto bubuu-tuwaalo taluhee to En-Ged demola bubuu-tuwaalo taluhee to En-Eglaim, wiwii-mbihuwalo biihio marame wolo tahi pohalawa wau tahemo hilade pajala limongolio teto. Tilolahepalo tola u hidala-dalaala mao̒dungga todelomo taluhee boito, debo odelo uwoluo todelomo Lau Tenga. 11Bo taluhee to huhuu-tawaalo moopa uiloomo lotaluhu wau payapaya to ngohilayaa̒ lo pentadu boito diila tamowali diila olamita, bo tatapu debo odelo bungo lowatingo. 12To ngohilayaa̒ biihio mohu-mohualia lo dutulaa botio mobutu mai totoonulalo bungo lo ayu o huhuu-ngowaalo u hidala-dalaala. Duungo bungo lo ayu boito diila pee̒enta mao̒ mololante, wau huhuu-ngolio diila pee̒enta mao̒ mopulito. Bubuu-ngowaalo ayu mamongohi tilapulo huhuu-ngowaalo u bohu timii̒du hulalo, sababu taluhee u moo̒bata mao̒ tolo-tolohe monto Bele lo Eeya. Hungolio wau duungio ohuna duo̒lo wunemo.”
Sisii-patiyaalo huta
13 Eeya Taa Laba-labaalo molanggato lotahuda mai, “Uti-utieelo sisii-patiyaalo huta u mataya-tayaadulo ode mopulaa duluo suku lo Isirai̒lu. Suku lei Yusu mololimo dulo tayadu. 14Wau̒ malotadia deu̒ huta boito mawohi-U̒ odeli nenemoyaamu. Sababu uito, hamaawalo huta boito wau tayadeelo wolo aadili towolota limongoli.
15Siipati to ambahu tilayo tumulalo mai monto Lau Tenga dulu-dulunga ode tiimuru demola kota Hetlon, ode mantahu lo Hamat, tulusi ode kota Jedad, 16ode Berota wau Sibraim (kokoo-tawaalo boito dudutuulia towolota kota Damusiki wau kota Hamat), lapatao̒ ode kota Hajar-Enan, tosiipati lokota Hauran. 17Oditolio, siipatilio to ambahu tilayo tumulalo mai monto Lau Tenga demola tiimuru, ode kota Hajar-Enan; yi madala lo Damusiki wau Hamat woluo to ambahu tilayo lo siipati boito.
18Siipati to ambahu tiimuru dulu-dulunga ode huliaalio monto tambati tuwau towolota lomadala Damusiki wau madala lo Hauran. Oditolio Dutulaa Yordan debo odelo siipati towolota huta lo Isirai̒lu to ambahu otolopa wau Gilead to ambahu tiimuru, demola Tamar to pentadu lo Lau Mati.
19Siipati to ambahu huliaalio dulu-dulunga ode baara daya monto Tamar ode butu lotaluhu Kades-Meriba, tulusi ode otolopa lo deheto ngohilayao̒ siipati lo Masiri demola Lau Tenga.
20Siipati to ambahu otolopa pilomoodeli lo Lau Tenga, tulusi dulu-dulunga ode tilayo ode tambati tuwau to ambahu otolopa dalalo tumuwota ode Hamat.
21Tayadeelo huta boito towolota limongoli, modudua̒a susuu-kuwaalo Isirai̒lu; 22wau huta boito yito milikiimu u ohiheo-hiheolo mao̒. Tau-tauwalo deli tahi biluloa̒wa to huungimu, wau omongo walao̒ tapilotutu mai teto, musi olo moo̒tapu tayadu monto huta boito. Timongolio musi anggapuola odelo ngaalaa̒ talea-leaatu bangusa lo Isirai̒lu, wau timongolio musi modudua̒a pahutolo u moo̒tapu mao̒ huta tou̒ huta boito mataya-tayaadulo towolota susuu-kuwaalo Isirai̒lu. 23Timii̒du tuango lipu deli musi wohiyalo huta pee̒-pee̒enta wolo suku Isirai̒lu tou̒toonu tio bilu-biluloa̒. Wau̒, Eeya Taa Laba-labaalo molanggato malo tahuda mai.”
Iliyochaguliwa sasa
YEHESKIEL 47: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
YEHESKIEL 47
47
Butu lotaluhu to Bele lo Eeya
1Talolai̒ boito luli lodelo olaatia ode huhebu potuwotalo Bele lo Eeya. Iloontonga lowatia taluhee tolo-tolohe lonto walungo huhebu boito ode tiimuru, debo odelo Bele lo Eeya olo talutalu ode tiimuru. Taluhee boito tolo-tolohe monto walungo koosengi lohuhebu Bele lo Eeya wimbihu huliaalio loli biihu huliaalio lomesba. 2Lapatao̒ talolai̒ boito lodelo olaatia yilumualo loli hulubangi tilayo wau lodelo olaatia ode hulubangi tiimuru. Dutulaa mooyoto boito tolo-tolohe monto biihu huliaalio lo hulubangi boito. 3Sambela hemoluu̒ude wolo tunggudu polouu̒dio talolao̒ boito lodelo olaatia, loduduao̒ tolohio lo dutulaa boito ode tiimuru ngoilaminga limo lohetuto meeteri, tulusi lopoa̒hu olaatia lobalanga. To tambati boito taluhio bo ngoilanggato ngopai̒. 4Lapatao̒ tio loluu̒udeo̒ poli limo lohetuto meeteri, wau teto taluhio tunggula ode huu̒u. Tio loluu̒udeo̒ limo lohetuto meeteri poli, wau taluhio tunggula ode wohuta. 5Pee̒entapo tio loluu̒udeo̒ ngoilaminga limo lohetuto meeteri, wau teto taluhio modeloma daa̒ u polibayaalo tolimbuta. Wonu tau ohilaa mobalango musi mongoloyohe. 6Lapatao̒ ualo tau boito odelaatia, “Wuu manusia panaa, poo̒tuotalo utie ngoa̒amila mopio-piohuulo mao̒.”
Lapatao̒ tio luli lodelo olaatia lotiduluhe mota to dutulaa, 7wau watia loo̒onto deu̒ tobiihu lodutulaa mohu-mohualia dadaata daa̒ bungo lo ayu. 8Tio loloi̒ya odelaatia, “Dutulaa botie tolo-tolohe ode tiimuru yilumaode tolipu botie wau yilumaode to Lumbaya Dutulaa lo Yordan dulu-dulunga ode Lau Mati. Wonu taluhio tunggula ode delomo Lau Mati, yi taluhu deheto u mopanggelo boito lomelolio wolo taluhee diila olamita. 9Penu boli ode utoonu potolohe lo dutulaa botie, teto olo mao̒dungga tilolahepalo tola wau binatangi wewo u hidala-dalaala. Taluhu Lau Mati mapo hutuwolio mowali diila olamita, wau penu boli ode utoonu potolohe lo taluhee boito, teto mao̒dungga tutumulo. 10Monto bubuu-tuwaalo taluhee to En-Ged demola bubuu-tuwaalo taluhee to En-Eglaim, wiwii-mbihuwalo biihio marame wolo tahi pohalawa wau tahemo hilade pajala limongolio teto. Tilolahepalo tola u hidala-dalaala mao̒dungga todelomo taluhee boito, debo odelo uwoluo todelomo Lau Tenga. 11Bo taluhee to huhuu-tawaalo moopa uiloomo lotaluhu wau payapaya to ngohilayaa̒ lo pentadu boito diila tamowali diila olamita, bo tatapu debo odelo bungo lowatingo. 12To ngohilayaa̒ biihio mohu-mohualia lo dutulaa botio mobutu mai totoonulalo bungo lo ayu o huhuu-ngowaalo u hidala-dalaala. Duungo bungo lo ayu boito diila pee̒enta mao̒ mololante, wau huhuu-ngolio diila pee̒enta mao̒ mopulito. Bubuu-ngowaalo ayu mamongohi tilapulo huhuu-ngowaalo u bohu timii̒du hulalo, sababu taluhee u moo̒bata mao̒ tolo-tolohe monto Bele lo Eeya. Hungolio wau duungio ohuna duo̒lo wunemo.”
Sisii-patiyaalo huta
13 Eeya Taa Laba-labaalo molanggato lotahuda mai, “Uti-utieelo sisii-patiyaalo huta u mataya-tayaadulo ode mopulaa duluo suku lo Isirai̒lu. Suku lei Yusu mololimo dulo tayadu. 14Wau̒ malotadia deu̒ huta boito mawohi-U̒ odeli nenemoyaamu. Sababu uito, hamaawalo huta boito wau tayadeelo wolo aadili towolota limongoli.
15Siipati to ambahu tilayo tumulalo mai monto Lau Tenga dulu-dulunga ode tiimuru demola kota Hetlon, ode mantahu lo Hamat, tulusi ode kota Jedad, 16ode Berota wau Sibraim (kokoo-tawaalo boito dudutuulia towolota kota Damusiki wau kota Hamat), lapatao̒ ode kota Hajar-Enan, tosiipati lokota Hauran. 17Oditolio, siipatilio to ambahu tilayo tumulalo mai monto Lau Tenga demola tiimuru, ode kota Hajar-Enan; yi madala lo Damusiki wau Hamat woluo to ambahu tilayo lo siipati boito.
18Siipati to ambahu tiimuru dulu-dulunga ode huliaalio monto tambati tuwau towolota lomadala Damusiki wau madala lo Hauran. Oditolio Dutulaa Yordan debo odelo siipati towolota huta lo Isirai̒lu to ambahu otolopa wau Gilead to ambahu tiimuru, demola Tamar to pentadu lo Lau Mati.
19Siipati to ambahu huliaalio dulu-dulunga ode baara daya monto Tamar ode butu lotaluhu Kades-Meriba, tulusi ode otolopa lo deheto ngohilayao̒ siipati lo Masiri demola Lau Tenga.
20Siipati to ambahu otolopa pilomoodeli lo Lau Tenga, tulusi dulu-dulunga ode tilayo ode tambati tuwau to ambahu otolopa dalalo tumuwota ode Hamat.
21Tayadeelo huta boito towolota limongoli, modudua̒a susuu-kuwaalo Isirai̒lu; 22wau huta boito yito milikiimu u ohiheo-hiheolo mao̒. Tau-tauwalo deli tahi biluloa̒wa to huungimu, wau omongo walao̒ tapilotutu mai teto, musi olo moo̒tapu tayadu monto huta boito. Timongolio musi anggapuola odelo ngaalaa̒ talea-leaatu bangusa lo Isirai̒lu, wau timongolio musi modudua̒a pahutolo u moo̒tapu mao̒ huta tou̒ huta boito mataya-tayaadulo towolota susuu-kuwaalo Isirai̒lu. 23Timii̒du tuango lipu deli musi wohiyalo huta pee̒-pee̒enta wolo suku Isirai̒lu tou̒toonu tio bilu-biluloa̒. Wau̒, Eeya Taa Laba-labaalo molanggato malo tahuda mai.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia