DANIALI 11
11
1Tiolo tatiluugasia mai u lomantu wau lopoduulua olaatia totaunu bohulio pamalenta lei Dairus taulo Media boito. 2Wau wolo u mapoleleu̒ mai olemu yito otutu.”
Yilaidia lo Masiri wau yilaidia lo Siria
Malai̒kati boito loloi̒ya, “Toulota olongia wewo mamomalenta to Persia, wau dudua̒a li olongia tao̒paatio u malebe kaya mao̒ wolo tawewo. To bolitutuo̒ lo okokawasa wau okokayaalio, tio mamopo baalia olootolio wolo yilaidia lo Yunani.
3Lapatao̒ malumenetai ngotaalio li olongia tamolotolo. Tio mamo malenta yilaidia ulaba-labaalo leidaa̒ wau mamohutu totoonulalo u otohilaalio. 4Bo to bolitutuo̒ lo odudaa̒lio, yilaidialio mamopoo̒ wau meitayade mowali wopato tayadu. Mongo olongia tadiila waliilio mai mamo malenta mao̒ odelo tuloi̒yo, wau timongoli diila tamolotolo debo odelo lotoolio.
5Ti Olongia lipu lo huliaalio mamowali molotolo olo. Bo tala ngota lomongo eyaanggulio mamowali lebe molotolao̒ wolio, wau tio mamo malenta yilaidia ulebe udaa̒ poli. 6Dengolo taunu mola lapatio ti olongia lipu lo huliaalio sua̒li otuuwau lopowoluo woli olongia lipu lotilayo wau loponika mao̒ ti puusiliilio woli olongia lipu lotilayo boito. Bo polotuwau boito diila loo̒taahangi, wau ti puusiliilio boito mapateelio mate-mateelo mao̒, odito olo dile wau walai̒o wau mongowato tamalo depitaa olio. 7Diila lohiheo lapatao̒ uito, ngotaalio tamo tolongaalaa̒ woli puusili boito mamowali mai olongia. Tio mamoluhu suludadu li olongia lipu lotilayo, moluhu bintengilio wau mopo olaaheo̒ olio. 8Tou̒ tio muli mohualinga mola ode Masiri, tio mamodelo mota bui̒ dewa lomusuulio wau pakaakasi hulawa wau talaa̒ u mapilodewo ode dewa boito. Dengolo taunu mola hiheolio tio diila tamoluhu oli olongia lipu lotilayo. 9Lapatao̒ ti olongia lipu lo tilayo mamoluhu lipu lo huliaalio, bo tio matuhuolio tumouli wau muli mohualinga ode lipulio lohihilao.
10Lapatao̒ walao̒ mongo lolai li olongia lipu lotilayo mamo tidapa-dapato u mopaatea wau mohutu mao̒ suludadu u ngojumula daa̒. Tala ngota limongolio boito mamomaju mao̒ moluhu debe odelo taluhee daa̒. To delomo luhu u oluolio boito tio loluhu bintengi lomusu. 11Yi maloingo lomola ti olongia lipu lo huliaalio, wau tio mamomaju ode tambati lo popaatea moluwali oli olongia lipu lotilayo. Tio mamoo̒haama mopo olaaheo̒ suludadu ngojumula daa̒ tailaambu mai li olongia lipu lotilayo. 12Lapatao̒ tio mameengahu sababu loo̒haama wau sababu maloo̒pate dadaata musu yila-yilateelo mao̒, bo tio diila tatulusi okawasa.
13U oluolio ti olongia lipu lotilayo mamohutu mao̒ pasuukani u ngojumula daa̒, tumbao̒ ulebe dadaata mao̒ wolo u bohulio. Wonu wakutuulio meidungga, tio maa umoliyoo̒ momaju wolo suludadu u ngojumula daa̒ wau pohimumuto u dadaata daa̒. 14Yi dadaata tamaa momintaa̒a tingolo odeli olongia lipu lo huliaalio. Wau dengolo lota tahi palangia monto bangusaamu, Daniali, mamomintaa̒a tingolo olo sababu timongolio maloo̒onto tuwaulio lo bibilohe. Bo timongolio diila tamoo̒haama. 15Lapatao̒ ti olongia lipu lotilayo mamomala kota tuwau wau molambatao̒. Suludadu lipu lo huliaalio diila tamoo̒ taahangi, wau papaa-sukaniyalo tilulaotio olo diilalo moo̒tuwali. 16Ti Olongia lipu lotilayo boito mamohutu totoonulalo u otohilaalio lou̒ diaaluo tamoo̒ tuwali penu boli ngoi̒di mao̒. Tio olo mamoti bibiluloa̒ tohuta u molamahu wau motolo kawasa lealeaatulo mao̒.
17Lapatao̒ ti olongia lipu lotilayo mamopo dapato ngoa̒amila suludadulio u moluhu lipu lo huliaalio. Tulusi wolo makusudu motolo kawasa mao̒ ngoa̒amila yilaidia lomusuulio, tio mamohutu polo akolowa wolio moponika oli puusiliilio woli olongia lo Maasiri boito; bo patujulio boito diila ilohaasili. 18Lapatao̒ uito tio mamoluhu babaa-ngusawalo tobiihu pentadu, wau dadaata tailo laahelio. Bo ngotaalio lotau̒wa lipu deli mamopo huheli polohina u pilohutulio boito, tumbao̒ mamotuli polohina boito ode olio. 19Ti Olongia lipu lotilayo boito mamuli mohualinga ode bibii-ntengiyalo lipulio lohihilao, bo tio maa olaahelio wau madiduuluo habari pasali olio.
20Tio mamobuulota wolo ngotaalio li olongia tamaa mopoa̒hu mao̒ pogaweelio tadiila omanusia u mohimoa̒a beya wolo pakusa u moduhenga okokaya lo yilaidialio. To delomo wakutu ungointa lomato ti olongia boito mapateelio mate-mateelo mao̒, diila wolo tuua̒ao̒-tuua̒ao̒ wau diila olo todelomo popaatea.”
Ti Olongia lipu lotilayo tamoleeto
21Malai̒kati boito luli loloi̒ya, “Ti Olongia wumbutio mola tamomalenta lipu lotilayo yito ngotaalio lo taahina tadiila ohaku mowali olongia. Bo tio mamei dungga wolo diila helanto-lantobulo wau molambato huhuloa̒ li olongia wolo wimbulo hidala-dalaala. 22Ngoa̒amila suludadu tamoluwali olio, yaa tumbao̒ toli Iimamu Daa̒ olo mapoo̒ pulitolio wau pobinasalo. 23Tio mamo hiyanati totoonulalo daantia u boheli pilohutulio wolo babaa-ngusawalo wewo. Wau tio mamowali lebe hemo lotola mola, eleponu tio bo hemo malenta lipu ukikiio̒. 24Wolo dadaata aakali u moleeto tio mamoluhu mamaa-dalawaalo u molomiyodu tou̒ ulipu molaasa aamani mota teto. Tio mamohutu wolo udiipo pee̒enta hepilohutu linenemoyaalio. Lapatao̒ tio mamolaya-layadeo̒ ode tuango lipulio ngoa̒amila balangi yilambato wau okokaya u lotapulio mai todelomo popaatea. Tio mamohutu siaasati u moluhu tataa-mbatiyalo u obintengi, bo wakutuulio mahua̒a mopulito.
25Lapatao̒ wolo buheli tio mamopo tihulao̒ suludadu ngojumula daa̒ u moluhu oli olongia lipu lo huliaalia tamalo tidapa-dapato olo ohilaa moluwali olio wolo suludadu tamolotolo wau dadaata daa̒. Bo ti olongia lipu lo huliaalio diila tamoo̒ taahangi sababu tio mahiyaa-natialio. 26Tahi ponasehatia olio tamodudula daa̒ wolio mamopodehu olio. Dadaata to wolota lomongo pajulelio mao̒patealio mate-mateelo mao̒, wau suludadulio mapoo̒ pulitolio. 27Lapatao̒ olongia duulota boito mamo tihuloa̒ ngomeja wau molamela pee̒-pee̒enta, bo timongolio he opatujua u moleeto, wau timongolio mamo hihiimbuloa. Bo patuju limongolio diila otilapulo sababu wakutuulio diipo leidungga. 28Lapatao̒ ti olongia lipu lotilayo mamuli mohualinga ode lipulio wolo ngoa̒amila balangi yilambato u lotapulio. Tio oteekati u mongantulu agama u hedudua̒ umati lo Allahu Taa̒ala. Tio mamohutu ngoa̒amilalo lapatao̒ muli mohualinga ode lipulio lohihilao.
29Dengolo wakutu mola lapatio mao̒ tio mamuli moluhu lipu lo huliaalio, bo akiibatilio wewo wolo ubohu-bohulio mai. 30Sababu tau-tauwalo Roma wolo kakaa-paliilio mamonao̒ mai monto Siprus wau moluhu olio, tilinggula tio ilotoode lou̒ moohe.
Lapatao̒ tio mamo hualinga wolo nahu-nahutu daa̒ wau motolopani u mongantulu agama umati lo Allahu Taa̒ala. Tio mamodudua̒ nasehati limongolio tamaa lomahe iimani lonto agama boito. 31Lapatao̒ tio lolao mota papaa-sukaniyalo tamopo kootolo Bele lo Eeya. Timongolio mamo lulutao̒ bake timii̒du dulahu wau mopotihulo hitua-tuawua u moo̒tihela hapato u ilunte Ololeeto u mopoa̒ntulu. 32Yi wolo wimbulo hidala-dalaala ti olongia boito mamomiyo tau-tauwalo tamaa lololaa agama limongolio, alihu mohuto momantu olio. Bo tau-tauwalo tamodungohe to Allahu Taa̒ala mabuheli moluwali olio. 33Tau-tauwalo tahi tinepawa tamo titau̒wa to ulipu mamohutu mao̒ dadaata tau mongalati. Bo u dengolo wakutu mola hiheolio, dengolo lota towolota limongolio mao̒patea mate-mateelo mao̒ sababu popaatea meaala sababu tulu, wau dengolo lota poli malambatolio wau tawaloolo. 34Tou̒ polomatea mate-mateelo boito pohu-pohutu umati lo Allahu Taa̒ala mamoo̒tapu mao̒ bo ngoi̒di polotulungi, bo dadaata tau mamopangea woli mongolio bo u polohuna daa̒ ode limongolio lohihilao. 35Ngotayadu lomongo tau̒wa tamolinepo boito mao̒patea mate-mateelo mao̒, bo uito debo odelo tesi ode umati tilinggula timongolio mamowali belesi. Sua̒li boito mapohu-pohutu demola pulito lojamani, deu̒yito-yito jamani u matilantu mai lo Allahu Taa̒ala.
36Ti Olongia lipu lotilayo mamohutu totoonulalo u otohilaalio. Wolo sombongi tio mamoloi̒ya deu̒ tio lebe udaa̒ wolo Allahu Taa̒ala Taa Laba-labaalo molanggato. Tio mamoo̒hutu mao̒ odito tunggula muluka lo Allahu Taa̒ala mopulito. Sababu wolo u matilantu mai lo Allahu Taa̒ala musi meinao̒opo. 37Ti Olongia boito diila tamo mandungi penu boli dewa toonu u hetuboo linenemoyaalio, tuwotuwoto dewa u hepujaa lo mongobua. Tio diila momandungi dedeewaalo boito sababu tio monganggapu bibii-ntengiyalo lebe udaa̒ woli mongolio. 38Bolii̒yo mao̒, tio mamo hulumati dewa udiipo pee̒enta mao̒ hetilubo linenemoyaalio, deu̒yito-yito dewa u mooduo̒lawa bibii-ntengiyalo. Tio mamopodewo hulawa, talaa̒, poliyoto wau dedee-wowaalo wewolio udadaata ngoa̒amilalo ode dewa udiipo pee̒enta mao̒ hetilubo linenemoyaalio. 39Tio mamo lulaota totau-tauwalo tamolubo dewa u deli, u moluhu bibii-ntengiyalo u motoheeto. Tatoonu tamomasisi todewa boito mawohiyalio ohulumati ulaba-labaalo boli huhuloa̒a ulailaia̒ wau huta odelo wuupa.
40Wonu pulito lo okokawasa li olongia lipu lotilayo mangopee̒ meidungga, ti olongia lipu lo huliaalio mamoluhu olio. Lapatao̒ ti olongia lipu lotilayo mamotuli pololuhu boito wolo polu-polutuo̒. Tio mamongambu mai dadaata kaleta lo popaatea, wadala wau kaapali. Tio mamoluhu debo odelo taluhee daa̒, wau motolo kawasa dadaata lipu. 41Tumbao̒ huta ugaaga daa̒ olo matuhuolio, wau pulua lolihu lota mao̒patealio mate-mateelo mao̒. Bo yiyii-laidiyaalo Edom, Moab wau wimbihu u polohuna daa̒ monto yilaidia lo Amon mamoa̒ahu. 42Tou̒ tio mongaawasa yiyii-laidiyaalo boito, yilaidia lo Masiri olo diila tamo lopato. 43Tio mamo lambata halata lo Maisiri odelo hulawa wau talaa̒ boli halata wewo u ohalaga daa̒. Tio mabantua taulo Libia wau Sudan. 44Lapatao̒ habari monto tiimuru wau tilayo mamohutu o-Lio ooheaalo, tilinggula tio mamopaatea wolo polu-polutuo̒ wau momate dadaata tau mate-mateelo mao̒. 45Tumbao̒ tio mamopohuli kema lo yiladialio towolota lodeheto wau hui̒dee tambati Bele lo Eeya. Bo lapatio mao̒ tio maamate wau diaaluo penu boli ngotaa mao̒ tamaa motulungi olio.”
Iliyochaguliwa sasa
DANIALI 11: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
DANIALI 11
11
1Tiolo tatiluugasia mai u lomantu wau lopoduulua olaatia totaunu bohulio pamalenta lei Dairus taulo Media boito. 2Wau wolo u mapoleleu̒ mai olemu yito otutu.”
Yilaidia lo Masiri wau yilaidia lo Siria
Malai̒kati boito loloi̒ya, “Toulota olongia wewo mamomalenta to Persia, wau dudua̒a li olongia tao̒paatio u malebe kaya mao̒ wolo tawewo. To bolitutuo̒ lo okokawasa wau okokayaalio, tio mamopo baalia olootolio wolo yilaidia lo Yunani.
3Lapatao̒ malumenetai ngotaalio li olongia tamolotolo. Tio mamo malenta yilaidia ulaba-labaalo leidaa̒ wau mamohutu totoonulalo u otohilaalio. 4Bo to bolitutuo̒ lo odudaa̒lio, yilaidialio mamopoo̒ wau meitayade mowali wopato tayadu. Mongo olongia tadiila waliilio mai mamo malenta mao̒ odelo tuloi̒yo, wau timongoli diila tamolotolo debo odelo lotoolio.
5Ti Olongia lipu lo huliaalio mamowali molotolo olo. Bo tala ngota lomongo eyaanggulio mamowali lebe molotolao̒ wolio, wau tio mamo malenta yilaidia ulebe udaa̒ poli. 6Dengolo taunu mola lapatio ti olongia lipu lo huliaalio sua̒li otuuwau lopowoluo woli olongia lipu lotilayo wau loponika mao̒ ti puusiliilio woli olongia lipu lotilayo boito. Bo polotuwau boito diila loo̒taahangi, wau ti puusiliilio boito mapateelio mate-mateelo mao̒, odito olo dile wau walai̒o wau mongowato tamalo depitaa olio. 7Diila lohiheo lapatao̒ uito, ngotaalio tamo tolongaalaa̒ woli puusili boito mamowali mai olongia. Tio mamoluhu suludadu li olongia lipu lotilayo, moluhu bintengilio wau mopo olaaheo̒ olio. 8Tou̒ tio muli mohualinga mola ode Masiri, tio mamodelo mota bui̒ dewa lomusuulio wau pakaakasi hulawa wau talaa̒ u mapilodewo ode dewa boito. Dengolo taunu mola hiheolio tio diila tamoluhu oli olongia lipu lotilayo. 9Lapatao̒ ti olongia lipu lo tilayo mamoluhu lipu lo huliaalio, bo tio matuhuolio tumouli wau muli mohualinga ode lipulio lohihilao.
10Lapatao̒ walao̒ mongo lolai li olongia lipu lotilayo mamo tidapa-dapato u mopaatea wau mohutu mao̒ suludadu u ngojumula daa̒. Tala ngota limongolio boito mamomaju mao̒ moluhu debe odelo taluhee daa̒. To delomo luhu u oluolio boito tio loluhu bintengi lomusu. 11Yi maloingo lomola ti olongia lipu lo huliaalio, wau tio mamomaju ode tambati lo popaatea moluwali oli olongia lipu lotilayo. Tio mamoo̒haama mopo olaaheo̒ suludadu ngojumula daa̒ tailaambu mai li olongia lipu lotilayo. 12Lapatao̒ tio mameengahu sababu loo̒haama wau sababu maloo̒pate dadaata musu yila-yilateelo mao̒, bo tio diila tatulusi okawasa.
13U oluolio ti olongia lipu lotilayo mamohutu mao̒ pasuukani u ngojumula daa̒, tumbao̒ ulebe dadaata mao̒ wolo u bohulio. Wonu wakutuulio meidungga, tio maa umoliyoo̒ momaju wolo suludadu u ngojumula daa̒ wau pohimumuto u dadaata daa̒. 14Yi dadaata tamaa momintaa̒a tingolo odeli olongia lipu lo huliaalio. Wau dengolo lota tahi palangia monto bangusaamu, Daniali, mamomintaa̒a tingolo olo sababu timongolio maloo̒onto tuwaulio lo bibilohe. Bo timongolio diila tamoo̒haama. 15Lapatao̒ ti olongia lipu lotilayo mamomala kota tuwau wau molambatao̒. Suludadu lipu lo huliaalio diila tamoo̒ taahangi, wau papaa-sukaniyalo tilulaotio olo diilalo moo̒tuwali. 16Ti Olongia lipu lotilayo boito mamohutu totoonulalo u otohilaalio lou̒ diaaluo tamoo̒ tuwali penu boli ngoi̒di mao̒. Tio olo mamoti bibiluloa̒ tohuta u molamahu wau motolo kawasa lealeaatulo mao̒.
17Lapatao̒ ti olongia lipu lotilayo mamopo dapato ngoa̒amila suludadulio u moluhu lipu lo huliaalio. Tulusi wolo makusudu motolo kawasa mao̒ ngoa̒amila yilaidia lomusuulio, tio mamohutu polo akolowa wolio moponika oli puusiliilio woli olongia lo Maasiri boito; bo patujulio boito diila ilohaasili. 18Lapatao̒ uito tio mamoluhu babaa-ngusawalo tobiihu pentadu, wau dadaata tailo laahelio. Bo ngotaalio lotau̒wa lipu deli mamopo huheli polohina u pilohutulio boito, tumbao̒ mamotuli polohina boito ode olio. 19Ti Olongia lipu lotilayo boito mamuli mohualinga ode bibii-ntengiyalo lipulio lohihilao, bo tio maa olaahelio wau madiduuluo habari pasali olio.
20Tio mamobuulota wolo ngotaalio li olongia tamaa mopoa̒hu mao̒ pogaweelio tadiila omanusia u mohimoa̒a beya wolo pakusa u moduhenga okokaya lo yilaidialio. To delomo wakutu ungointa lomato ti olongia boito mapateelio mate-mateelo mao̒, diila wolo tuua̒ao̒-tuua̒ao̒ wau diila olo todelomo popaatea.”
Ti Olongia lipu lotilayo tamoleeto
21Malai̒kati boito luli loloi̒ya, “Ti Olongia wumbutio mola tamomalenta lipu lotilayo yito ngotaalio lo taahina tadiila ohaku mowali olongia. Bo tio mamei dungga wolo diila helanto-lantobulo wau molambato huhuloa̒ li olongia wolo wimbulo hidala-dalaala. 22Ngoa̒amila suludadu tamoluwali olio, yaa tumbao̒ toli Iimamu Daa̒ olo mapoo̒ pulitolio wau pobinasalo. 23Tio mamo hiyanati totoonulalo daantia u boheli pilohutulio wolo babaa-ngusawalo wewo. Wau tio mamowali lebe hemo lotola mola, eleponu tio bo hemo malenta lipu ukikiio̒. 24Wolo dadaata aakali u moleeto tio mamoluhu mamaa-dalawaalo u molomiyodu tou̒ ulipu molaasa aamani mota teto. Tio mamohutu wolo udiipo pee̒enta hepilohutu linenemoyaalio. Lapatao̒ tio mamolaya-layadeo̒ ode tuango lipulio ngoa̒amila balangi yilambato wau okokaya u lotapulio mai todelomo popaatea. Tio mamohutu siaasati u moluhu tataa-mbatiyalo u obintengi, bo wakutuulio mahua̒a mopulito.
25Lapatao̒ wolo buheli tio mamopo tihulao̒ suludadu ngojumula daa̒ u moluhu oli olongia lipu lo huliaalia tamalo tidapa-dapato olo ohilaa moluwali olio wolo suludadu tamolotolo wau dadaata daa̒. Bo ti olongia lipu lo huliaalio diila tamoo̒ taahangi sababu tio mahiyaa-natialio. 26Tahi ponasehatia olio tamodudula daa̒ wolio mamopodehu olio. Dadaata to wolota lomongo pajulelio mao̒patealio mate-mateelo mao̒, wau suludadulio mapoo̒ pulitolio. 27Lapatao̒ olongia duulota boito mamo tihuloa̒ ngomeja wau molamela pee̒-pee̒enta, bo timongolio he opatujua u moleeto, wau timongolio mamo hihiimbuloa. Bo patuju limongolio diila otilapulo sababu wakutuulio diipo leidungga. 28Lapatao̒ ti olongia lipu lotilayo mamuli mohualinga ode lipulio wolo ngoa̒amila balangi yilambato u lotapulio. Tio oteekati u mongantulu agama u hedudua̒ umati lo Allahu Taa̒ala. Tio mamohutu ngoa̒amilalo lapatao̒ muli mohualinga ode lipulio lohihilao.
29Dengolo wakutu mola lapatio mao̒ tio mamuli moluhu lipu lo huliaalio, bo akiibatilio wewo wolo ubohu-bohulio mai. 30Sababu tau-tauwalo Roma wolo kakaa-paliilio mamonao̒ mai monto Siprus wau moluhu olio, tilinggula tio ilotoode lou̒ moohe.
Lapatao̒ tio mamo hualinga wolo nahu-nahutu daa̒ wau motolopani u mongantulu agama umati lo Allahu Taa̒ala. Tio mamodudua̒ nasehati limongolio tamaa lomahe iimani lonto agama boito. 31Lapatao̒ tio lolao mota papaa-sukaniyalo tamopo kootolo Bele lo Eeya. Timongolio mamo lulutao̒ bake timii̒du dulahu wau mopotihulo hitua-tuawua u moo̒tihela hapato u ilunte Ololeeto u mopoa̒ntulu. 32Yi wolo wimbulo hidala-dalaala ti olongia boito mamomiyo tau-tauwalo tamaa lololaa agama limongolio, alihu mohuto momantu olio. Bo tau-tauwalo tamodungohe to Allahu Taa̒ala mabuheli moluwali olio. 33Tau-tauwalo tahi tinepawa tamo titau̒wa to ulipu mamohutu mao̒ dadaata tau mongalati. Bo u dengolo wakutu mola hiheolio, dengolo lota towolota limongolio mao̒patea mate-mateelo mao̒ sababu popaatea meaala sababu tulu, wau dengolo lota poli malambatolio wau tawaloolo. 34Tou̒ polomatea mate-mateelo boito pohu-pohutu umati lo Allahu Taa̒ala mamoo̒tapu mao̒ bo ngoi̒di polotulungi, bo dadaata tau mamopangea woli mongolio bo u polohuna daa̒ ode limongolio lohihilao. 35Ngotayadu lomongo tau̒wa tamolinepo boito mao̒patea mate-mateelo mao̒, bo uito debo odelo tesi ode umati tilinggula timongolio mamowali belesi. Sua̒li boito mapohu-pohutu demola pulito lojamani, deu̒yito-yito jamani u matilantu mai lo Allahu Taa̒ala.
36Ti Olongia lipu lotilayo mamohutu totoonulalo u otohilaalio. Wolo sombongi tio mamoloi̒ya deu̒ tio lebe udaa̒ wolo Allahu Taa̒ala Taa Laba-labaalo molanggato. Tio mamoo̒hutu mao̒ odito tunggula muluka lo Allahu Taa̒ala mopulito. Sababu wolo u matilantu mai lo Allahu Taa̒ala musi meinao̒opo. 37Ti Olongia boito diila tamo mandungi penu boli dewa toonu u hetuboo linenemoyaalio, tuwotuwoto dewa u hepujaa lo mongobua. Tio diila momandungi dedeewaalo boito sababu tio monganggapu bibii-ntengiyalo lebe udaa̒ woli mongolio. 38Bolii̒yo mao̒, tio mamo hulumati dewa udiipo pee̒enta mao̒ hetilubo linenemoyaalio, deu̒yito-yito dewa u mooduo̒lawa bibii-ntengiyalo. Tio mamopodewo hulawa, talaa̒, poliyoto wau dedee-wowaalo wewolio udadaata ngoa̒amilalo ode dewa udiipo pee̒enta mao̒ hetilubo linenemoyaalio. 39Tio mamo lulaota totau-tauwalo tamolubo dewa u deli, u moluhu bibii-ntengiyalo u motoheeto. Tatoonu tamomasisi todewa boito mawohiyalio ohulumati ulaba-labaalo boli huhuloa̒a ulailaia̒ wau huta odelo wuupa.
40Wonu pulito lo okokawasa li olongia lipu lotilayo mangopee̒ meidungga, ti olongia lipu lo huliaalio mamoluhu olio. Lapatao̒ ti olongia lipu lotilayo mamotuli pololuhu boito wolo polu-polutuo̒. Tio mamongambu mai dadaata kaleta lo popaatea, wadala wau kaapali. Tio mamoluhu debo odelo taluhee daa̒, wau motolo kawasa dadaata lipu. 41Tumbao̒ huta ugaaga daa̒ olo matuhuolio, wau pulua lolihu lota mao̒patealio mate-mateelo mao̒. Bo yiyii-laidiyaalo Edom, Moab wau wimbihu u polohuna daa̒ monto yilaidia lo Amon mamoa̒ahu. 42Tou̒ tio mongaawasa yiyii-laidiyaalo boito, yilaidia lo Masiri olo diila tamo lopato. 43Tio mamo lambata halata lo Maisiri odelo hulawa wau talaa̒ boli halata wewo u ohalaga daa̒. Tio mabantua taulo Libia wau Sudan. 44Lapatao̒ habari monto tiimuru wau tilayo mamohutu o-Lio ooheaalo, tilinggula tio mamopaatea wolo polu-polutuo̒ wau momate dadaata tau mate-mateelo mao̒. 45Tumbao̒ tio mamopohuli kema lo yiladialio towolota lodeheto wau hui̒dee tambati Bele lo Eeya. Bo lapatio mao̒ tio maamate wau diaaluo penu boli ngotaa mao̒ tamaa motulungi olio.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia