Awos. 39
39
Kitiyaunae ŋilowi a asacaradotonu
(Awos. 28:1-43)
1Abu Besalel kisitiyau ŋipiiryanotin ŋul ŋilowi ŋulupusiyek, ŋulu kipura-areŋak ka ŋulu areŋak, ŋulu ke esacaradoti ŋulu itiyaa anakibois a ŋina Asegan. Apotu ikes kitiyaut ŋilowi ŋulu ka asacaradotonu, aŋuna ka Aron, lopite ŋolo ecikitor Ekapolon Moses.
2Abu nai Besalel kitiyau arapet ŋina ewuakinitae egolid, torae ŋina aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan torae ŋina amilimilan ŋina adonyuno ejok. 3Kityeku iŋes egolid ŋolobenen kiwuanak narapet ŋina aya ŋiraŋgi lu: Ŋolopus, ŋolo kipurat-areŋan ka ŋolo areŋan narapet ŋina amilimilan ŋina adonyunit ituŋanan ŋini eyeni akidony ejok nooi. 4Todonyok arapet ŋin ŋaraco ŋaarei ŋuna ikacakina loseketa alocileta a arapet. 5Ekwaan arokoba ka arapet a ŋin isibusitae a ŋiboro lu a ŋulu etiyaunitere arapet: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna adonyuno ejok; lopite ŋolo ecikitor Ekapolon Moses.
6Kitemonok Besalel ŋamoru ŋuna areŋak puu ŋuna enyaritae onikis, toenianak loriko ŋulu ke egolid; ecienakinitae namoru ŋun ejok nooi ŋirorwa a ŋidwe a Yakob a ŋulusapa. 7Kiwuak iŋes ŋamoru ŋun naraco ŋuna aya narapet aloseketa. Toruwor ikes ŋuna etamunitere ŋidwe a Yakob ŋulusapa; lopite ŋolo ecikitor Ekapolon Moses.
Kitiyaunae eboli ŋolo ka atorobu
(Awos. 28:15-30)
8Todonyu Besalel eboli ŋolo ka atorobu ŋolo adonyuno ejok nooi, ŋolo ekwaan edonyuno ejok ka arapet ŋina ewuakinitae egolid, torae ŋolo aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan torae ŋolo amilimilan ŋolo adonyuno ejok. 9Ariyan ŋiwaetin ŋuluomwon ke eboli a ŋol daadaŋ, irotakina ŋarwa ŋaarei. 10Kiwuak iŋes ŋilaino ŋiomwon ŋulu a ŋamoru a ŋuna epol egyelit, elain ŋolo esyaunan ayakasi ŋamoru nu: Ŋuna areŋak puu, ŋuna enyaritae Karinelian ka ŋuna enyaŋiyarito ŋuna enyaritae Topas ta ŋuna alibak nooi ŋuna enyaritae Karisolite. 11Elain ŋolo a ŋiarei ayakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald. 12Elain ŋolo a ŋiuni ayakasi ŋamoru nu: Ŋuna inyalal ŋiraŋgi ŋuna enyaritae Jacinis ka ŋuna egogoŋ nooi ŋuna enyaritae Agate ta ŋunapusiyek-areŋak ŋuna enyaritae Amesist. 13Elain ŋolo a ŋiomwon ayakasi ŋamoru nu: Ŋuna enyaŋiyarito ŋuna enyaritae Karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Aenianakinitae ŋamoru ŋun iwapei isibakitae a ŋiriko a ŋulu etiyaunitae ke egolid. 14Arae ŋamoru ŋun ŋatomon ka ŋaarei, a ŋinamoru egiritae ekiro epei a ŋidwe a Yakob a ŋulusapa; ŋolokiro imarit ekabila epei alotooma ŋikabilae ŋulutomon ka ŋiarei. 15Kitiyau iŋes ke egolid bon ŋiriko ŋulu asonyitae ikwa ŋaunoi, kiwuak loboli ŋolo ka atorobu ŋol. 16Kitiyau iŋes ke egolid ŋiriko ŋiarei ka ŋikabobooe ŋiarei, ido toenik locileta ŋuluarei ŋulu ke eboli a ŋol. 17Toenik iŋes ŋiriko ŋuluarei ŋul lokabobooe ŋulu alocileta ke eboli, 18ido toenia iŋes epeiwae ŋiriko locileta ŋuluarei ŋulu alokidiama eboli, totapakin naraco ŋuna ka arapet ŋuna aya kidiama ŋiseketa. 19Kitiyau iŋes ke egolid ŋikabobooe ŋiarei, toenik locileta ŋuluarei ŋulu alokwap eboli, toenik alokwap alodiyete arapet. 20Kitiyau nai iŋes a egolid ŋikabobooe ŋice ŋiarei, toenik kwap ŋaraco ŋuna a ŋiseketa neni iryamyata eboli ka neni isibusitae anarapet. 21Toenik iŋes ka ausi a ŋinapus ŋikabobooe a eboli lokabobooe a arapet, toenik ausi ŋinapus ŋin narokoba ŋina ka acir; ikotere nyidalidala eboli anarapet, anerae ecikit Ekapolon Moses kitiya ŋun.
Kitiyaunae ŋilowi ŋuluce ŋulu a asacaradotonu
(Awos. 28:31-43)
22Abu Besalel kitiyau ekaaso ŋolopus ŋolo ani enapyo kidokokino arapet alokidiama, ŋolo adonyunit ituŋanan ŋini eyeni akidony ejok. 23Topedok kidiŋ keŋ neni itori akou enapyo, ido totokok nen a ŋiusyo a ŋulu asonyony ejok nooi kiryam; kikwaanikin ka neni etokere abilet ka anaŋga. Arae ŋun ikotere nyecila nen. 24Kiwuak iŋes neni iwasi alokwap a elou ŋikatelitel ŋulu ekwaan ka ŋaraito ke ekitoe a ŋolo ikwaan ka ekacikicikit. Arae ŋiraŋgi a ŋikatelitel a ŋul ŋulupusiyek, ŋulu kipura-areŋak ka ŋulu areŋak, ido adonyonokinitoe ŋiusyo ŋulu amilimilak kwap ekaaso ŋol. 25Kitiyau iŋes ke egolid tari ŋitworoi ŋulu cicik ŋulu ewuakinitae nakidiŋon a ŋikatelitel a ŋul. 26Abu Besalel nyitutupanak ŋitworoi make, kori ŋikatelitel make aneni iwasi alokwap ke ekaaso a ŋol, a ŋolo etiyaare etic ke Ekapolon, ikwapei ecikitor Ekapolon Moses.
27Todonyu Besalel tari ŋisatyo ananaŋga a ŋina amilimilan aŋuna ka Aron ka ŋidwe keŋ ŋulusapa. 28Todonyu nabo ananaŋga a ŋina amilimilan akopiya, ŋakitambarae ŋuna enapyo anakou ka ŋisiriwali ŋulu ajokak nooi ŋulu edonyuno ejok, 29ta arokoba ŋina aya ŋiraŋgi lu: Ŋolopus, ŋolo kipurat-areŋan ka ŋolo areŋan; torae ŋina adonyuno ejok, lopite ŋolo ecikitor Ekapolon Moses.
30Kitiyau iŋes ke egolid bon akaparaparat ŋina ka akou, ido kiciek nen ŋakiro nu: “Itesegunitae aŋuna ke Ekapolon.” Arae ŋun ŋuna ecikit Ekapolon Moses kitiya. 31Toenik iŋes ausi ŋinapus nakaparaparat ŋin, ikotere eeniyarya akaparaparat nakopiya lopite ŋolo ecikitor Ekapolon Moses
Kirikakis Ŋisirael etic
(Awos. 35:10-19)
32Aŋun, aponi kirikakinae etic daadaŋ ŋolo ke Eema ŋolo iryamununoi aŋuna ke Ekapolon. Apotu Ŋisirael kitiyata etic daadaŋ lopite ŋolo ecikitor Ekapolon Moses. 33Yaut nai ikes neni a Moses Eema ŋolo iryamununoi, yaut Eema kaapei ka ŋiboro keŋ daadaŋ, ŋikodoce keŋ, ŋakito keŋ, ŋalodoi keŋ, ŋipirin keŋ ka ŋakito ŋuna epesyo kwap keŋ; 34ŋilowi a ŋimeesekin ŋulu kimukokina kidiama, ŋijamu a ŋaatuk ŋulu kimukokina kidiama ŋulu adaitae ka anaŋga ŋina atyakitere Eema ŋol alokidiŋ; 35Asaduku ŋina ka Acamunet ka ŋipirin keŋ ta akibois ŋina a akisyonio; 36emesa keŋ ka ŋiboro daadaŋ ŋulu isitiyao alomesa a ŋol ta amugati ŋina ka ayakau ke Ekapolon. 37Yaut ikes awoet ŋina ke etaa ka ŋitaae keŋ iwuakinitae kidiama keŋ ta ŋiboro daadaŋ ŋulu isitiyao a nen, ikwapei akimyet ŋina a ŋitaae. 38Yaut ikes Namuroet ŋina arae egolid bon etiyaunitere, yaut akimyet ŋina ke etal, akimyet ŋina itoboboere eure ŋolo ke ekinyate ka yaut anaŋga ŋina ke epuke ke Eema a ŋolo iryamununoi; 39yaut Namuroet ŋina arae eburonis bon etiyaunitere ka ŋalodoi keŋ, ŋipirin keŋ ka ŋiboro daadaŋ ŋulu isitiyao a nen; ikwapei abesen ka awoet keŋ. 40Yaut ikes ŋanaŋgae ŋuna ineneo nalapatu ŋina alokiŋa Eema ŋolo iryamununoi, ŋipirin a alapatu a ŋin ka ŋakito ŋuna epesyo kwap nalapatu ŋin, anaŋga ŋina ke epuke a alapatu a ŋin, ŋaunoi, ŋases ka ŋiboro daadaŋ ŋulu isitiyao a nen apaki ŋina itiyaere alotooma Eema ŋol ŋolo iiryamununosi ŋituŋa. 41Yaut ikes ŋilowi ŋulu edonyitoe ejok ŋulu itiyaere anakibois a ŋina asegan, ŋilowi ŋulu ke etal ŋulu ka Aron ke esacaradoti ka ŋulu a ŋidwe keŋ a ŋulusapa a ŋulu itiyaete ikwapei ŋisacaradotin. 42Apotu Ŋisirael kitiyata etic daadaŋ lopite ŋolo ecikitor Ekapolon Moses. 43Ani eanyuni Moses atemar erikakis ikes etic daadaŋ lopite ŋolo ecikitor Ekapolon iŋes, abu kiterereŋ ŋituŋa.
Iliyochaguliwa sasa
Awos. 39: NIB2008
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ngakarimojong Interconfessional Bible © Bible Society of Uganda, 2008.
Awos. 39
39
Kitiyaunae ŋilowi a asacaradotonu
(Awos. 28:1-43)
1Abu Besalel kisitiyau ŋipiiryanotin ŋul ŋilowi ŋulupusiyek, ŋulu kipura-areŋak ka ŋulu areŋak, ŋulu ke esacaradoti ŋulu itiyaa anakibois a ŋina Asegan. Apotu ikes kitiyaut ŋilowi ŋulu ka asacaradotonu, aŋuna ka Aron, lopite ŋolo ecikitor Ekapolon Moses.
2Abu nai Besalel kitiyau arapet ŋina ewuakinitae egolid, torae ŋina aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan torae ŋina amilimilan ŋina adonyuno ejok. 3Kityeku iŋes egolid ŋolobenen kiwuanak narapet ŋina aya ŋiraŋgi lu: Ŋolopus, ŋolo kipurat-areŋan ka ŋolo areŋan narapet ŋina amilimilan ŋina adonyunit ituŋanan ŋini eyeni akidony ejok nooi. 4Todonyok arapet ŋin ŋaraco ŋaarei ŋuna ikacakina loseketa alocileta a arapet. 5Ekwaan arokoba ka arapet a ŋin isibusitae a ŋiboro lu a ŋulu etiyaunitere arapet: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna adonyuno ejok; lopite ŋolo ecikitor Ekapolon Moses.
6Kitemonok Besalel ŋamoru ŋuna areŋak puu ŋuna enyaritae onikis, toenianak loriko ŋulu ke egolid; ecienakinitae namoru ŋun ejok nooi ŋirorwa a ŋidwe a Yakob a ŋulusapa. 7Kiwuak iŋes ŋamoru ŋun naraco ŋuna aya narapet aloseketa. Toruwor ikes ŋuna etamunitere ŋidwe a Yakob ŋulusapa; lopite ŋolo ecikitor Ekapolon Moses.
Kitiyaunae eboli ŋolo ka atorobu
(Awos. 28:15-30)
8Todonyu Besalel eboli ŋolo ka atorobu ŋolo adonyuno ejok nooi, ŋolo ekwaan edonyuno ejok ka arapet ŋina ewuakinitae egolid, torae ŋolo aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan torae ŋolo amilimilan ŋolo adonyuno ejok. 9Ariyan ŋiwaetin ŋuluomwon ke eboli a ŋol daadaŋ, irotakina ŋarwa ŋaarei. 10Kiwuak iŋes ŋilaino ŋiomwon ŋulu a ŋamoru a ŋuna epol egyelit, elain ŋolo esyaunan ayakasi ŋamoru nu: Ŋuna areŋak puu, ŋuna enyaritae Karinelian ka ŋuna enyaŋiyarito ŋuna enyaritae Topas ta ŋuna alibak nooi ŋuna enyaritae Karisolite. 11Elain ŋolo a ŋiarei ayakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald. 12Elain ŋolo a ŋiuni ayakasi ŋamoru nu: Ŋuna inyalal ŋiraŋgi ŋuna enyaritae Jacinis ka ŋuna egogoŋ nooi ŋuna enyaritae Agate ta ŋunapusiyek-areŋak ŋuna enyaritae Amesist. 13Elain ŋolo a ŋiomwon ayakasi ŋamoru nu: Ŋuna enyaŋiyarito ŋuna enyaritae Karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Aenianakinitae ŋamoru ŋun iwapei isibakitae a ŋiriko a ŋulu etiyaunitae ke egolid. 14Arae ŋamoru ŋun ŋatomon ka ŋaarei, a ŋinamoru egiritae ekiro epei a ŋidwe a Yakob a ŋulusapa; ŋolokiro imarit ekabila epei alotooma ŋikabilae ŋulutomon ka ŋiarei. 15Kitiyau iŋes ke egolid bon ŋiriko ŋulu asonyitae ikwa ŋaunoi, kiwuak loboli ŋolo ka atorobu ŋol. 16Kitiyau iŋes ke egolid ŋiriko ŋiarei ka ŋikabobooe ŋiarei, ido toenik locileta ŋuluarei ŋulu ke eboli a ŋol. 17Toenik iŋes ŋiriko ŋuluarei ŋul lokabobooe ŋulu alocileta ke eboli, 18ido toenia iŋes epeiwae ŋiriko locileta ŋuluarei ŋulu alokidiama eboli, totapakin naraco ŋuna ka arapet ŋuna aya kidiama ŋiseketa. 19Kitiyau iŋes ke egolid ŋikabobooe ŋiarei, toenik locileta ŋuluarei ŋulu alokwap eboli, toenik alokwap alodiyete arapet. 20Kitiyau nai iŋes a egolid ŋikabobooe ŋice ŋiarei, toenik kwap ŋaraco ŋuna a ŋiseketa neni iryamyata eboli ka neni isibusitae anarapet. 21Toenik iŋes ka ausi a ŋinapus ŋikabobooe a eboli lokabobooe a arapet, toenik ausi ŋinapus ŋin narokoba ŋina ka acir; ikotere nyidalidala eboli anarapet, anerae ecikit Ekapolon Moses kitiya ŋun.
Kitiyaunae ŋilowi ŋuluce ŋulu a asacaradotonu
(Awos. 28:31-43)
22Abu Besalel kitiyau ekaaso ŋolopus ŋolo ani enapyo kidokokino arapet alokidiama, ŋolo adonyunit ituŋanan ŋini eyeni akidony ejok. 23Topedok kidiŋ keŋ neni itori akou enapyo, ido totokok nen a ŋiusyo a ŋulu asonyony ejok nooi kiryam; kikwaanikin ka neni etokere abilet ka anaŋga. Arae ŋun ikotere nyecila nen. 24Kiwuak iŋes neni iwasi alokwap a elou ŋikatelitel ŋulu ekwaan ka ŋaraito ke ekitoe a ŋolo ikwaan ka ekacikicikit. Arae ŋiraŋgi a ŋikatelitel a ŋul ŋulupusiyek, ŋulu kipura-areŋak ka ŋulu areŋak, ido adonyonokinitoe ŋiusyo ŋulu amilimilak kwap ekaaso ŋol. 25Kitiyau iŋes ke egolid tari ŋitworoi ŋulu cicik ŋulu ewuakinitae nakidiŋon a ŋikatelitel a ŋul. 26Abu Besalel nyitutupanak ŋitworoi make, kori ŋikatelitel make aneni iwasi alokwap ke ekaaso a ŋol, a ŋolo etiyaare etic ke Ekapolon, ikwapei ecikitor Ekapolon Moses.
27Todonyu Besalel tari ŋisatyo ananaŋga a ŋina amilimilan aŋuna ka Aron ka ŋidwe keŋ ŋulusapa. 28Todonyu nabo ananaŋga a ŋina amilimilan akopiya, ŋakitambarae ŋuna enapyo anakou ka ŋisiriwali ŋulu ajokak nooi ŋulu edonyuno ejok, 29ta arokoba ŋina aya ŋiraŋgi lu: Ŋolopus, ŋolo kipurat-areŋan ka ŋolo areŋan; torae ŋina adonyuno ejok, lopite ŋolo ecikitor Ekapolon Moses.
30Kitiyau iŋes ke egolid bon akaparaparat ŋina ka akou, ido kiciek nen ŋakiro nu: “Itesegunitae aŋuna ke Ekapolon.” Arae ŋun ŋuna ecikit Ekapolon Moses kitiya. 31Toenik iŋes ausi ŋinapus nakaparaparat ŋin, ikotere eeniyarya akaparaparat nakopiya lopite ŋolo ecikitor Ekapolon Moses
Kirikakis Ŋisirael etic
(Awos. 35:10-19)
32Aŋun, aponi kirikakinae etic daadaŋ ŋolo ke Eema ŋolo iryamununoi aŋuna ke Ekapolon. Apotu Ŋisirael kitiyata etic daadaŋ lopite ŋolo ecikitor Ekapolon Moses. 33Yaut nai ikes neni a Moses Eema ŋolo iryamununoi, yaut Eema kaapei ka ŋiboro keŋ daadaŋ, ŋikodoce keŋ, ŋakito keŋ, ŋalodoi keŋ, ŋipirin keŋ ka ŋakito ŋuna epesyo kwap keŋ; 34ŋilowi a ŋimeesekin ŋulu kimukokina kidiama, ŋijamu a ŋaatuk ŋulu kimukokina kidiama ŋulu adaitae ka anaŋga ŋina atyakitere Eema ŋol alokidiŋ; 35Asaduku ŋina ka Acamunet ka ŋipirin keŋ ta akibois ŋina a akisyonio; 36emesa keŋ ka ŋiboro daadaŋ ŋulu isitiyao alomesa a ŋol ta amugati ŋina ka ayakau ke Ekapolon. 37Yaut ikes awoet ŋina ke etaa ka ŋitaae keŋ iwuakinitae kidiama keŋ ta ŋiboro daadaŋ ŋulu isitiyao a nen, ikwapei akimyet ŋina a ŋitaae. 38Yaut ikes Namuroet ŋina arae egolid bon etiyaunitere, yaut akimyet ŋina ke etal, akimyet ŋina itoboboere eure ŋolo ke ekinyate ka yaut anaŋga ŋina ke epuke ke Eema a ŋolo iryamununoi; 39yaut Namuroet ŋina arae eburonis bon etiyaunitere ka ŋalodoi keŋ, ŋipirin keŋ ka ŋiboro daadaŋ ŋulu isitiyao a nen; ikwapei abesen ka awoet keŋ. 40Yaut ikes ŋanaŋgae ŋuna ineneo nalapatu ŋina alokiŋa Eema ŋolo iryamununoi, ŋipirin a alapatu a ŋin ka ŋakito ŋuna epesyo kwap nalapatu ŋin, anaŋga ŋina ke epuke a alapatu a ŋin, ŋaunoi, ŋases ka ŋiboro daadaŋ ŋulu isitiyao a nen apaki ŋina itiyaere alotooma Eema ŋol ŋolo iiryamununosi ŋituŋa. 41Yaut ikes ŋilowi ŋulu edonyitoe ejok ŋulu itiyaere anakibois a ŋina asegan, ŋilowi ŋulu ke etal ŋulu ka Aron ke esacaradoti ka ŋulu a ŋidwe keŋ a ŋulusapa a ŋulu itiyaete ikwapei ŋisacaradotin. 42Apotu Ŋisirael kitiyata etic daadaŋ lopite ŋolo ecikitor Ekapolon Moses. 43Ani eanyuni Moses atemar erikakis ikes etic daadaŋ lopite ŋolo ecikitor Ekapolon iŋes, abu kiterereŋ ŋituŋa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ngakarimojong Interconfessional Bible © Bible Society of Uganda, 2008.