फिलेपियो ओलखात
ओलखात
पौलुस फिलीपी वाला विश्वासीह यीशु मसीन जेल्मान कोमीत कोमी 61 सालान पासाण पोत्र लिखेल इतो। तो जेली मा 1:13 इतो तेवी लिखेल इतो निहते रोम माय फिलेपियो हेयरा वाली मोंडलीह लिखेल इतो। आपु फिलेपियोन बारा माय जुनाला नेमा माय थोड़ोक हिक सेकतेह। फिलेपियो एक राजदानीन हियोर इतो पेल्ली मोंडली एती, जा माय मकादुनिया माय बुणेल एती। पौलुस एने सिलास एकठास मोंडलीन सुरवात किरेल एता, एने न्या वोर काय एक रातीन केरता जेली माय कोंडायेल इतो, जेवी ता ताहरो एता। प्रेरितान काम 16
ज्या पोत्राह लिखणे जुलूम वातु एत्यु। पौलुस ती टेमीन वापेर मोंडलीह तान उगे रेन साबासीन केरता दन्यवाद आपणे, जेवी ता होमलेल काय तो जेली माय हे। 4:10-19 तो जेली माय तान देशा कोहलीक एती तो बी दिखेल हे एने मोंडलीह तीमुथीयुस एने एपाफ्रोदितुसान बारा माय कियेल हे। 2:19-30 काय ता तान स्वागत केरी एने तान अगवाईन सम्मान केरी।
रूपरेखा
1. फिलिप मोंडलीह नमस्कार केरीन पोत्रान सुरवात किरेल हे। 1:1-2
2. ओंगाण तो तान देशान बारा माय थोड़ीक जाणकारी देखाड़ेह एने थोड़ीक चिन्ता ताह तो देखाड़ेह। 1:3–2:30
3. ओवतो तो विश्वासी जीवणो जीवणेन हिकाड़ेह। 3:1–4:9
4. पौलुस फिलेपियोन मोंडलीह तान बोकसीस केरता दन्यवाद एने तान आबिवादन मोकलीन निवरावेह। 4:10-23
Iliyochaguliwa sasa
फिलेपियो ओलखात: Nii2025
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025