2 कुरिंथीयो 5
5
आमरो हेरगावालो गेर
1काहाकाय आमु जाणतेह काय देरतीन आवाल्या थोड़ीक वार ने केरता हेत्यु, जो आमरो सेरीर हे पाड़ाय जाय, एने आमुह बोगवाना उगे रेन हेरगा माय एक ओहलो सेरीर जुड़ी जो आथा केरीन बाणायेल गेर नाह, पुण जेलेमक्योस हे। 2ज्या गेरा माय ते आमु आयेड़तेह एने मोटली लालुच मेलतेह काय आपणा हेरगान गेराह पिर लेय। 3काय ज्याह पेरने से आमु नांगेरला नाय रेय। 4एने आमु ज्या गेरा माय रितेन वोजा माय दाबाईन आयेड़ते रेतेह, काहाकाय आमु ताह उतारने नाह, पुण उंजु पेरने होद्तेह काय तो जो मोरनार हे, जीवणाम बुड़ जाय। 5जो आमुह आवणारा टेम माय जुड़न्यो हे, ज्यो तान पुरावो हे, एने बोगवान आमुह बियाना माय जीव बी आपेल हे।
6आमु कायेम ईमोत केरीन रेतेह, एने ज्य जाणतेह काय जाह वोर आमु देरतीन सेरीरान गेरा माय रेतेह, ताह वोर आमु बोगवानाह रेन आंगे हेते। 7काहाकाय आमरा जीवणा माय जो काय आमु देखतेह तो नाह, पुण बोगवाना पोर बुरहो केरतेह। 8तानकेरता आमु ईमोत बांदिन रेतेह, एने सेरीराह रेन आंगे एन बोगवाना हेऱ्यो हेरगावाला गेराम रेणे जुलूम हाजो सोमेजतेह। 9ज्यानकेरता आमरा मोनान मोरजी ज्यी हे, काय आमु देरतीन गेराम रेय नाहते हेरगावाला गेराम रेय पुण आमु ताह मोंगाल्ला लागती रिज्यो। 10#रोमीयो 14:10काहाकाय जोरवरी हे काय आपणो आखान हाल मसीन नियाव केरनेन जागे तान ओंगाण उगड़ी जाय। काय एकेक माणहान जान तान हाजा बाकता कामान बुदलो जा तान सेरीरान द्वारे किरेल हेते, ताह जुड़ी।
बोगवाना हेऱ्यो पोशो मेल मिलाप यीशुन द्वारे
11तानकेरता आमु बोगवानान बिय मानेन आमु माणहाह सोमजाड़तेह, पुण बोगवान आमरो पुरो हाल जाणेह, एने मारी आसा ज्यी हे काय आमरी ज्यी देसा तुमरा मोना माय बी उगड़ी। 12तीबी आमु तुमरी ओंगाण आमरी बोड़ाय नाह केरती, पुण तुमूह टेम आपतेह काय तुमू आमु पोर मोठाय केरी। एने ताह जापाप आप सिकहो जा मोना पोर नाह, पुण दिखावट पोर मोठाय केरतेह। 13केदी आमुह माणहे गांडा सोमेजतेह, ते बोगवानान केरता; एने केदी होस माय हेते ते तुमरी केरता। 14काहाकाय यीशु मसीन मोंग आमुह मोजबुर किर दिथे; तानकेरता आमु ज्य सोमेजतेह काय जेवी एक आखान केरता मुरनो, ते आखा मोर गीया। 15एने तो आखान केरता ज्यानकेरीन मुरेल काय जा जीवताला हेते, ता ओंगाण सोतान केरता नाय जिवी, पुण तानकेरता जिवी जो तानकेरता मुरेल एने पुशो जीव उठनो।
16तानकेरता एवी रेन आमु कुणी बी माणहाह होमेलने गेत नाय सुमेजहो, एने आमु मसीह बी सेरीरान गेत जाणेल एता, तीबी एवी रेन ताह इहकेरीन नाय जाणहु। 17तानकेरता केदी एगदो मसी माय हे तो नोवाली बाणावोट हे; जुनाली वातु वित गीयुह दिखो, एवी आखी वातु नोवाली एय गीयुह। 18ज्यु आखी वातु बोगवाना उगे रेन हेत्यु; जो मसीन द्वारे आपणी हिऱ्यो आमरो मेल मिलाप किर लियेल, एने मेल मीलापान सेवा आमुह हुप दियेल हे। 19#5:19 आखा माणहान जातीह मसीन द्वारे बोगवान आपुह दोस्ती बोणावीह; नाहते मसी माय बोगवान आखा माणहान जातीह आपुह दोस्ती बोणावीह।बोगवान मसी माय एन ता हिऱ्यो दुनियान मेल मिलाप किर लिदो, एने तान गुनान दोस ता पोर नाह लागाड्यो, एने तो मेल मीलापान वचन आमुह हुप दियेल हे।
20तानकेरता आमु मसीन राजदुत हेते; सुमजो बोगवान आमरी द्वारे विन्ता केरने बाजरिनोह। एने आमु मसीन उगे रेन बोलतेह काय बोगवाना हेऱ्या मेल मिलाप किर लिवो। 21जा पापाह रेन एंजाणल्या एता, ताहाच तो आमरे केरता पाप ठेरायेल काय आमु ता माय एन बोगवानान ओंगाण देरमी बोण जाती।
Iliyochaguliwa sasa
2 कुरिंथीयो 5: Nii2025
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025