ZEKARIA 10
10
MOKUNA X.
1 Pono e noi i ke Akua i ka ua. 4 Ko ke Akua kōkua ʻana i kona poʻe kānaka, i nā Iudaio.
1¶ E noi aku ʻoukou iā Iēhova i ka ua i ka manawa ua hope;
E hana mai ʻo Iēhova i ka uila,
A e hāʻawi mai iā lākou i ka ua nui,
I kēlā kanaka i kēia kanaka i ka lāʻau iki ʻai o ke kula.
2No ka mea, ua ʻōlelo lapuwale nā kiʻi,
A ua wānana nā kāula i ka mea wahaheʻe,
A ua hōʻike mai i nā moeʻuhane hoʻopunipuni;
He mea ʻole ko lākou hōʻoluʻolu ʻana;
No laila ʻauana akula lākou e like me nā ʻohana hipa;
Ua pōpilikia lākou; no ka mea, ʻaʻohe kahu hipa.
3“Hoʻā ʻia akula kuʻu inaina i nā kahu hipa,
A e hoʻopaʻi auaneʻi au i ka poʻe kao kāne.
No ka mea, na Iēhova o nā kaua e ʻike mai i kona ʻohana, i ka ʻohana a Iuda;
A e hoʻolike iā lākou me kona lio maikaʻi i loko o ke kaua.
4“Mai loko aʻe ona ka pōhaku kumu kihi,
Mai loko aʻe ona ka mākia,
Mai loko aʻe ona ke kakaka kaua;
Mai loko pū aku nō hoʻi ona i hele mai ai nā mea hoʻokoʻikoʻi a pau.
5“A e like auaneʻi lākou me nā koa,
E hehi iho ana i ka nenelu o nā alanui i loko o ke kaua;
A e hoʻokaua aku lākou;
No ka mea, me lākou pū ʻo Iēhova,
A e hoʻohoka ʻia ka poʻe hoʻoholo lio.
6“A e hoʻokūpaʻa nō au i ka ʻohana a Iuda,
A e hoʻōla au i ka ʻohana a Iosepa,
A e hoʻihoʻi hou mai au iā lākou e hoʻonoho iā lākou;
No ka mea, ua aloha au iā lākou;
A e like auaneʻi lākou me ka poʻe aʻu i hoʻohemo ʻole ai;
No ka mea, ʻo wau nō Iēhova ʻo ko lākou Akua, a e hoʻolohe auaneʻi au iā lākou.
7“A e like ko ʻEperaima me ke kanaka koa,
A e ʻoliʻoli ko lākou naʻau, e like me ka mea inu waina;
E nānā aku kā lākou poʻe keiki, me ka ʻoliʻoli,
A e hauʻoli ko lākou naʻau iā Iēhova.
8“E pio aku nō au iā lākou, a e hōʻuluʻulu au iā lākou;
No ka mea, e hoʻōla auaneʻi au iā lākou;
A e māhuahua auaneʻi lākou, me kā lākou i māhuahua ai ma mua.
9“E lūlū aku hoʻi au iā lākou i waena o nā lāhui kanaka,
Akā, e hoʻomanaʻo mai lākou iaʻu ma nā ʻāina mamao aku;
A e ola lākou me kā lākou poʻe keiki, a e huli hou mai.
10“E alakaʻi hou au iā lākou mai ka ʻāina ʻo ʻAigupita mai,
A e hōʻuluʻulu iā lākou mai ʻAsuria mai,
A e alakaʻi au iā lākou i ka ʻāina ʻo Gileada a ʻo Lebanona,
ʻAʻole hoʻi e lawa ka ʻāina no lākou.
11“A e hele aku ia ma waena o ke kai me ka pilikia,
Akā, e hahau ia i nā ʻale o ke kai,
A e hoʻomaloʻo ia i nā wahi hohonu a pau o ka Muliwai;
E hoʻohiolo ʻia ke kiʻekiʻe o ʻAsuria,
A e lawe ʻia aku ke koʻokoʻo mōʻī o ʻAigupita.
12“A e hoʻoikaika aku au iā lākou ma o Iēhova lā,
A ma kona inoa lākou e hele ai,” wahi a Iēhova.
Iliyochaguliwa sasa
ZEKARIA 10: KBH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.
ZEKARIA 10
10
MOKUNA X.
1 Pono e noi i ke Akua i ka ua. 4 Ko ke Akua kōkua ʻana i kona poʻe kānaka, i nā Iudaio.
1¶ E noi aku ʻoukou iā Iēhova i ka ua i ka manawa ua hope;
E hana mai ʻo Iēhova i ka uila,
A e hāʻawi mai iā lākou i ka ua nui,
I kēlā kanaka i kēia kanaka i ka lāʻau iki ʻai o ke kula.
2No ka mea, ua ʻōlelo lapuwale nā kiʻi,
A ua wānana nā kāula i ka mea wahaheʻe,
A ua hōʻike mai i nā moeʻuhane hoʻopunipuni;
He mea ʻole ko lākou hōʻoluʻolu ʻana;
No laila ʻauana akula lākou e like me nā ʻohana hipa;
Ua pōpilikia lākou; no ka mea, ʻaʻohe kahu hipa.
3“Hoʻā ʻia akula kuʻu inaina i nā kahu hipa,
A e hoʻopaʻi auaneʻi au i ka poʻe kao kāne.
No ka mea, na Iēhova o nā kaua e ʻike mai i kona ʻohana, i ka ʻohana a Iuda;
A e hoʻolike iā lākou me kona lio maikaʻi i loko o ke kaua.
4“Mai loko aʻe ona ka pōhaku kumu kihi,
Mai loko aʻe ona ka mākia,
Mai loko aʻe ona ke kakaka kaua;
Mai loko pū aku nō hoʻi ona i hele mai ai nā mea hoʻokoʻikoʻi a pau.
5“A e like auaneʻi lākou me nā koa,
E hehi iho ana i ka nenelu o nā alanui i loko o ke kaua;
A e hoʻokaua aku lākou;
No ka mea, me lākou pū ʻo Iēhova,
A e hoʻohoka ʻia ka poʻe hoʻoholo lio.
6“A e hoʻokūpaʻa nō au i ka ʻohana a Iuda,
A e hoʻōla au i ka ʻohana a Iosepa,
A e hoʻihoʻi hou mai au iā lākou e hoʻonoho iā lākou;
No ka mea, ua aloha au iā lākou;
A e like auaneʻi lākou me ka poʻe aʻu i hoʻohemo ʻole ai;
No ka mea, ʻo wau nō Iēhova ʻo ko lākou Akua, a e hoʻolohe auaneʻi au iā lākou.
7“A e like ko ʻEperaima me ke kanaka koa,
A e ʻoliʻoli ko lākou naʻau, e like me ka mea inu waina;
E nānā aku kā lākou poʻe keiki, me ka ʻoliʻoli,
A e hauʻoli ko lākou naʻau iā Iēhova.
8“E pio aku nō au iā lākou, a e hōʻuluʻulu au iā lākou;
No ka mea, e hoʻōla auaneʻi au iā lākou;
A e māhuahua auaneʻi lākou, me kā lākou i māhuahua ai ma mua.
9“E lūlū aku hoʻi au iā lākou i waena o nā lāhui kanaka,
Akā, e hoʻomanaʻo mai lākou iaʻu ma nā ʻāina mamao aku;
A e ola lākou me kā lākou poʻe keiki, a e huli hou mai.
10“E alakaʻi hou au iā lākou mai ka ʻāina ʻo ʻAigupita mai,
A e hōʻuluʻulu iā lākou mai ʻAsuria mai,
A e alakaʻi au iā lākou i ka ʻāina ʻo Gileada a ʻo Lebanona,
ʻAʻole hoʻi e lawa ka ʻāina no lākou.
11“A e hele aku ia ma waena o ke kai me ka pilikia,
Akā, e hahau ia i nā ʻale o ke kai,
A e hoʻomaloʻo ia i nā wahi hohonu a pau o ka Muliwai;
E hoʻohiolo ʻia ke kiʻekiʻe o ʻAsuria,
A e lawe ʻia aku ke koʻokoʻo mōʻī o ʻAigupita.
12“A e hoʻoikaika aku au iā lākou ma o Iēhova lā,
A ma kona inoa lākou e hele ai,” wahi a Iēhova.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.