KA ʻEUANELIO I KĀKAU ʻIA AI E MAREKO 5
5
MOKUNA V.
1 Ka mahiki ʻana i nā daimonio. 21 Ke ola ʻana o ka maʻi heʻe koko, a me ke ola ʻana o ke kaikamahine make.
1¶ A laila, holo aʻela lākou i kēlā kapa o ka moana wai i ka ʻāina o Gadara.
2I kona lele ʻana aʻe, mai ka moku aʻe, hālāwai koke me ia kekahi kanaka i uluhia e ka ʻuhane ʻino, no nā ilina mai.
3Ma nā ilina nō kona wahi e noho ai, ʻaʻole me nā kaula hao e hiki ai ke hoʻopaʻa iā ia a paʻa.
4Ua hoʻopaʻa pinepine ʻia ʻo ia i ke kūpeʻe ʻana a me nā kaula hao, a moku ʻia nā kaula hao e ia, a hakihaki ʻia nō hoʻi nā kūpeʻe, ʻaʻole nō i hiki i kekahi ke hoʻolakalaka iā ia.
5Mau loa nō ia i ka pō a me ke ao ma nā kuahiwi, a ma nā ilina e uwalaʻau ana, a e ʻokiʻoki ana iā ia iho nō i nā pōhaku.
6I kona ʻike ʻana iā Iesū ma kahi mamao aku, holo aʻela ia a moe ihola i mua ona;
7kāhea aʻela ia me ka leo nui, ʻī aʻela, “He aha kāu iaʻu, e Iesū, e ke Keiki a ke Akua Kiʻekiʻe Loa? Ke pāpā aku nei au iā ʻoe ma ke Akua, mai hoʻomāinoino mai iaʻu!”
8No ka mea, ua ʻōlelo ʻē aku Iesū iā ia, “E ka ʻuhane ʻino, e hele aku ʻoe pēlā i waho o ia kanaka!”
9Nīnau akula Iesū iā ia, “ʻO wai lā kou inoa?” Haʻi mai kēlā, ʻī maila, “ʻO Legeona koʻu inoa; no ka mea, ua nui loa mākou.”
10Nonoi nui aʻela kēlā iā ia, i kipaku ʻole ʻo ia iā lākou, mai loko aku o ia ʻāina.
11Ma ia wahi aku, ma ka puʻu, he nui ka poʻe puaʻa e ʻai ana.
12Nonoi aʻela nā daimonio a pau iā ia, ʻī akula, “E hoʻouna aʻe ʻoe iā mākou i nā puaʻa, i komo aku ai mākou i loko o lākou.”
13ʻAe koke aʻela Iesū iā lākou. A laila, puka akula nā ʻuhane ʻino i waho, a komo akula i loko o nā puaʻa; a holo kikī ihola lākou i lalo ma kahi pali, i loko o ka moana wai, (ʻelua paha tausani lākou,) a make ihola i loko o ka wai.
14Holo akula ka poʻe i hānai iā lākou, a haʻi aʻela ma ke kūlanakauhale, a ma nā kauhale; a haele aʻela lākou i waho, e ʻike i nā mea i hana ʻia ai.
15A hiki maila lākou i o Iesū lā, a ʻike i ka mea i uluhia e ka daimonio, nona ka “legeona,” e noho ana me ka ʻaʻahu, a me ka manaʻo pono; makaʻu aʻela lākou.
16ʻO ka poʻe i ʻike pono, haʻi akula iā lākou i nā mea i hana ʻia ai i ka mea i uluhia e ka daimonio, a no nā puaʻa hoʻi.
17A hoʻomaka aʻela lākou e nonoi iā ia i haʻalele ai ia i ko lākou ʻāina.
18I kona eʻe ʻana i luna o ka moku, hele akula i ona lā ka mea i uluhia e ka daimonio, nonoi akula iā ia, e noho pū ʻo ia me ia.
19ʻAʻole Iesū i ʻae, ʻī maila nō naʻe iā ia, “E hoʻi ʻoe i kou hale, i kou poʻe hoahānau, e haʻi aku iā lākou i nā mea nui a ka Haku i hana ai nou, a me kona lokomaikaʻi iā ʻoe.”
20Hele aʻela ia, a hoʻomaka aʻela e haʻi aku ma Dekapoli i nā mea a Iesū i hana ai nona; a kāhāhā ihola ka naʻau o nā kānaka a pau.
21¶ I ka hoʻi ʻana o Iesū ma ka moku, a hiki i kēlā kapa, nui loa ihola nā kānaka i ʻākoakoa maila i ona lā; a aia nō ia ma kapa o ka moana wai.
22Aia hoʻi, hele maila kekahi luna hale hālāwai, ʻo Iairo kona inoa, a ʻike ʻo ia iā ia, hāʻule ihola ia ma kona mau wāwae.
23A nonoi nui aʻela iā ia, ʻī aʻela, “Ke waiho lā kuʻu kaikamahine i ka wēlau o ka make; e hele aʻe ʻoe, e kau iho i kou lima ma luna ona, a e ola nō ia.”
24A hele pū akula Iesū me ia, he nui loa nā kānaka i hahai pū akula, a hoʻokē ihola iā ia.
25¶ Aia hoʻi he wahine heʻe koko, he ʻumi nā makahiki a me kumamālua;
26a ua nui kona kaumaha no nā kāhuna lapaʻau he nui loa, a ua hoʻopau loa i kona waiwai, ʻaʻole naʻe i maha iki, ua māhuahua nō ka maʻi.
27A lohe akula ia no Iesū, a laila, hele maila ia ma hope, a i loko o ka ʻaha kanaka, hoʻopā akula i kona kapa.
28No ka mea, ua nalu iho nō ia, “Inā paha e hoʻopā au i kona kapa wale nō, e ola au.”
29Maloʻo koke aʻela ke kumu o kona koko; a ʻike ihola ia i loko o kona kino, ua ola ia i kēlā maʻi.
30A laila, ʻike koke ihola ʻo Iesū i loko ona, ua puka aku kekahi mana, mai ona aku lā, huli aʻela ia ma loko o ka ʻaha kanaka, ʻī maila, “ʻO wai lā ka mea hoʻopā mai i kuʻu ʻaʻahu?”
31ʻĪ akula kāna poʻe haumāna iā ia, “Ke ʻike mai nei nō ʻoe i ka ʻaha kanaka, e hoʻokē ana iā ʻoe, a ke nīnau mai nei anei ʻoe, ‘ʻO wai kai hoʻopā mai iaʻu?’”
32ʻAlawa aʻela ia e nānā aʻe i ka mea nāna i hana ia mea.
33Akā, ʻo ua wahine lā, hele maila ia me ka makaʻu, a me ka haʻalulu; no ka mea, ua ʻike pono ia i ka mea i hana ʻia aʻe i loko ona, a haʻi pololei akula iā ia.
34ʻĪ maila ʻo ia iā ia, “E kuʻu kaikamahine, ua ola ʻoe i kou manaʻoʻiʻo! E hele pōmaikaʻi ʻoe, me ke ola ʻana o kou maʻi.”
35¶ A i kāna ʻōlelo ʻana, hele maila kekahi mea, no ka luna hale hālāwai, ʻī maila, “Ua make kou kaikamahine, no ke aha lā ʻoe e hoʻoluhi hou aku ai i ke Kumu?”
36A lohe Iesū ia ʻōlelo i ʻōlelo ʻia aʻe, ʻī maila ia i ka luna hale hālāwai, “Mai makaʻu ʻoe, e manaʻoʻiʻo wale mai nō.”
37ʻAʻole ia i ʻae mai i kekahi kanaka ʻē aʻe e hahai aku iā ia, ʻo Petero wale nō, a me Iakobo, a me Ioane, ke kaikaina o Iakobo.
38A hiki aʻela ia i ka hale o ua luna hale hālāwai lā, ʻike aʻela ia i ka haunaele, a me ka poʻe ʻalalā, e uē nui ana.
39A i kona komo ʻana i loko, ʻī maila ʻo ia iā lākou, “No ke aha lā ʻoukou e makena ai me ka uē iho? ʻAʻole i make ke kaikamahine; akā, e hiamoe ana nō.”
40Hoʻowahāwahā akula lākou iā ia. Akā, kipaku aʻela ʻo ia iā lākou a pau i waho, a laila lawe aʻela ia i ka makua kāne a me ka makuahine o ua keiki lā, a me kona poʻe iho, a komo aʻela i loko o kahi i moe ai ke keiki.
41Lālau aʻela ia i ka lima o ua keiki lā, ʻī maila iā ia, “Talita koumi!” ʻo ia hoʻi kēia ma ka hoʻohālike ʻana, “E ke kaikamahine, ke ʻōlelo aku nei au iā ʻoe, e ala i luna!”
42Ala koke aʻela ke kaikamahine, a hele aʻela; no ka mea, he ʻumikumamālua kona mau makahiki; a kāhāhā nui loa ihola ko lākou naʻau.
43Pāpā ikaika maila ʻo ia iā lākou, mai haʻi aku i kēia i kekahi; a laila, kauoha maila ia, e hāʻawi ʻia kekahi mea nāna e ʻai ai.
Iliyochaguliwa sasa
KA ʻEUANELIO I KĀKAU ʻIA AI E MAREKO 5: KBH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E MAREKO 5
5
MOKUNA V.
1 Ka mahiki ʻana i nā daimonio. 21 Ke ola ʻana o ka maʻi heʻe koko, a me ke ola ʻana o ke kaikamahine make.
1¶ A laila, holo aʻela lākou i kēlā kapa o ka moana wai i ka ʻāina o Gadara.
2I kona lele ʻana aʻe, mai ka moku aʻe, hālāwai koke me ia kekahi kanaka i uluhia e ka ʻuhane ʻino, no nā ilina mai.
3Ma nā ilina nō kona wahi e noho ai, ʻaʻole me nā kaula hao e hiki ai ke hoʻopaʻa iā ia a paʻa.
4Ua hoʻopaʻa pinepine ʻia ʻo ia i ke kūpeʻe ʻana a me nā kaula hao, a moku ʻia nā kaula hao e ia, a hakihaki ʻia nō hoʻi nā kūpeʻe, ʻaʻole nō i hiki i kekahi ke hoʻolakalaka iā ia.
5Mau loa nō ia i ka pō a me ke ao ma nā kuahiwi, a ma nā ilina e uwalaʻau ana, a e ʻokiʻoki ana iā ia iho nō i nā pōhaku.
6I kona ʻike ʻana iā Iesū ma kahi mamao aku, holo aʻela ia a moe ihola i mua ona;
7kāhea aʻela ia me ka leo nui, ʻī aʻela, “He aha kāu iaʻu, e Iesū, e ke Keiki a ke Akua Kiʻekiʻe Loa? Ke pāpā aku nei au iā ʻoe ma ke Akua, mai hoʻomāinoino mai iaʻu!”
8No ka mea, ua ʻōlelo ʻē aku Iesū iā ia, “E ka ʻuhane ʻino, e hele aku ʻoe pēlā i waho o ia kanaka!”
9Nīnau akula Iesū iā ia, “ʻO wai lā kou inoa?” Haʻi mai kēlā, ʻī maila, “ʻO Legeona koʻu inoa; no ka mea, ua nui loa mākou.”
10Nonoi nui aʻela kēlā iā ia, i kipaku ʻole ʻo ia iā lākou, mai loko aku o ia ʻāina.
11Ma ia wahi aku, ma ka puʻu, he nui ka poʻe puaʻa e ʻai ana.
12Nonoi aʻela nā daimonio a pau iā ia, ʻī akula, “E hoʻouna aʻe ʻoe iā mākou i nā puaʻa, i komo aku ai mākou i loko o lākou.”
13ʻAe koke aʻela Iesū iā lākou. A laila, puka akula nā ʻuhane ʻino i waho, a komo akula i loko o nā puaʻa; a holo kikī ihola lākou i lalo ma kahi pali, i loko o ka moana wai, (ʻelua paha tausani lākou,) a make ihola i loko o ka wai.
14Holo akula ka poʻe i hānai iā lākou, a haʻi aʻela ma ke kūlanakauhale, a ma nā kauhale; a haele aʻela lākou i waho, e ʻike i nā mea i hana ʻia ai.
15A hiki maila lākou i o Iesū lā, a ʻike i ka mea i uluhia e ka daimonio, nona ka “legeona,” e noho ana me ka ʻaʻahu, a me ka manaʻo pono; makaʻu aʻela lākou.
16ʻO ka poʻe i ʻike pono, haʻi akula iā lākou i nā mea i hana ʻia ai i ka mea i uluhia e ka daimonio, a no nā puaʻa hoʻi.
17A hoʻomaka aʻela lākou e nonoi iā ia i haʻalele ai ia i ko lākou ʻāina.
18I kona eʻe ʻana i luna o ka moku, hele akula i ona lā ka mea i uluhia e ka daimonio, nonoi akula iā ia, e noho pū ʻo ia me ia.
19ʻAʻole Iesū i ʻae, ʻī maila nō naʻe iā ia, “E hoʻi ʻoe i kou hale, i kou poʻe hoahānau, e haʻi aku iā lākou i nā mea nui a ka Haku i hana ai nou, a me kona lokomaikaʻi iā ʻoe.”
20Hele aʻela ia, a hoʻomaka aʻela e haʻi aku ma Dekapoli i nā mea a Iesū i hana ai nona; a kāhāhā ihola ka naʻau o nā kānaka a pau.
21¶ I ka hoʻi ʻana o Iesū ma ka moku, a hiki i kēlā kapa, nui loa ihola nā kānaka i ʻākoakoa maila i ona lā; a aia nō ia ma kapa o ka moana wai.
22Aia hoʻi, hele maila kekahi luna hale hālāwai, ʻo Iairo kona inoa, a ʻike ʻo ia iā ia, hāʻule ihola ia ma kona mau wāwae.
23A nonoi nui aʻela iā ia, ʻī aʻela, “Ke waiho lā kuʻu kaikamahine i ka wēlau o ka make; e hele aʻe ʻoe, e kau iho i kou lima ma luna ona, a e ola nō ia.”
24A hele pū akula Iesū me ia, he nui loa nā kānaka i hahai pū akula, a hoʻokē ihola iā ia.
25¶ Aia hoʻi he wahine heʻe koko, he ʻumi nā makahiki a me kumamālua;
26a ua nui kona kaumaha no nā kāhuna lapaʻau he nui loa, a ua hoʻopau loa i kona waiwai, ʻaʻole naʻe i maha iki, ua māhuahua nō ka maʻi.
27A lohe akula ia no Iesū, a laila, hele maila ia ma hope, a i loko o ka ʻaha kanaka, hoʻopā akula i kona kapa.
28No ka mea, ua nalu iho nō ia, “Inā paha e hoʻopā au i kona kapa wale nō, e ola au.”
29Maloʻo koke aʻela ke kumu o kona koko; a ʻike ihola ia i loko o kona kino, ua ola ia i kēlā maʻi.
30A laila, ʻike koke ihola ʻo Iesū i loko ona, ua puka aku kekahi mana, mai ona aku lā, huli aʻela ia ma loko o ka ʻaha kanaka, ʻī maila, “ʻO wai lā ka mea hoʻopā mai i kuʻu ʻaʻahu?”
31ʻĪ akula kāna poʻe haumāna iā ia, “Ke ʻike mai nei nō ʻoe i ka ʻaha kanaka, e hoʻokē ana iā ʻoe, a ke nīnau mai nei anei ʻoe, ‘ʻO wai kai hoʻopā mai iaʻu?’”
32ʻAlawa aʻela ia e nānā aʻe i ka mea nāna i hana ia mea.
33Akā, ʻo ua wahine lā, hele maila ia me ka makaʻu, a me ka haʻalulu; no ka mea, ua ʻike pono ia i ka mea i hana ʻia aʻe i loko ona, a haʻi pololei akula iā ia.
34ʻĪ maila ʻo ia iā ia, “E kuʻu kaikamahine, ua ola ʻoe i kou manaʻoʻiʻo! E hele pōmaikaʻi ʻoe, me ke ola ʻana o kou maʻi.”
35¶ A i kāna ʻōlelo ʻana, hele maila kekahi mea, no ka luna hale hālāwai, ʻī maila, “Ua make kou kaikamahine, no ke aha lā ʻoe e hoʻoluhi hou aku ai i ke Kumu?”
36A lohe Iesū ia ʻōlelo i ʻōlelo ʻia aʻe, ʻī maila ia i ka luna hale hālāwai, “Mai makaʻu ʻoe, e manaʻoʻiʻo wale mai nō.”
37ʻAʻole ia i ʻae mai i kekahi kanaka ʻē aʻe e hahai aku iā ia, ʻo Petero wale nō, a me Iakobo, a me Ioane, ke kaikaina o Iakobo.
38A hiki aʻela ia i ka hale o ua luna hale hālāwai lā, ʻike aʻela ia i ka haunaele, a me ka poʻe ʻalalā, e uē nui ana.
39A i kona komo ʻana i loko, ʻī maila ʻo ia iā lākou, “No ke aha lā ʻoukou e makena ai me ka uē iho? ʻAʻole i make ke kaikamahine; akā, e hiamoe ana nō.”
40Hoʻowahāwahā akula lākou iā ia. Akā, kipaku aʻela ʻo ia iā lākou a pau i waho, a laila lawe aʻela ia i ka makua kāne a me ka makuahine o ua keiki lā, a me kona poʻe iho, a komo aʻela i loko o kahi i moe ai ke keiki.
41Lālau aʻela ia i ka lima o ua keiki lā, ʻī maila iā ia, “Talita koumi!” ʻo ia hoʻi kēia ma ka hoʻohālike ʻana, “E ke kaikamahine, ke ʻōlelo aku nei au iā ʻoe, e ala i luna!”
42Ala koke aʻela ke kaikamahine, a hele aʻela; no ka mea, he ʻumikumamālua kona mau makahiki; a kāhāhā nui loa ihola ko lākou naʻau.
43Pāpā ikaika maila ʻo ia iā lākou, mai haʻi aku i kēia i kekahi; a laila, kauoha maila ia, e hāʻawi ʻia kekahi mea nāna e ʻai ai.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.