KA ʻEUANELIO I KĀKAU ʻIA AI E MATAIO 5
5
MOKUNA V.
1 Ka ʻōlelo a Iesū ma ka mauna. 3 Nā mea e pōmaikaʻi ana. 13 No ka mālamalama o ka poʻe manaʻoʻiʻo. 17 Ka Mea i hele mai ai ka Haku. 21 Ka pono a me ka hewa. 27 No ka moekolohe. 33 No ka hoʻohiki ʻana. 38 No ka hoʻopaʻi ʻana. 43 Ke aloha ʻiʻo.
1¶ ʻIke aʻela ʻo Iesū i ka nui o nā kānaka, piʻi akula ia i kekahi mauna; a noho ihola ia, hele akula kāna mau haumāna i ona lā.
2ʻOaka aʻela kona waha, aʻo maila ʻo ia iā lākou, ʻī maila,
3¶ “Pōmaikaʻi ka poʻe i haʻahaʻa ka naʻau; no ka mea, no lākou ke aupuni o ka lani.
4¶ “Pōmaikaʻi ka poʻe e ʻū ana; no ka mea, e hōʻoluʻolu ʻia aku lākou.
5¶ “Pōmaikaʻi ka poʻe akahai; no ka mea, e lilo ka honua iā lākou.
6¶ “Pōmaikaʻi ka poʻe pōloli, a make wai no ka pono; no ka mea, e hoʻomāʻona ʻia lākou.
7¶ “Pōmaikaʻi ka poʻe i aloha aku; no ka mea, e aloha ʻia mai lākou.
8¶ “Pōmaikaʻi ka poʻe i maʻemaʻe ma ka naʻau; no ka mea, e ʻike lākou i ke Akua.
9¶ “Pōmaikaʻi ka poʻe ʻuao; no ka mea, e ʻī ʻia lākou he poʻe keiki na ke Akua.
10¶ “Pōmaikaʻi ka poʻe i hoʻomaʻau ʻia mai no ka pono; no ka mea, no lākou ke aupuni o ka lani.
11“E pōmaikaʻi ana nō ʻoukou, ke hōʻino mai kānaka iā ʻoukou, ke hoʻomaʻau mai nō hoʻi; a noʻu nei, e ʻōlelo wahaheʻe mai ai iā ʻoukou i nā mea ʻino a pau.
12“E hauʻoli ʻoukou, e ʻoliʻoli nui hoʻi; no ka mea, he nui ka uku no ʻoukou ma ka lani; pēlā lākou, i hoʻomaʻau aku ai i ka poʻe kāula ma mua o ʻoukou.
13“ʻO ʻoukou nō ka paʻakai o ka honua; akā, inā pau ka liʻu o ka paʻakai, pehea lā ia e liʻu hou ai? ʻAʻohe ona mea e pono ai ma ia hope, e kiola wale ia i waho e hehi ʻia ai e nā kānaka.
14“ʻO ʻoukou nō ka mālamalama o ke ao nei; ʻo ke kūlanakauhale i kū ma kahi kiʻekiʻe, ʻaʻole ia e nalowale.
15“ʻAʻole i hoʻā ʻia ke kukui i mea e waiho ʻia ai ma lalo iho o ke poʻi; akā, ma kahi e kau ai ʻo ke kukui, i mālamalama no ka poʻe a pau i loko o ka hale.
16“Pēlā ʻoukou e hoʻākāka aku ai i ko ʻoukou mālamalama i mua o nā kānaka, i ʻike mai ai lākou i kā ʻoukou hana maikaʻi ʻana, a i hoʻonani aku hoʻi lākou i ko ʻoukou Makua i ka lani.
17¶ “Mai manaʻo ʻoukou i hele mai nei au e hōʻole i ke Kānāwai a me ka poʻe Kāula. ʻO ka hōʻoiaʻiʻo kaʻu i hele mai nei, ʻaʻole ka hōʻole.
18“No ka mea, he ʻoiaʻiʻo kaʻu e ʻōlelo aku nei iā ʻoukou, e lilo ʻē ka lani a me ka honua, ʻaʻole e lilo kahi huna, ʻaʻole hoʻi kahi lihi iki o ke Kānāwai, a pau loa aʻela ia i ka hoʻokō ʻia.
19“No laila, ʻo ka mea e uhaʻi aku i kekahi hua iki o kēia mau kānāwai, a e aʻo aku hoʻi i kānaka pēlā; ʻo ia ke ʻōlelo ʻia he mea ʻuʻuku loa i loko o ke aupuni o ka lani; akā, ʻo ka mea e mālama ia mau kānāwai, a e aʻo aku i kānaka pēlā, ʻo ia ke ʻōlelo ʻia he mea nui i loko o ke aupuni o ka lani.
20“No ka mea, ke ʻī aku nei au iā ʻoukou, a i ʻoi ʻole aku ko ʻoukou pono i ko ka poʻe kākau ʻōlelo a me ko ka poʻe Parisaio, ʻaʻole loa ʻoukou e komo i loko o ke aupuni o ka lani.
21¶ “Ua lohe nō ʻoukou i ka mea i ʻōlelo ʻia mai i ka poʻe kahiko, ‘«Mai pepehi kanaka ʻoe»’ a ‘ʻO ka mea e pepehi i ke kanaka, e lilo ana ia i ka hoʻohewa ʻia.’
22Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.
23“No ia mea, a i lawe mai ʻoe i kāu mōhai i ke kuahu, a ma laila ʻoe i manaʻo ai, he mea kāu e hewa ai i kou hoahānau;
24e waiho ma laila ʻoe i kāu mōhai i mua o ke kuahu, e hele aku ʻoe e hoʻolauleʻa ʻē ma mua i kou hoahānau, a laila e hoʻi mai e kaumaha aku i kāu mōhai.
25“E hoʻolauleʻa koke aku ʻoe i kou mea i lawehala ai, ʻoiai ʻoe me ia ma ke alanui, o hāʻawi aku kēlā iā ʻoe i ka luna kānāwai, a na ka luna kānāwai ʻoe e hāʻawi aku i ka ilāmuku, a e hoʻolei ʻia aku ʻoe i loko o ka hale paʻahao.
26“He ʻoiaʻiʻo kaʻu e ʻōlelo aku nei iā ʻoe; ʻaʻole loa ʻoe e puka ʻē mai i waho o laila, a pau loa aʻela ka ʻaiʻē i ka uku ʻia e ʻoe.
27¶ “Ua lohe ʻoukou i ka ʻōlelo ʻana mai i ka poʻe kahiko, ‘«Mai moekolohe ʻoe»’;
28eia hoʻi kaʻu e ʻōlelo aku nei iā ʻoukou, ʻo ka mea e nānā wale aku i ka wahine i mea e kuko hewa aku ai iā ia, ua moekolohe nō ʻo ia me ia ma kona naʻau.
29“No ia hoʻi, a i hoʻohihia mai kou maka ʻākau iā ʻoe, e pōʻalo aʻe ia mea, a e hoʻolei aku, mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena.
30“Inā hoʻi e hoʻohihia mai kou lima ʻākau iā ʻoe, e ʻoki ia mea, a e hoʻolei aku mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena.
31“Ua ʻōlelo ʻia mai nō, ‘«ʻO ka mea hoʻohemo i kāna wahine, e hāʻawi aku ia nāna i ka palapala no ka hemo ʻana»’;
32eia hoʻi kaʻu e ʻōlelo aku nei iā ʻoukou, ʻo ka mea hoʻohemo wale i kāna wahine, ke ʻole ia no ka moekolohe, nāna nō ia e hoʻomoekolohe aku; a ʻo ka mea e mare i ua wahine hemo lā, ua moekolohe nō ia.
33¶ “Ua lohe nō hoʻi ʻoukou i ka ʻōlelo ʻana mai i ka poʻe kahiko, ‘«Mai hoʻohiki wahaheʻe ʻoe akā, e hoʻokō aku ʻoe no ka Haku i kāu mea i hoʻohiki ai».’
34“Eia hoʻi kaʻu e ʻōlelo aku nei iā ʻoukou, ‘Mai hoʻohiki ʻino iki; ʻaʻole i ka lani; no ka mea, ʻo ko ke Akua noho aliʻi ia;
35ʻaʻole hoʻi i ka honua; no ka mea, ʻo kona keʻehana wāwae ia: ʻaʻole hoʻi i Ierusalema; no ka mea, «ʻo ko ke Aliʻi Nui kūlanakauhale ia».
36“ʻAʻole hoʻi ʻoe e hoʻohiki ʻino i kou poʻo iho; no ka mea, ʻaʻole e hiki iā ʻoe ke hoʻolilo i kekahi oho i keʻokeʻo, ʻaʻole hoʻi i ʻeleʻele.
37“Penei ʻoukou e ʻōlelo aku ai, ‘ʻO ka ʻae, he ʻae ia; ʻo ka ʻole, he hōʻole ia:’ a ʻo ka mea ʻoi aku i kēia, no ka ʻino mai ia.
38¶ “Ua lohe ʻoukou i ka ʻōlelo ʻana mai, ‘«He maka no ka maka, a he niho no ka niho».’
39“Eia hoʻi kaʻu e ʻōlelo aku nei iā ʻoukou, mai hoʻopaʻi aku i ka ʻino’; a ʻo ka mea nāna e papaʻi mai i kou pāpālina ʻākau, e hāliu aku ʻoe iā ia i kekahi.
40“A ʻo ka mea nāna ʻoe e kāhihi wale aku ma ke kānāwai, a e lawe i kou kapa komo, hō hou aku nō hoʻi iā ia i kou ʻaʻahu.
41“ʻO ka mea e koi mai iā ʻoe e hele i hoʻokahi mile, e hele pū me ia i ʻelua.
42“ʻO ka mea e noi mai iā ʻoe, e hāʻawi aku nāna, a ʻo ka mea e noi mai e lawe lilo ʻole i kāu mea, mai kāʻiʻī aʻe ʻoe.
43¶ “Ua lohe nō ʻoukou i ka ʻōlelo ʻana mai, ‘«E aloha aku ʻoe i kou hoalauna», a e inaina aku hoʻi i kou ʻenemi.’
44“Eia hoʻi kaʻu e ʻōlelo aku nei iā ʻoukou, e aloha aku i ko ʻoukou poʻe ʻenemi, e hoʻomaikaʻi aku hoʻi i ka poʻe hōʻino mai iā ʻoukou; e hana lokomaikaʻi aku hoʻi i ka poʻe inaina mai iā ʻoukou; e pule aku hoʻi no ka poʻe hoʻohewa wale mai iā ʻoukou, a hana ʻino mai hoʻi iā ʻoukou;
45i lilo ai ʻoukou i poʻe keiki na ko ʻoukou Makua i ka lani, nāna nō i hoʻopuka mai i kona lā ma luna o ka poʻe ʻino a me ka poʻe maikaʻi, nāna hoʻi i hoʻoua mai ma luna o ka poʻe pono a me ka poʻe pono ʻole.
46“A i aloha aku ʻoukou i ka poʻe i aloha mai iā ʻoukou, he aha lā auaneʻi ka uku e loaʻa mai ai iā ʻoukou? ʻAʻole anei pēlā e hana nei ka poʻe luna ʻauhau?
47“Inā e uē aku ʻoukou i ko ʻoukou poʻe hoahānau wale nō, he aha lā ko ʻoukou mea e ʻoi aku ai? ʻAʻole anei pēlā e hana nei ka poʻe luna ʻauhau?
48“E hemolele ʻoukou, e like me ka hemolele o ko ʻoukou Makua i loko o ka lani.
Iliyochaguliwa sasa
KA ʻEUANELIO I KĀKAU ʻIA AI E MATAIO 5: KBH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E MATAIO 5
5
MOKUNA V.
1 Ka ʻōlelo a Iesū ma ka mauna. 3 Nā mea e pōmaikaʻi ana. 13 No ka mālamalama o ka poʻe manaʻoʻiʻo. 17 Ka Mea i hele mai ai ka Haku. 21 Ka pono a me ka hewa. 27 No ka moekolohe. 33 No ka hoʻohiki ʻana. 38 No ka hoʻopaʻi ʻana. 43 Ke aloha ʻiʻo.
1¶ ʻIke aʻela ʻo Iesū i ka nui o nā kānaka, piʻi akula ia i kekahi mauna; a noho ihola ia, hele akula kāna mau haumāna i ona lā.
2ʻOaka aʻela kona waha, aʻo maila ʻo ia iā lākou, ʻī maila,
3¶ “Pōmaikaʻi ka poʻe i haʻahaʻa ka naʻau; no ka mea, no lākou ke aupuni o ka lani.
4¶ “Pōmaikaʻi ka poʻe e ʻū ana; no ka mea, e hōʻoluʻolu ʻia aku lākou.
5¶ “Pōmaikaʻi ka poʻe akahai; no ka mea, e lilo ka honua iā lākou.
6¶ “Pōmaikaʻi ka poʻe pōloli, a make wai no ka pono; no ka mea, e hoʻomāʻona ʻia lākou.
7¶ “Pōmaikaʻi ka poʻe i aloha aku; no ka mea, e aloha ʻia mai lākou.
8¶ “Pōmaikaʻi ka poʻe i maʻemaʻe ma ka naʻau; no ka mea, e ʻike lākou i ke Akua.
9¶ “Pōmaikaʻi ka poʻe ʻuao; no ka mea, e ʻī ʻia lākou he poʻe keiki na ke Akua.
10¶ “Pōmaikaʻi ka poʻe i hoʻomaʻau ʻia mai no ka pono; no ka mea, no lākou ke aupuni o ka lani.
11“E pōmaikaʻi ana nō ʻoukou, ke hōʻino mai kānaka iā ʻoukou, ke hoʻomaʻau mai nō hoʻi; a noʻu nei, e ʻōlelo wahaheʻe mai ai iā ʻoukou i nā mea ʻino a pau.
12“E hauʻoli ʻoukou, e ʻoliʻoli nui hoʻi; no ka mea, he nui ka uku no ʻoukou ma ka lani; pēlā lākou, i hoʻomaʻau aku ai i ka poʻe kāula ma mua o ʻoukou.
13“ʻO ʻoukou nō ka paʻakai o ka honua; akā, inā pau ka liʻu o ka paʻakai, pehea lā ia e liʻu hou ai? ʻAʻohe ona mea e pono ai ma ia hope, e kiola wale ia i waho e hehi ʻia ai e nā kānaka.
14“ʻO ʻoukou nō ka mālamalama o ke ao nei; ʻo ke kūlanakauhale i kū ma kahi kiʻekiʻe, ʻaʻole ia e nalowale.
15“ʻAʻole i hoʻā ʻia ke kukui i mea e waiho ʻia ai ma lalo iho o ke poʻi; akā, ma kahi e kau ai ʻo ke kukui, i mālamalama no ka poʻe a pau i loko o ka hale.
16“Pēlā ʻoukou e hoʻākāka aku ai i ko ʻoukou mālamalama i mua o nā kānaka, i ʻike mai ai lākou i kā ʻoukou hana maikaʻi ʻana, a i hoʻonani aku hoʻi lākou i ko ʻoukou Makua i ka lani.
17¶ “Mai manaʻo ʻoukou i hele mai nei au e hōʻole i ke Kānāwai a me ka poʻe Kāula. ʻO ka hōʻoiaʻiʻo kaʻu i hele mai nei, ʻaʻole ka hōʻole.
18“No ka mea, he ʻoiaʻiʻo kaʻu e ʻōlelo aku nei iā ʻoukou, e lilo ʻē ka lani a me ka honua, ʻaʻole e lilo kahi huna, ʻaʻole hoʻi kahi lihi iki o ke Kānāwai, a pau loa aʻela ia i ka hoʻokō ʻia.
19“No laila, ʻo ka mea e uhaʻi aku i kekahi hua iki o kēia mau kānāwai, a e aʻo aku hoʻi i kānaka pēlā; ʻo ia ke ʻōlelo ʻia he mea ʻuʻuku loa i loko o ke aupuni o ka lani; akā, ʻo ka mea e mālama ia mau kānāwai, a e aʻo aku i kānaka pēlā, ʻo ia ke ʻōlelo ʻia he mea nui i loko o ke aupuni o ka lani.
20“No ka mea, ke ʻī aku nei au iā ʻoukou, a i ʻoi ʻole aku ko ʻoukou pono i ko ka poʻe kākau ʻōlelo a me ko ka poʻe Parisaio, ʻaʻole loa ʻoukou e komo i loko o ke aupuni o ka lani.
21¶ “Ua lohe nō ʻoukou i ka mea i ʻōlelo ʻia mai i ka poʻe kahiko, ‘«Mai pepehi kanaka ʻoe»’ a ‘ʻO ka mea e pepehi i ke kanaka, e lilo ana ia i ka hoʻohewa ʻia.’
22Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.
23“No ia mea, a i lawe mai ʻoe i kāu mōhai i ke kuahu, a ma laila ʻoe i manaʻo ai, he mea kāu e hewa ai i kou hoahānau;
24e waiho ma laila ʻoe i kāu mōhai i mua o ke kuahu, e hele aku ʻoe e hoʻolauleʻa ʻē ma mua i kou hoahānau, a laila e hoʻi mai e kaumaha aku i kāu mōhai.
25“E hoʻolauleʻa koke aku ʻoe i kou mea i lawehala ai, ʻoiai ʻoe me ia ma ke alanui, o hāʻawi aku kēlā iā ʻoe i ka luna kānāwai, a na ka luna kānāwai ʻoe e hāʻawi aku i ka ilāmuku, a e hoʻolei ʻia aku ʻoe i loko o ka hale paʻahao.
26“He ʻoiaʻiʻo kaʻu e ʻōlelo aku nei iā ʻoe; ʻaʻole loa ʻoe e puka ʻē mai i waho o laila, a pau loa aʻela ka ʻaiʻē i ka uku ʻia e ʻoe.
27¶ “Ua lohe ʻoukou i ka ʻōlelo ʻana mai i ka poʻe kahiko, ‘«Mai moekolohe ʻoe»’;
28eia hoʻi kaʻu e ʻōlelo aku nei iā ʻoukou, ʻo ka mea e nānā wale aku i ka wahine i mea e kuko hewa aku ai iā ia, ua moekolohe nō ʻo ia me ia ma kona naʻau.
29“No ia hoʻi, a i hoʻohihia mai kou maka ʻākau iā ʻoe, e pōʻalo aʻe ia mea, a e hoʻolei aku, mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena.
30“Inā hoʻi e hoʻohihia mai kou lima ʻākau iā ʻoe, e ʻoki ia mea, a e hoʻolei aku mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena.
31“Ua ʻōlelo ʻia mai nō, ‘«ʻO ka mea hoʻohemo i kāna wahine, e hāʻawi aku ia nāna i ka palapala no ka hemo ʻana»’;
32eia hoʻi kaʻu e ʻōlelo aku nei iā ʻoukou, ʻo ka mea hoʻohemo wale i kāna wahine, ke ʻole ia no ka moekolohe, nāna nō ia e hoʻomoekolohe aku; a ʻo ka mea e mare i ua wahine hemo lā, ua moekolohe nō ia.
33¶ “Ua lohe nō hoʻi ʻoukou i ka ʻōlelo ʻana mai i ka poʻe kahiko, ‘«Mai hoʻohiki wahaheʻe ʻoe akā, e hoʻokō aku ʻoe no ka Haku i kāu mea i hoʻohiki ai».’
34“Eia hoʻi kaʻu e ʻōlelo aku nei iā ʻoukou, ‘Mai hoʻohiki ʻino iki; ʻaʻole i ka lani; no ka mea, ʻo ko ke Akua noho aliʻi ia;
35ʻaʻole hoʻi i ka honua; no ka mea, ʻo kona keʻehana wāwae ia: ʻaʻole hoʻi i Ierusalema; no ka mea, «ʻo ko ke Aliʻi Nui kūlanakauhale ia».
36“ʻAʻole hoʻi ʻoe e hoʻohiki ʻino i kou poʻo iho; no ka mea, ʻaʻole e hiki iā ʻoe ke hoʻolilo i kekahi oho i keʻokeʻo, ʻaʻole hoʻi i ʻeleʻele.
37“Penei ʻoukou e ʻōlelo aku ai, ‘ʻO ka ʻae, he ʻae ia; ʻo ka ʻole, he hōʻole ia:’ a ʻo ka mea ʻoi aku i kēia, no ka ʻino mai ia.
38¶ “Ua lohe ʻoukou i ka ʻōlelo ʻana mai, ‘«He maka no ka maka, a he niho no ka niho».’
39“Eia hoʻi kaʻu e ʻōlelo aku nei iā ʻoukou, mai hoʻopaʻi aku i ka ʻino’; a ʻo ka mea nāna e papaʻi mai i kou pāpālina ʻākau, e hāliu aku ʻoe iā ia i kekahi.
40“A ʻo ka mea nāna ʻoe e kāhihi wale aku ma ke kānāwai, a e lawe i kou kapa komo, hō hou aku nō hoʻi iā ia i kou ʻaʻahu.
41“ʻO ka mea e koi mai iā ʻoe e hele i hoʻokahi mile, e hele pū me ia i ʻelua.
42“ʻO ka mea e noi mai iā ʻoe, e hāʻawi aku nāna, a ʻo ka mea e noi mai e lawe lilo ʻole i kāu mea, mai kāʻiʻī aʻe ʻoe.
43¶ “Ua lohe nō ʻoukou i ka ʻōlelo ʻana mai, ‘«E aloha aku ʻoe i kou hoalauna», a e inaina aku hoʻi i kou ʻenemi.’
44“Eia hoʻi kaʻu e ʻōlelo aku nei iā ʻoukou, e aloha aku i ko ʻoukou poʻe ʻenemi, e hoʻomaikaʻi aku hoʻi i ka poʻe hōʻino mai iā ʻoukou; e hana lokomaikaʻi aku hoʻi i ka poʻe inaina mai iā ʻoukou; e pule aku hoʻi no ka poʻe hoʻohewa wale mai iā ʻoukou, a hana ʻino mai hoʻi iā ʻoukou;
45i lilo ai ʻoukou i poʻe keiki na ko ʻoukou Makua i ka lani, nāna nō i hoʻopuka mai i kona lā ma luna o ka poʻe ʻino a me ka poʻe maikaʻi, nāna hoʻi i hoʻoua mai ma luna o ka poʻe pono a me ka poʻe pono ʻole.
46“A i aloha aku ʻoukou i ka poʻe i aloha mai iā ʻoukou, he aha lā auaneʻi ka uku e loaʻa mai ai iā ʻoukou? ʻAʻole anei pēlā e hana nei ka poʻe luna ʻauhau?
47“Inā e uē aku ʻoukou i ko ʻoukou poʻe hoahānau wale nō, he aha lā ko ʻoukou mea e ʻoi aku ai? ʻAʻole anei pēlā e hana nei ka poʻe luna ʻauhau?
48“E hemolele ʻoukou, e like me ka hemolele o ko ʻoukou Makua i loko o ka lani.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.