ʻAMOSA 9
9
MOKUNA IX.
1 ʻO ka hiki ʻiʻo ʻana mai o ka ʻino ma luna o kā ʻIseraʻela. 8 Hoʻokoe ʻia kekahi poʻe. 11 He wānana no Kristo, ka pōmaikaʻi o kona aupuni, a ʻo ka hoʻihoʻi o ʻIseraʻela.
1¶ ʻIke akula au iā Iēhova e kū ana ma luna o ke kuahu; a ʻī maila ia,
“E hahau i ke poʻo o ke kia, i haʻalulu ai nā kumu kia;
A e ʻoki iā lākou ma ke poʻo, iā lākou a pau;
A e pepehi aku au i ke koena o lākou me ka pahi kaua;
ʻO ka mea o lākou e holo ana, ʻaʻole ia e malu;
A ʻo ka mea e pakele ana, ʻaʻole e pakele ʻiʻo.
2“Inā e ʻeli iho lākou i ka pō, e lawe koʻu lima iā lākou mai laila mai;
Inā e piʻi lākou i ka lani, e lawe au iā lākou mai laila mai.
3“A inā e peʻe lākou ma luna o ka piko o Karemela,
E ʻimi aku au, a e lawe iā lākou mai laila mai;
A inā e peʻe lākou mai kuʻu maka aku ma ka mole o ke kai,
Ma laila e kēnā aku au i ka nahesa, a e nahu aku ia iā lākou.
4“A inā e hele pio aku lākou i mua o ko lākou poʻe ʻenemi,
Ma laila e kēnā aku au i ka pahi kaua, a e luku aku ia iā lākou;
A e kau aku kuʻu mau maka ma luna o lākou no ka ʻino, ʻaʻole no ka maikaʻi.”
5¶ A ʻo Iēhova, ka Haku o nā kaua,
ʻO ia ka Mea e hoʻopā i ka ʻāina, a e heheʻe iho nō ia;
A e auē iho ka poʻe a pau e noho ana i loko ona;
A e ea aʻe ia me he Muliwai lā a puni ona;
A e hālana aʻe e like me ka Muliwai o ʻAigupita.
6ʻO ia kai hana i nā papa luna i loko o ka lani,
A i hoʻokumu i kona pōʻai ma luna o ka honua;
ʻO ka Mea i hoʻopiʻi aʻe i nā wai o ka moana,
A ninini iho iā lākou ma luna o ka ʻili o ka ʻāina;
ʻO Iēhova kona inoa.
7¶ “E nā mamo a ʻIseraʻela, ʻaʻole anei ʻoukou i like iaʻu
Me nā mamo a Kusa?” wahi a Iēhova.
“ʻAʻole anei au i lawe mai i kā ʻIseraʻela mai ka ʻāina ʻo ʻAigupita mai?
A i ko Pilisetia mai Kapetora mai, a me ko Suria mai Kira mai?
8“Aia hoʻi, ʻo nā maka o Iēhova ka Haku ma luna o ke aupuni hewa;
A e hōkai aku au iā ia mai ka honua aku;
Akā hoʻi, ʻaʻole au e luku loa aku i ko ka hale o Iakoba,” wahi a Iēhova.
9“No ka mea, aia hoʻi, e kauoha aku au,
A e kānana iho ai i ko ka hale o ʻIseraʻela i waena o nā lāhui kanaka a pau;
E like me ka huapalaoa i kānana ʻia i loko o ke kānana,
ʻAʻole e hāʻule kekahi hua ma ka honua.
10“E make ka poʻe hewa a pau o kuʻu poʻe kānaka i ka pahi kaua,
Ka poʻe e ʻōlelo ana, ‘ʻAʻole e hiki mai ka hewa ma hope, ʻaʻole hoʻi ma mua o kākou.’
11¶ “I kēlā lā e kūkulu au i ka halelewa o Dāvida i wāwahi ʻia,
A e hoʻopaʻa i kona wahi hiolo;
A e hoʻokū hou au i kona mau mea i heleleʻi ʻia,
A hana aku ia e like me nā lā ma mua;
12“I lilo no lākou ke koena o kā ʻEdoma, a me nā lāhui kanaka a pau,
Ka poʻe i kāhea ʻia ka inoa ʻo Iēhova ma luna o lākou,”
Wahi a Iēhova, nāna kēia i hana.
13¶ “Aia hoʻi, e hiki mai nā lā,” wahi a Iēhova,
“E hālāwai ai ka mea e mahi ʻai ana, me ka mea e ʻoki ana,
A ʻo ka mea e hehi i nā hua waina, me ka mea e lūlū i ka hua;
A e hoʻokulukulu iho nā mauna i ka waina hou,
A e heheʻe iho nā puʻu a pau.
14“A e hoʻihoʻi mai au i ka poʻe pio o kuʻu poʻe kānaka o kā ʻIseraʻela,
A e kūkulu lākou i nā kūlanakauhale neoneo, a noho lākou i loko;
A e kanu lākou i nā pā waina, a e inu lākou i ko lākou waina;
A e hana lākou i nā kīhāpai, a e ʻai hoʻi i ko lākou hua.
15“A e kanu iho au iā lākou ma ko lākou ʻāina iho,
ʻAʻole e uhuki hou ʻia aʻe lākou mai ko lākou ʻāina aʻe,
Ka mea aʻu i hāʻawi aku ai iā lākou,” wahi a Iēhova kou Akua.
Iliyochaguliwa sasa
ʻAMOSA 9: KBH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.
ʻAMOSA 9
9
MOKUNA IX.
1 ʻO ka hiki ʻiʻo ʻana mai o ka ʻino ma luna o kā ʻIseraʻela. 8 Hoʻokoe ʻia kekahi poʻe. 11 He wānana no Kristo, ka pōmaikaʻi o kona aupuni, a ʻo ka hoʻihoʻi o ʻIseraʻela.
1¶ ʻIke akula au iā Iēhova e kū ana ma luna o ke kuahu; a ʻī maila ia,
“E hahau i ke poʻo o ke kia, i haʻalulu ai nā kumu kia;
A e ʻoki iā lākou ma ke poʻo, iā lākou a pau;
A e pepehi aku au i ke koena o lākou me ka pahi kaua;
ʻO ka mea o lākou e holo ana, ʻaʻole ia e malu;
A ʻo ka mea e pakele ana, ʻaʻole e pakele ʻiʻo.
2“Inā e ʻeli iho lākou i ka pō, e lawe koʻu lima iā lākou mai laila mai;
Inā e piʻi lākou i ka lani, e lawe au iā lākou mai laila mai.
3“A inā e peʻe lākou ma luna o ka piko o Karemela,
E ʻimi aku au, a e lawe iā lākou mai laila mai;
A inā e peʻe lākou mai kuʻu maka aku ma ka mole o ke kai,
Ma laila e kēnā aku au i ka nahesa, a e nahu aku ia iā lākou.
4“A inā e hele pio aku lākou i mua o ko lākou poʻe ʻenemi,
Ma laila e kēnā aku au i ka pahi kaua, a e luku aku ia iā lākou;
A e kau aku kuʻu mau maka ma luna o lākou no ka ʻino, ʻaʻole no ka maikaʻi.”
5¶ A ʻo Iēhova, ka Haku o nā kaua,
ʻO ia ka Mea e hoʻopā i ka ʻāina, a e heheʻe iho nō ia;
A e auē iho ka poʻe a pau e noho ana i loko ona;
A e ea aʻe ia me he Muliwai lā a puni ona;
A e hālana aʻe e like me ka Muliwai o ʻAigupita.
6ʻO ia kai hana i nā papa luna i loko o ka lani,
A i hoʻokumu i kona pōʻai ma luna o ka honua;
ʻO ka Mea i hoʻopiʻi aʻe i nā wai o ka moana,
A ninini iho iā lākou ma luna o ka ʻili o ka ʻāina;
ʻO Iēhova kona inoa.
7¶ “E nā mamo a ʻIseraʻela, ʻaʻole anei ʻoukou i like iaʻu
Me nā mamo a Kusa?” wahi a Iēhova.
“ʻAʻole anei au i lawe mai i kā ʻIseraʻela mai ka ʻāina ʻo ʻAigupita mai?
A i ko Pilisetia mai Kapetora mai, a me ko Suria mai Kira mai?
8“Aia hoʻi, ʻo nā maka o Iēhova ka Haku ma luna o ke aupuni hewa;
A e hōkai aku au iā ia mai ka honua aku;
Akā hoʻi, ʻaʻole au e luku loa aku i ko ka hale o Iakoba,” wahi a Iēhova.
9“No ka mea, aia hoʻi, e kauoha aku au,
A e kānana iho ai i ko ka hale o ʻIseraʻela i waena o nā lāhui kanaka a pau;
E like me ka huapalaoa i kānana ʻia i loko o ke kānana,
ʻAʻole e hāʻule kekahi hua ma ka honua.
10“E make ka poʻe hewa a pau o kuʻu poʻe kānaka i ka pahi kaua,
Ka poʻe e ʻōlelo ana, ‘ʻAʻole e hiki mai ka hewa ma hope, ʻaʻole hoʻi ma mua o kākou.’
11¶ “I kēlā lā e kūkulu au i ka halelewa o Dāvida i wāwahi ʻia,
A e hoʻopaʻa i kona wahi hiolo;
A e hoʻokū hou au i kona mau mea i heleleʻi ʻia,
A hana aku ia e like me nā lā ma mua;
12“I lilo no lākou ke koena o kā ʻEdoma, a me nā lāhui kanaka a pau,
Ka poʻe i kāhea ʻia ka inoa ʻo Iēhova ma luna o lākou,”
Wahi a Iēhova, nāna kēia i hana.
13¶ “Aia hoʻi, e hiki mai nā lā,” wahi a Iēhova,
“E hālāwai ai ka mea e mahi ʻai ana, me ka mea e ʻoki ana,
A ʻo ka mea e hehi i nā hua waina, me ka mea e lūlū i ka hua;
A e hoʻokulukulu iho nā mauna i ka waina hou,
A e heheʻe iho nā puʻu a pau.
14“A e hoʻihoʻi mai au i ka poʻe pio o kuʻu poʻe kānaka o kā ʻIseraʻela,
A e kūkulu lākou i nā kūlanakauhale neoneo, a noho lākou i loko;
A e kanu lākou i nā pā waina, a e inu lākou i ko lākou waina;
A e hana lākou i nā kīhāpai, a e ʻai hoʻi i ko lākou hua.
15“A e kanu iho au iā lākou ma ko lākou ʻāina iho,
ʻAʻole e uhuki hou ʻia aʻe lākou mai ko lākou ʻāina aʻe,
Ka mea aʻu i hāʻawi aku ai iā lākou,” wahi a Iēhova kou Akua.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.