LIVAI 3
3
Undwa Ụrụpɛ wa Amɛ-olom
1Yaa shɛ bụtụ 'waŋnɛ buna be eyi kwo kaa buna bo o maa pana AGWANGWAMA iwɛ ụrụpɛ wa amɛ-olom,#3:1 ụrụpɛ wa amɛ-olom: Abayiburu oko hiɛŋ, ụrụpɛ kwo kaa upwaŋ ikpɛngwu-tutwa. asha ga shɛ bunaa na zasa tụsụnyasụ. 2Ga bụtụ ata peteni u'ala ubwa nu uhiuhiu buna ata bụ ụrụpɛ ubwa maa kwụna bụ no odubo udulo ata ụ tu'ulwatagwụ. Ga miaụŋ mu Aron me eyi mu na mɛ shɛ onongbo mu 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 3Manɛbɛ ma ata mu ubeni ni i'wɛŋnɛ ibwɛ ya amɛ kpaaŋ, ibɛ shɛ iyi nɛ banɛ nụ ụrụpɛ ata wa amɛ-olom, ibɛ shɛ iyi nɛ bɛɛ zhɛ ba pana AGWANGWAMA tedure nu ulwa, 4keeni nkpokpolo mu bwa mi yebi medenji manɛbɛ ma muba, keeni asụbwụ ubwa a na bɛɛ zhɛ ba bwa, medenji nkpokpolo ma ata. 5Inɛ ɛtɛ ibɛ miaụŋ mu Aron me eyi mi zhɛ mo hwoŋzhingo nu utukwu-ụrụpɛ hwɛɛ, na azuba ijɛ ɛtɛ ụrụpɛ tuhwoŋzhingo nɛ patanɛ ni i'wɛ'wɛ ulwa ata. Ụ shanɛ AGWANGWAMA ụhiụŋ ụlatụ.
6Yaa shɛ ụrụpɛ wa amɛ-olom bụtụ zhɛ ba pana AGWANGWAMA, ni iyimabiga ye eyi kwo kaa inɛ yo o, asha ga shɛ ni inɛɛ nɛ zasa tụsụnyasụ bee peni AGWANGWAMA. 7Yaa shɛ yɛu ụgwụdụ bụtụ 'waŋnɛ maa pana AGWANGWAMA, 8ga patana u'ala ubwa nu uhiuhiu ụgwụdụ ata ubwa maa kwụna bụ no odubo udulo ụ tu'ulwatagwụ. Ga miaụŋ-me-eyi mu Aron mu 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 9Manɛbɛ mu bwa mo bungwu-bu-utwenyi na gwumwongonu no bugbororo, keeni manɛbɛ ma ata mu ubeni ni i'wɛŋnɛ ya amɛ ubwa hwɛɛ, ibɛ shɛ iyi ụrụpɛ wa amɛ-olom nɛ bɛɛ zhɛ ba pana AGWANGWAMA tedure nu ulwa, 10keeni nkpokpolo mu bwa mi yebi, medenji manɛbɛ ma muba keeni asụbụ ubwa na baa shɛ ba bwa medenji nkpokpolo ma ata. 11Bunongbo ubwa zhɛ bo hwoŋzhingo iŋ nu utukwu-ụrụpɛ hwɛɛ maa i shɛ iyimɛyɛ nɛ ee peni AGWANGWAMA tedure nu ulwa.#Liv 9:18
12Yaa shɛ biywoywo bụtụ 'waŋnɛ maa pana AGWANGWAMA, 13ga patana u'ala ubwa nu uhiuhiu biywoywo ata, maa kwụna bụ no odubo udulo tu'ulwatagwụ. Ga miaụŋ mu Aron mụ 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 14Nazhɛ gɛ bwɛ manɛbɛ mu na mu ubeni ni i'wɛŋnɛ ibwɛ ya amɛ, hwɛɛ maa pana AGWANGWAMA ụrụpɛ na dure nu ulwa. 15To nkpokpolo mu bwa mi yebi medenji manɛbɛ ma muba mu na mu namɛ ne emenyi ubwa keeni asụbụ ubwa a na baa shɛ ba bwa medenji nkpokpolo ma ata. 16Go bunongbo hwoŋzhinji iŋ hwɛɛ nu ulwa ata namɛ nu utukwu-ụrụpɛ maa i shɛ iyimɛyɛ nɛ ee peni AGWANGWAMA tedure nu ulwa, nɛ kaa i shɛ ụhiụŋ ụlatụ. Manɛbɛ ma ata hwɛɛ mɛ shɛ mu na ma AGWANGWAMA. 17Ijɛ i shɛ okpogo unyizo-nom no ofwo elele na alamụ hiŋ namanjɛ kpaaŋ, maa kede hi na ya manɛbɛ kwo kaa mehieŋ o.
Iliyochaguliwa sasa
LIVAI 3: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
LIVAI 3
3
Undwa Ụrụpɛ wa Amɛ-olom
1Yaa shɛ bụtụ 'waŋnɛ buna be eyi kwo kaa buna bo o maa pana AGWANGWAMA iwɛ ụrụpɛ wa amɛ-olom,#3:1 ụrụpɛ wa amɛ-olom: Abayiburu oko hiɛŋ, ụrụpɛ kwo kaa upwaŋ ikpɛngwu-tutwa. asha ga shɛ bunaa na zasa tụsụnyasụ. 2Ga bụtụ ata peteni u'ala ubwa nu uhiuhiu buna ata bụ ụrụpɛ ubwa maa kwụna bụ no odubo udulo ata ụ tu'ulwatagwụ. Ga miaụŋ mu Aron me eyi mu na mɛ shɛ onongbo mu 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 3Manɛbɛ ma ata mu ubeni ni i'wɛŋnɛ ibwɛ ya amɛ kpaaŋ, ibɛ shɛ iyi nɛ banɛ nụ ụrụpɛ ata wa amɛ-olom, ibɛ shɛ iyi nɛ bɛɛ zhɛ ba pana AGWANGWAMA tedure nu ulwa, 4keeni nkpokpolo mu bwa mi yebi medenji manɛbɛ ma muba, keeni asụbwụ ubwa a na bɛɛ zhɛ ba bwa, medenji nkpokpolo ma ata. 5Inɛ ɛtɛ ibɛ miaụŋ mu Aron me eyi mi zhɛ mo hwoŋzhingo nu utukwu-ụrụpɛ hwɛɛ, na azuba ijɛ ɛtɛ ụrụpɛ tuhwoŋzhingo nɛ patanɛ ni i'wɛ'wɛ ulwa ata. Ụ shanɛ AGWANGWAMA ụhiụŋ ụlatụ.
6Yaa shɛ ụrụpɛ wa amɛ-olom bụtụ zhɛ ba pana AGWANGWAMA, ni iyimabiga ye eyi kwo kaa inɛ yo o, asha ga shɛ ni inɛɛ nɛ zasa tụsụnyasụ bee peni AGWANGWAMA. 7Yaa shɛ yɛu ụgwụdụ bụtụ 'waŋnɛ maa pana AGWANGWAMA, 8ga patana u'ala ubwa nu uhiuhiu ụgwụdụ ata ubwa maa kwụna bụ no odubo udulo ụ tu'ulwatagwụ. Ga miaụŋ-me-eyi mu Aron mu 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 9Manɛbɛ mu bwa mo bungwu-bu-utwenyi na gwumwongonu no bugbororo, keeni manɛbɛ ma ata mu ubeni ni i'wɛŋnɛ ya amɛ ubwa hwɛɛ, ibɛ shɛ iyi ụrụpɛ wa amɛ-olom nɛ bɛɛ zhɛ ba pana AGWANGWAMA tedure nu ulwa, 10keeni nkpokpolo mu bwa mi yebi, medenji manɛbɛ ma muba keeni asụbụ ubwa na baa shɛ ba bwa medenji nkpokpolo ma ata. 11Bunongbo ubwa zhɛ bo hwoŋzhingo iŋ nu utukwu-ụrụpɛ hwɛɛ maa i shɛ iyimɛyɛ nɛ ee peni AGWANGWAMA tedure nu ulwa.#Liv 9:18
12Yaa shɛ biywoywo bụtụ 'waŋnɛ maa pana AGWANGWAMA, 13ga patana u'ala ubwa nu uhiuhiu biywoywo ata, maa kwụna bụ no odubo udulo tu'ulwatagwụ. Ga miaụŋ mu Aron mụ 'wɛŋ mehieŋ mu bwa nu uvwi utukwu-ụrụpɛ tutu rungwutwonu. 14Nazhɛ gɛ bwɛ manɛbɛ mu na mu ubeni ni i'wɛŋnɛ ibwɛ ya amɛ, hwɛɛ maa pana AGWANGWAMA ụrụpɛ na dure nu ulwa. 15To nkpokpolo mu bwa mi yebi medenji manɛbɛ ma muba mu na mu namɛ ne emenyi ubwa keeni asụbụ ubwa a na baa shɛ ba bwa medenji nkpokpolo ma ata. 16Go bunongbo hwoŋzhinji iŋ hwɛɛ nu ulwa ata namɛ nu utukwu-ụrụpɛ maa i shɛ iyimɛyɛ nɛ ee peni AGWANGWAMA tedure nu ulwa, nɛ kaa i shɛ ụhiụŋ ụlatụ. Manɛbɛ ma ata hwɛɛ mɛ shɛ mu na ma AGWANGWAMA. 17Ijɛ i shɛ okpogo unyizo-nom no ofwo elele na alamụ hiŋ namanjɛ kpaaŋ, maa kede hi na ya manɛbɛ kwo kaa mehieŋ o.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008