LIVAI 11
11
Undwa iwɛ Isundɛ nɛ Hashɛganụ sụ ni Inɛɛ nɛ Hashɛganụ Tiya
(Undwa 14:3-21)
1Nazhɛ AGWANGWAMA hiɛŋ Moses keeni Aron. 2Mbiso ma atwa Isrɛl maa, Iyi-uumwa nɛ ɛhi zhɛ hi na ya na ashashɛ isundɛ ye elele nɛ namɛ na cɛnjɛ tu unyizo na: 3Iyi elele nɛ 'yajɛ ogwogwozwo, inɛɛ nɛ kaa ogwogwozwo ibɛ bagwụ, inɛɛ nɛ kaa ya ya usabwo,#11:3 inɛɛ nɛ ya ya usabwo: Iyimabiga 'yajɛ inɛɛ nɛ i shɛ maa yaa salajɛ ambɛ nu unu, yee gwure yee weci, bi zhɛ ba kwụba ti yaa ya unu. Baa yɛ gana ata, ba twala, ba kwụba ti yaa banananɛ nu urworwo yee gwure nu unu ubwa, bo kwunonono iŋ ticwomwo. Inɛ ɛtɛ ibɛ ya zha nu ugbokwo uko ticwɛŋ ɛɛ hiɛŋ usabwo. Iyimɛyɛ nɛ zweni apata fwoni lee lee uhwuri inɛ ugbokwo ụ'wụtụ. ya ma inɛ ɛtɛ. 4Inɛɛ nɛ kaa ahiɛ shɛ shɛ hia ya na amɛ inɛɛ nɛ ya ya usabwo, okwo ogwogwozwo ibɛ bagwụ na: irihende, ya ya usabwo, ama ogwogwozwo ibɛ bagwụ sụ o, hi jirimi iŋ. 5Ugwumbɛ wa ya usabwo, ama ogwogwozwo ubwa bagwụ sụ o, hi jirimi uŋ. 6Azwɛ a ya usabwo, ama ogwogwozwo ubwa bagwụ sụ o, hi jirimi aŋ. 7Ogwogwozwo ikemi bagwụ, ama i yɛ shɛ usabwo o, hi jirimi iŋ. 8Ta ya ma usunda wa aba o, to tumongono ma okwo ru'wo ra aba o, iwɛnɛ ehi jirimi iŋ.
9Inɛɛ nɛ ɛhi zhɛ hi na ya ni iyi elele nɛ zweni ne meni na: iyi elele nɛ 'yajɛ agagayɛ ataga keeni ashasha, okwo ni itekwu, kwo kaa nu Urefu, ya ma inɛ ɛtɛ. 10Ama iyi-uumwa ye elele nɛ ya hwungwa, nɛ namɛ nu ntokwu keeni erefu inɛɛ nɛ zasa ashasha keeni agagayɛ ataga, ga ihi shanɛ iyi-tupwaŋ. 11A shɛ ma hi shana iyi nɛ ehi jirimi tiya tutu. Ta ya ma tu usunda wa aba o, go n'wo ma aba kaa mi hi shanɛ iyi nɛ hashɛganụ. 12Iyi elele nɛ namɛ ne meni, nɛ zasa ashasha keeni agagayɛ ataga, i shɛ iyi nɛ hashɛganụ#11:12 hashɛganụ: Iyi nɛ hashɛganụ ni iyi nɛ hashɛganụ sụ nu Unu Ụngwụshɛ Tutwa, ibɛ shɛ iyi nɛ ya nda bụtụ ni iyimabiga keeni i'wɛŋnɛ maa Agwatana leshiji iŋ kwo kaa maa kede ba laashɛga iŋ o. Tusakana ti ibɛ nɛ, bụtụ eri ba hashɛganụ, tedure ni iyimɛyɛ ike tiya, ni iyi ike tutumongono, ni iyi ike tunama na tu'waba tu bwa keeni ta tu'waba tu bwa ta bana ibilɛ kwo kaa twamwa. no ofwo hiŋ.
13Shanụnụ shɛ na ehi jirimi tiya iwɛnɛ shaa hashɛganụ na: egbeji, no ogwulu, no ozogbogwu, 14na agwuruwa, no ogwogwori, 15na agwaagwaa, 16nu nzhimina, no odudu ụjita, no okwuturu uwapa, ne ecepi elele, 17no ogwogworugwoni, na avwụvwụ, na agbaanjɛ, 18na shaluma-she-meni, na akazaruba-meni, no ozhikwukwu, 19na amunya, ne te sunyi-gwune elele, no ogbururu,#11:19 Egbeji…ogbururu: Emeseyi shanụnụ shɛ ga shɛ gwụmɛ maa bụtụ eshiciji shu hwɛɛ. no shigwobo.
20Iyi elele nɛ 'yajɛ apiambɛ, nɛ kaa yo hombilo na cɛnjɛ, ihi shanɛ iyi nɛ jirimi tiya. 21Okwo ti yaa shɛ gana ata iyi nɛ ahiɛ shɛ hi na ya na amɛ iyi nɛ 'yajɛ apiambɛ, nɛ ya kala madagazhɛ, nɛ kaa ya dwa angapa na cɛnjɛ na. 22Inɛɛ nɛ ahiɛ shɛ hi na ya na amɛ ibɛ nɛ: ovworo elele, ne ekpikpikpi-ovworo, no shiywo, na a'nywa. 23Ama iyi ya apiambɛ inyɛ ye elele nɛ yo hombilo na cɛnjɛ, hi jirimi iŋ tiya.
24Ni isundɛ gɛnɛ gɛ, ibɛ ehi eri hi mama hashɛgana. Bụtụ be elele na timengeni ru'wo ri ibɛ, bi zhɛ ba hashɛganụ tutu ụrụmɛ. 25Bụtụ be elele na 'waŋnɛ okwo ru'wo ri ibɛ, bɛ shɛ ba nyashɛnga tugwuno tu bwa, bi zhɛ ba hashɛganụ tutu ụrụmɛ. 26Usunda we elele na 'yajɛ ogwogwozwo, unaa na ogwogwozwo ubwa bagwụ sụ tebiye, kwo kaa unaa na yɛ shɛ usabwo, u hi jirimi tiya. Bụtụ be elele timengeni uŋ, bi zhɛ ba hashɛganụ. 27Iyi elele nɛ ya pa abwabwasụ ibɛ na cɛnjɛ, na ashashɛ iyi nɛ 'yajɛ ivwunɛ ineshi, hi jirimi iŋ tiya. Bụtụ be elele na timengeni okwo ru'wo ri ibɛ, bi zhɛ ba hashɛganụ tutu ụrụmɛ. 28Bụtụ na kaa 'waŋnɛ ru'wo ri ibɛ, ga nyashɛnga tugwuno tu bwa, bi zhɛ kaa ba hashɛganụ tutu ụrụmɛ; iwɛnɛ ti yaa hashɛganụ.
29Ijɛ ibɛ i shɛ iyi nɛ hashɛganụ na ashashɛ iyi nɛ yo hombilo na cɛnjɛ: iswɛni, no shokwuzo, na adagarɛya, 30nu n-ngada, na akwagwa, na shɛngala, no shingolu, no shigodumo. 31Inɛ ɛtɛ ibɛ shɛ iyi nɛ hashɛganụ na ashashɛ iyi elele nɛ yo hombilo. Bụtụ na timengeni iŋ aka na ti yee 'wi, bi zhɛ ba hashɛganụ tutu ụrụmɛ. 32Iyi elele nɛ kaa ru'wo ri ibɛ ri leyiteni, i zhɛ ya hashɛganụ, okwo iyi nɛ aa njɛ nu ụ'wụ'wụ, okwo no tugwuno, okwo nụ u'waba, kwo kaa nụ ụzhɛka, kwo kaa iyi-uhwugwa nɛ aa nda uhwara we elele, i shɛ tilɛɛ maa ge shiyeni iŋ ne meni. I shɛ ya hashɛganụ tutu ụrụmɛ, nazhɛ yɛɛ zhɛ ya nama shɛshɛshɛ. 33Yaa shɛ kaa inɛ ye elele ibɛ leyi na amɛ iyi-uhwugwa nɛ oo mo na cɛnjɛ, medenji iyi elele nɛ zweni na amɛ ibɛ, i zhɛ ya hashɛganụ, hiɛ shɛ kaa hia bwada iŋ. 34Iyimɛyɛ ye elele nɛ aa ya, meni ma ata mu to, i zhɛ ya hashɛganụ. Iyi tuswa ye elele nɛ namɛ ni iyi-uhwugwa gɛnɛ ɛtɛ, i zhɛ ya hashɛganụ. 35Iyi elele nɛ ru'wo ri ibɛ ri leyiteni, okwo cwɛŋ, asha i hashɛganụ, okwo apitwa, kwo kaa a'alụ, ge e bwereteji iŋ rukwu rukwu; i hashɛganụ, ihi zana kaa du shɛshɛshɛ o. 36Okwo gana elele ti yaa namɛ, umɛzhinjɛ keeni ukwokwo meni, zhɛ wa nama shɛshɛshɛ; ama iyi elele ru'wo ra aba ri timengeni, asha i hashɛganụ. 37Yaa shɛ kaa ru'wo ri ibɛ ru ko ri leyiteni izɛgwu nɛ ɛɛ tɛ zhɛ a bila, inɛ ɛtɛ namɛ shɛshɛshɛ. 38Ama yaa shɛ oo towo izɛgwu ɛtɛ meni nazhɛ ru'wo ri ibɛ ru ko ri leyiteni iŋ, asha i hashɛganụ ya.
39Okwo usunda we elele na ahi ga ya, wee meme 'weji, bụtụ be elele na timengeni ru'wo ru bwa, bi zhɛ ba hashɛganụ tutu ụrụmɛ. 40Bụtụ be elele na kaa yɛ usunda ubwa, ga nyashɛnga tugwuno tu bwa, bi zhɛ ba hashɛganụ tutu ụrụmɛ. Bụtụ be elele na du kaa 'waŋnɛ ru'wo ru bwa, ga nyashɛnga tugwuno tu bwa, bi zhɛ kaa ba hashɛganụ tutu ụrụmɛ.
41Iyi elele nɛ yo rungo na cɛnjɛ, hi jirimi iŋ tiya. 42Iyi elele nɛ ya zha tahaŋnụ na amɛ, keeni iyi elele nɛ 'yajɛ ivwunɛ ineshi, kwo kaa iyi nɛ 'yajɛ ivwunɛ nɛ gembi ufwugwo, iyi elele nɛ yo hombilo, ta ya iŋ ma o, iwɛnɛ te ehi jirimi iŋ tiya. 43Hiɛ shɛ shɛ hi mama hashɛgana ni iyi nɛ yo hombilo; shibwonu hi zha shɛ hia nama shɛshɛshɛ o. 44Gamba n shɛ AGWANGWAMA na shɛ Agwatana hiŋ. Iwɛbɛ po meme shiri ma swooŋ, sha ma atwa tijilo, iwɛnɛ tu Ngaa shɛ bụtụ bi tijilo. Ta mama hashɛgana ma ni iyi nɛ yo hombilo, inɛɛ nɛ kaa mama mbata na cɛnjɛ o.#Liv 19:2; 1 Pita 1:16 45Gamba n shɛ AGWANGWAMA na ihi bɛcinjɛ na cɛnjɛ ti Ijipti, maa ma sha Agwatana hiŋ. Iwɛbɛ po sha ma atwa tijilo, iwɛnɛ tu Ngaa shɛ bụtụ bi tijilo.
46Undwa iwɛ usunda-ehilo, na shanụnụ keeni iyi-uumwa ye elele nɛ ya hwungwa, nɛ kaa yo rungo ne meni keeni iyi-uumwa ye elele nɛ yo hombilo na cɛnjɛ ta, 47iwɛ maa go tuswoswoswo tu nama na ashashɛ iyi nɛ hashɛganụ ni inɛɛ nɛ hashɛganụ sụ keeni na ashashɛ iyi-uumwa nɛ i shɛ aa ya keeni iyi-uumwa nɛ i shɛ shɛ aa ya.
Iliyochaguliwa sasa
LIVAI 11: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
LIVAI 11
11
Undwa iwɛ Isundɛ nɛ Hashɛganụ sụ ni Inɛɛ nɛ Hashɛganụ Tiya
(Undwa 14:3-21)
1Nazhɛ AGWANGWAMA hiɛŋ Moses keeni Aron. 2Mbiso ma atwa Isrɛl maa, Iyi-uumwa nɛ ɛhi zhɛ hi na ya na ashashɛ isundɛ ye elele nɛ namɛ na cɛnjɛ tu unyizo na: 3Iyi elele nɛ 'yajɛ ogwogwozwo, inɛɛ nɛ kaa ogwogwozwo ibɛ bagwụ, inɛɛ nɛ kaa ya ya usabwo,#11:3 inɛɛ nɛ ya ya usabwo: Iyimabiga 'yajɛ inɛɛ nɛ i shɛ maa yaa salajɛ ambɛ nu unu, yee gwure yee weci, bi zhɛ ba kwụba ti yaa ya unu. Baa yɛ gana ata, ba twala, ba kwụba ti yaa banananɛ nu urworwo yee gwure nu unu ubwa, bo kwunonono iŋ ticwomwo. Inɛ ɛtɛ ibɛ ya zha nu ugbokwo uko ticwɛŋ ɛɛ hiɛŋ usabwo. Iyimɛyɛ nɛ zweni apata fwoni lee lee uhwuri inɛ ugbokwo ụ'wụtụ. ya ma inɛ ɛtɛ. 4Inɛɛ nɛ kaa ahiɛ shɛ shɛ hia ya na amɛ inɛɛ nɛ ya ya usabwo, okwo ogwogwozwo ibɛ bagwụ na: irihende, ya ya usabwo, ama ogwogwozwo ibɛ bagwụ sụ o, hi jirimi iŋ. 5Ugwumbɛ wa ya usabwo, ama ogwogwozwo ubwa bagwụ sụ o, hi jirimi uŋ. 6Azwɛ a ya usabwo, ama ogwogwozwo ubwa bagwụ sụ o, hi jirimi aŋ. 7Ogwogwozwo ikemi bagwụ, ama i yɛ shɛ usabwo o, hi jirimi iŋ. 8Ta ya ma usunda wa aba o, to tumongono ma okwo ru'wo ra aba o, iwɛnɛ ehi jirimi iŋ.
9Inɛɛ nɛ ɛhi zhɛ hi na ya ni iyi elele nɛ zweni ne meni na: iyi elele nɛ 'yajɛ agagayɛ ataga keeni ashasha, okwo ni itekwu, kwo kaa nu Urefu, ya ma inɛ ɛtɛ. 10Ama iyi-uumwa ye elele nɛ ya hwungwa, nɛ namɛ nu ntokwu keeni erefu inɛɛ nɛ zasa ashasha keeni agagayɛ ataga, ga ihi shanɛ iyi-tupwaŋ. 11A shɛ ma hi shana iyi nɛ ehi jirimi tiya tutu. Ta ya ma tu usunda wa aba o, go n'wo ma aba kaa mi hi shanɛ iyi nɛ hashɛganụ. 12Iyi elele nɛ namɛ ne meni, nɛ zasa ashasha keeni agagayɛ ataga, i shɛ iyi nɛ hashɛganụ#11:12 hashɛganụ: Iyi nɛ hashɛganụ ni iyi nɛ hashɛganụ sụ nu Unu Ụngwụshɛ Tutwa, ibɛ shɛ iyi nɛ ya nda bụtụ ni iyimabiga keeni i'wɛŋnɛ maa Agwatana leshiji iŋ kwo kaa maa kede ba laashɛga iŋ o. Tusakana ti ibɛ nɛ, bụtụ eri ba hashɛganụ, tedure ni iyimɛyɛ ike tiya, ni iyi ike tutumongono, ni iyi ike tunama na tu'waba tu bwa keeni ta tu'waba tu bwa ta bana ibilɛ kwo kaa twamwa. no ofwo hiŋ.
13Shanụnụ shɛ na ehi jirimi tiya iwɛnɛ shaa hashɛganụ na: egbeji, no ogwulu, no ozogbogwu, 14na agwuruwa, no ogwogwori, 15na agwaagwaa, 16nu nzhimina, no odudu ụjita, no okwuturu uwapa, ne ecepi elele, 17no ogwogworugwoni, na avwụvwụ, na agbaanjɛ, 18na shaluma-she-meni, na akazaruba-meni, no ozhikwukwu, 19na amunya, ne te sunyi-gwune elele, no ogbururu,#11:19 Egbeji…ogbururu: Emeseyi shanụnụ shɛ ga shɛ gwụmɛ maa bụtụ eshiciji shu hwɛɛ. no shigwobo.
20Iyi elele nɛ 'yajɛ apiambɛ, nɛ kaa yo hombilo na cɛnjɛ, ihi shanɛ iyi nɛ jirimi tiya. 21Okwo ti yaa shɛ gana ata iyi nɛ ahiɛ shɛ hi na ya na amɛ iyi nɛ 'yajɛ apiambɛ, nɛ ya kala madagazhɛ, nɛ kaa ya dwa angapa na cɛnjɛ na. 22Inɛɛ nɛ ahiɛ shɛ hi na ya na amɛ ibɛ nɛ: ovworo elele, ne ekpikpikpi-ovworo, no shiywo, na a'nywa. 23Ama iyi ya apiambɛ inyɛ ye elele nɛ yo hombilo na cɛnjɛ, hi jirimi iŋ tiya.
24Ni isundɛ gɛnɛ gɛ, ibɛ ehi eri hi mama hashɛgana. Bụtụ be elele na timengeni ru'wo ri ibɛ, bi zhɛ ba hashɛganụ tutu ụrụmɛ. 25Bụtụ be elele na 'waŋnɛ okwo ru'wo ri ibɛ, bɛ shɛ ba nyashɛnga tugwuno tu bwa, bi zhɛ ba hashɛganụ tutu ụrụmɛ. 26Usunda we elele na 'yajɛ ogwogwozwo, unaa na ogwogwozwo ubwa bagwụ sụ tebiye, kwo kaa unaa na yɛ shɛ usabwo, u hi jirimi tiya. Bụtụ be elele timengeni uŋ, bi zhɛ ba hashɛganụ. 27Iyi elele nɛ ya pa abwabwasụ ibɛ na cɛnjɛ, na ashashɛ iyi nɛ 'yajɛ ivwunɛ ineshi, hi jirimi iŋ tiya. Bụtụ be elele na timengeni okwo ru'wo ri ibɛ, bi zhɛ ba hashɛganụ tutu ụrụmɛ. 28Bụtụ na kaa 'waŋnɛ ru'wo ri ibɛ, ga nyashɛnga tugwuno tu bwa, bi zhɛ kaa ba hashɛganụ tutu ụrụmɛ; iwɛnɛ ti yaa hashɛganụ.
29Ijɛ ibɛ i shɛ iyi nɛ hashɛganụ na ashashɛ iyi nɛ yo hombilo na cɛnjɛ: iswɛni, no shokwuzo, na adagarɛya, 30nu n-ngada, na akwagwa, na shɛngala, no shingolu, no shigodumo. 31Inɛ ɛtɛ ibɛ shɛ iyi nɛ hashɛganụ na ashashɛ iyi elele nɛ yo hombilo. Bụtụ na timengeni iŋ aka na ti yee 'wi, bi zhɛ ba hashɛganụ tutu ụrụmɛ. 32Iyi elele nɛ kaa ru'wo ri ibɛ ri leyiteni, i zhɛ ya hashɛganụ, okwo iyi nɛ aa njɛ nu ụ'wụ'wụ, okwo no tugwuno, okwo nụ u'waba, kwo kaa nụ ụzhɛka, kwo kaa iyi-uhwugwa nɛ aa nda uhwara we elele, i shɛ tilɛɛ maa ge shiyeni iŋ ne meni. I shɛ ya hashɛganụ tutu ụrụmɛ, nazhɛ yɛɛ zhɛ ya nama shɛshɛshɛ. 33Yaa shɛ kaa inɛ ye elele ibɛ leyi na amɛ iyi-uhwugwa nɛ oo mo na cɛnjɛ, medenji iyi elele nɛ zweni na amɛ ibɛ, i zhɛ ya hashɛganụ, hiɛ shɛ kaa hia bwada iŋ. 34Iyimɛyɛ ye elele nɛ aa ya, meni ma ata mu to, i zhɛ ya hashɛganụ. Iyi tuswa ye elele nɛ namɛ ni iyi-uhwugwa gɛnɛ ɛtɛ, i zhɛ ya hashɛganụ. 35Iyi elele nɛ ru'wo ri ibɛ ri leyiteni, okwo cwɛŋ, asha i hashɛganụ, okwo apitwa, kwo kaa a'alụ, ge e bwereteji iŋ rukwu rukwu; i hashɛganụ, ihi zana kaa du shɛshɛshɛ o. 36Okwo gana elele ti yaa namɛ, umɛzhinjɛ keeni ukwokwo meni, zhɛ wa nama shɛshɛshɛ; ama iyi elele ru'wo ra aba ri timengeni, asha i hashɛganụ. 37Yaa shɛ kaa ru'wo ri ibɛ ru ko ri leyiteni izɛgwu nɛ ɛɛ tɛ zhɛ a bila, inɛ ɛtɛ namɛ shɛshɛshɛ. 38Ama yaa shɛ oo towo izɛgwu ɛtɛ meni nazhɛ ru'wo ri ibɛ ru ko ri leyiteni iŋ, asha i hashɛganụ ya.
39Okwo usunda we elele na ahi ga ya, wee meme 'weji, bụtụ be elele na timengeni ru'wo ru bwa, bi zhɛ ba hashɛganụ tutu ụrụmɛ. 40Bụtụ be elele na kaa yɛ usunda ubwa, ga nyashɛnga tugwuno tu bwa, bi zhɛ ba hashɛganụ tutu ụrụmɛ. Bụtụ be elele na du kaa 'waŋnɛ ru'wo ru bwa, ga nyashɛnga tugwuno tu bwa, bi zhɛ kaa ba hashɛganụ tutu ụrụmɛ.
41Iyi elele nɛ yo rungo na cɛnjɛ, hi jirimi iŋ tiya. 42Iyi elele nɛ ya zha tahaŋnụ na amɛ, keeni iyi elele nɛ 'yajɛ ivwunɛ ineshi, kwo kaa iyi nɛ 'yajɛ ivwunɛ nɛ gembi ufwugwo, iyi elele nɛ yo hombilo, ta ya iŋ ma o, iwɛnɛ te ehi jirimi iŋ tiya. 43Hiɛ shɛ shɛ hi mama hashɛgana ni iyi nɛ yo hombilo; shibwonu hi zha shɛ hia nama shɛshɛshɛ o. 44Gamba n shɛ AGWANGWAMA na shɛ Agwatana hiŋ. Iwɛbɛ po meme shiri ma swooŋ, sha ma atwa tijilo, iwɛnɛ tu Ngaa shɛ bụtụ bi tijilo. Ta mama hashɛgana ma ni iyi nɛ yo hombilo, inɛɛ nɛ kaa mama mbata na cɛnjɛ o.#Liv 19:2; 1 Pita 1:16 45Gamba n shɛ AGWANGWAMA na ihi bɛcinjɛ na cɛnjɛ ti Ijipti, maa ma sha Agwatana hiŋ. Iwɛbɛ po sha ma atwa tijilo, iwɛnɛ tu Ngaa shɛ bụtụ bi tijilo.
46Undwa iwɛ usunda-ehilo, na shanụnụ keeni iyi-uumwa ye elele nɛ ya hwungwa, nɛ kaa yo rungo ne meni keeni iyi-uumwa ye elele nɛ yo hombilo na cɛnjɛ ta, 47iwɛ maa go tuswoswoswo tu nama na ashashɛ iyi nɛ hashɛganụ ni inɛɛ nɛ hashɛganụ sụ keeni na ashashɛ iyi-uumwa nɛ i shɛ aa ya keeni iyi-uumwa nɛ i shɛ shɛ aa ya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008