HECHOS 11
11
Tandanacushca crijcunaman imalla tucushcata Jerusalenpi Pedro huillashcami
1Mana judiocunaman Taita Diospaj Shimita huillajpi paicunapish chasquishcatami apostolcunapish, Judeapi causaj tucui crijcunapish uyarcacuna. 2Chaimantami Jerusalenman Pedro huichiyajpica, circuncisionta rurashcacunaca Pedrohuanca, 3cashna rimanacurcacuna:
–¿Ima nishpataj circuncisionta mana rurashca runacunapaj huasiman yaicushpa, paicunahuan micurcangui?– nijpimi,
4Pedroca, tucui imalla tucushcata callarishpa cashna huillai callarirca:
5–Ñucaca Jope pueblopi cashpami, Taita Diosta mañacurcani. Chaipimi muscuipi shina cashnata ricurcani: Shuj jatun linsota chuscu puntapi huatashca shinami, ñuca tiyacunman jahua pachamanta uriyamurca. 6Chaita ñuca alli ricushpaca, chai linsopica chuscu chaquihuan purij animalcunata, manchanana animalcunata, huijsahuan purij animalcunata, jahuata purij pajarocunatapishmi ricurcani. 7Chaita ricucujpica: “Pedro, jatari, huañuchishpa micui” nishpa rimajtami uyarcani. 8Chaimi ñucaca: “Mana, Mandaj Jesús, imapish mana micuna cashcata, mapami nishcacunataca manataj micushcanichu” nircanimi. 9Chaipimi chai rimajllataj jahua pachamanta cutin rimashpaca: “Taita Dios chuyayachishcataca, canca ama mapami nichu” nirca. 10Chashnata quimsa cutin ricuchishpaca, chai linsotaca jahua pachallamantajmi aparca. 11Chaita ricushca q'uipaca ñapish ñuca pozacun huasimanca quimsa runacuna chayarcallami. Paicunataca Cesareamantami ñucapajman cachashca carca. 12Chaipica Taita Diospaj Espiritumi rishachu manachu risha ama yuyashpa paicunahuan rilla nirca. Cai sujta huauquicunandijmi chai runapaj huasimanca rircani. 13Paica, paipaj huasipi shuj ángel ricurishpa cashna nishcatami parlarca: “Pedro nishca Simonta Jope pueblomanta pushanaman cachai. 14Paimi canpish, cambaj familiacunapish ima shina quishpirina cashcata huillanga” nircami, nishpami parlarca. 15Paicunaman ñuca huillai callarijpica, callaripi ñucanchijpaj jahuaman, jucha illaj Espíritu shamushca shinallatajmi paicunapaj jahuamanpish shamurca. 16Chaimantami Mandaj Jesusca: “Juanca yacullapimi bautizarca, ashtahuanpish cancunaca jucha illaj Espiritupimi bautizashca canguichij” nishcata yuyarircani. 17Mandaj Jesucristota ñucanchij crijpi Taita Diosca paipaj Espirituta cushca shinallatajmi paicunamanpish curca. Taita Dios chashna rurajta jarcangapajca ñucaca ¿imataj caniyari?– nircami.
18Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna:
–¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.
Antioquiapi tandanacushca crijcuna ima shina cashcami
19Estebanta huañuchishpaca, caishuj crijcunatapish llaquina yuyailla llaquichishpa catijpimi, caita chaita rircacuna. Paicunaca Feniciaman, Chipreman, Antioquiacamami rircacuna. Paicuna chai llajtacunaman rishpaca shujtajcunamanca alli huillaitaca mana huillashpa, judiocunallamanmi huillarcacuna. 20Paicunapurapi maijancunaca Chipremanta, Cirenemantami carcacuna. Paicuna Antioquiaman chayashpaca, griegocunamanpishmi, Mandaj Jesusmanta alli huillaita huillarcacuna. 21Jatun Diospaj tucuita rurai tucuj maqui paicunahuan cajpimi, achcacuna Mandaj Jesusta crishpa ñaupa causaita saquircacuna.
22Jerusalenpi tandanacushca crijcuna tucui chaicunata yachashpaca, Bernabetami Antioquiacama richun cacharcacuna. 23Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca. 24Bernabeca alli shungu, jucha illaj Espirituhuan junda, Mandaj Jesusta tucui shunguhuan crijmi carca. Chashna cashpa huillajpimi achcacuna Mandaj Jesushuan shujlla tucurcacuna.
25Achcacuna crijpimi Bernabeca, Tarsopi Saulota mashcanaman rirca. Paita japishpaca, Antioquiamanmi pusharca. 26Chaipica huata jundatami achcacunata yachachishpa tandanacushca crijcunahuan causarcacuna. Jesusta catijcunataca chai Antioquiapimi caicunaca Cristota catijcunami ninata callarircacuna.
27Chai punllacunapimi Jerusalenmanta maijan profetacuna, Antioquiaman uriyamurcacuna. 28Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.) 29Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna. 30Paicuna tandachishpaca Judeapi caj cunaj yuyajcunaman cuchunmi, Bernabeman, Sauloman cacharcacuna.
Iliyochaguliwa sasa
HECHOS 11: QCHI04
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Quichua Chimborazo Bible Revision 2010 © United Bible Societies, 2010.
HECHOS 11
11
Tandanacushca crijcunaman imalla tucushcata Jerusalenpi Pedro huillashcami
1Mana judiocunaman Taita Diospaj Shimita huillajpi paicunapish chasquishcatami apostolcunapish, Judeapi causaj tucui crijcunapish uyarcacuna. 2Chaimantami Jerusalenman Pedro huichiyajpica, circuncisionta rurashcacunaca Pedrohuanca, 3cashna rimanacurcacuna:
–¿Ima nishpataj circuncisionta mana rurashca runacunapaj huasiman yaicushpa, paicunahuan micurcangui?– nijpimi,
4Pedroca, tucui imalla tucushcata callarishpa cashna huillai callarirca:
5–Ñucaca Jope pueblopi cashpami, Taita Diosta mañacurcani. Chaipimi muscuipi shina cashnata ricurcani: Shuj jatun linsota chuscu puntapi huatashca shinami, ñuca tiyacunman jahua pachamanta uriyamurca. 6Chaita ñuca alli ricushpaca, chai linsopica chuscu chaquihuan purij animalcunata, manchanana animalcunata, huijsahuan purij animalcunata, jahuata purij pajarocunatapishmi ricurcani. 7Chaita ricucujpica: “Pedro, jatari, huañuchishpa micui” nishpa rimajtami uyarcani. 8Chaimi ñucaca: “Mana, Mandaj Jesús, imapish mana micuna cashcata, mapami nishcacunataca manataj micushcanichu” nircanimi. 9Chaipimi chai rimajllataj jahua pachamanta cutin rimashpaca: “Taita Dios chuyayachishcataca, canca ama mapami nichu” nirca. 10Chashnata quimsa cutin ricuchishpaca, chai linsotaca jahua pachallamantajmi aparca. 11Chaita ricushca q'uipaca ñapish ñuca pozacun huasimanca quimsa runacuna chayarcallami. Paicunataca Cesareamantami ñucapajman cachashca carca. 12Chaipica Taita Diospaj Espiritumi rishachu manachu risha ama yuyashpa paicunahuan rilla nirca. Cai sujta huauquicunandijmi chai runapaj huasimanca rircani. 13Paica, paipaj huasipi shuj ángel ricurishpa cashna nishcatami parlarca: “Pedro nishca Simonta Jope pueblomanta pushanaman cachai. 14Paimi canpish, cambaj familiacunapish ima shina quishpirina cashcata huillanga” nircami, nishpami parlarca. 15Paicunaman ñuca huillai callarijpica, callaripi ñucanchijpaj jahuaman, jucha illaj Espíritu shamushca shinallatajmi paicunapaj jahuamanpish shamurca. 16Chaimantami Mandaj Jesusca: “Juanca yacullapimi bautizarca, ashtahuanpish cancunaca jucha illaj Espiritupimi bautizashca canguichij” nishcata yuyarircani. 17Mandaj Jesucristota ñucanchij crijpi Taita Diosca paipaj Espirituta cushca shinallatajmi paicunamanpish curca. Taita Dios chashna rurajta jarcangapajca ñucaca ¿imataj caniyari?– nircami.
18Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna:
–¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.
Antioquiapi tandanacushca crijcuna ima shina cashcami
19Estebanta huañuchishpaca, caishuj crijcunatapish llaquina yuyailla llaquichishpa catijpimi, caita chaita rircacuna. Paicunaca Feniciaman, Chipreman, Antioquiacamami rircacuna. Paicuna chai llajtacunaman rishpaca shujtajcunamanca alli huillaitaca mana huillashpa, judiocunallamanmi huillarcacuna. 20Paicunapurapi maijancunaca Chipremanta, Cirenemantami carcacuna. Paicuna Antioquiaman chayashpaca, griegocunamanpishmi, Mandaj Jesusmanta alli huillaita huillarcacuna. 21Jatun Diospaj tucuita rurai tucuj maqui paicunahuan cajpimi, achcacuna Mandaj Jesusta crishpa ñaupa causaita saquircacuna.
22Jerusalenpi tandanacushca crijcuna tucui chaicunata yachashpaca, Bernabetami Antioquiacama richun cacharcacuna. 23Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca. 24Bernabeca alli shungu, jucha illaj Espirituhuan junda, Mandaj Jesusta tucui shunguhuan crijmi carca. Chashna cashpa huillajpimi achcacuna Mandaj Jesushuan shujlla tucurcacuna.
25Achcacuna crijpimi Bernabeca, Tarsopi Saulota mashcanaman rirca. Paita japishpaca, Antioquiamanmi pusharca. 26Chaipica huata jundatami achcacunata yachachishpa tandanacushca crijcunahuan causarcacuna. Jesusta catijcunataca chai Antioquiapimi caicunaca Cristota catijcunami ninata callarircacuna.
27Chai punllacunapimi Jerusalenmanta maijan profetacuna, Antioquiaman uriyamurcacuna. 28Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.) 29Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna. 30Paicuna tandachishpaca Judeapi caj cunaj yuyajcunaman cuchunmi, Bernabeman, Sauloman cacharcacuna.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Quichua Chimborazo Bible Revision 2010 © United Bible Societies, 2010.