Yọọn 18
18
Emʌm Yisọs
1Ke anye amaakebọñ akam ama, Yisọs amaasaña ye mme mbed amọ aboiyo abedeñ Kidrọn. Inwañ amaaba ke edem uko, ndin anye ye mme mbed amọ emaefrọ ekaa do.
2Ndin Yudas, a-aketappa anye, amaadiọọñọ itie ado, sia Yisọs amaasika itie ado ndin-ndin ye mme mbed amọ. 3Yudas amaakaa inwañ ado, adat udịm mbon ekọñ ye mme adaaha a-mme ñkpoon aku ye mme Farisi ekenọọhọ anye. Ammọ emaekaama ikañ emuum, mme utuenikañ, ye mme ñkpọ anwan.
4Sia Yisọs amaakediọọñọ afịd ñkpọ se ikidiitịppe inọ anye, amaasaña awuọ akebịp ammọ ate, “Anie ke ndufo eyem?”
5Ammọ emaebọọrọ ete, “Yisọs, Ayịn Nasared.”
Yisọs amaabọọrọ ammọ, “Ami ndo anye.” (Yudas, andikitap anye mmọdo akeda ye ammọ.) 6Ke Yisọs amaakebo, “Ami ndo anye,” ammọ emaetiime edem eduọññọ ke isọñ.
7Anye amaamaana abịp ammọ ayọhọ akañ iba ate, “Ndufo ebo ke iyem anie?”
Ammọ emaebo, “Yisọs, Ayịn Nasared.”
8Yisọs amaabọọrọ ammọ ate, “Ami mmaatatañ inọ ndufo ke ami ndo anye. Ndin akpedo eñyem miin, iyaak mbon ami enyọñọ.” 9Anye aketañ ntom nọ ikọ prọfesi amọ asu a-anye akebooho, “Ami nduọhọ ndomokeed ke atu se afo akennọọ.”
10Idahado Saimọn Pita, a-amaakekama akañkañ, amaasio akpi ayịnufọk ekamba aku utọñ nnasia adiañña. (Anyịñ ayịnufọk ado akedo Maalkus.)
11Yisọs amaawuuk Pita ate, “Sịn afịd mfo ke efọk! Inaaha nte ami ñnwọñ kọọb e-Ete mmi annọọhọ miin?”
12Ndin mbon ekọñ ye adaiso ammọ ye etubom mme Yuu emaemʌm Yisọs. Emaebọp anye ubọk 13enyʌñ eben anye ekaa iso Anas, ete anwaan Kaifas, a-akedooho ekamba aku ke isua ado. 14Kaifas akedo awo se ikinọọ mme etubom mme Yuu item abo ke akpaafọn awo keed akpa ke iwuod afịd awo.
Akpa Ini a-Pita Akañña Yisọs
15Saimọn Pita ye mbed keed mfen emaekeene Yisọs. Sia ekamba aku amaakediọọñọ mbed anye ado, anye amaakeene Yisọs adʌk esịd akwere ekamba aku. 16Ado Pita akena atuak ada ke inuausʌñ. Mbed a-akediọọñọke ekamba aku amaatịmme aditañ ikọ ye awonwaan a-akekpemeke inuaatob, anyʌñ adat Pita adʌk esịd akwere.
17Ayịnufọk awonwaan ado amaabo Pita ate, “Afo ñko udooho keed ke atu mme mbed awo ami?”
Pita amaabọọrọ, “Ndooho.”
18Akedo ini atueb, ndin nditọufọk ye mme adaaha ñko emaeda ekanna ewue ikañ a-ammọ ekebarake. Pita amaada do ñko ye ammọ awue ikañ.
Ekamba Aku Abịp Yisọs Mbịme
19Ekamba aku ndin amaabịp Yisọs abaña mme mbed amọ ye ukpeebñkpọ amọ.
20Yisọs amaabọọrọ anye ate, “Ami mmetañ ikọ anwa-anwa nnọ afịd ederimbod; mmaakpeep mme awo ñkpọ ke mme sinakọk ye ke tembịd, a-mme Yuu ekesisooboke. Mme awo emaekop ikọ mmi, sia ami ñkikpeebe ñkpọ ndomokeed ke ndịbe. 21Nsoo ndin inam nọ afo ambịp miin mbịme? Akpekap abịp mbon se ikikop ukpeebñkpọ mmi. Ke akpanikọ ammọ e-ediọọñọ afịd se ami ñketañ.”
22Ke Yisọs amaaketañ ntom, adaaha ekọñ keed amaasiak anye ufia ate, “Afo abọọrọ ekamba aku ntoro?”
23Yisọs amaabo anye, “Adieke ami ndueghe se ntañ, ñwọt ndudue ado. Ado akpedo ami ñketañ akpanikọ, nsoo ido ntak a-afo ammiaha miin?” 24Anas ndin amaanọ Yisọs, mme naña ekebọp anye, ate esọk Kaifas, ekamba aku.
Pita Akañ Yisọs Ayọhọ Akañ Iba ye Ita
25Saimọn Pita akesʌk ada ke ndo awue ikañ. Ndin ammọ emaebịp anye ate, “Nte afo udooho awo keed ke atu mbed amọ?”
Anye amaakañ ate, “Ndooho.”
26Ayịnufọk ekamba aku keed, ayakka awo a-Pita akediaññake utọñ, amaamaana adibo Pita ate, “Nte ami ñkukịtte fiin ke inwañ ye anye?” 27Pita amaamaana akañ, ndin kpa ke ndo-ndo ado, akikọunen amaatọọñọ adikpọk.
Yisọs ke Iso Pailed
28Akem mme etubom mme Yuu emaeben Yisọs ekpọñ iso Kaifas ekaa akwere Pailed, iwuodukara Rom. Ayio amaakpere adisiere, ndin mbon se ikiben Yisọs ika ikikamma idʌk atʌñ Pailed. Ntak akedo mbaak ammọ edibiat mbed adinam idem asana ke ntak ndutʌm Usọrọ Nsaña Mboiyo. 29Ke ntoro, Pailed amaawuọ akebịp ammọ ate, “Nsoo ido ndudue awo ami? Nsoo ke ekoot anye ikpe ebaña?”
30Ammọ emaebọọrọ ete, “Akpedo awo ami ikinieghe ndudue, ñnyịn ikpikimʌmmọ anye idiyaak unọ.”
31Pailed amaabo ammọ ate, “Iben anye ikaa ikikpe ikpe amọ naña mbed ndufo ado.”
Mme Yuu emaefaaña ete, “Ñnyịn inieghe unen adiwot awo ndomokeed.” 32Ami aketịppe nọ ikọ a-Yisọs aketañña abaña utọ ñkpa a-anye adiikpa asu.
33Pailed amaatịmme adʌk akwere amọ, akedọñ ekoot Yisọs edi, anyʌñ abịp Yisọs ate, “Afo ado adidem mme Yuu?”
34Yisọs amaabịp anye ate, “Afo atañ ikọ ami ke ifiọk idem mfo, me ado mbon awo etañ unọọ fiin embaña miin?”
35Pailed amaabọọrọ “Ami ndo Yuu? Ñkọ mbon ndufo ye mme ñkpoon aku ndufo uben fiin ediyaak ennọọ miin! Nsoo inekke ido ndudue mfo?”
36Yisọs amaabo anye: “Ubọọñ mmi idooho ake ederimbod ami. Akpedo ubọọñ mmi akedo ake ederimbod ami, nditọufọk mmi ekpaekenwana tutu mme etubom mme Yuu ikpikikanna immʌm miin. Ado ubọọñ mmi ato itie mfen.”
37Pailed ndin amaabo anye, “Ke ntoro, awuọñọ ke afo ado adidem!”
Yisọs amaabọọrọ anye ate, “Afo abo ke ami ndo adidem. Ke aditʌm ntañ, ntak a-ami ñkemanake ndi ederimbod ado adinam ekondo ediọọñọ akpanikọ. Afịd mbon se ima akpanikọ edo mbon e-ekoppo uyio mmi.”
38Do ke Pailed akebịp Yisọs abo, “Nsoo ido akpanikọ?” Ke anye amaaketañ ami, anye amaamaana awuọ abịne mme Yuu e-ekebonoke ke anwa esiin, akebo ammọ, “Ami ñkịtte ndudue ndomokeed ke idem awo ami. 39Nte ido ndufo adooho akpena ami nsaana awo ñkpakọb keed ñyaak inọ ndufo ke ini Usọrọ Nsaña Mboiyo. Emeyem ñyaak ‘adidem mme Yuu’ inọ?”
40Afịd ammọ emaedọñ uyio keed ebo, “Kuuyaak awo ami-o! Utu ke ado yaak Barabas.” Ndin Barabas akedo awo a-akesịnne nsọk nọ mme awo esịn ntịme ke abio.
Iliyochaguliwa sasa
Yọọn 18: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yọọn 18
18
Emʌm Yisọs
1Ke anye amaakebọñ akam ama, Yisọs amaasaña ye mme mbed amọ aboiyo abedeñ Kidrọn. Inwañ amaaba ke edem uko, ndin anye ye mme mbed amọ emaefrọ ekaa do.
2Ndin Yudas, a-aketappa anye, amaadiọọñọ itie ado, sia Yisọs amaasika itie ado ndin-ndin ye mme mbed amọ. 3Yudas amaakaa inwañ ado, adat udịm mbon ekọñ ye mme adaaha a-mme ñkpoon aku ye mme Farisi ekenọọhọ anye. Ammọ emaekaama ikañ emuum, mme utuenikañ, ye mme ñkpọ anwan.
4Sia Yisọs amaakediọọñọ afịd ñkpọ se ikidiitịppe inọ anye, amaasaña awuọ akebịp ammọ ate, “Anie ke ndufo eyem?”
5Ammọ emaebọọrọ ete, “Yisọs, Ayịn Nasared.”
Yisọs amaabọọrọ ammọ, “Ami ndo anye.” (Yudas, andikitap anye mmọdo akeda ye ammọ.) 6Ke Yisọs amaakebo, “Ami ndo anye,” ammọ emaetiime edem eduọññọ ke isọñ.
7Anye amaamaana abịp ammọ ayọhọ akañ iba ate, “Ndufo ebo ke iyem anie?”
Ammọ emaebo, “Yisọs, Ayịn Nasared.”
8Yisọs amaabọọrọ ammọ ate, “Ami mmaatatañ inọ ndufo ke ami ndo anye. Ndin akpedo eñyem miin, iyaak mbon ami enyọñọ.” 9Anye aketañ ntom nọ ikọ prọfesi amọ asu a-anye akebooho, “Ami nduọhọ ndomokeed ke atu se afo akennọọ.”
10Idahado Saimọn Pita, a-amaakekama akañkañ, amaasio akpi ayịnufọk ekamba aku utọñ nnasia adiañña. (Anyịñ ayịnufọk ado akedo Maalkus.)
11Yisọs amaawuuk Pita ate, “Sịn afịd mfo ke efọk! Inaaha nte ami ñnwọñ kọọb e-Ete mmi annọọhọ miin?”
12Ndin mbon ekọñ ye adaiso ammọ ye etubom mme Yuu emaemʌm Yisọs. Emaebọp anye ubọk 13enyʌñ eben anye ekaa iso Anas, ete anwaan Kaifas, a-akedooho ekamba aku ke isua ado. 14Kaifas akedo awo se ikinọọ mme etubom mme Yuu item abo ke akpaafọn awo keed akpa ke iwuod afịd awo.
Akpa Ini a-Pita Akañña Yisọs
15Saimọn Pita ye mbed keed mfen emaekeene Yisọs. Sia ekamba aku amaakediọọñọ mbed anye ado, anye amaakeene Yisọs adʌk esịd akwere ekamba aku. 16Ado Pita akena atuak ada ke inuausʌñ. Mbed a-akediọọñọke ekamba aku amaatịmme aditañ ikọ ye awonwaan a-akekpemeke inuaatob, anyʌñ adat Pita adʌk esịd akwere.
17Ayịnufọk awonwaan ado amaabo Pita ate, “Afo ñko udooho keed ke atu mme mbed awo ami?”
Pita amaabọọrọ, “Ndooho.”
18Akedo ini atueb, ndin nditọufọk ye mme adaaha ñko emaeda ekanna ewue ikañ a-ammọ ekebarake. Pita amaada do ñko ye ammọ awue ikañ.
Ekamba Aku Abịp Yisọs Mbịme
19Ekamba aku ndin amaabịp Yisọs abaña mme mbed amọ ye ukpeebñkpọ amọ.
20Yisọs amaabọọrọ anye ate, “Ami mmetañ ikọ anwa-anwa nnọ afịd ederimbod; mmaakpeep mme awo ñkpọ ke mme sinakọk ye ke tembịd, a-mme Yuu ekesisooboke. Mme awo emaekop ikọ mmi, sia ami ñkikpeebe ñkpọ ndomokeed ke ndịbe. 21Nsoo ndin inam nọ afo ambịp miin mbịme? Akpekap abịp mbon se ikikop ukpeebñkpọ mmi. Ke akpanikọ ammọ e-ediọọñọ afịd se ami ñketañ.”
22Ke Yisọs amaaketañ ntom, adaaha ekọñ keed amaasiak anye ufia ate, “Afo abọọrọ ekamba aku ntoro?”
23Yisọs amaabo anye, “Adieke ami ndueghe se ntañ, ñwọt ndudue ado. Ado akpedo ami ñketañ akpanikọ, nsoo ido ntak a-afo ammiaha miin?” 24Anas ndin amaanọ Yisọs, mme naña ekebọp anye, ate esọk Kaifas, ekamba aku.
Pita Akañ Yisọs Ayọhọ Akañ Iba ye Ita
25Saimọn Pita akesʌk ada ke ndo awue ikañ. Ndin ammọ emaebịp anye ate, “Nte afo udooho awo keed ke atu mbed amọ?”
Anye amaakañ ate, “Ndooho.”
26Ayịnufọk ekamba aku keed, ayakka awo a-Pita akediaññake utọñ, amaamaana adibo Pita ate, “Nte ami ñkukịtte fiin ke inwañ ye anye?” 27Pita amaamaana akañ, ndin kpa ke ndo-ndo ado, akikọunen amaatọọñọ adikpọk.
Yisọs ke Iso Pailed
28Akem mme etubom mme Yuu emaeben Yisọs ekpọñ iso Kaifas ekaa akwere Pailed, iwuodukara Rom. Ayio amaakpere adisiere, ndin mbon se ikiben Yisọs ika ikikamma idʌk atʌñ Pailed. Ntak akedo mbaak ammọ edibiat mbed adinam idem asana ke ntak ndutʌm Usọrọ Nsaña Mboiyo. 29Ke ntoro, Pailed amaawuọ akebịp ammọ ate, “Nsoo ido ndudue awo ami? Nsoo ke ekoot anye ikpe ebaña?”
30Ammọ emaebọọrọ ete, “Akpedo awo ami ikinieghe ndudue, ñnyịn ikpikimʌmmọ anye idiyaak unọ.”
31Pailed amaabo ammọ ate, “Iben anye ikaa ikikpe ikpe amọ naña mbed ndufo ado.”
Mme Yuu emaefaaña ete, “Ñnyịn inieghe unen adiwot awo ndomokeed.” 32Ami aketịppe nọ ikọ a-Yisọs aketañña abaña utọ ñkpa a-anye adiikpa asu.
33Pailed amaatịmme adʌk akwere amọ, akedọñ ekoot Yisọs edi, anyʌñ abịp Yisọs ate, “Afo ado adidem mme Yuu?”
34Yisọs amaabịp anye ate, “Afo atañ ikọ ami ke ifiọk idem mfo, me ado mbon awo etañ unọọ fiin embaña miin?”
35Pailed amaabọọrọ “Ami ndo Yuu? Ñkọ mbon ndufo ye mme ñkpoon aku ndufo uben fiin ediyaak ennọọ miin! Nsoo inekke ido ndudue mfo?”
36Yisọs amaabo anye: “Ubọọñ mmi idooho ake ederimbod ami. Akpedo ubọọñ mmi akedo ake ederimbod ami, nditọufọk mmi ekpaekenwana tutu mme etubom mme Yuu ikpikikanna immʌm miin. Ado ubọọñ mmi ato itie mfen.”
37Pailed ndin amaabo anye, “Ke ntoro, awuọñọ ke afo ado adidem!”
Yisọs amaabọọrọ anye ate, “Afo abo ke ami ndo adidem. Ke aditʌm ntañ, ntak a-ami ñkemanake ndi ederimbod ado adinam ekondo ediọọñọ akpanikọ. Afịd mbon se ima akpanikọ edo mbon e-ekoppo uyio mmi.”
38Do ke Pailed akebịp Yisọs abo, “Nsoo ido akpanikọ?” Ke anye amaaketañ ami, anye amaamaana awuọ abịne mme Yuu e-ekebonoke ke anwa esiin, akebo ammọ, “Ami ñkịtte ndudue ndomokeed ke idem awo ami. 39Nte ido ndufo adooho akpena ami nsaana awo ñkpakọb keed ñyaak inọ ndufo ke ini Usọrọ Nsaña Mboiyo. Emeyem ñyaak ‘adidem mme Yuu’ inọ?”
40Afịd ammọ emaedọñ uyio keed ebo, “Kuuyaak awo ami-o! Utu ke ado yaak Barabas.” Ndin Barabas akedo awo a-akesịnne nsọk nọ mme awo esịn ntịme ke abio.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.