Yọọn 14
14
Yisọs Adọñ Mbed Amọ Esịd
1 “Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ. 2Ke ufọk Ete mmi uwak ubeed ebañña; imiikpidooho ntoro, ami ñkpaakidọkkọ ndufo. 3Ami ñka adikitʌm itie inọọ ndufo, ami ñyaatịmme ndi ndiben ndufo nnọ idem mmi, nọ ndufo eba ye ami ke itie nte ami mba. 4Ndufo emediọọñọ usʌñ itie nte ami ñka.”
Yisọs Ado Usʌñ e-Esañake Ebịne Ete
5Tọmọs amaabo anye, “Abọọñ, ñnyịn idiọọñọke nte afo akaa, ñnyịn idiinam die idiọọñọ usʌñ?”
6Yisọs amaabọọrọ anye: “Ami ndo usʌñ ye akpanikọ ye uwem. Awo ndomokeed idiighe ibịne Ete ibọhọke anto miin. 7Adieke ndufo enekkeke endiọọñọ miin, eyaediọọñọ Ete mmi ñko. Tọọñọ ke idahami, ndufo emediọọñọ anye enyʌñ ekịt anye.”
8Filib amaabo, “Abọọñ, iwọt ñnyịn Ete, ndin ñnyịn iyaiyʌkkọ.”
9Ndin Yisọs amaabo, “Nte ami mmekeme iba ye ndufo afịd anyan ini ami, Filib, ndin afo usʌkkọ undiọọñọ miin? Awo akeedodo añkịtte miin akịt Ete, ndin ndufo ekpenam die ebo, ‘Iwọt ñnyịn Ete’? 10Nte ndufo inịmme ke ami mba ke Ete, Ete aba ñko ke ami? Se ami ntañ inọọ ndufo intooho miin. Ado Ete andʌññọ miin ke idem anam utom amọ. 11Innịm miin ke akpanikọ ami mmaabo ke ami mba ke Ete, Ete ñko anyʌñ aba ke ami, imiidooho inịm ke ntak mme utịppeñkpọ a-ndufo ekịtte. 12Ke ataa akpanikọ ami ntañ inọ ndufo, awo akeedodo annịmme miin ke akpanikọ ayaanam mme ukem utom a-ami nnamma mi, eyaenyʌñ enam mme ñkpọ se ikan ami, sia ami ñka mbịne Ete. 13Ami ñyaanam se idodo a-ndufo ebeeñeke ke anyịñ mmi, nọ ato do Ete abọ itooro ato Ayịn. 14Ndufo emekeme adibeeñe ñkpọ akeedodo ke anyịñ mmi, ndin ami ñyaanam.”
Yisọs Anwọñọ Adinọ Adisana Sịbidịd
15 “Akpedo ndufo ememma miin, inịm mbed mmi. 16Ndin ami ñyaabeeñe Ete, ndin anye ayainọ ndufo idọñesịd mfen adiiba ye ndufo ke nsi-nsi, 17Sịbidịd akpanikọ. Ederimbod idiiyemme anye, sia ammọ idiọọñọke inyʌññọ ikịt anye. Ado ndufo emediọọñọ anye, sia anye adʌñ ke idem ndufo, anye adiiba ye ndufo ñko. 18Ami ndiikpọññọ ndufo nte nditọ akpa; ami ñyaadi ibịne ndufo. 19Ke etək ini, ederimbod idiiñkịtte miin aba, ado ndufo eyaeñkịt miin. Sia ami mmedu uwem ndin ndufo ñko eyaedu uwem. 20Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo. 21Awo akeedodo a-abọọhọ mme mbed mmi anyʌñ anịm ammọ, anye ado awo a-ammaaha miin. Awo a-ammaaha miin, Ete mmi ayaama anye, ndin ami ñko ñyaama anye ñnyʌñ ñyaara idem mmi nnọ anye.”
22Akem Yudas, (idooho Yudas Iskariọd) amaabo anye, “Abọọñ, nsoo ido nọ afo aduak adiwọt ñnyịn idem ado uwọttọ ederimbod?”
23Yisọs amaabọọrọ ate, “Awo keed akeedodo ammaaha miin ayaanam ukpeebñkpọ mmi, ndin Ete mmi ayaama ammọ, ndin ñnyịn iyaididʌñ ye ammọ. 24Awo ndomokeed i-imiimmaaha miin idiinịmme ukpeebñkpọ mmi. Mme ikọ a-ndufo ekoppo idooho ake mmi; ado ikọ Ete a-akendọññọ miin.
25 “Ami mmetañ afịd mme ñkpọ ami inọ ndufo ke ini ami nsʌkkọ mba mi ye ndufo. 26Ado Idọñesịd, Adisana Sịbidịd, ake Ete adiidọñ ke anyịñ mmi ayaikpeep ndufo afịd ñkpọ anyʌñ itoiyo ndufo afịd se ami ñketañ inọọ ndufo. 27Emem ke ami ñkpọñ inọọ ndufo; emem mmi ke ami inọọ ndufo. Ami inọọhọ ndufo naña ederimbod inọọ. Ikiiyak esịd ndufo etịmede, ikiinyʌñ ikop ndịk.
28 “Ndufo emekop naña ami mbo: ‘Ami ñyaikpọñ, ñyaanyʌñ ntịmme ibịne ndufo.’ Akpedo ndufo emaemma miin, esịd akpainem ndufo ke ami ñka mbịne Ete, sia Ete a-akpon añkan miin. 29Ami mmidọkkọ ndufo idahami, mbemiso ñkpọ ami adat itie, ndin amaatịppe ndufo eyaennịm ke akpanikọ. 30Ami ndiitañña uwak ikọ aba inọ ndufo sia idiọọk adidem ederimbod ami asʌk adi. Anye inieghe adudu ke idem mmi, 31ado anye adi nọ ederimbod ediọọñọ ke ami mmema Ete ñnyʌñ nnam ukem-ukem se Ete annọ ewʌhọ abo nnam.
“Ndufo idi ndin, yak ñnyịn ika.”
Iliyochaguliwa sasa
Yọọn 14: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yọọn 14
14
Yisọs Adọñ Mbed Amọ Esịd
1 “Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ. 2Ke ufọk Ete mmi uwak ubeed ebañña; imiikpidooho ntoro, ami ñkpaakidọkkọ ndufo. 3Ami ñka adikitʌm itie inọọ ndufo, ami ñyaatịmme ndi ndiben ndufo nnọ idem mmi, nọ ndufo eba ye ami ke itie nte ami mba. 4Ndufo emediọọñọ usʌñ itie nte ami ñka.”
Yisọs Ado Usʌñ e-Esañake Ebịne Ete
5Tọmọs amaabo anye, “Abọọñ, ñnyịn idiọọñọke nte afo akaa, ñnyịn idiinam die idiọọñọ usʌñ?”
6Yisọs amaabọọrọ anye: “Ami ndo usʌñ ye akpanikọ ye uwem. Awo ndomokeed idiighe ibịne Ete ibọhọke anto miin. 7Adieke ndufo enekkeke endiọọñọ miin, eyaediọọñọ Ete mmi ñko. Tọọñọ ke idahami, ndufo emediọọñọ anye enyʌñ ekịt anye.”
8Filib amaabo, “Abọọñ, iwọt ñnyịn Ete, ndin ñnyịn iyaiyʌkkọ.”
9Ndin Yisọs amaabo, “Nte ami mmekeme iba ye ndufo afịd anyan ini ami, Filib, ndin afo usʌkkọ undiọọñọ miin? Awo akeedodo añkịtte miin akịt Ete, ndin ndufo ekpenam die ebo, ‘Iwọt ñnyịn Ete’? 10Nte ndufo inịmme ke ami mba ke Ete, Ete aba ñko ke ami? Se ami ntañ inọọ ndufo intooho miin. Ado Ete andʌññọ miin ke idem anam utom amọ. 11Innịm miin ke akpanikọ ami mmaabo ke ami mba ke Ete, Ete ñko anyʌñ aba ke ami, imiidooho inịm ke ntak mme utịppeñkpọ a-ndufo ekịtte. 12Ke ataa akpanikọ ami ntañ inọ ndufo, awo akeedodo annịmme miin ke akpanikọ ayaanam mme ukem utom a-ami nnamma mi, eyaenyʌñ enam mme ñkpọ se ikan ami, sia ami ñka mbịne Ete. 13Ami ñyaanam se idodo a-ndufo ebeeñeke ke anyịñ mmi, nọ ato do Ete abọ itooro ato Ayịn. 14Ndufo emekeme adibeeñe ñkpọ akeedodo ke anyịñ mmi, ndin ami ñyaanam.”
Yisọs Anwọñọ Adinọ Adisana Sịbidịd
15 “Akpedo ndufo ememma miin, inịm mbed mmi. 16Ndin ami ñyaabeeñe Ete, ndin anye ayainọ ndufo idọñesịd mfen adiiba ye ndufo ke nsi-nsi, 17Sịbidịd akpanikọ. Ederimbod idiiyemme anye, sia ammọ idiọọñọke inyʌññọ ikịt anye. Ado ndufo emediọọñọ anye, sia anye adʌñ ke idem ndufo, anye adiiba ye ndufo ñko. 18Ami ndiikpọññọ ndufo nte nditọ akpa; ami ñyaadi ibịne ndufo. 19Ke etək ini, ederimbod idiiñkịtte miin aba, ado ndufo eyaeñkịt miin. Sia ami mmedu uwem ndin ndufo ñko eyaedu uwem. 20Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo. 21Awo akeedodo a-abọọhọ mme mbed mmi anyʌñ anịm ammọ, anye ado awo a-ammaaha miin. Awo a-ammaaha miin, Ete mmi ayaama anye, ndin ami ñko ñyaama anye ñnyʌñ ñyaara idem mmi nnọ anye.”
22Akem Yudas, (idooho Yudas Iskariọd) amaabo anye, “Abọọñ, nsoo ido nọ afo aduak adiwọt ñnyịn idem ado uwọttọ ederimbod?”
23Yisọs amaabọọrọ ate, “Awo keed akeedodo ammaaha miin ayaanam ukpeebñkpọ mmi, ndin Ete mmi ayaama ammọ, ndin ñnyịn iyaididʌñ ye ammọ. 24Awo ndomokeed i-imiimmaaha miin idiinịmme ukpeebñkpọ mmi. Mme ikọ a-ndufo ekoppo idooho ake mmi; ado ikọ Ete a-akendọññọ miin.
25 “Ami mmetañ afịd mme ñkpọ ami inọ ndufo ke ini ami nsʌkkọ mba mi ye ndufo. 26Ado Idọñesịd, Adisana Sịbidịd, ake Ete adiidọñ ke anyịñ mmi ayaikpeep ndufo afịd ñkpọ anyʌñ itoiyo ndufo afịd se ami ñketañ inọọ ndufo. 27Emem ke ami ñkpọñ inọọ ndufo; emem mmi ke ami inọọ ndufo. Ami inọọhọ ndufo naña ederimbod inọọ. Ikiiyak esịd ndufo etịmede, ikiinyʌñ ikop ndịk.
28 “Ndufo emekop naña ami mbo: ‘Ami ñyaikpọñ, ñyaanyʌñ ntịmme ibịne ndufo.’ Akpedo ndufo emaemma miin, esịd akpainem ndufo ke ami ñka mbịne Ete, sia Ete a-akpon añkan miin. 29Ami mmidọkkọ ndufo idahami, mbemiso ñkpọ ami adat itie, ndin amaatịppe ndufo eyaennịm ke akpanikọ. 30Ami ndiitañña uwak ikọ aba inọ ndufo sia idiọọk adidem ederimbod ami asʌk adi. Anye inieghe adudu ke idem mmi, 31ado anye adi nọ ederimbod ediọọñọ ke ami mmema Ete ñnyʌñ nnam ukem-ukem se Ete annọ ewʌhọ abo nnam.
“Ndufo idi ndin, yak ñnyịn ika.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.