Yọọn 12
12
Eyet Yisọs Adan ke Betani
1Usen itiokeed akesʌhọ mbemiso ini Usọrọ Nsaña Mboiyo, Yisọs amaakaa Betani, itie a-Lasọrọs, awo Yisọs akenamma aset ke ñkpa, akedʌññọ. 2Emaenam usọrọ ndidia ndubi do adikpono Yisọs. Mmata akedo andideeme ndidia ke ini Lasọrọs akedooho keed ke atu mbon se ikitie ke akpokoro ye Yisọs. 3Ndin Mmeri amaaben ataa nsọñudua pefium aduọk Yisọs ke ukod anyʌñ aben ided amọ akwokko anye ukod. Ndin inem ufịk nsọñudua adan naad ado amaayọhọ afịd ufọk.
4Ado keed ke atu mme mbed amọ, a-akekereke Yudas Iskariọd, anye a-akeditappa anye amaasua ñkpọ ami, ndin abo: 5“Ntak awo imiikinyamma pefium ami iben akʌk inọ mme uweene-e? Adan ado amaayọhọ akʌkutom isua keed.” 6Anye ikitañña ami sia anye akemaaha mme uweene, ado sia anye akedo inọ. Nte akama ekpad akʌk, anye amaasisịññe akʌk anwam idem amọ ato se ekesisịn ke ekpad ado.
7Yisọs amaabọọrọ ate, “Kpọñ anye, akena nte anye anịm inem ufịk adan ami anọ usen se edimbuuk miin. 8Mbon uweene ediisʌk ibaba ye ndufo, ado ami ndiibaaha ye ndufo afịd ini.”
9Uwak mme Yuu emaekop ke Yisọs mmọdo ke ndo, anam ammọ emaedi, idooho adikịt Yisọs ikpọọñ, ado adinyʌñ ñkịt Lasọrọs a-Yisọs akenamma nọ aset ke ñkpa. 10Mme ikpọ aku emaenyʌñ enam akikere adiwot Lasọrọs ñko, 11sia amaato ke ntak amọ uwak mme Yuu ekappa ebịne Yisọs enyʌñ enịm anye ke akpanikọ.
Yisọs Adʌk Yeruselem nte Adidem
12Edem usen uwak atu awo e-ekediighe usọrọ emaekop ke Yisọs amaadakka Yeruselem. 13Ammọ emaekoono akpịn ayob ewuọ ekaa adikisoobo ye anye enyʌñ ekwaaha ñkpo ete,
“Hosana!”
“Afọfọn anọ anye a-adiighe ke anyịñ Abọọñ!”
“Afọfọn anọ adidem Isrel!”
14Yisọs amaakịt abaak dọñki anyʌñ adọọk atie ke anyọñ kpa naña ewet.
15“Kuufeghe ndịk, Adiaha Saiyọn.
Se, adidem mfo asʌk adi,
atie ke abaak dọñki.”
16Ñkpọ ami ikinwañake mme mbed amọ akpa ado. Ado ke emaekeben Yisọs edọọk ke ubọọñ ke akenwaña ammọ nte ke emaewet mme ñkpọ ami ebaña anye, ñko ke ekenyʌñ enam anye afịd mme ñkpọ ami.
17Atu awo e-ekebaaha ye anye ke ini a-anye akekoodo Lasọrọs asio ke udi anyʌñ anam anye aset ke ñkpa emaeka iso enọ ntiense ke adisuan etob ami. 18Mme uwak awo emaeka ebịne anye ke ini emaekekop ke anye akenam utịppe idiọọñọ ami. 19Anam mme Farisi emaebo idem ammọ ete, “Sese, ñkpọ ami idatta ñnyịn ika itie ndomokeed. Se naña afịd ederimbod ewọññọ ebịne anye.”
Yisọs Abak Atañ Abaña Ñkpa Amọ
20Amaaba usʌk mbon Greek ke atu mbon e-ekekaaha adikpono Abasi ke ini usọrọ ado. 21Ammọ emaedi ebịne Filib a-aketooho Bedsaida ke Kalili, enyʌñ enịm anye ebeeñe ke iso ete, “Ete, ñnyịn ikpaima adikịt Yisọs.” 22Filib amaaketañ anọ Andru; Andru ye Filib emaedakka eketañ enọ Yisọs.
23Yisọs amaabọọrọ ate, “Ini akem e-ebooho inọ Ayịn Awo ubọọñ. 24Ke ataa akpanikọ ke ami ntañ inọọ ndufo, ibọhọke ñkpasi abakpa aduọ adʌk isọñ anyʌñ akpa, anye adiisʌk ido ñkpasi keed. Ado anye akpekpa, ayaasakka uwak ñkpasi. 25Awo akeedodo amaaha uwem amọ ayaaduọọk anye, ado awo akeedodo asuaha uwem amọ ke ederimbod ami ayaanie nsi-nsi uwem. 26Awo akeedodo a-anamma ñkpọ annọ miin ana añkeene miin; ndin itie nte ami mba, mbed mmi ana eba do. Ete mmi ayaakpono awo a-anamma ñkpọ annọọ miin.
27 “Idahami ukpọñ mmi atịmede, ndin nsoo ke ami ndiitañ? Ete, ‘Mfak miin sio ke awa ami?’ Iyoo, sia ado kpa ke ntak ami ke ami ñkediwuọ awa ami. 28Ete, nọ anyịñ mfo ubọọñ.”
Ndin uyio amaato ke hefịn ate, “Ami mmenọ anye ubọọñ, ndiisʌk mmamaana nnọ.” 29Mme atu awo e-ekebaaha do ekop ñkpọ ami ekebo ke ado aduma; ubaak awo ete ke ado enyere aketañ ikọ ye anye.
30Yisọs amaabo, “Uyio ado akedo ke ufọn ndufo, ikidooho ke ufọn mmi. 31Idahami ado ini ubiideikpe nnọọ ederimbod ami; idahami eyaebịn akpan abọọñ ederimbod ami esio. 32Ado ami, ke ini emaemben miin ekpọñ isọñ idọọk ke anyọñ, ñyaakoono afịd awo ndat nnọ idem mmi.” 33Anye aketañ ami adiwọt utọ ñkpa a-anye adiikpa.
34Atu awo emaesio uyio ete, “Ñnyịn imikop ito Mbed ite ke Krais adiiba ke nsi-nsi, afo anam die abo, ‘Eyaeben Ayịn Awo edọọk ke anyọñ’? Anie ido ‘Ayịn Awo’ ami?”
35Ndin Yisọs amaabo ammọ ate, “Ndufo eyaekaa iso ekịt unwana ke etək-etək ini. Isaña idaha unwana abaaha do, mbemiso ekịm ifʌk ndufo. Awo a-asañake ke ekịm idiọọñọke nte anye aka. 36Ibuọt idem ke unwana ke ini ndufo enieghe unwana, nọ ato do ndufo ekappa nditọ unwana.” Ke ini Yisọs amaaketañ ikọ ami ama, anye amaakpọñ itie ado anyʌñ asop ammọ ke anyen.
Adinịm ye Unana Adinịm ke Akpanikọ ke Atu mme Yuu
37Akpesʌkado a-Yisọs amaakenam afịd utịppeñkpọ ye idiọọñọ ami ke iso ammọ, ammọ ikisʌkkọ inenịm anye ke akpanikọ. 38Ami akedo adinam ikọ prọfed Aisaiya asu:
“Abọọñ, anie awo inịm mbʌk ñnyịn ke akpanikọ,
ñko, anie awo ke eyaara ubọk Abọọñ ewọt?”
39Ke ntak ami ammọ ikikanna inịm ke akpanikọ sia nte Aisaiya atañña ke itie mfen:
40“Anye akịm ammọ anyen, anyʌñ asọñ ammọ esịd,
anam ammọ ikanna ikịt ñkpọ ke anyen ammọ,
ñkpọ inyʌññọ ikan inwaña ammọ ke esịd ammọ,
inyʌññọ ima ikappa esịd
nọ ñkpekọk ammọ.”
41Aisaiya aketañ ikọ ami sia anye amaakịt ubọọñ Yisọs anyʌñ atañ ikọ abaña anye.
42Kpayeado uwak awo ke atu mme adaiwuod emaenịm anye ke akpanikọ. Ado ke ntak mme Farisi ammọ ikikanna iwọt mbuọdidem ammọ anwa-anwa mbaak edisio ammọ ke sinakọk, 43sia ammọ ekemaaha itooro awo ekan itooro Abasi.
44Ndin Yisọs amaabọọñ ke akpọsọñ uyio ate, “Awo akeedodo annịmme miin ke akpanikọ, innịmme miin ikpọọñ ke akpanikọ, ado anịm andikindọñ miin ñko ke akpanikọ. 45Awo añkịtte miin, akịt andikindọñ miin. 46Ami ndi ke ederimbod nte unwana nọ ato do awo annịmme miin ke akpanikọ akuuba ke ekịm.
47 “Ama ado awo a-akoppo ikọ mmi ado inamma, ami mbiereke ikpe nnọ awo ado. Sia ami ñkidiighe adibiide ikpe nnọọ ederimbod, ado ñkedi adinyaaña ederimbod. 48Akpeikpe aba anọ awo a-ansịnne miin, i-imiinyʌññọ inịm ikọ mmi ke akpanikọ; kpa mme ikọ a-ami ntañña ediido ubiomikpe inọ ammọ ke akpatre usen. 49Sia ami ñketañña ke adudu idem mmi, ado Ete a-akendọññọ amannọ miin ewʌhọ ate ntañ afịd se ami ntañ ye naña ntañ anye. 50Ami mmediọọñọ ke ewʌhọ amọ adat awo akesịm uwem nsi-nsi. Ke ntoro se adodo a-ami ntañña ado se Ete abo yak ntañ.”
Iliyochaguliwa sasa
Yọọn 12: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yọọn 12
12
Eyet Yisọs Adan ke Betani
1Usen itiokeed akesʌhọ mbemiso ini Usọrọ Nsaña Mboiyo, Yisọs amaakaa Betani, itie a-Lasọrọs, awo Yisọs akenamma aset ke ñkpa, akedʌññọ. 2Emaenam usọrọ ndidia ndubi do adikpono Yisọs. Mmata akedo andideeme ndidia ke ini Lasọrọs akedooho keed ke atu mbon se ikitie ke akpokoro ye Yisọs. 3Ndin Mmeri amaaben ataa nsọñudua pefium aduọk Yisọs ke ukod anyʌñ aben ided amọ akwokko anye ukod. Ndin inem ufịk nsọñudua adan naad ado amaayọhọ afịd ufọk.
4Ado keed ke atu mme mbed amọ, a-akekereke Yudas Iskariọd, anye a-akeditappa anye amaasua ñkpọ ami, ndin abo: 5“Ntak awo imiikinyamma pefium ami iben akʌk inọ mme uweene-e? Adan ado amaayọhọ akʌkutom isua keed.” 6Anye ikitañña ami sia anye akemaaha mme uweene, ado sia anye akedo inọ. Nte akama ekpad akʌk, anye amaasisịññe akʌk anwam idem amọ ato se ekesisịn ke ekpad ado.
7Yisọs amaabọọrọ ate, “Kpọñ anye, akena nte anye anịm inem ufịk adan ami anọ usen se edimbuuk miin. 8Mbon uweene ediisʌk ibaba ye ndufo, ado ami ndiibaaha ye ndufo afịd ini.”
9Uwak mme Yuu emaekop ke Yisọs mmọdo ke ndo, anam ammọ emaedi, idooho adikịt Yisọs ikpọọñ, ado adinyʌñ ñkịt Lasọrọs a-Yisọs akenamma nọ aset ke ñkpa. 10Mme ikpọ aku emaenyʌñ enam akikere adiwot Lasọrọs ñko, 11sia amaato ke ntak amọ uwak mme Yuu ekappa ebịne Yisọs enyʌñ enịm anye ke akpanikọ.
Yisọs Adʌk Yeruselem nte Adidem
12Edem usen uwak atu awo e-ekediighe usọrọ emaekop ke Yisọs amaadakka Yeruselem. 13Ammọ emaekoono akpịn ayob ewuọ ekaa adikisoobo ye anye enyʌñ ekwaaha ñkpo ete,
“Hosana!”
“Afọfọn anọ anye a-adiighe ke anyịñ Abọọñ!”
“Afọfọn anọ adidem Isrel!”
14Yisọs amaakịt abaak dọñki anyʌñ adọọk atie ke anyọñ kpa naña ewet.
15“Kuufeghe ndịk, Adiaha Saiyọn.
Se, adidem mfo asʌk adi,
atie ke abaak dọñki.”
16Ñkpọ ami ikinwañake mme mbed amọ akpa ado. Ado ke emaekeben Yisọs edọọk ke ubọọñ ke akenwaña ammọ nte ke emaewet mme ñkpọ ami ebaña anye, ñko ke ekenyʌñ enam anye afịd mme ñkpọ ami.
17Atu awo e-ekebaaha ye anye ke ini a-anye akekoodo Lasọrọs asio ke udi anyʌñ anam anye aset ke ñkpa emaeka iso enọ ntiense ke adisuan etob ami. 18Mme uwak awo emaeka ebịne anye ke ini emaekekop ke anye akenam utịppe idiọọñọ ami. 19Anam mme Farisi emaebo idem ammọ ete, “Sese, ñkpọ ami idatta ñnyịn ika itie ndomokeed. Se naña afịd ederimbod ewọññọ ebịne anye.”
Yisọs Abak Atañ Abaña Ñkpa Amọ
20Amaaba usʌk mbon Greek ke atu mbon e-ekekaaha adikpono Abasi ke ini usọrọ ado. 21Ammọ emaedi ebịne Filib a-aketooho Bedsaida ke Kalili, enyʌñ enịm anye ebeeñe ke iso ete, “Ete, ñnyịn ikpaima adikịt Yisọs.” 22Filib amaaketañ anọ Andru; Andru ye Filib emaedakka eketañ enọ Yisọs.
23Yisọs amaabọọrọ ate, “Ini akem e-ebooho inọ Ayịn Awo ubọọñ. 24Ke ataa akpanikọ ke ami ntañ inọọ ndufo, ibọhọke ñkpasi abakpa aduọ adʌk isọñ anyʌñ akpa, anye adiisʌk ido ñkpasi keed. Ado anye akpekpa, ayaasakka uwak ñkpasi. 25Awo akeedodo amaaha uwem amọ ayaaduọọk anye, ado awo akeedodo asuaha uwem amọ ke ederimbod ami ayaanie nsi-nsi uwem. 26Awo akeedodo a-anamma ñkpọ annọ miin ana añkeene miin; ndin itie nte ami mba, mbed mmi ana eba do. Ete mmi ayaakpono awo a-anamma ñkpọ annọọ miin.
27 “Idahami ukpọñ mmi atịmede, ndin nsoo ke ami ndiitañ? Ete, ‘Mfak miin sio ke awa ami?’ Iyoo, sia ado kpa ke ntak ami ke ami ñkediwuọ awa ami. 28Ete, nọ anyịñ mfo ubọọñ.”
Ndin uyio amaato ke hefịn ate, “Ami mmenọ anye ubọọñ, ndiisʌk mmamaana nnọ.” 29Mme atu awo e-ekebaaha do ekop ñkpọ ami ekebo ke ado aduma; ubaak awo ete ke ado enyere aketañ ikọ ye anye.
30Yisọs amaabo, “Uyio ado akedo ke ufọn ndufo, ikidooho ke ufọn mmi. 31Idahami ado ini ubiideikpe nnọọ ederimbod ami; idahami eyaebịn akpan abọọñ ederimbod ami esio. 32Ado ami, ke ini emaemben miin ekpọñ isọñ idọọk ke anyọñ, ñyaakoono afịd awo ndat nnọ idem mmi.” 33Anye aketañ ami adiwọt utọ ñkpa a-anye adiikpa.
34Atu awo emaesio uyio ete, “Ñnyịn imikop ito Mbed ite ke Krais adiiba ke nsi-nsi, afo anam die abo, ‘Eyaeben Ayịn Awo edọọk ke anyọñ’? Anie ido ‘Ayịn Awo’ ami?”
35Ndin Yisọs amaabo ammọ ate, “Ndufo eyaekaa iso ekịt unwana ke etək-etək ini. Isaña idaha unwana abaaha do, mbemiso ekịm ifʌk ndufo. Awo a-asañake ke ekịm idiọọñọke nte anye aka. 36Ibuọt idem ke unwana ke ini ndufo enieghe unwana, nọ ato do ndufo ekappa nditọ unwana.” Ke ini Yisọs amaaketañ ikọ ami ama, anye amaakpọñ itie ado anyʌñ asop ammọ ke anyen.
Adinịm ye Unana Adinịm ke Akpanikọ ke Atu mme Yuu
37Akpesʌkado a-Yisọs amaakenam afịd utịppeñkpọ ye idiọọñọ ami ke iso ammọ, ammọ ikisʌkkọ inenịm anye ke akpanikọ. 38Ami akedo adinam ikọ prọfed Aisaiya asu:
“Abọọñ, anie awo inịm mbʌk ñnyịn ke akpanikọ,
ñko, anie awo ke eyaara ubọk Abọọñ ewọt?”
39Ke ntak ami ammọ ikikanna inịm ke akpanikọ sia nte Aisaiya atañña ke itie mfen:
40“Anye akịm ammọ anyen, anyʌñ asọñ ammọ esịd,
anam ammọ ikanna ikịt ñkpọ ke anyen ammọ,
ñkpọ inyʌññọ ikan inwaña ammọ ke esịd ammọ,
inyʌññọ ima ikappa esịd
nọ ñkpekọk ammọ.”
41Aisaiya aketañ ikọ ami sia anye amaakịt ubọọñ Yisọs anyʌñ atañ ikọ abaña anye.
42Kpayeado uwak awo ke atu mme adaiwuod emaenịm anye ke akpanikọ. Ado ke ntak mme Farisi ammọ ikikanna iwọt mbuọdidem ammọ anwa-anwa mbaak edisio ammọ ke sinakọk, 43sia ammọ ekemaaha itooro awo ekan itooro Abasi.
44Ndin Yisọs amaabọọñ ke akpọsọñ uyio ate, “Awo akeedodo annịmme miin ke akpanikọ, innịmme miin ikpọọñ ke akpanikọ, ado anịm andikindọñ miin ñko ke akpanikọ. 45Awo añkịtte miin, akịt andikindọñ miin. 46Ami ndi ke ederimbod nte unwana nọ ato do awo annịmme miin ke akpanikọ akuuba ke ekịm.
47 “Ama ado awo a-akoppo ikọ mmi ado inamma, ami mbiereke ikpe nnọ awo ado. Sia ami ñkidiighe adibiide ikpe nnọọ ederimbod, ado ñkedi adinyaaña ederimbod. 48Akpeikpe aba anọ awo a-ansịnne miin, i-imiinyʌññọ inịm ikọ mmi ke akpanikọ; kpa mme ikọ a-ami ntañña ediido ubiomikpe inọ ammọ ke akpatre usen. 49Sia ami ñketañña ke adudu idem mmi, ado Ete a-akendọññọ amannọ miin ewʌhọ ate ntañ afịd se ami ntañ ye naña ntañ anye. 50Ami mmediọọñọ ke ewʌhọ amọ adat awo akesịm uwem nsi-nsi. Ke ntoro se adodo a-ami ntañña ado se Ete abo yak ntañ.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.