Yọọn 10
10
Eti Akpemeedọñ ye mme Edọñ Amọ
1 “Ke ataa akpanikọ, ami ntañ inọ ndufo mme Farisi, awo akeedodo i-imiisañake inuaatob idʌk ufọk edọñ, ado asaña usʌñ mfen adʌk, ado inọ ye awo ñwo. 2Anye a-asañake inuaatob adʌk ado akpemeedọñ. 3Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyio amọ. Anye akoot edọñ amọ ke anyịñ anyʌñ akoono ammọ awuọ esiin. 4Ke anye amaakesio afịd edọñ se ido ake amọ, anye adat ammọ usʌñ, ndin mme edọñ ekeene anye sia ediọọñọ uyio amọ. 5Ado ammọ idiikeeneke asenawo. Ke adinekke ntañ, ammọ ediifefeghe ikpọñ anye, sia ammọ idiọọñọke uyio asenawo.” 6Yisọs amaatañ ñke ami anọ mme Farisi ado ikinwañake ammọ se anye aketañ abaña.
7Anam Yisọs amaamaana abo ammọ ate: “Ke ataa akpanikọ, ami ntañ inọ ndufo, ami ndo inuaatob atu edọñ. 8Afịd mbon se ikimbem miin iso idi ekedoñño inọ ye ñwo, ado mme edọñ ikikpañña utọñ inọ ammọ. 9Ami ndo inuaatob; awo a-asañake anto miin adʌk ayaabọ adinyaaña. Utọ awo ado ayaadʌk anyʌñ awuọ anyʌñ akịt ikịm ufene. 10Inọ adi adiyịp ñkpọ ñnyʌñ ñwot ñnyʌñ nsobo kpọd; ado ami ndi nọ ato do ammọ enie uwem, enyʌñ enie uwem ayọhọ-ayọhọ.
11 “Ami ndo eti akpemeedọñ. Eti akpemeedọñ ayaak uwem amọ anọ ke ntak mme edọñ. 12Anye e-ekpeeghekpe, idooho akpemeedọñ, inyʌññọ ido anye anie edọñ. Ke ntoro, anye afeghe akpọñ edọñ ke ini anye akịtte ewaikọd naña adi. Ndin ewaikọd akịm mme edọñ anyʌñ asuan ammọ. 13Awo ado afeghe sia ekpekpe anye, anam anye ikereke ñkpọ ndomokeed ibaña mme edọñ.
14 “Ami ndo eti akpemeedọñ. Ami mmediọọñọ mme edọñ mmi, mme edọñ mmi enyʌñ endiọọñọ miin, 15kpa naña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ mme edọñ. 16Ami mmenie mme edọñ mfen i-imiisịneke ke atu abaedọñ anye ami. Ndin ana ami mben ammọ ndi ñko. Ammọ ñko eyaekpañ utọñ ekop uyio mmi, ndin atu edọñ keed ye akpemeedọñ keed adiiba. 17Ntak e-Ete mmi ammaaha miin ado ke mmeduọọk uwem mmi nọ ato do mmaana mben anye. 18Awo ndomokeed imbọọhọ uwem mmi, ado ami nduọọk anye ke unyịmme esịd mmi. Ami mmenie adudu adiduọọk anye, mmenyʌñ nnie adudu adimaana mben anye; ndin ami ado ewʌhọ a-ami ñkebọọhọ nto Ete mmi.”
19Mme ikọ ami amaamaana asịn ubakka ke atu mme Yuu. 20Uwak ammọ emaebo, “Anye ado awo ñkpọnsọb a-dimọn amʌmmọ, ataa uyaha idaad. Ntak a-ndufo ekpañña utọñ enọọ anye-e?”
21Mbon mfen emaebo, “Mme ikọ ami idooho ikọ awo ñkpọnsọb a-dimọn amʌmmọ. Nte dimọn akeme aditat nnan anyen?”
Mme Ntuaha Mfen ke Abaña Ikọ Yisọs
22Ini usọrọ Adimaana Ñyaak Tembịd Nnọọ Abasi ke Yeruselem amaadikem. Akedo ini ekarika, 23ndin Yisọs akeba ke afe tembịd, asaaña ke Mben Esa Sọlọmọn. 24Mme Yuu emaedikanna anye ekʌk enyʌñ ebo anye, “Afo adiinịm ñnyịn ke eyịghe ikpeene die? Akpedo afo ado Krais, tañ inọ ñnyịn anwa-anwa.”
25Yisọs amaabọọrọ ate: “Ami mmetañ inọ ndufo, ado ndufo inịmme. Mme utom a-ami nnamma ke anyịñ Ete mmi edo ntiense ennọ miin, 26ado ndufo innịmme miin ke akpanikọ sia ndufo idooho mme edọñ mmi. 27Mme edọñ mmi e-ekpañ utọñ ekop uyio mmi; ami mmediọọñọ ammọ, ammọ enyʌñ eñkeene miin. 28Ami nnọ ammọ nsi-nsi uwem, ammọ idiisoppo tutu amama; ñko awo ndomokeed idiiwappake ammọ insio miin ke ubọk. 29Ete mmi, a-akennọọhọ ammọ, akpon akan afịd awo, ñko awo ndomokeed ikanna adiwappa ammọ nsio ke ubọk Ete mmi. 30Ami ye Ete ido keed.”
31Mme Yuu emaemaana ekoono itiad aditọọñ anye, 32ado Yisọs amaabo ammọ, “Ami mmiwọt ndufo uwak nti utom a-atooho Ete mmi. Akee ke atu ami anam nọ ndufo entọọñ ke itiad?”
33Mme Yuu emaebọọrọ, “Ñnyịn utọọñọ fiin ke itiad ke ntak nti utom mfo, ado sia asuuk Abasi uyio. Afo ado ñkaña awo, ado abo ke ido Abasi.”
34Yisọs amaabọọrọ ammọ ate, “Nte iwereke ke Mbed ndufo, ‘Ami mmebo ke ndufo edoñño mme “abasi” ’? 35Adieke anye akekoodo ammọ, ‘mme abasi,’ mbon e-ekewette ikọ Abasi enọ, ndin awo ikemeke ikpọnnọ ikọ Abasi inịm, 36nwa-nwa dise ndin anye a-Abasi akesioho anịm asaña-asaña nte akemọ anyʌñ anọ adi ke ederimbod? Ntak a-ndufo ebooho ke ami mmesappa anyịñ Abasi ke ami adibo, ‘Ami ndo Ayịn Abasi-e’? 37Ikinnịm miin ke akpanikọ ibọhọke ami nnam utom Ete mmi. 38Ado akpedo mmenam, akpesʌkado a-ndufo idinnịmme miin ke akpanikọ, isʌk ikap inịm mme utịppe utom a-ami nnamma ke akpanikọ, nọ ndufo ediọọñọ enyʌñ enie ifiọk ke Ete aba ke ami, ami ñko ñnyʌñ mba ke Ete.” 39Ammọ emaemaana eyem adimʌm anye, ado anye amaafiọnnọ abọkkọ ammọ.
40Ndin Yisọs amaatịmme akaa edem Yọdan utịd ñkañ a-Yọọn akesiduọkkọ mme awo mmọọñ ke ntọọñọ. Anye amaaba do, 41ndin uwak awo emaedi ebịne anye. Ammọ emaebo anye ete, “Akpesʌkado a-Yọọn imiikinọọhọ idiọọñọ ndomokeed, afịd se Yọọn aketañ abaña ete ami akedo akpanikọ.” 42Ndin uwak ammọ emaenịm Yisọs ke akpanikọ.
Iliyochaguliwa sasa
Yọọn 10: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yọọn 10
10
Eti Akpemeedọñ ye mme Edọñ Amọ
1 “Ke ataa akpanikọ, ami ntañ inọ ndufo mme Farisi, awo akeedodo i-imiisañake inuaatob idʌk ufọk edọñ, ado asaña usʌñ mfen adʌk, ado inọ ye awo ñwo. 2Anye a-asañake inuaatob adʌk ado akpemeedọñ. 3Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyio amọ. Anye akoot edọñ amọ ke anyịñ anyʌñ akoono ammọ awuọ esiin. 4Ke anye amaakesio afịd edọñ se ido ake amọ, anye adat ammọ usʌñ, ndin mme edọñ ekeene anye sia ediọọñọ uyio amọ. 5Ado ammọ idiikeeneke asenawo. Ke adinekke ntañ, ammọ ediifefeghe ikpọñ anye, sia ammọ idiọọñọke uyio asenawo.” 6Yisọs amaatañ ñke ami anọ mme Farisi ado ikinwañake ammọ se anye aketañ abaña.
7Anam Yisọs amaamaana abo ammọ ate: “Ke ataa akpanikọ, ami ntañ inọ ndufo, ami ndo inuaatob atu edọñ. 8Afịd mbon se ikimbem miin iso idi ekedoñño inọ ye ñwo, ado mme edọñ ikikpañña utọñ inọ ammọ. 9Ami ndo inuaatob; awo a-asañake anto miin adʌk ayaabọ adinyaaña. Utọ awo ado ayaadʌk anyʌñ awuọ anyʌñ akịt ikịm ufene. 10Inọ adi adiyịp ñkpọ ñnyʌñ ñwot ñnyʌñ nsobo kpọd; ado ami ndi nọ ato do ammọ enie uwem, enyʌñ enie uwem ayọhọ-ayọhọ.
11 “Ami ndo eti akpemeedọñ. Eti akpemeedọñ ayaak uwem amọ anọ ke ntak mme edọñ. 12Anye e-ekpeeghekpe, idooho akpemeedọñ, inyʌññọ ido anye anie edọñ. Ke ntoro, anye afeghe akpọñ edọñ ke ini anye akịtte ewaikọd naña adi. Ndin ewaikọd akịm mme edọñ anyʌñ asuan ammọ. 13Awo ado afeghe sia ekpekpe anye, anam anye ikereke ñkpọ ndomokeed ibaña mme edọñ.
14 “Ami ndo eti akpemeedọñ. Ami mmediọọñọ mme edọñ mmi, mme edọñ mmi enyʌñ endiọọñọ miin, 15kpa naña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ mme edọñ. 16Ami mmenie mme edọñ mfen i-imiisịneke ke atu abaedọñ anye ami. Ndin ana ami mben ammọ ndi ñko. Ammọ ñko eyaekpañ utọñ ekop uyio mmi, ndin atu edọñ keed ye akpemeedọñ keed adiiba. 17Ntak e-Ete mmi ammaaha miin ado ke mmeduọọk uwem mmi nọ ato do mmaana mben anye. 18Awo ndomokeed imbọọhọ uwem mmi, ado ami nduọọk anye ke unyịmme esịd mmi. Ami mmenie adudu adiduọọk anye, mmenyʌñ nnie adudu adimaana mben anye; ndin ami ado ewʌhọ a-ami ñkebọọhọ nto Ete mmi.”
19Mme ikọ ami amaamaana asịn ubakka ke atu mme Yuu. 20Uwak ammọ emaebo, “Anye ado awo ñkpọnsọb a-dimọn amʌmmọ, ataa uyaha idaad. Ntak a-ndufo ekpañña utọñ enọọ anye-e?”
21Mbon mfen emaebo, “Mme ikọ ami idooho ikọ awo ñkpọnsọb a-dimọn amʌmmọ. Nte dimọn akeme aditat nnan anyen?”
Mme Ntuaha Mfen ke Abaña Ikọ Yisọs
22Ini usọrọ Adimaana Ñyaak Tembịd Nnọọ Abasi ke Yeruselem amaadikem. Akedo ini ekarika, 23ndin Yisọs akeba ke afe tembịd, asaaña ke Mben Esa Sọlọmọn. 24Mme Yuu emaedikanna anye ekʌk enyʌñ ebo anye, “Afo adiinịm ñnyịn ke eyịghe ikpeene die? Akpedo afo ado Krais, tañ inọ ñnyịn anwa-anwa.”
25Yisọs amaabọọrọ ate: “Ami mmetañ inọ ndufo, ado ndufo inịmme. Mme utom a-ami nnamma ke anyịñ Ete mmi edo ntiense ennọ miin, 26ado ndufo innịmme miin ke akpanikọ sia ndufo idooho mme edọñ mmi. 27Mme edọñ mmi e-ekpañ utọñ ekop uyio mmi; ami mmediọọñọ ammọ, ammọ enyʌñ eñkeene miin. 28Ami nnọ ammọ nsi-nsi uwem, ammọ idiisoppo tutu amama; ñko awo ndomokeed idiiwappake ammọ insio miin ke ubọk. 29Ete mmi, a-akennọọhọ ammọ, akpon akan afịd awo, ñko awo ndomokeed ikanna adiwappa ammọ nsio ke ubọk Ete mmi. 30Ami ye Ete ido keed.”
31Mme Yuu emaemaana ekoono itiad aditọọñ anye, 32ado Yisọs amaabo ammọ, “Ami mmiwọt ndufo uwak nti utom a-atooho Ete mmi. Akee ke atu ami anam nọ ndufo entọọñ ke itiad?”
33Mme Yuu emaebọọrọ, “Ñnyịn utọọñọ fiin ke itiad ke ntak nti utom mfo, ado sia asuuk Abasi uyio. Afo ado ñkaña awo, ado abo ke ido Abasi.”
34Yisọs amaabọọrọ ammọ ate, “Nte iwereke ke Mbed ndufo, ‘Ami mmebo ke ndufo edoñño mme “abasi” ’? 35Adieke anye akekoodo ammọ, ‘mme abasi,’ mbon e-ekewette ikọ Abasi enọ, ndin awo ikemeke ikpọnnọ ikọ Abasi inịm, 36nwa-nwa dise ndin anye a-Abasi akesioho anịm asaña-asaña nte akemọ anyʌñ anọ adi ke ederimbod? Ntak a-ndufo ebooho ke ami mmesappa anyịñ Abasi ke ami adibo, ‘Ami ndo Ayịn Abasi-e’? 37Ikinnịm miin ke akpanikọ ibọhọke ami nnam utom Ete mmi. 38Ado akpedo mmenam, akpesʌkado a-ndufo idinnịmme miin ke akpanikọ, isʌk ikap inịm mme utịppe utom a-ami nnamma ke akpanikọ, nọ ndufo ediọọñọ enyʌñ enie ifiọk ke Ete aba ke ami, ami ñko ñnyʌñ mba ke Ete.” 39Ammọ emaemaana eyem adimʌm anye, ado anye amaafiọnnọ abọkkọ ammọ.
40Ndin Yisọs amaatịmme akaa edem Yọdan utịd ñkañ a-Yọọn akesiduọkkọ mme awo mmọọñ ke ntọọñọ. Anye amaaba do, 41ndin uwak awo emaedi ebịne anye. Ammọ emaebo anye ete, “Akpesʌkado a-Yọọn imiikinọọhọ idiọọñọ ndomokeed, afịd se Yọọn aketañ abaña ete ami akedo akpanikọ.” 42Ndin uwak ammọ emaenịm Yisọs ke akpanikọ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.