Yenesis 45
45
Yosef Ayaara Idem Amọ
1Ndin Yosef ikikanna imʌm idem amọ aba ke iso mbon utom amọ, ndin anye amaatañ ke akpọsọñ uyio ate, “Inam afịd awo ewuọñọ ekpọñ iso mmi!” Ndin awo ndomokeed ikibaaha ye Yosef ke ini anye akeyaarake idem anọ nditọete amọ. 2Ndin anye amaadịppe uyio atua ayịd tutu mbon Iyib ekop naña anye atua, mbon ufọk Fero emaenyʌñ ekop ebaña.
3Akema Yosef amaabo nditọete amọ, “Ami ndo Yosef! Ete mmi mmọdo asʌk aba ke uwem?” Ado nditọete amọ ikikanna ibọọrọ anye, sia ndịk amaanam ammọ ke iso amọ.
4Ndin Yosef amaabo nditọete amọ, “Isịkke iñkpere miin.” Ke ini ammọ emaekenam ntoro, anye amaabo, “Ami ndo ayịnete ndufo Yosef, anye a-ndufo ekenyamma enọọ Iyib! 5Ndin idahami, ikiifʌhọ, ikiinyʌñ ikop idiọọkesịd ke adikiñnyam miin mi, sia akedo ke ntak adinyaaña uwem ke Abasi akendọñ miin nọ ibem ndufo iso ndi. 6Ke ukpa isua iba idahami akañ a-aba ke isọñ, ndin ke ufañ isua ition a-adiighe ke iso utọ inwañ ye idọk idiibaaha. 7Ado Abasi akendọñ miin nọ ibem ndufo iso ndinịm ñkpọ inọ ndufo, e-edooho nsʌhọ ke ederimbod, ñnyʌñ ñnyaaña uwem ndufo ke ekamba ñkpọkñyak.
8“Ndin, idooho ndufo ekennọọ miin ndi mi, ado Abasi. Anye akenam ami ndo ete nnọ Fero, abọọñ ke afịd ufọk amọ ye andikara ke afịd Iyib. 9Idahami isọp idem inyọñọ ibịne ete mmi inyʌñ ibo anye, ‘Ami ado se ayịn mfo Yosef atañ: Abasi a-anam ami ndo abọọñ ke afịd Iyib. Suuk di mbịne miin; kuubiat ini. 10Afo uduudʌñ ke ukañ Kosen anyʌñ aba añkpere miin: Afo, nditọ mfo, nditọ ayeyịn mfo, udịmedọñ mfo, ye udịmenañ mfo, ye afịd se afo anie. 11Ami ñyaunọ se afo adia do, sia isua akañ ition asʌk adi ke iso. Imiidooho ntoro afo ye ufọk mfo ye afịd se ido ake mfo eyaekappa edoñño akpọikpọi uweene.’
12“Ndufo ke idem ndufo ye ayịneka mmi Benyamin emekịt ke ado ami ndo anditañ ikọ ye ndufo. 13Dọkkọ ete mmi baña afịd ukpono e-ennọọhọ miin ke Iyib ye afịd ñkpọ se ndufo ekịt. Ndin iben anye idi mi usọp-usọp.”
14Ndin anye amaatop ubọk awañ ke itọñ Benyamin, anyʌñ atua ayịd; Benyamin amaanyʌñ afat anye akama, atua ayịd. 15Ndin anye amaatʌm afịd nditọete amọ inua, anyʌñ atua ayịd abaña ammọ. Akema nditọete amọ emaeneme nneme ye anye.
16Ke ini etob ami akesịmme ebekpo Fero ke nditọete Yosef emaedi, Fero ye afịd mme adaidaha amọ emaekop inemesịd. 17Fero amaabo Yosef, “Dọkkọ nditọete mfo, ‘Inam ntom: Idoot mbiomo ke anyọñ mme enañ ndufo inyʌñ itịmme inyọñ isọñ Kenan, 18inyʌñ ikidat ete ndufo ye ufọk ndufo insọk miin. Ndin ami ñyainọ ndufo isọñ a-afọnnọ akan ke Iyib, ndin ndufo eyaekop inem ke mbunwịm isọñ ado.’
19“Emaana utemme fiin ete adọkkọ amọ abo, ‘Inam ntom: Idat mme ukpadñkpọ ke Iyib inọ nditọ ndufo ye ibaan ndufo, ndin idat ete ndufo inyọñ idi. 20Ikiikere ibaña mme ñkpọ ndʌñufọk ndufo, sia ataa nti ñkpọ ke afịd isọñ Iyib ayaado ake ndufo.’ ”
21Ndin nditọ Isrel emaenam ntoro. Yosef amaanọ ammọ mme ukpadñkpọ, naña Fero akenọọ uyio, ndin anye amaanọ ammọ se ediidia ke usʌñisañ ammọ. 22Amaanọ ammọ keedekeed ufa afọñ, ado anye akenọ Benyamin udomo silfa ikie ita#45:22 Ñkpọ nte kilokram 3.5 ye mme utọ afọñ ition. 23Ndin se anye akenọọ esọk ete amọ ado ami: Mme dọñki duob e-ekekoonoke ñkpọ se ifọọn ikan ke Iyib, ye uman dọñki duob e-ekekoonoke abakpa ye uyo ye mme ndidia mfen ke isañ amọ. 24Akema anye amaasio nditọete amọ unyọñ, ndin ke idaha a-ammọ ekeyemme adikpọñ, anye amaabo ammọ, “Ikiitọọhọ ke usʌñ!”
25Ndin ammọ emaedakka edọọk ewuọñọ ke Iyib enyʌñ ebịne ete ammọ Yekọb ke isọñ Kenan. 26Ammọ emaekedọkkọ anye ebo, “Yosef mmọdo asʌk aba ke uwem! Ke adinekke ntañ, anye ado andikara afịd Iyib.” Idem amaakpa Yekọb, ndin anye ikinịmme ammọ ke akpanikọ. 27Ado ke ini ammọ ekedọkkọke anye afịd ñkpọ se Yosef aketañ anọ ammọ, ye ke anye adikikịt mme ukpadñkpọ a-Yosef akenọọhọ ediben anye edi, sịbidịd Yekọb amaatịmme aset. 28Ndin Isrel amaabo, “Ami mmenịm! Ayịn mmi Yosef mmọdo asʌk aba ke uwem. Ñyaakaa ñkekịt anye mbemiso ami ñkpa.”
Iliyochaguliwa sasa
Yenesis 45: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 45
45
Yosef Ayaara Idem Amọ
1Ndin Yosef ikikanna imʌm idem amọ aba ke iso mbon utom amọ, ndin anye amaatañ ke akpọsọñ uyio ate, “Inam afịd awo ewuọñọ ekpọñ iso mmi!” Ndin awo ndomokeed ikibaaha ye Yosef ke ini anye akeyaarake idem anọ nditọete amọ. 2Ndin anye amaadịppe uyio atua ayịd tutu mbon Iyib ekop naña anye atua, mbon ufọk Fero emaenyʌñ ekop ebaña.
3Akema Yosef amaabo nditọete amọ, “Ami ndo Yosef! Ete mmi mmọdo asʌk aba ke uwem?” Ado nditọete amọ ikikanna ibọọrọ anye, sia ndịk amaanam ammọ ke iso amọ.
4Ndin Yosef amaabo nditọete amọ, “Isịkke iñkpere miin.” Ke ini ammọ emaekenam ntoro, anye amaabo, “Ami ndo ayịnete ndufo Yosef, anye a-ndufo ekenyamma enọọ Iyib! 5Ndin idahami, ikiifʌhọ, ikiinyʌñ ikop idiọọkesịd ke adikiñnyam miin mi, sia akedo ke ntak adinyaaña uwem ke Abasi akendọñ miin nọ ibem ndufo iso ndi. 6Ke ukpa isua iba idahami akañ a-aba ke isọñ, ndin ke ufañ isua ition a-adiighe ke iso utọ inwañ ye idọk idiibaaha. 7Ado Abasi akendọñ miin nọ ibem ndufo iso ndinịm ñkpọ inọ ndufo, e-edooho nsʌhọ ke ederimbod, ñnyʌñ ñnyaaña uwem ndufo ke ekamba ñkpọkñyak.
8“Ndin, idooho ndufo ekennọọ miin ndi mi, ado Abasi. Anye akenam ami ndo ete nnọ Fero, abọọñ ke afịd ufọk amọ ye andikara ke afịd Iyib. 9Idahami isọp idem inyọñọ ibịne ete mmi inyʌñ ibo anye, ‘Ami ado se ayịn mfo Yosef atañ: Abasi a-anam ami ndo abọọñ ke afịd Iyib. Suuk di mbịne miin; kuubiat ini. 10Afo uduudʌñ ke ukañ Kosen anyʌñ aba añkpere miin: Afo, nditọ mfo, nditọ ayeyịn mfo, udịmedọñ mfo, ye udịmenañ mfo, ye afịd se afo anie. 11Ami ñyaunọ se afo adia do, sia isua akañ ition asʌk adi ke iso. Imiidooho ntoro afo ye ufọk mfo ye afịd se ido ake mfo eyaekappa edoñño akpọikpọi uweene.’
12“Ndufo ke idem ndufo ye ayịneka mmi Benyamin emekịt ke ado ami ndo anditañ ikọ ye ndufo. 13Dọkkọ ete mmi baña afịd ukpono e-ennọọhọ miin ke Iyib ye afịd ñkpọ se ndufo ekịt. Ndin iben anye idi mi usọp-usọp.”
14Ndin anye amaatop ubọk awañ ke itọñ Benyamin, anyʌñ atua ayịd; Benyamin amaanyʌñ afat anye akama, atua ayịd. 15Ndin anye amaatʌm afịd nditọete amọ inua, anyʌñ atua ayịd abaña ammọ. Akema nditọete amọ emaeneme nneme ye anye.
16Ke ini etob ami akesịmme ebekpo Fero ke nditọete Yosef emaedi, Fero ye afịd mme adaidaha amọ emaekop inemesịd. 17Fero amaabo Yosef, “Dọkkọ nditọete mfo, ‘Inam ntom: Idoot mbiomo ke anyọñ mme enañ ndufo inyʌñ itịmme inyọñ isọñ Kenan, 18inyʌñ ikidat ete ndufo ye ufọk ndufo insọk miin. Ndin ami ñyainọ ndufo isọñ a-afọnnọ akan ke Iyib, ndin ndufo eyaekop inem ke mbunwịm isọñ ado.’
19“Emaana utemme fiin ete adọkkọ amọ abo, ‘Inam ntom: Idat mme ukpadñkpọ ke Iyib inọ nditọ ndufo ye ibaan ndufo, ndin idat ete ndufo inyọñ idi. 20Ikiikere ibaña mme ñkpọ ndʌñufọk ndufo, sia ataa nti ñkpọ ke afịd isọñ Iyib ayaado ake ndufo.’ ”
21Ndin nditọ Isrel emaenam ntoro. Yosef amaanọ ammọ mme ukpadñkpọ, naña Fero akenọọ uyio, ndin anye amaanọ ammọ se ediidia ke usʌñisañ ammọ. 22Amaanọ ammọ keedekeed ufa afọñ, ado anye akenọ Benyamin udomo silfa ikie ita#45:22 Ñkpọ nte kilokram 3.5 ye mme utọ afọñ ition. 23Ndin se anye akenọọ esọk ete amọ ado ami: Mme dọñki duob e-ekekoonoke ñkpọ se ifọọn ikan ke Iyib, ye uman dọñki duob e-ekekoonoke abakpa ye uyo ye mme ndidia mfen ke isañ amọ. 24Akema anye amaasio nditọete amọ unyọñ, ndin ke idaha a-ammọ ekeyemme adikpọñ, anye amaabo ammọ, “Ikiitọọhọ ke usʌñ!”
25Ndin ammọ emaedakka edọọk ewuọñọ ke Iyib enyʌñ ebịne ete ammọ Yekọb ke isọñ Kenan. 26Ammọ emaekedọkkọ anye ebo, “Yosef mmọdo asʌk aba ke uwem! Ke adinekke ntañ, anye ado andikara afịd Iyib.” Idem amaakpa Yekọb, ndin anye ikinịmme ammọ ke akpanikọ. 27Ado ke ini ammọ ekedọkkọke anye afịd ñkpọ se Yosef aketañ anọ ammọ, ye ke anye adikikịt mme ukpadñkpọ a-Yosef akenọọhọ ediben anye edi, sịbidịd Yekọb amaatịmme aset. 28Ndin Isrel amaabo, “Ami mmenịm! Ayịn mmi Yosef mmọdo asʌk aba ke uwem. Ñyaakaa ñkekịt anye mbemiso ami ñkpa.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.