Yenesis 43
43
Isañ Uka Iyib Ayọhọ Akañ iba
1Idaha ntoro, akañ amaanekke asọñ ke idʌñ. 2Ndin ke ini ammọ emaekedia afịd abakpa a-ammọ ekebenne eto Iyib ema, ete ammọ amaabo ammọ, “Itịmme ikaa inyʌñ ikidep etək ndidia mfen inọ ñnyịn.”
3Ado Yuda amaabo anye, “Awo ado amaanwọñọ inọ ñnyịn abo, ‘Ndufo idiikịtte iso mmi aba, ibọhọke ayịnete ndufo asaña ye ndufo.’ 4Akpedo afo ayaayak ayịnete ñnyịn aka ye ñnyịn, ñnyịn iyaisọiyọ ika ikidep ndidia usọk fiin. 5Ado adieke afo umuuyakka anye ikeene ñnyịn aka, ñnyịn idiikaaha, sia awo ado akibo ñnyịn, ‘Ndufo idiikịtte iso mmi aba ibọhọke ayịnete ndufo asaña ye ndufo.’ ”
6Ndin Isrel amaabịp abo, “Nsoo ido ntak a-ndufo ekebenne mfịna ami ensọk miin ke ndufo edikidọkkọ awo ado ke emenie ayịnete mfen?”
7Ammọ emaebọọrọ ebo, “Awo ado amaibịp ñnyịn mbuume a-akenekkeke ituuk ñnyịn ye esịd ufọk ñnyịn. Anye amaibịp ñnyịn abo, ‘Ete ndufo mmọdo ke uwem? Emenie ayịnete mfen?’ Ñnyịn ikibọọrọ ikeene naña anye akibịp. Ñnyịn ikidiọọñọ die ke anye ayaabo, ‘Iben ayịnete ndufo isọiyọ idi’?”
8Akema, Yuda amaabo Isrel ete amọ, “Nam ayịn ado asaña ye ami, ndin ñnyịn iyaikaa ini keed, mbaak ñnyịn ye afo ye nditọ ñnyịn idu uwem ikiinyʌñ ikpañña. 9Ami ke idem mmi ñyaatie ubiọñ ke adikpeme anye; afo amekeme adimmʌm miin nte awo akeseeghe anye anyen. Adieke ami mmiibenne anye ntịmme usọk fiin ñnyʌñ ndaaha anye ke iso mfo, yak ami ntie nte adueñkpọ ke iso mfo ke afịd ayio uwem. 10Naña aba ami, akpedo ñnyịn ikibiatta ini, ikpaikikaa inyʌñ inyọñọ akañ iba.”
11Akema, ete ammọ Isrel amaabo ammọ, “Adieke anaaha ado ntoro, ana ndufo enam ntom: Isịn nti mfịd a-atooho isọñ ñnyịn mi ke mme ekpad ndufo inyʌñ iben ammọ isọiyọ ikaa ikinọ awo ado nte enọ, nte etək ufọfiọññọ ñkpọ ye etək adanakwọọk, anemufịk uyayak ye nsọñudua adan, mme isịb pistatio ye mmansañ mbakara. 12Idat udomo akʌk silfa itie iba ikama, sia ana ndufo eben silfa e-ekesịnne ke inua ekpad ndufo etịmme eka. Akemeido akedo ndudue. 13Iben ayịnete ndufo inyʌñ itịmme ikaa ibịne ete ado ini keed. 14Ndin yak Abasi Andikponñkan itua ndufo mbọm ke iso ete ado, nọ anye ayaak ayịnete anye ako ye Benyamin etịmme enyọñ edi ye ndufo. Amaado ami, adieke anaaha nditọ mmi afịd iba ekpañña, yak ado ntoro.”
15Ndin ammọ emaeben mme enọ enyʌñ edian udomo akʌk silfa ke itie iba, ye Benyamin. Ndin ammọ emaesọp idem edakka esọiyọ ekaa Iyib, enyʌñ eben idem ammọ ekaa iso Yosef. 16Ke ini Yosef akekịtte Benyamin ye ammọ, anye amaabo ayịnufọk amọ, “Ben ideen ami kaa ufọk mmi, wot unam nyʌñ tem ndidia; ana ammọ edia ñkpọ ye ami ke ufọọd uweemeayio.”
17Awo ado amaanyʌñ anam naña Yosef akedọkkọ anye anyʌñ aben mbon ado akaa ufọk Yosef. 18Idaha ntoro, ndịk amaamʌm ammọ ke ini ekebenne ammọ ekaa ufọk Yosef. Ammọ ekekere, “Iben ñnyịn edi umi ke ntak silfa e-ekekappakesịn ke ekpad ñnyịn ke akpa ini. Anye ayem adinwana ye ñnyịn nọ anye ikan ñnyịn ubọk anyʌñ idat ñnyịn nte ifʌn anyʌñ akoono mme dọñki ñnyịn.”
19Ndin ammọ emaebịne akamaufọk Yosef eketañ ikọ ye anye ke anyenusʌñ ufọk. 20Ammọ emaebo anye, “Mbọk imubeeñe fiin, abọọñ ñnyịn, ñnyịn imaidi mi akpa ini ididep ndidia. 21Ado ke itie a-ñnyịn ikidatta isañ ikitre ke akonayio, ñnyịn imaitaat mme ekpad ñnyịn ndin awo keedekeed amaakịt akʌk amọ, nnen-nnen udomo, ke inua ekpad amọ. Ndin imitịmme iben akʌk ado idi. 22Ñnyịn imitịmme ikama akʌk mfen se ñnyịn idiidat idep ndidia. Ñnyịn idiọọñọke awo se ikisịn akʌk ke ekpad ñnyịn”
23Anye amaabo, “Mfịna ibaaha, ikiifeghe ndịk. Abasi ndufo, Abasi ete ndufo, inọọ ndufo inie ke ekpad ndufo; ami mmaabọ akʌk ndufo.” Ndin anye amaakesio Simiọn asọk ammọ.
24Akema akamaufọk amaaben ammọ adʌk ufọk Yosef, akenọ ammọ mmọọñ se eyie ukod, anyʌñ anọ mme dọñki ammọ ñkpọ nọ edia. 25Ammọ emaenyʌñ eneeñe mme enọ ammọ ebono ebet Yosef adisịm ke uweemeayio, sia ammọ emaekop ke ammọ eyaedia ñkpọ ke ufọk Yosef.
26Yosef amaakenyọñ adi, ammọ emaeben mme enọ a-ammọ ekekamake edinọ anye ke ufọk, enyʌñ esuuk iwuod ke isọñ ke iso amọ. 27Anye amaabịp ammọ naña idem ammọ aba, anyʌñ abịp ammọ abo, “Idem akaanadeen ete ndufo e-eketañña ennọọ miin aba die? Anye mmọdo asʌk aba ke uwem?”
28Ammọ emaebọọrọ ebo, “Ete ñnyịn, ayịnufọk mfo mmọdo aba ke uwem ye ke nsọñidem.” Ndin ammọ emaenʌhọ etuak iwuod enọ anye.
29Ke anye amaakekịt Benyamin, ayịneka ammọ, anye amaabịp abo, “Akpatre ayịnete a-ndufo e-eketañña ebaña ado ami?” Ndin anye amaabo, “Yak Abasi afọn mfọn ye afo, ayịn mmi.” 30Esịd amaanekke aduọ anye ke adikịt ayịneka amọ, ndin Yosef amaasọsọp awuọ akeyem itie se anye atua ayịd. Anye amaadʌk esịd ubeed amọ aketua ayịd.
31Ke anye amaakeyie iso ama, amaawuọ adi, anyʌñ amʌm idem akama, abo, “Ideeme ndidia.”
32Ndin emaenịm ndidia enọ anye ke idem amọ, ake nditọete ke idem ammọ, ye ake mbon Iyib e-ekediaha ñkpọ ye anye ke idem ammọ, sia mbon Iyib isidiaha ñkpọ ye mbon Hibru, sia adooho mbubiam adinam ntoro. 33Mbon ado emaetie ke iso amọ ekeene isua emana ammọ, tọọñọ ke akpan tutu asịm akpatre; ndin ammọ emaese emọ-emọ ke ñkpaidem. 34Ke ini ekedeemeke ndidia a-aketooho akpokoro Yosef enọ ammọ, udeeme ake Benyamin amaawak akañ ition akan ake mbon mfen. Ndin ammọ emaedia usọrọ enyʌñ enwọñ ñkpọ ye anye, ikoppo ndịk.
Iliyochaguliwa sasa
Yenesis 43: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 43
43
Isañ Uka Iyib Ayọhọ Akañ iba
1Idaha ntoro, akañ amaanekke asọñ ke idʌñ. 2Ndin ke ini ammọ emaekedia afịd abakpa a-ammọ ekebenne eto Iyib ema, ete ammọ amaabo ammọ, “Itịmme ikaa inyʌñ ikidep etək ndidia mfen inọ ñnyịn.”
3Ado Yuda amaabo anye, “Awo ado amaanwọñọ inọ ñnyịn abo, ‘Ndufo idiikịtte iso mmi aba, ibọhọke ayịnete ndufo asaña ye ndufo.’ 4Akpedo afo ayaayak ayịnete ñnyịn aka ye ñnyịn, ñnyịn iyaisọiyọ ika ikidep ndidia usọk fiin. 5Ado adieke afo umuuyakka anye ikeene ñnyịn aka, ñnyịn idiikaaha, sia awo ado akibo ñnyịn, ‘Ndufo idiikịtte iso mmi aba ibọhọke ayịnete ndufo asaña ye ndufo.’ ”
6Ndin Isrel amaabịp abo, “Nsoo ido ntak a-ndufo ekebenne mfịna ami ensọk miin ke ndufo edikidọkkọ awo ado ke emenie ayịnete mfen?”
7Ammọ emaebọọrọ ebo, “Awo ado amaibịp ñnyịn mbuume a-akenekkeke ituuk ñnyịn ye esịd ufọk ñnyịn. Anye amaibịp ñnyịn abo, ‘Ete ndufo mmọdo ke uwem? Emenie ayịnete mfen?’ Ñnyịn ikibọọrọ ikeene naña anye akibịp. Ñnyịn ikidiọọñọ die ke anye ayaabo, ‘Iben ayịnete ndufo isọiyọ idi’?”
8Akema, Yuda amaabo Isrel ete amọ, “Nam ayịn ado asaña ye ami, ndin ñnyịn iyaikaa ini keed, mbaak ñnyịn ye afo ye nditọ ñnyịn idu uwem ikiinyʌñ ikpañña. 9Ami ke idem mmi ñyaatie ubiọñ ke adikpeme anye; afo amekeme adimmʌm miin nte awo akeseeghe anye anyen. Adieke ami mmiibenne anye ntịmme usọk fiin ñnyʌñ ndaaha anye ke iso mfo, yak ami ntie nte adueñkpọ ke iso mfo ke afịd ayio uwem. 10Naña aba ami, akpedo ñnyịn ikibiatta ini, ikpaikikaa inyʌñ inyọñọ akañ iba.”
11Akema, ete ammọ Isrel amaabo ammọ, “Adieke anaaha ado ntoro, ana ndufo enam ntom: Isịn nti mfịd a-atooho isọñ ñnyịn mi ke mme ekpad ndufo inyʌñ iben ammọ isọiyọ ikaa ikinọ awo ado nte enọ, nte etək ufọfiọññọ ñkpọ ye etək adanakwọọk, anemufịk uyayak ye nsọñudua adan, mme isịb pistatio ye mmansañ mbakara. 12Idat udomo akʌk silfa itie iba ikama, sia ana ndufo eben silfa e-ekesịnne ke inua ekpad ndufo etịmme eka. Akemeido akedo ndudue. 13Iben ayịnete ndufo inyʌñ itịmme ikaa ibịne ete ado ini keed. 14Ndin yak Abasi Andikponñkan itua ndufo mbọm ke iso ete ado, nọ anye ayaak ayịnete anye ako ye Benyamin etịmme enyọñ edi ye ndufo. Amaado ami, adieke anaaha nditọ mmi afịd iba ekpañña, yak ado ntoro.”
15Ndin ammọ emaeben mme enọ enyʌñ edian udomo akʌk silfa ke itie iba, ye Benyamin. Ndin ammọ emaesọp idem edakka esọiyọ ekaa Iyib, enyʌñ eben idem ammọ ekaa iso Yosef. 16Ke ini Yosef akekịtte Benyamin ye ammọ, anye amaabo ayịnufọk amọ, “Ben ideen ami kaa ufọk mmi, wot unam nyʌñ tem ndidia; ana ammọ edia ñkpọ ye ami ke ufọọd uweemeayio.”
17Awo ado amaanyʌñ anam naña Yosef akedọkkọ anye anyʌñ aben mbon ado akaa ufọk Yosef. 18Idaha ntoro, ndịk amaamʌm ammọ ke ini ekebenne ammọ ekaa ufọk Yosef. Ammọ ekekere, “Iben ñnyịn edi umi ke ntak silfa e-ekekappakesịn ke ekpad ñnyịn ke akpa ini. Anye ayem adinwana ye ñnyịn nọ anye ikan ñnyịn ubọk anyʌñ idat ñnyịn nte ifʌn anyʌñ akoono mme dọñki ñnyịn.”
19Ndin ammọ emaebịne akamaufọk Yosef eketañ ikọ ye anye ke anyenusʌñ ufọk. 20Ammọ emaebo anye, “Mbọk imubeeñe fiin, abọọñ ñnyịn, ñnyịn imaidi mi akpa ini ididep ndidia. 21Ado ke itie a-ñnyịn ikidatta isañ ikitre ke akonayio, ñnyịn imaitaat mme ekpad ñnyịn ndin awo keedekeed amaakịt akʌk amọ, nnen-nnen udomo, ke inua ekpad amọ. Ndin imitịmme iben akʌk ado idi. 22Ñnyịn imitịmme ikama akʌk mfen se ñnyịn idiidat idep ndidia. Ñnyịn idiọọñọke awo se ikisịn akʌk ke ekpad ñnyịn”
23Anye amaabo, “Mfịna ibaaha, ikiifeghe ndịk. Abasi ndufo, Abasi ete ndufo, inọọ ndufo inie ke ekpad ndufo; ami mmaabọ akʌk ndufo.” Ndin anye amaakesio Simiọn asọk ammọ.
24Akema akamaufọk amaaben ammọ adʌk ufọk Yosef, akenọ ammọ mmọọñ se eyie ukod, anyʌñ anọ mme dọñki ammọ ñkpọ nọ edia. 25Ammọ emaenyʌñ eneeñe mme enọ ammọ ebono ebet Yosef adisịm ke uweemeayio, sia ammọ emaekop ke ammọ eyaedia ñkpọ ke ufọk Yosef.
26Yosef amaakenyọñ adi, ammọ emaeben mme enọ a-ammọ ekekamake edinọ anye ke ufọk, enyʌñ esuuk iwuod ke isọñ ke iso amọ. 27Anye amaabịp ammọ naña idem ammọ aba, anyʌñ abịp ammọ abo, “Idem akaanadeen ete ndufo e-eketañña ennọọ miin aba die? Anye mmọdo asʌk aba ke uwem?”
28Ammọ emaebọọrọ ebo, “Ete ñnyịn, ayịnufọk mfo mmọdo aba ke uwem ye ke nsọñidem.” Ndin ammọ emaenʌhọ etuak iwuod enọ anye.
29Ke anye amaakekịt Benyamin, ayịneka ammọ, anye amaabịp abo, “Akpatre ayịnete a-ndufo e-eketañña ebaña ado ami?” Ndin anye amaabo, “Yak Abasi afọn mfọn ye afo, ayịn mmi.” 30Esịd amaanekke aduọ anye ke adikịt ayịneka amọ, ndin Yosef amaasọsọp awuọ akeyem itie se anye atua ayịd. Anye amaadʌk esịd ubeed amọ aketua ayịd.
31Ke anye amaakeyie iso ama, amaawuọ adi, anyʌñ amʌm idem akama, abo, “Ideeme ndidia.”
32Ndin emaenịm ndidia enọ anye ke idem amọ, ake nditọete ke idem ammọ, ye ake mbon Iyib e-ekediaha ñkpọ ye anye ke idem ammọ, sia mbon Iyib isidiaha ñkpọ ye mbon Hibru, sia adooho mbubiam adinam ntoro. 33Mbon ado emaetie ke iso amọ ekeene isua emana ammọ, tọọñọ ke akpan tutu asịm akpatre; ndin ammọ emaese emọ-emọ ke ñkpaidem. 34Ke ini ekedeemeke ndidia a-aketooho akpokoro Yosef enọ ammọ, udeeme ake Benyamin amaawak akañ ition akan ake mbon mfen. Ndin ammọ emaedia usọrọ enyʌñ enwọñ ñkpọ ye anye, ikoppo ndịk.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.