Yenesis 12
12
Ikood Ebram
1 Abọọñ amaabo Ebram, “Wuọ kpọñ idịd mfo, ubon ye ufọk ete mfo kaa ke isọñ a-ami ñyemme aduwọt fiin.”
2“Ndin ami ñyaanam afo ado ekamba idịd,
ami ñyaanyʌñ udiọñ fiin;
Ami ñyaanam anyịñ mfo akpon,
afo ayaanyʌñ ado adidiọñ.
3Ami ñyaadiọñ mbon u-udiọññọ fiin,
ndin awo akeedodo u-usuuñọke fiin ami ñyaasuuñọ;
ndin afịd awo ke iso isọñ
eyaebọ adidiọñ uto fiin.”
4Ndin Ebram amaadakka kpa naña Abọọñ akebo anye; Lọọd amaanyʌñ akeene anye. Ebram akedo isua ata mme duob mme ition idaha a-anye akekpọññọ Haran. 5Ebram amaaben anwaan amọ Serai, ayịn ayịneka amọ Lọọd, afịd inie a-ammọ ekenieñeke ye afịd awo se ammọ ekenie ke Haran edaaña ekaa isọñ Kenan.
6Ebram amaasaña ke isọñ ado tutu akewuọ itie ekamba eto Mọre ke Sekem. Idaha ntoro, mbon Kenan mmọdo ekebañña ke isọñ ado. 7Abọọñ amaawọt Ebram idem anyʌñ abo, “Ubon mfo ke ami ndiinọ isọñ ami.” Ke ntoro anye amaabọp itie uwa ke ndo anọ Abọọñ a-akeyaarake idem awọt anye.
8Akema anye amaadakka do akaa edem ntəkabod Beteel ke usakkautịn, anyʌñ akewuuk atayad amọ do. Beteel akeba ke usobutịn ndin, Ai aba ke usakkautịn. Ke ndo ke anye akebọp itie uwa anyʌñ akoot anyịñ Abọọñ. 9Ndin Ebram amaakaiso asaña akaa ukañ Nekef.
Ebram ke Iyib
10Akema akañ amaaba ke isọñ ado, Ebram amaadakka akaa Iyib adikidʌñ do ke etək ini, sia akañ amaasọñ ubọk eti-eti. 11Ke ini anye akeyemme adidʌk Iyib, anye amaabo anwaan amọ Serai, “Ami mmediọọñọ ke afo ado ataa uyaiya awonwaan. 12Mbon Iyib emaukịt fiin, ammọ eyaebo, ‘Anwaan amọ ado ami.’ Ndin ammọ eyaeñwot miin, ado unịm fiin uwem. 13Bo ke afo ado ayịneka mmi, nọ ami ñkịt mfọn ke iso ammọ ke ntak mfo, nọ ammọ enyʌñ ennịm miin uwem ke ntak mfo.” 14Ke ini Ebram amaakedisịm Iyib, mbon Iyib emaekịt ke Serai akedo ataa uyaiya awonwaan. 15Ndin ke ini mme ikpọ mbon utom Fero ekekịtte anye, ammọ emaetooro anye ke iso Fero, ndin emaeben anye edʌk esa ubọọñ Fero. 16Fero amaakama Ebram ke eti usʌñ ke ntak Serai, Ebram amaanyʌñ anie mme edọñ ye mme enañ, ñyaara ye mme uman dọñki, nditọufọk ideen, ye ibaan ye mme kamel.
17Ado Abọọñ amaatọ Fero ye ufọk amọ ataa ndiọi udọñọ ke ntak Serai, anwaan Ebram. 18Ndin Fero amaadọñ ekoot Ebram, anyʌñ abo anye ate, “Nsoo ke afo annam miin ami?” “Ntak a-afo uduukuundọkkọke miin ke anye ado anwaan mfo-o? 19Ntak a-afo akebooho ‘Anye ado ayịneka mmi,’ nọ ami mben anye nte anwaan mmi-e? Idahami ndin, se anwaan mfo mi. Ben anye nyọñ!” 20Ndin Fero amaanọ nditọufọk amọ ewʌhọ abaña Ebram, ndin ammọ emaesio anye unyọñ, ye anwaan amọ, ye afịd se anye akenie.
Iliyochaguliwa sasa
Yenesis 12: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 12
12
Ikood Ebram
1 Abọọñ amaabo Ebram, “Wuọ kpọñ idịd mfo, ubon ye ufọk ete mfo kaa ke isọñ a-ami ñyemme aduwọt fiin.”
2“Ndin ami ñyaanam afo ado ekamba idịd,
ami ñyaanyʌñ udiọñ fiin;
Ami ñyaanam anyịñ mfo akpon,
afo ayaanyʌñ ado adidiọñ.
3Ami ñyaadiọñ mbon u-udiọññọ fiin,
ndin awo akeedodo u-usuuñọke fiin ami ñyaasuuñọ;
ndin afịd awo ke iso isọñ
eyaebọ adidiọñ uto fiin.”
4Ndin Ebram amaadakka kpa naña Abọọñ akebo anye; Lọọd amaanyʌñ akeene anye. Ebram akedo isua ata mme duob mme ition idaha a-anye akekpọññọ Haran. 5Ebram amaaben anwaan amọ Serai, ayịn ayịneka amọ Lọọd, afịd inie a-ammọ ekenieñeke ye afịd awo se ammọ ekenie ke Haran edaaña ekaa isọñ Kenan.
6Ebram amaasaña ke isọñ ado tutu akewuọ itie ekamba eto Mọre ke Sekem. Idaha ntoro, mbon Kenan mmọdo ekebañña ke isọñ ado. 7Abọọñ amaawọt Ebram idem anyʌñ abo, “Ubon mfo ke ami ndiinọ isọñ ami.” Ke ntoro anye amaabọp itie uwa ke ndo anọ Abọọñ a-akeyaarake idem awọt anye.
8Akema anye amaadakka do akaa edem ntəkabod Beteel ke usakkautịn, anyʌñ akewuuk atayad amọ do. Beteel akeba ke usobutịn ndin, Ai aba ke usakkautịn. Ke ndo ke anye akebọp itie uwa anyʌñ akoot anyịñ Abọọñ. 9Ndin Ebram amaakaiso asaña akaa ukañ Nekef.
Ebram ke Iyib
10Akema akañ amaaba ke isọñ ado, Ebram amaadakka akaa Iyib adikidʌñ do ke etək ini, sia akañ amaasọñ ubọk eti-eti. 11Ke ini anye akeyemme adidʌk Iyib, anye amaabo anwaan amọ Serai, “Ami mmediọọñọ ke afo ado ataa uyaiya awonwaan. 12Mbon Iyib emaukịt fiin, ammọ eyaebo, ‘Anwaan amọ ado ami.’ Ndin ammọ eyaeñwot miin, ado unịm fiin uwem. 13Bo ke afo ado ayịneka mmi, nọ ami ñkịt mfọn ke iso ammọ ke ntak mfo, nọ ammọ enyʌñ ennịm miin uwem ke ntak mfo.” 14Ke ini Ebram amaakedisịm Iyib, mbon Iyib emaekịt ke Serai akedo ataa uyaiya awonwaan. 15Ndin ke ini mme ikpọ mbon utom Fero ekekịtte anye, ammọ emaetooro anye ke iso Fero, ndin emaeben anye edʌk esa ubọọñ Fero. 16Fero amaakama Ebram ke eti usʌñ ke ntak Serai, Ebram amaanyʌñ anie mme edọñ ye mme enañ, ñyaara ye mme uman dọñki, nditọufọk ideen, ye ibaan ye mme kamel.
17Ado Abọọñ amaatọ Fero ye ufọk amọ ataa ndiọi udọñọ ke ntak Serai, anwaan Ebram. 18Ndin Fero amaadọñ ekoot Ebram, anyʌñ abo anye ate, “Nsoo ke afo annam miin ami?” “Ntak a-afo uduukuundọkkọke miin ke anye ado anwaan mfo-o? 19Ntak a-afo akebooho ‘Anye ado ayịneka mmi,’ nọ ami mben anye nte anwaan mmi-e? Idahami ndin, se anwaan mfo mi. Ben anye nyọñ!” 20Ndin Fero amaanọ nditọufọk amọ ewʌhọ abaña Ebram, ndin ammọ emaesio anye unyọñ, ye anwaan amọ, ye afịd se anye akenie.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.