Utom Mme Abọsịd 6
6
Umek Awo Itiaba
1Ke mme usen ado, nte ibad mme mbed e-ekekeeneke Krais akesʌkkọ atọt, mme Yuu#6:1 Mme Yuu ake ekesemme usem Greek enyʌñ edu eduuwem mbon Greek. e-ekesemme usem Greek emaesuuk mme Yuu ukañ Hibru uyio sia ammọ ikiseeghe ñkpọ ibaña mme ebekpa ammọ ke ini udeeme ndidia. 2Ndin mme mbed duob mme iba emaesoobo itie keed ye mbon se ikeene Krais enyʌñ ebo, “Ikpifọnnọ ñnyịn adikpọñ utom ikọ Abasi nnịm ñkappa ñkedeeme ndidia. 3Nditọeka ke Krais, imek ideen itiaba ke atu ndufo e-eyọhọke ye Adisana Sịbidịd ye aniọñ. Ñnyịn iyaiyaak utom ami isịn ammọ ke ubọk, 4ndin ñnyịn iyaitʌm ise akpan utom ñnyịn adooho ubọñ akam ye ukwọrọ ikọ Abasi.”
5Akikere ami amaanem afịd atu awo esịd. Ndin ammọ emaemek Stifịn, awo a-akeyọhọke ye mbuọdidem ye Adisana Sịbidịd; ñko Filib, Prokorus, Nikanọ, Timọn, Pamenas ye Nikolas awo Antiọk, a-akekappake esịd akeene edu ukpono Abasi ke ido mme Yuu. 6Ammọ emaeben ideen itiaba ami enịm mme abọsịd ke iso, ndin ammọ emaebọñ akam enyʌñ edot ammọ ubọk.
7Ndin ikọ Abasi amaakaa iso asuana. Ibad mme mbed ke Yeruselem amaatọt eti-eti, ndin uwak mme aku Abasi emaenyʌñ esuuk iwuod enọ mbuọdidem ke Yisọs.
Emʌm Stifịn
8Ndin Stifịn, awo a-akeyọhọke ye mfọn ye adudu Abasi amaanañña ikpọ utịppeñkpọ ye utom idiọọñọ ke ufọọd atu awo. 9Ado mfịna ye utọk amaatọọñọ, ato mbon Sinakọk Mbon Uwuọufʌn (nte naña ekesikoot ammọ), e-ekedoññoke mme Yuu e-eketooho Siriin ye Aleksandra, ñkọrọ mbon Silisia ye Esia, e-ekedaañake eda etọọñọ mfaaña ye Stifịn. 10Ado ammọ ikikanna anye ke ifiọk a-Sịbidịd akenọọhọ anye idaha anye aketañña ikọ.
11Ke ntoro ammọ emaedọọñ mme awo ke ndịbe, nọ ekebo, “Ñnyịn imikop naña Stifịn atañ ikọ asappa adian Moses ye Abasi.”
12Ndin ammọ emaesịn nsọk, enam esịd abịmme mbon abio, mme ñkpisọñ, ye mme akpeeb mbed. Ammọ emaekpappa Stifịn edat edi esob Sanhidrin. 13Ndin ammọ emaesio mme atie ntiense nsu e-ekebooho ete, “Akenam awo ami itreke aditañ idiọọk ikọ ndian adisana itie ami ye mbed Moses. 14Sia ñnyịn imaikop naña anye abo ke Yisọs ayịn Nasared ayaabiat itie ami anyʌñ akpəho mme ido ake Moses akeyaaha inọọ ñnyịn.”
15Afịd awo e-eketieghe ke esob Sanhidrin emaewuuk anyen ese Stifịn, enyʌñ ekịt ke iso amọ akebit iso enyere.
Iliyochaguliwa sasa
Utom Mme Abọsịd 6: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 6
6
Umek Awo Itiaba
1Ke mme usen ado, nte ibad mme mbed e-ekekeeneke Krais akesʌkkọ atọt, mme Yuu#6:1 Mme Yuu ake ekesemme usem Greek enyʌñ edu eduuwem mbon Greek. e-ekesemme usem Greek emaesuuk mme Yuu ukañ Hibru uyio sia ammọ ikiseeghe ñkpọ ibaña mme ebekpa ammọ ke ini udeeme ndidia. 2Ndin mme mbed duob mme iba emaesoobo itie keed ye mbon se ikeene Krais enyʌñ ebo, “Ikpifọnnọ ñnyịn adikpọñ utom ikọ Abasi nnịm ñkappa ñkedeeme ndidia. 3Nditọeka ke Krais, imek ideen itiaba ke atu ndufo e-eyọhọke ye Adisana Sịbidịd ye aniọñ. Ñnyịn iyaiyaak utom ami isịn ammọ ke ubọk, 4ndin ñnyịn iyaitʌm ise akpan utom ñnyịn adooho ubọñ akam ye ukwọrọ ikọ Abasi.”
5Akikere ami amaanem afịd atu awo esịd. Ndin ammọ emaemek Stifịn, awo a-akeyọhọke ye mbuọdidem ye Adisana Sịbidịd; ñko Filib, Prokorus, Nikanọ, Timọn, Pamenas ye Nikolas awo Antiọk, a-akekappake esịd akeene edu ukpono Abasi ke ido mme Yuu. 6Ammọ emaeben ideen itiaba ami enịm mme abọsịd ke iso, ndin ammọ emaebọñ akam enyʌñ edot ammọ ubọk.
7Ndin ikọ Abasi amaakaa iso asuana. Ibad mme mbed ke Yeruselem amaatọt eti-eti, ndin uwak mme aku Abasi emaenyʌñ esuuk iwuod enọ mbuọdidem ke Yisọs.
Emʌm Stifịn
8Ndin Stifịn, awo a-akeyọhọke ye mfọn ye adudu Abasi amaanañña ikpọ utịppeñkpọ ye utom idiọọñọ ke ufọọd atu awo. 9Ado mfịna ye utọk amaatọọñọ, ato mbon Sinakọk Mbon Uwuọufʌn (nte naña ekesikoot ammọ), e-ekedoññoke mme Yuu e-eketooho Siriin ye Aleksandra, ñkọrọ mbon Silisia ye Esia, e-ekedaañake eda etọọñọ mfaaña ye Stifịn. 10Ado ammọ ikikanna anye ke ifiọk a-Sịbidịd akenọọhọ anye idaha anye aketañña ikọ.
11Ke ntoro ammọ emaedọọñ mme awo ke ndịbe, nọ ekebo, “Ñnyịn imikop naña Stifịn atañ ikọ asappa adian Moses ye Abasi.”
12Ndin ammọ emaesịn nsọk, enam esịd abịmme mbon abio, mme ñkpisọñ, ye mme akpeeb mbed. Ammọ emaekpappa Stifịn edat edi esob Sanhidrin. 13Ndin ammọ emaesio mme atie ntiense nsu e-ekebooho ete, “Akenam awo ami itreke aditañ idiọọk ikọ ndian adisana itie ami ye mbed Moses. 14Sia ñnyịn imaikop naña anye abo ke Yisọs ayịn Nasared ayaabiat itie ami anyʌñ akpəho mme ido ake Moses akeyaaha inọọ ñnyịn.”
15Afịd awo e-eketieghe ke esob Sanhidrin emaewuuk anyen ese Stifịn, enyʌñ ekịt ke iso amọ akebit iso enyere.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.