Utom Mme Abọsịd 17
17
Pọọl ye Nsaña Amọ Ekaa Tesalọnika
1Ke Pọọl ye mme nsaña amọ emaekeboiyo ke Amfipolis ye Apolonia, ammọ emaedisịm Tesalọnika, itie a-sinakọk mme Yuu akebaaha. 2Nte ido ammọ akesidooho, Pọọl amaadʌk akaa sinakọk, anyʌñ akefaaña mfaaña ato ikọ ñwed Abasi ye mme Yuu ke usen Sabad ita, 3anam anwaña anyʌñ awọt ammọ abo ke Krais akena akịt ukuud anyʌñ aset ke ñkpa. Anye amaabo, “Yisọs ami ke ami idọkkọ ndufo mbo ke anye ado Krais.” 4Usʌk mme Yuu emaekappa esịd enyʌñ ekeene Pọọl ye Sailas, ye uwak mbon Greek e-ekebaaha Abasi ye usʌk mme awuọiso ibaan.
5Ado ubaak mme Yuu emaefịbe ufịb; ke ntoro ammọ emaekekoono mme ndiọi awo eto anwa udua, edọọñ atu awo nọ etọọñọ ntịme ke abio. Ammọ emaefeeñe ekaa ufọk Yesịn adiyem Pọọl ye Sailas mben ammọ ndi ke iso atu awo. 6Ado ke ini ammọ imiikikịtte Pọọl ye Sailas, ammọ emaemʌm Yesịn ye mme andinịm ke akpanikọ mfen ekaa iso mme akama utom ke abio, enyʌñ ebọñ ete: “Ibon ami e-esịnne ntịme ekanna afịd ederimbod ediwuọ umi, 7ndin Yesịn amaakoono ammọ adọñ ke ufọk amọ. Ammọ inịmme mme mbed Sisa, ado ebo ke adidem mfen a-aba, a-akereke Yisọs.” 8Ke ammọ emaekekop ami, mme atu awo ye mme ñkpoon mbon utom abio emaetịmede esịd. 9Ndin ammọ emaesio Yesịn ye mme mbon ako ke ubiọñ mbemiso eyaak ammọ enyọñọ.
Pọọl ye Nsaña Amọ Ekaa Beria
10Ayio akesʌk akekịm, mme andinịm ke akpanikọ emaesio Pọọl ye Sailas enọ eka Beria. Ekekesịm udo, ammọ emaekaa sinakọk mme Yuu. 11Mme Yuu ke ukañ Beria emaenieñe nti ido ekan mbon ukañ Tesalọnika, sia ammọ emaebọ etob ami ke ataa ayọhọ udọñ, enyʌñ eduuñọ ñwed Abasi afịd usen adikịt me se Pọọl aketañ akedo akpanikọ. 12Ke ntak ami uwak mme Yuu emaenịm ke akpanikọ, ukem nte ubaak mme awuọiso ibaan Krik ye uwak ideen Krik ñko.
13Ado ke ini mme Yuu ke Tesalọnika emaekediooño ke Pọọl asʌk akwọrọ ikọ Abasi ke Beria, usʌk ammọ emaekaa do ñko, ekesịn nsọk ke ufọọd mbon ntịme enyʌñ etịmede ammọ esịd. 14Ndin mme andinịm ke akpanikọ emaesọp enam Pọọl aka mben esʌk, ado Sailas ye Timoti emaesọñ eba ke Beria. 15Mme awo e-ekebenne Pọọl ekesuuk emaeben anye ekaa Aten, ndin Pọọl amaanọ uyio ate Sailas ye Timoti ibịne imọ ekpekan usọp-usọp.
Pọọl Akaa Aten
16Ke idaha a-Pọọl aketieghe abet ammọ ke Aten, esịd amaadiọọk anye eti-eti ke adikịt nte mme ubobod abasi eyọhọ idʌñ ado. 17Ndin anye amaafaaña anyʌñ aneme ke sinakọk ye mme Yuu ye mme Krik e-ekebaaha Abasi, ukem ado ke anwa udua ke usen ke usen ye mme awo akeedodo e-ekebaaha do. 18Ñko mme ñkpoon ntaifiọk e-ekekeeneke ukpeebñkpọ ñka Epikuriọs ye Stọik emaetọọñọ mfaaña ye anye. Usʌk ammọ emaebịp ebo, “Nsoo ke ataaññtịme ami anwanwana aditañ?” Mbio mfen emaebo, “Aba nte anye anwana adikwọrọ ikọ mbaña mme isen abasi.” Ammọ eketañ ami sia Pọọl amaakwọrọ eti mbʌk abaña Yisọs ye adised ke ñkpa. 19Ammọ emaemʌm anye eben ekaa ekamba esob ikpaisọñ mbon Krik e-ekekoodo Ariopakus, ndin emaebo anye ete, “Akpaakan anam nọ ñnyịn idiọọñọ ufa ukpeebñkpọ a-afo atañña abaña mi? 20Ndufo emeben mme asen akikere etañ edọñ ke utọñ ñnyịn, ndin ñnyịn ikpaima adidiọọñọ se ammọ ewuọñọ.” 21(Ndin afịd mbon Aten ye mme isenawo e-ekedʌññọ do ikisinamma ñkpọ mfen ikan aditañ mbaña ñnyʌñ ñkpañutọñ nnọọ mme ufa akikere.)
22Pọọl ndin amaadakka ada ke mbono mme Ariopakus atañ ate: “Ndufo mbon abio Aten! Ami mmekịt ke afịd usʌñ nte ndufo emekpono Abasi eti-eti. 23Sia naña ami ñkesaañake ñkanna ñnyʌñ nseet, akpan-akpan mme ñkpọ ukpono Abasi ndufo, ami mmaakịt itie ukpono Abasi ye mme ikọ e-ewette ete:
enịm enọ abasi a-ñnyịn imiidiọọñọke.
Ke adinekke ntañ, Abasi a-ami ñyemme adikwọrọ inọọ ndufo ado anye a-ndufo ekponoke, akpesʌkado ndufo imiidiọọñọke.
24“Abasi a-akenamma ederimbod ye afịd ñkpọ ke esịd amọ ado Abọọñ anyọñ ye isọñ, ndin anye idʌññọ ke mme tembịd e-ebọppọ ke ubọk. 25Awo inamma ñkpọ ke ubọk inọ anye sia anye iyemme ñkpọ ndomokeed, ado anye ke idem amọ anọ afịd awo uwem ye inweek ye afịd ñkpọ mfen. 26Aketo ke awo keed anye anam afịd mme idịd, abo ammọ edʌñ ke afịd iso isọñ, anye anyʌñ abakka ini anọ ammọ ye mme itie se ana ammọ edʌñ. 27Abasi akenam ami nọ mme awo eyem anye, ekan esaña ekpere anye, enyʌñ ekịt anye, akpesʌkado a-anye imiinyọọñọ usʌñ ikpọñ ñnyịn ndomokeed. 28‘Sia ke anye ke ñnyịn idʌñ, inyʌñ isaña inyʌñ inie uwem.’#17:28 Ikọ ami ato Epimenides, afiọkñkpọ awo a-atooho abio Kret Nte naña mme aweduto ndufo eketatañ, ‘Ñnyịn ido mme ubon amọ.’#17:28 Ikọ ami ato Aratus, afiọkñkpọ awo a-atooho Sisili
29“Ndin sia ñnyịn idooho nditọ Abasi, inaaha ñnyịn ikere ke Abasi ana aba nte mbid kold me silfa me itiad, nte ubobodñkpọ a-awo adatta ifiọk ye ikike amọ abot. 30Ke ayio ñkpọñ Abasi amaafeen anọ ammọ ke unana adidiọọñọ, ado idahami anye a-anọ iwuuk ate afịd awo ke afịd itie ekappa esịd. 31Sia anye a-anịm usen a-anye adiikpe ikpe afịd ekondo ke unen ato ke awo a-anye akemekke anịm nte akpeikpe. Anye akenam anye aset ke ñkpa adiwọt ke anye ado akpe ikpe ado.”
32Ke ammọ emaekekop adised ke ñkpa, usʌk ammọ emaedutuun inua, ado usʌk ammọ emaebo, “Ñnyịn iyaimaana ikop ikọ ami uto fiin.” 33Akema, Pọọl amaakpọñ esob. 34Ubaak awo emaekappa esịd ekeene Pọọl enyʌñ enịm ke akpanikọ. Usʌk mbon ammọ se ikinịm ekedo Dionisius, awo keed ke atu mme Aropakus, ye awonwaan a-akekereke Damadis, ye mbon mfen.
Iliyochaguliwa sasa
Utom Mme Abọsịd 17: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 17
17
Pọọl ye Nsaña Amọ Ekaa Tesalọnika
1Ke Pọọl ye mme nsaña amọ emaekeboiyo ke Amfipolis ye Apolonia, ammọ emaedisịm Tesalọnika, itie a-sinakọk mme Yuu akebaaha. 2Nte ido ammọ akesidooho, Pọọl amaadʌk akaa sinakọk, anyʌñ akefaaña mfaaña ato ikọ ñwed Abasi ye mme Yuu ke usen Sabad ita, 3anam anwaña anyʌñ awọt ammọ abo ke Krais akena akịt ukuud anyʌñ aset ke ñkpa. Anye amaabo, “Yisọs ami ke ami idọkkọ ndufo mbo ke anye ado Krais.” 4Usʌk mme Yuu emaekappa esịd enyʌñ ekeene Pọọl ye Sailas, ye uwak mbon Greek e-ekebaaha Abasi ye usʌk mme awuọiso ibaan.
5Ado ubaak mme Yuu emaefịbe ufịb; ke ntoro ammọ emaekekoono mme ndiọi awo eto anwa udua, edọọñ atu awo nọ etọọñọ ntịme ke abio. Ammọ emaefeeñe ekaa ufọk Yesịn adiyem Pọọl ye Sailas mben ammọ ndi ke iso atu awo. 6Ado ke ini ammọ imiikikịtte Pọọl ye Sailas, ammọ emaemʌm Yesịn ye mme andinịm ke akpanikọ mfen ekaa iso mme akama utom ke abio, enyʌñ ebọñ ete: “Ibon ami e-esịnne ntịme ekanna afịd ederimbod ediwuọ umi, 7ndin Yesịn amaakoono ammọ adọñ ke ufọk amọ. Ammọ inịmme mme mbed Sisa, ado ebo ke adidem mfen a-aba, a-akereke Yisọs.” 8Ke ammọ emaekekop ami, mme atu awo ye mme ñkpoon mbon utom abio emaetịmede esịd. 9Ndin ammọ emaesio Yesịn ye mme mbon ako ke ubiọñ mbemiso eyaak ammọ enyọñọ.
Pọọl ye Nsaña Amọ Ekaa Beria
10Ayio akesʌk akekịm, mme andinịm ke akpanikọ emaesio Pọọl ye Sailas enọ eka Beria. Ekekesịm udo, ammọ emaekaa sinakọk mme Yuu. 11Mme Yuu ke ukañ Beria emaenieñe nti ido ekan mbon ukañ Tesalọnika, sia ammọ emaebọ etob ami ke ataa ayọhọ udọñ, enyʌñ eduuñọ ñwed Abasi afịd usen adikịt me se Pọọl aketañ akedo akpanikọ. 12Ke ntak ami uwak mme Yuu emaenịm ke akpanikọ, ukem nte ubaak mme awuọiso ibaan Krik ye uwak ideen Krik ñko.
13Ado ke ini mme Yuu ke Tesalọnika emaekediooño ke Pọọl asʌk akwọrọ ikọ Abasi ke Beria, usʌk ammọ emaekaa do ñko, ekesịn nsọk ke ufọọd mbon ntịme enyʌñ etịmede ammọ esịd. 14Ndin mme andinịm ke akpanikọ emaesọp enam Pọọl aka mben esʌk, ado Sailas ye Timoti emaesọñ eba ke Beria. 15Mme awo e-ekebenne Pọọl ekesuuk emaeben anye ekaa Aten, ndin Pọọl amaanọ uyio ate Sailas ye Timoti ibịne imọ ekpekan usọp-usọp.
Pọọl Akaa Aten
16Ke idaha a-Pọọl aketieghe abet ammọ ke Aten, esịd amaadiọọk anye eti-eti ke adikịt nte mme ubobod abasi eyọhọ idʌñ ado. 17Ndin anye amaafaaña anyʌñ aneme ke sinakọk ye mme Yuu ye mme Krik e-ekebaaha Abasi, ukem ado ke anwa udua ke usen ke usen ye mme awo akeedodo e-ekebaaha do. 18Ñko mme ñkpoon ntaifiọk e-ekekeeneke ukpeebñkpọ ñka Epikuriọs ye Stọik emaetọọñọ mfaaña ye anye. Usʌk ammọ emaebịp ebo, “Nsoo ke ataaññtịme ami anwanwana aditañ?” Mbio mfen emaebo, “Aba nte anye anwana adikwọrọ ikọ mbaña mme isen abasi.” Ammọ eketañ ami sia Pọọl amaakwọrọ eti mbʌk abaña Yisọs ye adised ke ñkpa. 19Ammọ emaemʌm anye eben ekaa ekamba esob ikpaisọñ mbon Krik e-ekekoodo Ariopakus, ndin emaebo anye ete, “Akpaakan anam nọ ñnyịn idiọọñọ ufa ukpeebñkpọ a-afo atañña abaña mi? 20Ndufo emeben mme asen akikere etañ edọñ ke utọñ ñnyịn, ndin ñnyịn ikpaima adidiọọñọ se ammọ ewuọñọ.” 21(Ndin afịd mbon Aten ye mme isenawo e-ekedʌññọ do ikisinamma ñkpọ mfen ikan aditañ mbaña ñnyʌñ ñkpañutọñ nnọọ mme ufa akikere.)
22Pọọl ndin amaadakka ada ke mbono mme Ariopakus atañ ate: “Ndufo mbon abio Aten! Ami mmekịt ke afịd usʌñ nte ndufo emekpono Abasi eti-eti. 23Sia naña ami ñkesaañake ñkanna ñnyʌñ nseet, akpan-akpan mme ñkpọ ukpono Abasi ndufo, ami mmaakịt itie ukpono Abasi ye mme ikọ e-ewette ete:
enịm enọ abasi a-ñnyịn imiidiọọñọke.
Ke adinekke ntañ, Abasi a-ami ñyemme adikwọrọ inọọ ndufo ado anye a-ndufo ekponoke, akpesʌkado ndufo imiidiọọñọke.
24“Abasi a-akenamma ederimbod ye afịd ñkpọ ke esịd amọ ado Abọọñ anyọñ ye isọñ, ndin anye idʌññọ ke mme tembịd e-ebọppọ ke ubọk. 25Awo inamma ñkpọ ke ubọk inọ anye sia anye iyemme ñkpọ ndomokeed, ado anye ke idem amọ anọ afịd awo uwem ye inweek ye afịd ñkpọ mfen. 26Aketo ke awo keed anye anam afịd mme idịd, abo ammọ edʌñ ke afịd iso isọñ, anye anyʌñ abakka ini anọ ammọ ye mme itie se ana ammọ edʌñ. 27Abasi akenam ami nọ mme awo eyem anye, ekan esaña ekpere anye, enyʌñ ekịt anye, akpesʌkado a-anye imiinyọọñọ usʌñ ikpọñ ñnyịn ndomokeed. 28‘Sia ke anye ke ñnyịn idʌñ, inyʌñ isaña inyʌñ inie uwem.’#17:28 Ikọ ami ato Epimenides, afiọkñkpọ awo a-atooho abio Kret Nte naña mme aweduto ndufo eketatañ, ‘Ñnyịn ido mme ubon amọ.’#17:28 Ikọ ami ato Aratus, afiọkñkpọ awo a-atooho Sisili
29“Ndin sia ñnyịn idooho nditọ Abasi, inaaha ñnyịn ikere ke Abasi ana aba nte mbid kold me silfa me itiad, nte ubobodñkpọ a-awo adatta ifiọk ye ikike amọ abot. 30Ke ayio ñkpọñ Abasi amaafeen anọ ammọ ke unana adidiọọñọ, ado idahami anye a-anọ iwuuk ate afịd awo ke afịd itie ekappa esịd. 31Sia anye a-anịm usen a-anye adiikpe ikpe afịd ekondo ke unen ato ke awo a-anye akemekke anịm nte akpeikpe. Anye akenam anye aset ke ñkpa adiwọt ke anye ado akpe ikpe ado.”
32Ke ammọ emaekekop adised ke ñkpa, usʌk ammọ emaedutuun inua, ado usʌk ammọ emaebo, “Ñnyịn iyaimaana ikop ikọ ami uto fiin.” 33Akema, Pọọl amaakpọñ esob. 34Ubaak awo emaekappa esịd ekeene Pọọl enyʌñ enịm ke akpanikọ. Usʌk mbon ammọ se ikinịm ekedo Dionisius, awo keed ke atu mme Aropakus, ye awonwaan a-akekereke Damadis, ye mbon mfen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.