Utom Mme Abọsịd 15
15
Esob Yeruselem
1Ubaak awo emaeto Yudia esọiyọ edi Antiọk enyʌñ etọọñọ adikpeep mme andinịm ke akpanikọ, ebo: “Ibọhọke ndufo efọọrọ edʌd ekeene edu unañña ñkpọ naña Moses akekpeep, ndufo idiinieghe adinyaaña.” 2Ami amaadat akpọsọñ mfaaña ye eniin adi ke ufọọd Pọọl ye Banabas ye ammọ. Ke ntak ado, emaemek Pọọl ye Banabas edian ye usʌk mme andinịm ke akpanikọ mfen ete edọọk eka Yeruselem nọ ekekịt mme abọsịd ye mme adaiwuod ufọkabasi, ke abaña mfịna ami. 3Ufọkabasi emaenọ ammọ eka, ndin naña ammọ ekesañake eboiyo Fonisia ye Sameria, ammọ emaetañ naña mme Gentile ekekappa esịd. Etob ami amaanem afịd mme andinịm ke akpanikọ esịd eti-eti. 4Ke ini ammọ emaekediwuọ Yeruselem, ufọkabasi ye mme abọsịd ye mme adaiwuod ufọkabasi emaedaara ammọ, ammọ emaenyʌñ ebʌk afịd se Abasi akedat ammọ anam.
5Ubaak mbon e-ekenịmme ke akpanikọ e-eketooho ñka mme Farisi, emaedaaña eda ebo ete, “Ana mme Gentile efọọrọ edʌd enyʌñ enịm mbed Moses.”
6Mme abọsịd ye mme adaiwuod ufọkabasi emaesoobo iwuod adikere mbaña mfịna ami. 7Ke emaeketañ ikọ ekpeene, Pita amaadakka ada atañ ikọ anọ ammọ ate: “Nditọete, ndufo emediọọñọ ke ataa anyan ini a-akeboiyoke, Abasi amammek miin ke atu ndufo abo ke ana mme Gentile ekop eti etob eto inua mmi enyʌñ enịm ke akpanikọ. 8Abasi, a-adiọọñọke esịd awo, amaawọt ke imidat ammọ isịn ke atu ato ke adinọ Adisana Sịbidịd asọk ammọ ukem naña anye akenam inọọ ñnyịn. 9Abasi ikisịnne adusad ke ufọọd ñnyịn ye ammọ sia anye amaanam esịd ammọ asana ke mbuọdidem. 10Ndin idahami, nsinam ndufo enwana adidomo Abasi idomo ke adiben akpọnọ ñkọọñ mme Gentile ke itọñ, utọ akpọnọ a-ñnyịn ye mme ete ñnyịn imiikikanna ibiom? 11Iyoo! Ñnyịn iminịm ke ato ke mfọn Abọọñ ñnyịn Yisọs ke inyaaña ñnyịn, naña enyʌñ enyaaña ammọ.”
12Afịd esob emaedop uyio enyʌñ ekpañ utọñ enọ Banabas ye Pọọl naña ammọ eketañña ebaña mme utịppeñkpọ ye mme idiọọñọ a-Abasi akenamma ato ammọ ke atu mme Gentile. 13Ke ammọ emaekekweñe, Yems amaasio uyio abo ate, “Nditọeka ke Krais, ikpañ utọñ innọ. 14Saimọn#15:14 Ke usem Greek ekootSimiọnasʌk ado Saimọnanyʌññọ asʌk ado Pita Pita a-atatañ inọ ñnyịn naña Abasi akebem iso akere ñkpọ abaña mme Gentile ke adimek mme awo ke atu ammọ nnọọ idem amọ. 15Mme ikọ prọfed e-edukemme ye ñkpọ ami, naña ewet ete:
16“ ‘Ke ñkpọ ami amaaboiyo,
ami ñyaatịmme ndi ñnyʌñ ndibọp ñwuudo atayad Defid.
Ami ñyaamaana mbọp ñwuudo amọ,
ñnyʌñ mmaana ndiọñ anye nọ aba naña akesiba,
17nọ ñyọhọnsʌhọ uduud awo eyem Abọọñ Abasi,
idem afịd mme Gentile e-ekereke anyịñ mmi,
Abasi a-anamma mme ñkpọ ami abo,’
18mme ñkpọ e-emaekedọdiọọñọ ke anyan ini a-akeboiyoke.
19“Ubiereikpe mmi ado, yak ñnyịn ikuunam ñkpọ asọsọñ anọ mme Gentile e-ekannake ebịne Abasi. 20Utu ke ado, yak ñnyịn iwet inọ ammọ ibo yak ammọ esịññe idem ekpọñ mme ndidia e-ewaaha enọ mme ndem, ekpọñ use ye efịbe, ekpọñ unam e-efiakkakefiakka itọñ ewot, enyʌñ ekpọñ adita iyiib. 21Sia tọọñọ ke ataa esed, emaekwọrọ mbed Moses ke afịd abio tutu mfịn ami enyʌñ ekoot anye ke mme sinakọk ke afịd usen Sabad.”
Esob Enọ Ñwed Esọk mme Gentile
22Ndin mme abọsịd ye mme adaiwuod ufọkabasi, ye afịd ufọkabasi emaebiide adimek awo ke atu ammọ ñnyʌñ ndọñ eka Antiọk ye Pọọl ye Banabas. Ammọ emaemek Yudas (e-ekekoodo Basabas) ye Sailas, awo iba e-ekedoññoke mme adaiwuod ke atu mme andinịm ke akpanikọ. 23Emaenọ ammọ ñwedetob e-ekewette ntom:
Ñnyịn mme abọsịd ye mme adaiwuod ufọkabasi, nditọete ndufo, iwet ñwed ami
inọ esọk mme Gentile e-enịmme Abasi ke akpanikọ e-ebaaha ke Antiọk, Siria ye Silisia:
Ekọọm do-o.
24Imaikop ke ubaak awo emaeto ke atu ñnyịn, akpesʌkado ammọ imiikibọọhọ ñnyịn adudu, edifịna ndufo enyʌñ etịmede esịd ndufo akeene se ammọ eketañ. 25Ke ntoro, afịd ñnyịn imainyịmme adimek mme awo ñnyʌñ nnọọ ammọ isọk ndufo ñkọrọ mme ndima ufan ñnyịn Banabas ye Pọọl, 26ideen e-emaekesaana itoñ uwem ammọ eyaak ke abaña anyịñ Abọọñ ñnyịn Yisọs Krais. 27Ndin ñnyịn imidọñ Yudas ye Sailas edisọọñọ se ñnyịn iwet ke aditañ ikọ ami ke inua ammọ. 28Adisana Sịbidịd ye ñnyịn imikịt ibo ke a-afọn aditre adinọ ndufo mbiomo mfen ñkan ñkpọ ifañ ami a-ndufo enieghe adinam. 29Ana ndufo ebet mme ndidia e-ewaaha enọ mme ndem, ebet adita iyiib, ebet unam e-efiakkakefiakka itọñ ewot, enyʌñ etre use ye efịbe. Ndufo eyaenam afọn adieke ndufo ekpọññọ mme ñkpọ ami.
Itie sʌñ.
30Ke emaekesio mbon ami nọ eka, ammọ emaesọiyọ ekewuọ Antiọk, itie a-ammọ ekekootto ufọkabasi ebək enyʌñ ekappa ñwedetob ado enọ ammọ. 31Mbio Antiọk emaekoot ñwed ado enyʌñ edat esịd ke ikọ nsọọñọidem ammọ. 32Yudas ye Sailas, e-ekedooho mme prọfed, emaetañ uwak ikọ adisọọñọ mme andinịm ke akpanikọ idem. 33Ke emaekeba do, mme andinịm ke akpanikọ ke Antiọk emaesio ammọ unyọñ ye adidiọñ emem, ke ammọ aditịmme ñnyọñ mbịne mbon e-ekedọññọ ammọ utom. 34Sailas amaabiide adisʌhọ do. 35Ado Pọọl ye Banabas ye uwak mbon mfen emaesuuk eba ke Antiọk enyʌñ ekwọrọ ikọ Abọọñ.
Pọọl Atọhọ ye Banabas
36Ke etək ini amaakeboiyo, Pọọl amaabo Banabas, “Yak ñnyịn itịmme ika ikise nditọeka mme andinịm ke akpanikọ ke afịd abio a-ñnyịn ikikwọrọke ikọ Abọọñ inọọ, inyʌñ ise naña aba ye ammọ.” 37Banabas amaayem Yọọn, e-ekekoodo Maak, akpekeene asaña ye ammọ, 38ado Pọọl ikikereke ke a-afọn ntoro, sia Yọọn amaakpọñ ammọ ke Pamfilia, ikinyʌññọ ikeene ammọ inam utom aba. 39Akpọsọñ mfaña ye eniin amaaba ke ufọọd ammọ tutu akewuọ se ammọ ediañña nsaña. Banabas amaaben Maak akaa Saiprọs, 40ado Pọọl amaamek adisana ye Sailas, ke mme andinịm ke akpanikọ emaekeyaak ammọ esịn ke ubọk mfọn Abọọñ. 41Pọọl amaasaña aboiyo Siria ye Silisia anyʌñ asọọñọ mme ufọkabasi idem.
Iliyochaguliwa sasa
Utom Mme Abọsịd 15: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 15
15
Esob Yeruselem
1Ubaak awo emaeto Yudia esọiyọ edi Antiọk enyʌñ etọọñọ adikpeep mme andinịm ke akpanikọ, ebo: “Ibọhọke ndufo efọọrọ edʌd ekeene edu unañña ñkpọ naña Moses akekpeep, ndufo idiinieghe adinyaaña.” 2Ami amaadat akpọsọñ mfaaña ye eniin adi ke ufọọd Pọọl ye Banabas ye ammọ. Ke ntak ado, emaemek Pọọl ye Banabas edian ye usʌk mme andinịm ke akpanikọ mfen ete edọọk eka Yeruselem nọ ekekịt mme abọsịd ye mme adaiwuod ufọkabasi, ke abaña mfịna ami. 3Ufọkabasi emaenọ ammọ eka, ndin naña ammọ ekesañake eboiyo Fonisia ye Sameria, ammọ emaetañ naña mme Gentile ekekappa esịd. Etob ami amaanem afịd mme andinịm ke akpanikọ esịd eti-eti. 4Ke ini ammọ emaekediwuọ Yeruselem, ufọkabasi ye mme abọsịd ye mme adaiwuod ufọkabasi emaedaara ammọ, ammọ emaenyʌñ ebʌk afịd se Abasi akedat ammọ anam.
5Ubaak mbon e-ekenịmme ke akpanikọ e-eketooho ñka mme Farisi, emaedaaña eda ebo ete, “Ana mme Gentile efọọrọ edʌd enyʌñ enịm mbed Moses.”
6Mme abọsịd ye mme adaiwuod ufọkabasi emaesoobo iwuod adikere mbaña mfịna ami. 7Ke emaeketañ ikọ ekpeene, Pita amaadakka ada atañ ikọ anọ ammọ ate: “Nditọete, ndufo emediọọñọ ke ataa anyan ini a-akeboiyoke, Abasi amammek miin ke atu ndufo abo ke ana mme Gentile ekop eti etob eto inua mmi enyʌñ enịm ke akpanikọ. 8Abasi, a-adiọọñọke esịd awo, amaawọt ke imidat ammọ isịn ke atu ato ke adinọ Adisana Sịbidịd asọk ammọ ukem naña anye akenam inọọ ñnyịn. 9Abasi ikisịnne adusad ke ufọọd ñnyịn ye ammọ sia anye amaanam esịd ammọ asana ke mbuọdidem. 10Ndin idahami, nsinam ndufo enwana adidomo Abasi idomo ke adiben akpọnọ ñkọọñ mme Gentile ke itọñ, utọ akpọnọ a-ñnyịn ye mme ete ñnyịn imiikikanna ibiom? 11Iyoo! Ñnyịn iminịm ke ato ke mfọn Abọọñ ñnyịn Yisọs ke inyaaña ñnyịn, naña enyʌñ enyaaña ammọ.”
12Afịd esob emaedop uyio enyʌñ ekpañ utọñ enọ Banabas ye Pọọl naña ammọ eketañña ebaña mme utịppeñkpọ ye mme idiọọñọ a-Abasi akenamma ato ammọ ke atu mme Gentile. 13Ke ammọ emaekekweñe, Yems amaasio uyio abo ate, “Nditọeka ke Krais, ikpañ utọñ innọ. 14Saimọn#15:14 Ke usem Greek ekootSimiọnasʌk ado Saimọnanyʌññọ asʌk ado Pita Pita a-atatañ inọ ñnyịn naña Abasi akebem iso akere ñkpọ abaña mme Gentile ke adimek mme awo ke atu ammọ nnọọ idem amọ. 15Mme ikọ prọfed e-edukemme ye ñkpọ ami, naña ewet ete:
16“ ‘Ke ñkpọ ami amaaboiyo,
ami ñyaatịmme ndi ñnyʌñ ndibọp ñwuudo atayad Defid.
Ami ñyaamaana mbọp ñwuudo amọ,
ñnyʌñ mmaana ndiọñ anye nọ aba naña akesiba,
17nọ ñyọhọnsʌhọ uduud awo eyem Abọọñ Abasi,
idem afịd mme Gentile e-ekereke anyịñ mmi,
Abasi a-anamma mme ñkpọ ami abo,’
18mme ñkpọ e-emaekedọdiọọñọ ke anyan ini a-akeboiyoke.
19“Ubiereikpe mmi ado, yak ñnyịn ikuunam ñkpọ asọsọñ anọ mme Gentile e-ekannake ebịne Abasi. 20Utu ke ado, yak ñnyịn iwet inọ ammọ ibo yak ammọ esịññe idem ekpọñ mme ndidia e-ewaaha enọ mme ndem, ekpọñ use ye efịbe, ekpọñ unam e-efiakkakefiakka itọñ ewot, enyʌñ ekpọñ adita iyiib. 21Sia tọọñọ ke ataa esed, emaekwọrọ mbed Moses ke afịd abio tutu mfịn ami enyʌñ ekoot anye ke mme sinakọk ke afịd usen Sabad.”
Esob Enọ Ñwed Esọk mme Gentile
22Ndin mme abọsịd ye mme adaiwuod ufọkabasi, ye afịd ufọkabasi emaebiide adimek awo ke atu ammọ ñnyʌñ ndọñ eka Antiọk ye Pọọl ye Banabas. Ammọ emaemek Yudas (e-ekekoodo Basabas) ye Sailas, awo iba e-ekedoññoke mme adaiwuod ke atu mme andinịm ke akpanikọ. 23Emaenọ ammọ ñwedetob e-ekewette ntom:
Ñnyịn mme abọsịd ye mme adaiwuod ufọkabasi, nditọete ndufo, iwet ñwed ami
inọ esọk mme Gentile e-enịmme Abasi ke akpanikọ e-ebaaha ke Antiọk, Siria ye Silisia:
Ekọọm do-o.
24Imaikop ke ubaak awo emaeto ke atu ñnyịn, akpesʌkado ammọ imiikibọọhọ ñnyịn adudu, edifịna ndufo enyʌñ etịmede esịd ndufo akeene se ammọ eketañ. 25Ke ntoro, afịd ñnyịn imainyịmme adimek mme awo ñnyʌñ nnọọ ammọ isọk ndufo ñkọrọ mme ndima ufan ñnyịn Banabas ye Pọọl, 26ideen e-emaekesaana itoñ uwem ammọ eyaak ke abaña anyịñ Abọọñ ñnyịn Yisọs Krais. 27Ndin ñnyịn imidọñ Yudas ye Sailas edisọọñọ se ñnyịn iwet ke aditañ ikọ ami ke inua ammọ. 28Adisana Sịbidịd ye ñnyịn imikịt ibo ke a-afọn aditre adinọ ndufo mbiomo mfen ñkan ñkpọ ifañ ami a-ndufo enieghe adinam. 29Ana ndufo ebet mme ndidia e-ewaaha enọ mme ndem, ebet adita iyiib, ebet unam e-efiakkakefiakka itọñ ewot, enyʌñ etre use ye efịbe. Ndufo eyaenam afọn adieke ndufo ekpọññọ mme ñkpọ ami.
Itie sʌñ.
30Ke emaekesio mbon ami nọ eka, ammọ emaesọiyọ ekewuọ Antiọk, itie a-ammọ ekekootto ufọkabasi ebək enyʌñ ekappa ñwedetob ado enọ ammọ. 31Mbio Antiọk emaekoot ñwed ado enyʌñ edat esịd ke ikọ nsọọñọidem ammọ. 32Yudas ye Sailas, e-ekedooho mme prọfed, emaetañ uwak ikọ adisọọñọ mme andinịm ke akpanikọ idem. 33Ke emaekeba do, mme andinịm ke akpanikọ ke Antiọk emaesio ammọ unyọñ ye adidiọñ emem, ke ammọ aditịmme ñnyọñ mbịne mbon e-ekedọññọ ammọ utom. 34Sailas amaabiide adisʌhọ do. 35Ado Pọọl ye Banabas ye uwak mbon mfen emaesuuk eba ke Antiọk enyʌñ ekwọrọ ikọ Abọọñ.
Pọọl Atọhọ ye Banabas
36Ke etək ini amaakeboiyo, Pọọl amaabo Banabas, “Yak ñnyịn itịmme ika ikise nditọeka mme andinịm ke akpanikọ ke afịd abio a-ñnyịn ikikwọrọke ikọ Abọọñ inọọ, inyʌñ ise naña aba ye ammọ.” 37Banabas amaayem Yọọn, e-ekekoodo Maak, akpekeene asaña ye ammọ, 38ado Pọọl ikikereke ke a-afọn ntoro, sia Yọọn amaakpọñ ammọ ke Pamfilia, ikinyʌññọ ikeene ammọ inam utom aba. 39Akpọsọñ mfaña ye eniin amaaba ke ufọọd ammọ tutu akewuọ se ammọ ediañña nsaña. Banabas amaaben Maak akaa Saiprọs, 40ado Pọọl amaamek adisana ye Sailas, ke mme andinịm ke akpanikọ emaekeyaak ammọ esịn ke ubọk mfọn Abọọñ. 41Pọọl amaasaña aboiyo Siria ye Silisia anyʌñ asọọñọ mme ufọkabasi idem.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.