BaRoma 16
16
Ite ashow igang e
1In shim in ki tonong yin anganeng yit aFibi, anet itomong nate bafi ikuus fɛ́ ba se na aKɛnkɛrɛya. 2Imi shim ni i ku shan ni irèn fɛ́ bafi ikuus di shashang bafidang. Ku nɔɔk yin kaakyi kuri igbingding fɛ́ a da tsɛt ni yin, nek iwu ice wu, a mi gbinding banet dot ngma ni imi.
3Di te show yin aPrisila nɛ Akwila, bafidang itomong hom na Anet-Isheshek aYeso. 4Ba nɔɔk nwaa kutset bá nek imi. Imi azimin kyek awo, awɛt ngma ni nshɛrɛp bafi ikuus Ícɛn-iduk bi iyɛ ikan sak ni ba.
5Di te show bafi ikuus fɛ́ ba nyis ari bá.
Di te show yin icɛk iyɛ hom aEfenitus, anet imɛsɛng fɛ́ a kin tun shan aKristi ni mben Asiya ngma kusum.
6Di te show yin aMarya, iwu fɛ́ a di ngu ice ni kutomong nek iyin.
7Di te show yin Andaronikus nɛ aJuniyas, bafi izit in fɛ́ ba kin se ari nyang gung ni imi. Iba fɛ́ ba mak ka ba rēn kaakɛ ayɛt batom-aYeso, iba kin tin shan aYeso aza min.
8Di te show yin icɛk iyɛ hom ayɛt aTisa, Amfiliyatus.
9Di te show yin aUrbanus, afidang itomong yit ayɛt Anet-Isheshek, ni icɛk iyɛ hom aSitakis.
10Di te show yin Afalis, anet fɛ́ ba mi ku mara, a nyeseng gak na Anet-Isheshek.
Di te show yin bafɛ́ ari Aristobulus.
11Di te show yin aHirodiyɔn, afi izit hom.
Di te show yin bafɛ́ ari aNasisus fɛ́ ba se ni ikuus aTisa.
12Di te show yin aTirayifina nɛ aTirayifusa, banyining fɛ́ ba di ngu ice ni kutomong aTisa.
Di te show yin icɛk iyɛ hom aPasis, azining ayɛt banyining fɛ́ ba di ngu ice ayɛt kutomong aTisa.
13Di te show yin aRufus, anet fɛ́ ba ku kasa ni kutomong aTisa. Ni ti di te show yin nggɔ wu, fɛ́ a di sok tɛ ari wu.
14Di te show yin Asinkritus nɛ aFiligon nɛ aHarmis nɛ aPaturobas nɛ aHarmas ni nshɛrɛp baruneng fɛ́ ba se gung ni iba.
15Di te show yin aFilologus nɛ aJuliya nɛ aNeriyus nɛ anganeng bá nɛ aOlimpas ni nshɛrɛp bafi ikuus fɛ́ ba se gung ni iba.
16Te show yin bafidang ni ite ngmak aJɛrɛ. Ngma bafi ikuus Anet-Isheshek tsin ki nye yin ashow.
Itabak igang e
17Ábaruneng, in tsin ra awon ni yin, nye yin yɛɛt na bayɔng fɛ́ ba bɛ́s ni ikaba, na ba ki ro yin inye ikyɛng fɛ́ ba man ki tees yin. Nyeseng yin atsitse ni iba. 18Nek kuri bayɔng tsin ra kutomong nek aTisa yit Anet-Isheshek awo, tit ifɛ́ nafa bá kyɛk. Ayɛt nta ncɛɛt bá ni itere mbɔɔs, ba di wɔrɔsɔ banet fɛ́ ba se vit itsɛ́ng. 19Nek kaangan mi fok ifoos ifɛ̀ fi i bɛ̀ yin, nek anɔng, in bi ifeng nek iyin, awɛt imi shim ni i sot yin tsɛngtsɛng naton ikyɛng fi i yet itek, ni ma kusu yin mbɔk yin ni ikyɛng fi i yet imaan e.
20Adakunom fɛ́ a nesek kusot kukyang, ngmash na a fɛlɛ aShetan na atas atak yin.
Won itek aTisa yit aYeso, i di nak gung ni iyin.
21Afidang itomong in aTimoti ki nye show yin; nɛ aLushiyos nɛ aJasɔn nɛ aSosipata bafi izit hom.
22Imi aTatiyus fi in jɛk kufumung kang, in tsin ki te show yin ayɛt aTisa yit.
23AGayus anet fi in tik ari wu, ayɔng fɛ́ bafi ikuus ngma nyis ari wu, tsin ki te show yin.
Arastus, akɔk-ashon bafi itomong iwɔp nɛ aruneng yit aKwartus, ki nye show yin. 24Won itek aTisa yit aYeso Kristi ni i sot gung ni yin ngma. Anɔng.#16:24 Afumung akak fɛ́ ba kin jɛk ina ni mbɔk afɛ́ ashon da a bi ibyat ifi 24 awo.
ABulus fam na awon
25Won ízɔk ni i sot ifɛ́ Adakunom, iwu fɛ́ a bɛ̀ kukyem a ki te tsik yin ayɛt inɔɔk atsak yin nek ifɛ̀ itek fi in shara naton aYeso Kristi. Ifɛ̀ itek e dɔng fi i tsang se ni nɛt na ayɛ ama, 26awɛt yɔkɔnɔng, ba mi tun ide wɛshɛk ni ijɛk batan. Wat Adakunom vit nkum kin fɛ̀ na ba tonong ide ngma sak ni Icɛ́n azatse, nɔng ba bin di nɔɔk atsak na ba foos ifɛ̀ me. 27Won ízɔk ni i sot ifɛ́ Adakunom, iwu aziwu kyɛk fɛ́ a yet atsitsɛng, ayɛt aYeso Kristi ayɛ na ayɛ! Anɔng.
Iliyochaguliwa sasa
BaRoma 16: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
BaRoma 16
16
Ite ashow igang e
1In shim in ki tonong yin anganeng yit aFibi, anet itomong nate bafi ikuus fɛ́ ba se na aKɛnkɛrɛya. 2Imi shim ni i ku shan ni irèn fɛ́ bafi ikuus di shashang bafidang. Ku nɔɔk yin kaakyi kuri igbingding fɛ́ a da tsɛt ni yin, nek iwu ice wu, a mi gbinding banet dot ngma ni imi.
3Di te show yin aPrisila nɛ Akwila, bafidang itomong hom na Anet-Isheshek aYeso. 4Ba nɔɔk nwaa kutset bá nek imi. Imi azimin kyek awo, awɛt ngma ni nshɛrɛp bafi ikuus Ícɛn-iduk bi iyɛ ikan sak ni ba.
5Di te show bafi ikuus fɛ́ ba nyis ari bá.
Di te show yin icɛk iyɛ hom aEfenitus, anet imɛsɛng fɛ́ a kin tun shan aKristi ni mben Asiya ngma kusum.
6Di te show yin aMarya, iwu fɛ́ a di ngu ice ni kutomong nek iyin.
7Di te show yin Andaronikus nɛ aJuniyas, bafi izit in fɛ́ ba kin se ari nyang gung ni imi. Iba fɛ́ ba mak ka ba rēn kaakɛ ayɛt batom-aYeso, iba kin tin shan aYeso aza min.
8Di te show yin icɛk iyɛ hom ayɛt aTisa, Amfiliyatus.
9Di te show yin aUrbanus, afidang itomong yit ayɛt Anet-Isheshek, ni icɛk iyɛ hom aSitakis.
10Di te show yin Afalis, anet fɛ́ ba mi ku mara, a nyeseng gak na Anet-Isheshek.
Di te show yin bafɛ́ ari Aristobulus.
11Di te show yin aHirodiyɔn, afi izit hom.
Di te show yin bafɛ́ ari aNasisus fɛ́ ba se ni ikuus aTisa.
12Di te show yin aTirayifina nɛ aTirayifusa, banyining fɛ́ ba di ngu ice ni kutomong aTisa.
Di te show yin icɛk iyɛ hom aPasis, azining ayɛt banyining fɛ́ ba di ngu ice ayɛt kutomong aTisa.
13Di te show yin aRufus, anet fɛ́ ba ku kasa ni kutomong aTisa. Ni ti di te show yin nggɔ wu, fɛ́ a di sok tɛ ari wu.
14Di te show yin Asinkritus nɛ aFiligon nɛ aHarmis nɛ aPaturobas nɛ aHarmas ni nshɛrɛp baruneng fɛ́ ba se gung ni iba.
15Di te show yin aFilologus nɛ aJuliya nɛ aNeriyus nɛ anganeng bá nɛ aOlimpas ni nshɛrɛp bafi ikuus fɛ́ ba se gung ni iba.
16Te show yin bafidang ni ite ngmak aJɛrɛ. Ngma bafi ikuus Anet-Isheshek tsin ki nye yin ashow.
Itabak igang e
17Ábaruneng, in tsin ra awon ni yin, nye yin yɛɛt na bayɔng fɛ́ ba bɛ́s ni ikaba, na ba ki ro yin inye ikyɛng fɛ́ ba man ki tees yin. Nyeseng yin atsitse ni iba. 18Nek kuri bayɔng tsin ra kutomong nek aTisa yit Anet-Isheshek awo, tit ifɛ́ nafa bá kyɛk. Ayɛt nta ncɛɛt bá ni itere mbɔɔs, ba di wɔrɔsɔ banet fɛ́ ba se vit itsɛ́ng. 19Nek kaangan mi fok ifoos ifɛ̀ fi i bɛ̀ yin, nek anɔng, in bi ifeng nek iyin, awɛt imi shim ni i sot yin tsɛngtsɛng naton ikyɛng fi i yet itek, ni ma kusu yin mbɔk yin ni ikyɛng fi i yet imaan e.
20Adakunom fɛ́ a nesek kusot kukyang, ngmash na a fɛlɛ aShetan na atas atak yin.
Won itek aTisa yit aYeso, i di nak gung ni iyin.
21Afidang itomong in aTimoti ki nye show yin; nɛ aLushiyos nɛ aJasɔn nɛ aSosipata bafi izit hom.
22Imi aTatiyus fi in jɛk kufumung kang, in tsin ki te show yin ayɛt aTisa yit.
23AGayus anet fi in tik ari wu, ayɔng fɛ́ bafi ikuus ngma nyis ari wu, tsin ki te show yin.
Arastus, akɔk-ashon bafi itomong iwɔp nɛ aruneng yit aKwartus, ki nye show yin. 24Won itek aTisa yit aYeso Kristi ni i sot gung ni yin ngma. Anɔng.#16:24 Afumung akak fɛ́ ba kin jɛk ina ni mbɔk afɛ́ ashon da a bi ibyat ifi 24 awo.
ABulus fam na awon
25Won ízɔk ni i sot ifɛ́ Adakunom, iwu fɛ́ a bɛ̀ kukyem a ki te tsik yin ayɛt inɔɔk atsak yin nek ifɛ̀ itek fi in shara naton aYeso Kristi. Ifɛ̀ itek e dɔng fi i tsang se ni nɛt na ayɛ ama, 26awɛt yɔkɔnɔng, ba mi tun ide wɛshɛk ni ijɛk batan. Wat Adakunom vit nkum kin fɛ̀ na ba tonong ide ngma sak ni Icɛ́n azatse, nɔng ba bin di nɔɔk atsak na ba foos ifɛ̀ me. 27Won ízɔk ni i sot ifɛ́ Adakunom, iwu aziwu kyɛk fɛ́ a yet atsitsɛng, ayɛt aYeso Kristi ayɛ na ayɛ! Anɔng.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.