AMarkus 2
2
AYeso te anet fɛ́ a bɔrɔng nɛ aduru irɔm kyang
(AMatiyu 9:2-8; ALuka 5:18-26)
1Ama nkɔs gyet, aYeso tɛ a bun sak na aKafarnahum, banet fok, fok a mi bɛ́s wu ari. 2Nek anɔng, kudyɛng banet ka na tusung, banet shining kutu me sak amatse vit kawat ngma kusum sak atisi itu me. AYeso ma ka ba shara ifɛ̀ itek. 3Banet bakak ne na anet akak fɛ́ a bɔrɔng nɛ aduru irɔm, ba ku sok iba banaas. 4Nek ba bit kawat fɛ́ ba di ki got ni wu sak narɔ aYeso, nek kudyɛng banet e, ba tsɛ ba ta ibong na agubuk itu me kpaf ni ice aYeso, ama fɛ́ ba mi ta ibong e, ba tik na kameneng e na afi irɔk e ni ka. 5Fɛ́ aYeso di inɔɔk atsak bà, a fɛ̀ nɛ anet irɔk aduru irɔm e, “Nggon, ba mi da fuut anɛn ngɔn.”
6Ni izen e yɔng, bafi itees ntsi aMusa bakak kin se ni sonong azɔng, ba se ni kuyiring wɔɔn ba fok, 7“Akyɛ sak fɛ́ anet yong cɛɛt anɔng ɛ? Di yin fɛ́ a tsin beseng iyerek Adakunom! Angan kyem na a fuut anɛn kɛ da Adakunom aziwu awɛ?”
8Ni izen izining aYeso wat a rēn ni iyɛ wu, ikyɛng fɛ́ ba se ni iyiring na ayɛ bá, a fɛ̀ ni iba, “Akyɛ sak fi i tsin nye yin kuri kuyiring yɔng ɛ? 9Ingan deng de fi idung se byɛrɛ yɛ? Na ba fɛ̀ na anet irɔk e, ‘Ba mi da fuut anɛn ngɔn,’ kɛ na ba fɛ̀ ni wu, ‘Dorok, sok kameneng ngɔn, da tseng ɛ’? 10Awɛt nek iyin di ki rēn yin fok Arim Anet bi ice azatse na fuut anɛn.” A fɛ̀ na anet irɔk aduru irɔm e, 11“Imi fɛ̀ ni ngɔn, dorok tsik, sok kameneng ngɔn, tseng sak ari.” 12A dorok tsik, a sok kameneng wu, a wuruk amatse na ayisi banet ngma. Ikyɛng e te banet ngma kusum yɔɔt, ba tere Adakunom, na ba nye, “Iyit ki mang di yit ikikak ti ideng awo!”
AYeso yes aLawi
13AYeso tɛ a wuruk sak abak izek aGalili. Kudyɛng banet nes, na ya kashon i ka ba tees. 14Na tsin se ni kutseet, a di aLawi arim Alfayus ni sonong ayɛt kubut ishashang itsɔm mben, aYeso fɛ̀ ni wu, “Di kuus mo,” aLawi dorok, a kpa ku kuus mo.
15Ni izen fɛ́ aYeso kin se ni iya kuyak atuk ari aLawi, banet ishashang itsɔm mben dot nɛ bafi inɛn kin se ni iyas gung ni wu nɛ bafi imɛɛs wu, nek banet kin se dot fɛ́ ba kin ku kuus mo. 16Ni izen fɛ́ bafi itees ntsi aMusa fɛ́ ba yet BaFarasi, ku di a tsin yas na bafi inɛn nɛ bafi ishashang itsɔm mben, ba rip bafi imɛɛs wu yɛ, “Akyɛ sak fɛ́ a yas nɛ bafi ishashang itsɔm mben nɛ bafi inɛn ɛ?”
17Ni fok anɔng, aYeso fɛ̀ ni ba, “Da ayet bafi kukyang ba fɛ̀ ba tsɛt abok awo, tit bafi irɔk. Da imi bɛ́ nek iyes bafi kusot kutabat awo, tit bayɔng fɛ́ ba yet bafi inɛn.”
Ba nye aYeso irip naton itekap anu
18Ni izen e yɔng, bafi imɛɛs aYohana anet abatisma nɛ BaFarasi kin se ni itekap anu. Banet bakak tsɛ ba rip aYeso fok, “Akyɛ sak fɛ́ bafi imɛɛs aYohana nɛ bafi imɛɛs BaFarasi se ni itekap anu, awɛt bafɔɔn tsan anɛ ba ra awɛ?”
19AYeso ka ba bun ni ifɛ yɛ, “Ba da tsan anɛ ba sak bafidang amatek agwol na ba tekap nanu, ni iwu rēn resek gung ni iba yɛ? Ba da kyem ba nye anɔng ni iwu resek mo gung ni ba awo. 20Awɛt izen bi nye fɛ́ ba bi sok amatek agwol e ni bá. Atuk e yɔng, ba bi tekap nanu.”
21“Vit anet fɛ́ a sok icɛk ikpin ifas na di toos ibong kugyɛt ikpin, nek kɛ a nye anɔng, ni icɛk ikpin ifas e, sam agyɛt ikpin e, ni ibong e ban sarak. 22Vit anet fɛ́ a korok ashi anap afas ni itsung-kuruu kuzen, nek kɛ a nye anɔng, ashi anap e da fo kuruu me, na ba bit ashi anap e ni kuruu me. Da ba nye anɔng awo, ba korok ashi anap afas e ni kuruu kufas.”
AYeso yet aTisa kunom aSabat
23Atuk aSabat akak, aYeso kin se ni igot nate akɔ alikama, na ba se ni kutseet, bafi imɛɛs wu hwyii ace alikama. 24BaFarasi fɛ̀ na aYeso, “Di, akyɛ sak fɛ́ ba ras ikyɛng fi ntsi ro ni ira me atuk aSabat ɛ?”
25AYeso ka ba bun ni ifɛ̀ yɛ, “Iyin ki mang fa yin ikyɛng fɛ́ Agbat agwɔm aDauda kin nye, ni izen fi iwu nɛ bafi itseet wu kin fok izong, ba tsɛt ikyɛng iya awɛ? 26Ni izen fɛ́ Abiyatar kin yet agbat àware, agwɔm aDauda me, kin tsɛ a nɔ ni itɔmɔng Adakunom, a tsɛ a ya akpam ntsi Adakunom, a nɔɔk bafi itseet wu bà. Akpam me yɔng fi in ntsi fɛ̀ baware ba kyɛk fɛ́ ba ya.”
27AYeso ma fɛ̀ ni ba, “Ba nye aSabat nek anet awe, da anet awe nek aSabat awo. 28Nek anɔng, Arim Anet wu a yet aTisa ngma nɛ afɛ́ aSabat.”
Iliyochaguliwa sasa
AMarkus 2: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 2
2
AYeso te anet fɛ́ a bɔrɔng nɛ aduru irɔm kyang
(AMatiyu 9:2-8; ALuka 5:18-26)
1Ama nkɔs gyet, aYeso tɛ a bun sak na aKafarnahum, banet fok, fok a mi bɛ́s wu ari. 2Nek anɔng, kudyɛng banet ka na tusung, banet shining kutu me sak amatse vit kawat ngma kusum sak atisi itu me. AYeso ma ka ba shara ifɛ̀ itek. 3Banet bakak ne na anet akak fɛ́ a bɔrɔng nɛ aduru irɔm, ba ku sok iba banaas. 4Nek ba bit kawat fɛ́ ba di ki got ni wu sak narɔ aYeso, nek kudyɛng banet e, ba tsɛ ba ta ibong na agubuk itu me kpaf ni ice aYeso, ama fɛ́ ba mi ta ibong e, ba tik na kameneng e na afi irɔk e ni ka. 5Fɛ́ aYeso di inɔɔk atsak bà, a fɛ̀ nɛ anet irɔk aduru irɔm e, “Nggon, ba mi da fuut anɛn ngɔn.”
6Ni izen e yɔng, bafi itees ntsi aMusa bakak kin se ni sonong azɔng, ba se ni kuyiring wɔɔn ba fok, 7“Akyɛ sak fɛ́ anet yong cɛɛt anɔng ɛ? Di yin fɛ́ a tsin beseng iyerek Adakunom! Angan kyem na a fuut anɛn kɛ da Adakunom aziwu awɛ?”
8Ni izen izining aYeso wat a rēn ni iyɛ wu, ikyɛng fɛ́ ba se ni iyiring na ayɛ bá, a fɛ̀ ni iba, “Akyɛ sak fi i tsin nye yin kuri kuyiring yɔng ɛ? 9Ingan deng de fi idung se byɛrɛ yɛ? Na ba fɛ̀ na anet irɔk e, ‘Ba mi da fuut anɛn ngɔn,’ kɛ na ba fɛ̀ ni wu, ‘Dorok, sok kameneng ngɔn, da tseng ɛ’? 10Awɛt nek iyin di ki rēn yin fok Arim Anet bi ice azatse na fuut anɛn.” A fɛ̀ na anet irɔk aduru irɔm e, 11“Imi fɛ̀ ni ngɔn, dorok tsik, sok kameneng ngɔn, tseng sak ari.” 12A dorok tsik, a sok kameneng wu, a wuruk amatse na ayisi banet ngma. Ikyɛng e te banet ngma kusum yɔɔt, ba tere Adakunom, na ba nye, “Iyit ki mang di yit ikikak ti ideng awo!”
AYeso yes aLawi
13AYeso tɛ a wuruk sak abak izek aGalili. Kudyɛng banet nes, na ya kashon i ka ba tees. 14Na tsin se ni kutseet, a di aLawi arim Alfayus ni sonong ayɛt kubut ishashang itsɔm mben, aYeso fɛ̀ ni wu, “Di kuus mo,” aLawi dorok, a kpa ku kuus mo.
15Ni izen fɛ́ aYeso kin se ni iya kuyak atuk ari aLawi, banet ishashang itsɔm mben dot nɛ bafi inɛn kin se ni iyas gung ni wu nɛ bafi imɛɛs wu, nek banet kin se dot fɛ́ ba kin ku kuus mo. 16Ni izen fɛ́ bafi itees ntsi aMusa fɛ́ ba yet BaFarasi, ku di a tsin yas na bafi inɛn nɛ bafi ishashang itsɔm mben, ba rip bafi imɛɛs wu yɛ, “Akyɛ sak fɛ́ a yas nɛ bafi ishashang itsɔm mben nɛ bafi inɛn ɛ?”
17Ni fok anɔng, aYeso fɛ̀ ni ba, “Da ayet bafi kukyang ba fɛ̀ ba tsɛt abok awo, tit bafi irɔk. Da imi bɛ́ nek iyes bafi kusot kutabat awo, tit bayɔng fɛ́ ba yet bafi inɛn.”
Ba nye aYeso irip naton itekap anu
18Ni izen e yɔng, bafi imɛɛs aYohana anet abatisma nɛ BaFarasi kin se ni itekap anu. Banet bakak tsɛ ba rip aYeso fok, “Akyɛ sak fɛ́ bafi imɛɛs aYohana nɛ bafi imɛɛs BaFarasi se ni itekap anu, awɛt bafɔɔn tsan anɛ ba ra awɛ?”
19AYeso ka ba bun ni ifɛ yɛ, “Ba da tsan anɛ ba sak bafidang amatek agwol na ba tekap nanu, ni iwu rēn resek gung ni iba yɛ? Ba da kyem ba nye anɔng ni iwu resek mo gung ni ba awo. 20Awɛt izen bi nye fɛ́ ba bi sok amatek agwol e ni bá. Atuk e yɔng, ba bi tekap nanu.”
21“Vit anet fɛ́ a sok icɛk ikpin ifas na di toos ibong kugyɛt ikpin, nek kɛ a nye anɔng, ni icɛk ikpin ifas e, sam agyɛt ikpin e, ni ibong e ban sarak. 22Vit anet fɛ́ a korok ashi anap afas ni itsung-kuruu kuzen, nek kɛ a nye anɔng, ashi anap e da fo kuruu me, na ba bit ashi anap e ni kuruu me. Da ba nye anɔng awo, ba korok ashi anap afas e ni kuruu kufas.”
AYeso yet aTisa kunom aSabat
23Atuk aSabat akak, aYeso kin se ni igot nate akɔ alikama, na ba se ni kutseet, bafi imɛɛs wu hwyii ace alikama. 24BaFarasi fɛ̀ na aYeso, “Di, akyɛ sak fɛ́ ba ras ikyɛng fi ntsi ro ni ira me atuk aSabat ɛ?”
25AYeso ka ba bun ni ifɛ̀ yɛ, “Iyin ki mang fa yin ikyɛng fɛ́ Agbat agwɔm aDauda kin nye, ni izen fi iwu nɛ bafi itseet wu kin fok izong, ba tsɛt ikyɛng iya awɛ? 26Ni izen fɛ́ Abiyatar kin yet agbat àware, agwɔm aDauda me, kin tsɛ a nɔ ni itɔmɔng Adakunom, a tsɛ a ya akpam ntsi Adakunom, a nɔɔk bafi itseet wu bà. Akpam me yɔng fi in ntsi fɛ̀ baware ba kyɛk fɛ́ ba ya.”
27AYeso ma fɛ̀ ni ba, “Ba nye aSabat nek anet awe, da anet awe nek aSabat awo. 28Nek anɔng, Arim Anet wu a yet aTisa ngma nɛ afɛ́ aSabat.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.