ALuka 9
9
AYeso tom bafi imɛɛs wu kusɔk abe afaa
(AMatiyu 10:5-15; AMarkus 6:7-13)
1Ama aYeso yes bafi imɛɛs wu kusɔk abe afaa me narɔ kazining, a ka ba nɔɔk agap ni ice, azaton kaakyɛ kuri aduk abik, ni ites banet kyang bà. 2A ma ka ba tom na ba tsɛ ba shara ifɛ̀ igwɔm Adakunom, na ba tes bafi nrɔk kyang. 3A fɛ̀ ni ba, “I bi sok yin ikyɛng kak nek kutseet e awo, i bi sok yin agbanding awo, i bi bereng yin amala awo, i bi bereng yin nayak awo, i bi bereng yin itsɔm awo, i bi bereng yin kukpin kukak awo. 4Kaakyɛ kari fi i di tik yin, sonong yin ari me yɔng sak atuk fi i bi dorok yin. 5Kaakye karɔ fɛ́ banet e raba dang ki shan yin, ki i da won yin karɔ me, ni waat yin kabung akpatak yin, nɔng ka bi sot kanu ifɛ̀ azaton ba.” 6Wat bafi imɛɛs e yit irèn, ba teng ba kat na naban wɔp, na ba shara ifɛ̀ itek e, na ba tes bafi nrɔk kyang kaakyɛ.
A te aHiridus kpɔrɔk
(AMatiyu 14:1-12; AMarkus 6:14-29)
7Ni izen fɛ́ aHiridus agwɔm mben aGalili, fok ngma ikyɛng fi i tsin te, a ku te kpɔrɔk makiyi, nek bakak se ni inye fok, “Ba mi dorok kukom aYohana anet abatisma.” 8Bakak ayɛt bá fɛ̀ yɛ, “AIliya yɔng a wuruk yɔng.” Na bakak nye yɛ, “Atan Adakunom afɛ́ aneme akak yɔng a tɛ a shemeng yɔng.”
9Awɛt aHiridus fɛ̀, “Yi in da nye anɛ! In ki mang sak ba di tɛn ice aYohana, wat angan yong a yet ayong, fi in foos ncɛɛt naton wu kong ɛ? A kpa tsɛt irèn fɛ́ a di ki nyim na aYeso.”
AYeso ya nɛ banet agup atoon
(AMatiyu 14:13-21; AMarkus 6:30-44; AYohana 6:1-14)
10Ni izen fɛ́ batom wu me bɛ́s ba, ba taas aYeso ikyɛng fɛ́ ba nye. Wat iwu ka ba sok, a tseng ni ba aziba sak ni wɔp kukak fɛ́ ba yes iko yɛ aBatseyida. 11Izen fɛ́ banet fok yɛ, a yɔng azɔng, ba ku kuus mo. A ka ba shan ni ku bɛ́, a ka ba tees ifɛ̀ igwɔm Adakunom. A tes banet nrɔk kyang.
12Ni izen fi kunom kpa, batom kusɔk abe afaa me, bɛ́ narɔ wu, ba fɛ̀ ni wu, “Te banet e ni irèn, nɔng ba bin tsees sak na naban nwɔp na nasa na bakat, nɔng ba bin tsɛ ba tsɛt narɔ ikɔs ni ikyɛng iya, nek karɔ kang yet kawɔ.”
13Awɛt aYeso fɛ̀ ni ba, “Iyin ka ba nɔɔk yin ikyɛng iya.” Ba fɛ̀, “Keykaa! Ngak ikyɛng fi in bɛ̀ yit ni bɔk yit yet; ágbang akpam atoon, ni ízos ifaa kyɛk, tit, ni in tsin shan yit akazik banet bang nayak.” 14(Kudot bamatek fɛ́ ba se azɔng, se agup atoon.)
AYeso fɛ̀ na bafi imɛɛs wu yɛ, “Ka ba saas yin na ba sosok, nsɔk ntitoon-ntitoon, kaakyɛ kusonong.” 15Bafi imɛɛs e, nye kpaf anɔng, ba ka ba te ba sosok. 16Wat aYeso sok ágbang akpam atoon e, ni ízos ifaa me, a nabak ayisi sak azanɛn, a di nɔɔk ifeng sak na Adakunom ni na. A ma kpa bushung ízos na akpam e, na nesek bafi imɛɛs wu, na ba kabasa banet e ne. 17Ba ya, ngma ba ba hwyas. Ama anɔng, bafi imɛɛs wu tusung abit-abit e fɛ́ a kyɛk, ba sɛ nakɔmɔng kusɔk abe afaa.
ABitrus fɛ̀ aYeso yet Anet-Isheshek e
(AMatiyu 16:13-19; AMarkus 8:27-29)
18Atuk akak, aYeso kin nɛt ice wu, a tsin ra awon, bafi imɛɛs wu kin se gung ni iwu. A ka ba nye irip yɛ, “Banet nye fok imi yet angan ɛ?”
19Ba fɛ̀ ni wu, “Bakak nye fok ngɔn yet aYohana anet abatisma, bakak nye fok ngɔn yet aIliya, na bakak nye fok ngɔn yet azining ayɛt batan aneme fi i ti dorok.”
20Wat aYeso tɛ a ka ba rip yɛ, “Wat iyin anɛ? Iyin di yes yin angan ɛ?”
ABitrus fɛ̀ ni wu, “Ngɔn yet Anet-Isheshek, ayɔng fɛ́ Adakunom myak nek isheshek banet.”
21AYeso ka ba kɔrɔk kuto na agap, yɛ da ba bi tak akak ifɛ̀ me awo. 22A tɛ bang fɛ̀ ni ba, “Arim Anet da sɔ izot makiyi: bashɔn, na agbat-áware, na bafi itees ntsi aMusa, da ku rawu, ba bi ku fɛt. Ni kunom kufɛ́ ataat, ba bi dorok kukom wu.”
23A ma fɛ̀ ni iba ngma yɛ, “Ngma ayɔng fɛ́ a shim a di kuus mo, i se gbing-gbing na a rawu ice wu, na a kok kukon itegak wu kaakyi izen, na di kuus mo. 24Nek ngma ayɔng fɛ́ a tsɛt a sheshek kutset wu, a da bit iko; awɛt ngma ayɔng fɛ́ a nɔɔk nwaa kutset wu nek imi, a bi sɛ iko. 25Kɛ anet sɛ kazatse kusum, a da nɛ a bit kutset wu, kɛ na bit ice wu ayi, wat itek e yet akyɛ? 26Ngma ayɔng fɛ́ a foos nsum min, ni ifɛ̀ hom, imi, Arim Anet, in bi fok nsum wu ni izen fi in bi bɛ́ ayɛt ízɔk in, ni ízɔk Ada hom, ni ízɔk batomaza bafɛ́ aJɛrɛ. 27Won in ki tak yin atsak, bakak fɛ́ ba se ni inyeseng azeng, ba bi di iku ninyɛn awo. Ba bi nɔ ni igwɔm Adakunom.”
Ba shesheng nse aYeso
(AMatiyu 17:1-8; AMarkus 9:2-8)
28Ama bakat nkɔs nkara fɛ́ aYeso nye ncɛɛt nang, a sok aBitrus, nɛ aYohana, nɛ aYakubu gung ni wu, ba tsɛ ba ngarak kuhwyanang nɔng ba bin ra awon. 29Ni wu se na awon, nse ayisi wu wat nshesheng, ares wu wat aron ti mgbɛy kunom. 30Ni izen izining, ba di banet bafaa, aMusa ni aIliya, ba tsin cɛɛt ni wu, 31ba wuruk ayɛt nse azanɛn. Ba se ni cɛɛt na aYeso naton kubun wu, fɛ́ a da shining anɔng ni aRushelima. 32ABitrus nɛ bafidang itseet wu, ba se ni nda yik-yik, ama fɛ́ ba shemeng, ba di ízɔk aYeso na banet bafaa fɛ́ ba nyeseng gung ni wu. 33Ni izen fɛ́ banet e se ni iwon aYeso, aBitrus fɛ̀ ni wu, “ATisa, i se yɛɛt fi in se yit azeng. Ki won yit in nye yit abut ataat, kuzining nek ngɔn, kuzining nek aMusa, nɛ kuzining nek aIliya.” (Iwu rēn ikyɛng fɛ́ a se ni cɛɛt e awo.)
34Fɛ́ a tsin rēn cɛɛt, anɔk ne, a ka ba te gyip, nnyim ka ba yit fɛ́ ba se ayɛt anɔk e. 35Wat kutɔ shim ayɛt anɔk e yɛ, “Arim hom yong, ayɔng fi imi myak, foos yin ifɛ̀ wu!” 36Ama fi kutɔ mi cɛɛt, ba wat ba di aYeso aziwu. Bafi imɛɛs e, nɛt ikyɛng e na yɛ bá. Ayɛt nkɔs e yɔng, ba raba dang tak akak ikyɛng fɛ́ ba di.
AYeso te nggon fɛ́ ka bɛ̀ kurɔk itséng kyang
(AMatiyu 17:14-18; AMarkus 9:14-27)
37Akatson, ba tik sak aben ihwyanang e, banet dot tse narɔ aYeso. 38Azining ayɛt kudyɛng banet e, fɛrɛng na agap ye, “Anet itees, kabɔk fok angmishish ari hom yong, ngak iwu me yɔng fi in bɛ̀ kyɛk! 39Ayɔng amaan abik tɛn na ku yit, na ku sak na tang akun vit ice me, na kpa tiim makiyi, na afurutut wuru na nu wu, na rawu dang ku won ma a ku man nfot ninyɛn. 40Imi mi ra awon na bafi imɛɛs ngɔn, na ba ku tun itséng e, da ba kyem ba tun ide awo.”
41AYeso fɛ̀ ni iba, “Iyin banet nnu nang, fi da i nɔɔk yin atsak awo, agadiring ánet! Sak akyɛ kuri izen fi in da sot ni iyin, ni in woso tsesek ni yin ɛ? Bɛ́ na ari ngɔn e aze.”
42Na tsin tseng sak narɔ aYeso, itséng e ti i ku sok, i ku barak aben, a kpa tiim. Wat aYeso kɔn itséng e, a te arim e kyang, a nabak ada me ne. 43Ayɔɔt yit ngma bayɔng fɛ́ ba se azɔng, fɛ́ ba di ízɔk Adakunom.
Ne banet tsin rēn se na ayɔɔt ikyɛng fɛ́ aYeso se ni ra me, wat iwu fɛ̀ na bafi imɛɛs wu yɛ, 44“Te yin ato gyat ni ikyɛng fi da ki tak yin! Ba bi nabak Arim Anet, a bi nɔ ni bɔk banet.” 45Ngma nɛ anɔng, bafi imɛɛs wu me gaat irēn ikyɛng fɛ́ a fɛ̀ ni iba. Ba ka ba nɛt ikyɛng e, kɔn ba bi rēn ide, awɛt iba fok nnyim i ku rip.
Angan wu a bi wat iratek ɛ?
(AMatiyu 18:1-5; AMarkus 9:33-37)
46Nanan di nɔ nate bafi imɛɛs e, naton fok, “Angan ayɛt yit fɛ́ a bi wat ni iratek ɛ?” 47Na aYeso mi rēn kuyiring bá, a sok nggon kakak kaban e, a sak ika ka nyeseng bakat ni wu. 48A fɛ̀ ni iba, “Kaakyɛ anet fɛ́ a shan nggon ka ni iyerek in, imi wu a di shan. Kaakyɛ anet fɛ́ a di shan imi, a shan ayɔng fɛ́ a di tom. Nek ngma ayɔng fɛ́ a yet a wosong ayɛt yin ngma, iwu wu a yet aratek.”
49AYohana fɛ̀ yɛ, “Atekari, in mi di yit anet akak na tsin turung itséng ni iyerek ngɔn, iyit fɛ̀ yit ni wu, na a won, nek iwu se ayɛt yit awo.”
50Awɛt aYeso fɛ̀ ni wu, “I bi ku ro yin mo awo, nek ngma ayɔng fɛ́ da a ki rayin awo, a se gung ni yin.”
Banet aSamariya raba aYeso
51Fi izen isok aYeso sak azanɛn bɛ́ bakat, a te iyɛ i tse sak na aRushelima makiyi. 52A tom bafi ikuus wu, na ba tseng ashon wu, fɛ́ ba se ni kutseet, ba tsɛ ba nɔ naban wɔp aSamariya kakak nɔng ba bin nye nkyɔrɔk gyam ba di tot ku bɛ́ aYeso. 53Awɛt banet iwɔp e raba dang ku shan, nek iwu ta ice sak na aRushelima. 54Ni izen fɛ́ bafi imɛɛs wu, aYakubu, nɛ aYohana di anɔng, ba fɛ̀, “ATisa, ki ngɔn shim, ni in yes yit kurong azanɛn, ni ku ya ánet nang ɛ?” 55AYeso tirik a ka ba kɔn, 56ama anɔng, ba ya kashon ni kutseet sak ni iwɔp kukak.
Bayɔng fɛ́ ba shim ba di kuus aYeso
(AMatiyu 8:19-22)
57Fɛ́ ba se ni kutseet ni irèn, anet akak fɛ̀ nɛ aYeso, “Imi da ka kuus mo sak kaakye fi i di ki tse.”
58Wat aYeso fɛ̀ ni wu, “ÁGbayɔrɔ bɛ̀ asɔs na, nanon bɛ̀ arɛ na, awɛt Arim Anet bɛ̀ karɔ fɛ́ a di ki sak ice wu awo.”
59AYeso fɛ̀ na anet akak, “Di kuus mo.”
Awɛt anet e fɛ̀ ni wu, “ATisa, di won in tsin in nɛt ada min ninyɛn.” 60AYeso fɛ̀ ni wu, “Won nkom ni in nɛsɛk nkom bà, awɛt ngɔn, tseng tsi shara ifɛ̀ igwɔm Adakunom.”
61Anet akak tɛ bɛ́ a fɛ̀ ni wu, “ATisa, imi da ka kuus mo, awɛt di won in tsin in te a tɔ na banet ari hom ninyɛn.”
62AYeso fɛ̀ ni wu, “Vit anet fɛ́ a mi sak kubɔk ni kutsé ikap, na tɛ na yɛrɛ kama, fɛ́ a kyem na ba ku sok ni kutomong igwɔm Adakunom.”
Iliyochaguliwa sasa
ALuka 9: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 9
9
AYeso tom bafi imɛɛs wu kusɔk abe afaa
(AMatiyu 10:5-15; AMarkus 6:7-13)
1Ama aYeso yes bafi imɛɛs wu kusɔk abe afaa me narɔ kazining, a ka ba nɔɔk agap ni ice, azaton kaakyɛ kuri aduk abik, ni ites banet kyang bà. 2A ma ka ba tom na ba tsɛ ba shara ifɛ̀ igwɔm Adakunom, na ba tes bafi nrɔk kyang. 3A fɛ̀ ni ba, “I bi sok yin ikyɛng kak nek kutseet e awo, i bi sok yin agbanding awo, i bi bereng yin amala awo, i bi bereng yin nayak awo, i bi bereng yin itsɔm awo, i bi bereng yin kukpin kukak awo. 4Kaakyɛ kari fi i di tik yin, sonong yin ari me yɔng sak atuk fi i bi dorok yin. 5Kaakye karɔ fɛ́ banet e raba dang ki shan yin, ki i da won yin karɔ me, ni waat yin kabung akpatak yin, nɔng ka bi sot kanu ifɛ̀ azaton ba.” 6Wat bafi imɛɛs e yit irèn, ba teng ba kat na naban wɔp, na ba shara ifɛ̀ itek e, na ba tes bafi nrɔk kyang kaakyɛ.
A te aHiridus kpɔrɔk
(AMatiyu 14:1-12; AMarkus 6:14-29)
7Ni izen fɛ́ aHiridus agwɔm mben aGalili, fok ngma ikyɛng fi i tsin te, a ku te kpɔrɔk makiyi, nek bakak se ni inye fok, “Ba mi dorok kukom aYohana anet abatisma.” 8Bakak ayɛt bá fɛ̀ yɛ, “AIliya yɔng a wuruk yɔng.” Na bakak nye yɛ, “Atan Adakunom afɛ́ aneme akak yɔng a tɛ a shemeng yɔng.”
9Awɛt aHiridus fɛ̀, “Yi in da nye anɛ! In ki mang sak ba di tɛn ice aYohana, wat angan yong a yet ayong, fi in foos ncɛɛt naton wu kong ɛ? A kpa tsɛt irèn fɛ́ a di ki nyim na aYeso.”
AYeso ya nɛ banet agup atoon
(AMatiyu 14:13-21; AMarkus 6:30-44; AYohana 6:1-14)
10Ni izen fɛ́ batom wu me bɛ́s ba, ba taas aYeso ikyɛng fɛ́ ba nye. Wat iwu ka ba sok, a tseng ni ba aziba sak ni wɔp kukak fɛ́ ba yes iko yɛ aBatseyida. 11Izen fɛ́ banet fok yɛ, a yɔng azɔng, ba ku kuus mo. A ka ba shan ni ku bɛ́, a ka ba tees ifɛ̀ igwɔm Adakunom. A tes banet nrɔk kyang.
12Ni izen fi kunom kpa, batom kusɔk abe afaa me, bɛ́ narɔ wu, ba fɛ̀ ni wu, “Te banet e ni irèn, nɔng ba bin tsees sak na naban nwɔp na nasa na bakat, nɔng ba bin tsɛ ba tsɛt narɔ ikɔs ni ikyɛng iya, nek karɔ kang yet kawɔ.”
13Awɛt aYeso fɛ̀ ni ba, “Iyin ka ba nɔɔk yin ikyɛng iya.” Ba fɛ̀, “Keykaa! Ngak ikyɛng fi in bɛ̀ yit ni bɔk yit yet; ágbang akpam atoon, ni ízos ifaa kyɛk, tit, ni in tsin shan yit akazik banet bang nayak.” 14(Kudot bamatek fɛ́ ba se azɔng, se agup atoon.)
AYeso fɛ̀ na bafi imɛɛs wu yɛ, “Ka ba saas yin na ba sosok, nsɔk ntitoon-ntitoon, kaakyɛ kusonong.” 15Bafi imɛɛs e, nye kpaf anɔng, ba ka ba te ba sosok. 16Wat aYeso sok ágbang akpam atoon e, ni ízos ifaa me, a nabak ayisi sak azanɛn, a di nɔɔk ifeng sak na Adakunom ni na. A ma kpa bushung ízos na akpam e, na nesek bafi imɛɛs wu, na ba kabasa banet e ne. 17Ba ya, ngma ba ba hwyas. Ama anɔng, bafi imɛɛs wu tusung abit-abit e fɛ́ a kyɛk, ba sɛ nakɔmɔng kusɔk abe afaa.
ABitrus fɛ̀ aYeso yet Anet-Isheshek e
(AMatiyu 16:13-19; AMarkus 8:27-29)
18Atuk akak, aYeso kin nɛt ice wu, a tsin ra awon, bafi imɛɛs wu kin se gung ni iwu. A ka ba nye irip yɛ, “Banet nye fok imi yet angan ɛ?”
19Ba fɛ̀ ni wu, “Bakak nye fok ngɔn yet aYohana anet abatisma, bakak nye fok ngɔn yet aIliya, na bakak nye fok ngɔn yet azining ayɛt batan aneme fi i ti dorok.”
20Wat aYeso tɛ a ka ba rip yɛ, “Wat iyin anɛ? Iyin di yes yin angan ɛ?”
ABitrus fɛ̀ ni wu, “Ngɔn yet Anet-Isheshek, ayɔng fɛ́ Adakunom myak nek isheshek banet.”
21AYeso ka ba kɔrɔk kuto na agap, yɛ da ba bi tak akak ifɛ̀ me awo. 22A tɛ bang fɛ̀ ni ba, “Arim Anet da sɔ izot makiyi: bashɔn, na agbat-áware, na bafi itees ntsi aMusa, da ku rawu, ba bi ku fɛt. Ni kunom kufɛ́ ataat, ba bi dorok kukom wu.”
23A ma fɛ̀ ni iba ngma yɛ, “Ngma ayɔng fɛ́ a shim a di kuus mo, i se gbing-gbing na a rawu ice wu, na a kok kukon itegak wu kaakyi izen, na di kuus mo. 24Nek ngma ayɔng fɛ́ a tsɛt a sheshek kutset wu, a da bit iko; awɛt ngma ayɔng fɛ́ a nɔɔk nwaa kutset wu nek imi, a bi sɛ iko. 25Kɛ anet sɛ kazatse kusum, a da nɛ a bit kutset wu, kɛ na bit ice wu ayi, wat itek e yet akyɛ? 26Ngma ayɔng fɛ́ a foos nsum min, ni ifɛ̀ hom, imi, Arim Anet, in bi fok nsum wu ni izen fi in bi bɛ́ ayɛt ízɔk in, ni ízɔk Ada hom, ni ízɔk batomaza bafɛ́ aJɛrɛ. 27Won in ki tak yin atsak, bakak fɛ́ ba se ni inyeseng azeng, ba bi di iku ninyɛn awo. Ba bi nɔ ni igwɔm Adakunom.”
Ba shesheng nse aYeso
(AMatiyu 17:1-8; AMarkus 9:2-8)
28Ama bakat nkɔs nkara fɛ́ aYeso nye ncɛɛt nang, a sok aBitrus, nɛ aYohana, nɛ aYakubu gung ni wu, ba tsɛ ba ngarak kuhwyanang nɔng ba bin ra awon. 29Ni wu se na awon, nse ayisi wu wat nshesheng, ares wu wat aron ti mgbɛy kunom. 30Ni izen izining, ba di banet bafaa, aMusa ni aIliya, ba tsin cɛɛt ni wu, 31ba wuruk ayɛt nse azanɛn. Ba se ni cɛɛt na aYeso naton kubun wu, fɛ́ a da shining anɔng ni aRushelima. 32ABitrus nɛ bafidang itseet wu, ba se ni nda yik-yik, ama fɛ́ ba shemeng, ba di ízɔk aYeso na banet bafaa fɛ́ ba nyeseng gung ni wu. 33Ni izen fɛ́ banet e se ni iwon aYeso, aBitrus fɛ̀ ni wu, “ATisa, i se yɛɛt fi in se yit azeng. Ki won yit in nye yit abut ataat, kuzining nek ngɔn, kuzining nek aMusa, nɛ kuzining nek aIliya.” (Iwu rēn ikyɛng fɛ́ a se ni cɛɛt e awo.)
34Fɛ́ a tsin rēn cɛɛt, anɔk ne, a ka ba te gyip, nnyim ka ba yit fɛ́ ba se ayɛt anɔk e. 35Wat kutɔ shim ayɛt anɔk e yɛ, “Arim hom yong, ayɔng fi imi myak, foos yin ifɛ̀ wu!” 36Ama fi kutɔ mi cɛɛt, ba wat ba di aYeso aziwu. Bafi imɛɛs e, nɛt ikyɛng e na yɛ bá. Ayɛt nkɔs e yɔng, ba raba dang tak akak ikyɛng fɛ́ ba di.
AYeso te nggon fɛ́ ka bɛ̀ kurɔk itséng kyang
(AMatiyu 17:14-18; AMarkus 9:14-27)
37Akatson, ba tik sak aben ihwyanang e, banet dot tse narɔ aYeso. 38Azining ayɛt kudyɛng banet e, fɛrɛng na agap ye, “Anet itees, kabɔk fok angmishish ari hom yong, ngak iwu me yɔng fi in bɛ̀ kyɛk! 39Ayɔng amaan abik tɛn na ku yit, na ku sak na tang akun vit ice me, na kpa tiim makiyi, na afurutut wuru na nu wu, na rawu dang ku won ma a ku man nfot ninyɛn. 40Imi mi ra awon na bafi imɛɛs ngɔn, na ba ku tun itséng e, da ba kyem ba tun ide awo.”
41AYeso fɛ̀ ni iba, “Iyin banet nnu nang, fi da i nɔɔk yin atsak awo, agadiring ánet! Sak akyɛ kuri izen fi in da sot ni iyin, ni in woso tsesek ni yin ɛ? Bɛ́ na ari ngɔn e aze.”
42Na tsin tseng sak narɔ aYeso, itséng e ti i ku sok, i ku barak aben, a kpa tiim. Wat aYeso kɔn itséng e, a te arim e kyang, a nabak ada me ne. 43Ayɔɔt yit ngma bayɔng fɛ́ ba se azɔng, fɛ́ ba di ízɔk Adakunom.
Ne banet tsin rēn se na ayɔɔt ikyɛng fɛ́ aYeso se ni ra me, wat iwu fɛ̀ na bafi imɛɛs wu yɛ, 44“Te yin ato gyat ni ikyɛng fi da ki tak yin! Ba bi nabak Arim Anet, a bi nɔ ni bɔk banet.” 45Ngma nɛ anɔng, bafi imɛɛs wu me gaat irēn ikyɛng fɛ́ a fɛ̀ ni iba. Ba ka ba nɛt ikyɛng e, kɔn ba bi rēn ide, awɛt iba fok nnyim i ku rip.
Angan wu a bi wat iratek ɛ?
(AMatiyu 18:1-5; AMarkus 9:33-37)
46Nanan di nɔ nate bafi imɛɛs e, naton fok, “Angan ayɛt yit fɛ́ a bi wat ni iratek ɛ?” 47Na aYeso mi rēn kuyiring bá, a sok nggon kakak kaban e, a sak ika ka nyeseng bakat ni wu. 48A fɛ̀ ni iba, “Kaakyɛ anet fɛ́ a shan nggon ka ni iyerek in, imi wu a di shan. Kaakyɛ anet fɛ́ a di shan imi, a shan ayɔng fɛ́ a di tom. Nek ngma ayɔng fɛ́ a yet a wosong ayɛt yin ngma, iwu wu a yet aratek.”
49AYohana fɛ̀ yɛ, “Atekari, in mi di yit anet akak na tsin turung itséng ni iyerek ngɔn, iyit fɛ̀ yit ni wu, na a won, nek iwu se ayɛt yit awo.”
50Awɛt aYeso fɛ̀ ni wu, “I bi ku ro yin mo awo, nek ngma ayɔng fɛ́ da a ki rayin awo, a se gung ni yin.”
Banet aSamariya raba aYeso
51Fi izen isok aYeso sak azanɛn bɛ́ bakat, a te iyɛ i tse sak na aRushelima makiyi. 52A tom bafi ikuus wu, na ba tseng ashon wu, fɛ́ ba se ni kutseet, ba tsɛ ba nɔ naban wɔp aSamariya kakak nɔng ba bin nye nkyɔrɔk gyam ba di tot ku bɛ́ aYeso. 53Awɛt banet iwɔp e raba dang ku shan, nek iwu ta ice sak na aRushelima. 54Ni izen fɛ́ bafi imɛɛs wu, aYakubu, nɛ aYohana di anɔng, ba fɛ̀, “ATisa, ki ngɔn shim, ni in yes yit kurong azanɛn, ni ku ya ánet nang ɛ?” 55AYeso tirik a ka ba kɔn, 56ama anɔng, ba ya kashon ni kutseet sak ni iwɔp kukak.
Bayɔng fɛ́ ba shim ba di kuus aYeso
(AMatiyu 8:19-22)
57Fɛ́ ba se ni kutseet ni irèn, anet akak fɛ̀ nɛ aYeso, “Imi da ka kuus mo sak kaakye fi i di ki tse.”
58Wat aYeso fɛ̀ ni wu, “ÁGbayɔrɔ bɛ̀ asɔs na, nanon bɛ̀ arɛ na, awɛt Arim Anet bɛ̀ karɔ fɛ́ a di ki sak ice wu awo.”
59AYeso fɛ̀ na anet akak, “Di kuus mo.”
Awɛt anet e fɛ̀ ni wu, “ATisa, di won in tsin in nɛt ada min ninyɛn.” 60AYeso fɛ̀ ni wu, “Won nkom ni in nɛsɛk nkom bà, awɛt ngɔn, tseng tsi shara ifɛ̀ igwɔm Adakunom.”
61Anet akak tɛ bɛ́ a fɛ̀ ni wu, “ATisa, imi da ka kuus mo, awɛt di won in tsin in te a tɔ na banet ari hom ninyɛn.”
62AYeso fɛ̀ ni wu, “Vit anet fɛ́ a mi sak kubɔk ni kutsé ikap, na tɛ na yɛrɛ kama, fɛ́ a kyem na ba ku sok ni kutomong igwɔm Adakunom.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.