ALuka 17
17
Inɛn ni ifuut inɛn
(AMatiyu 18:6-7,21-22; AMarkus 9:42)
1AYeso fɛ̀ na bafi imɛɛs wu, “I se gbing-gbing ikyɛng fi i saas banet ira inɛn ni i bɛ́; awɛt kawɛy se naton ayɔng fi ikyɛng e ne ni wu! 2Aza yɔng fɛ́ akak da sak azining ayɛt naban e na, na a kpa ni inɛn, kaduk kɛ ba ku rosom kuta-ikɔɔ ni tɔ, na ba ku barak ni izek. 3Nek anɔng, nɔ yin ni kuhwyɛ yin.
“Kɛ arunyining nye inɛn, ku gyɔng; kɛ a wosong anɛn wu, ni ku fok. 4Kɛ a da nye inɛn ite kanakataat atuk azining, a tɛ a bɛ́ atak kanakataat na tsot akabɔk yɛ, i mi wosong anɛn hom, ni fok kanak wu.”
5Batom aYeso fɛ̀, “ATisa, di barang inɔɔk atsak yit!”
6ATisa ka ba bun ni ifɛ̀, “Ki i inɔɔk atsak yin se ti kica amastat, i da kyem i fɛ̀ yin na kakon agbɛk ka, ‘Kana ngaat azeng, tsi tup ice ngɔn ni izek,’ ka da nye ikyɛng fi iyin fɛ̀ yin.
7“Won in fɛ̀ yit azining ayɛt yin bɛ̀ asam fɛ́ a se ni kutomong ni kɔ, ke a tsin tot íbon ayi. Fɛ́ kɛ asam e bɛ́s wu natse, na atekari me fɛ̀ ni wu, ‘Bɛ́ ziri da sonong nɔng i da ya kuyak’ ɛ? 8Ikyɛng de fɛ́ atekari me da fɛ̀ ni wu, ‘Tsi di nye nayak atuk, ka na nye, da tsi di bɛ́ na nayak nɔng in da ya ni in sɔ, i da ni i tsi i ya na fɔɔn’ awɛ? 9Atekari me da feng asam e nek kutomong fɛ́ a ra yɛ? 10I se anɔng ni yin bà, ama fi i mi ra yin ngma ikyɛng fɛ́ Adakunom fɛ̀ ni yin, ni i nye yin, ni fɛ̀ yin, ‘Iyit yet yit basam fi da in kyem yit ikikak awo; in mi nye yit ikyɛng fi i se kpaf ni in nye yit.’ ”
Bakpatɔn kusɔk fɛ́ aYeso ka ba te kyang
11Ni izen fɛ́ aYeso se ni tseng sak nɛ aRushelima, a got ni nkum mben aSamariya nɛ aGalili. 12Na tsin nɔɔs naban wɔp kakak, bakpatɔn bakak kusɔk nyim ni wu. Ba nyeseng yik-yik 13ba tarak ntɔ gbɛrɛy ba fɛ̀ ni wu, “Ada aYeso, fok angmishish yit.”
14Izen fɛ́ a ka ba di, a fɛ̀ ni ba, “Tseng yin, tsi tonong yin na áware.” Fɛ́ ba se ni irèn sak azɔng, a ka ba te kyang.
15Fɛ́ azining ayɛt bá di a mi ku te kyang, a tɛ bun, na tere Adakunom ni kutɔ kuratek. 16A tsɛ a kpa pak ashon atak aYeso, na ku feng. Ayɔng e kin yet anet aSamariya.
17AYeso ku rip yɛ, “Iyin se yin banet kusɔk fɛ́ ba ki te yin kyang awɛ? Wat nshɛrɛp banet agyɛng azining e si kɛ? 18Vit anet fɛ́ a kyem a tɛ bun, na tere Adakunom tit atsen e yong kyɛk ɛ?” 19AYeso ma fɛ̀ ni wu, “Dorok, tseng; inɔɔk atsak ngɔn mi da te kyang.”
AYeso cɛɛt naton kubɛ́ igwɔm Adakunom
(AMatiyu 24:23-28,37-41)
20BaFarasi bakak bɛ́ ba nye aYeso irip fok, “Ni izik ɛ fi igwɔm Adakunom bi bɛ́ yɛ?”
AYeso fɛ̀ ni ba, “Igwɔm Adakunom da i bɛ́ ni ikyɛng fi iyin da di yin, i di rēn yin awo, 21kɛ na ba fɛ̀ ni yin, ‘I de aze,’ ke ‘I da aza,’ awo, nek igwɔm Adakunom se azeng nate yin.”
22A ma fɛ̀ na bafi imɛɛs wu, “Izen bi nye fi i bi tsɛt yin ku di ku bun Arim Anet, i bi sɛ yin awo. 23Banet bi nye ni yin, ‘A yo!’ kɛ ‘A ya!’ I bi teng ni ka ba kuus yin mo awo. 24Nek kunom Arim Anet bi se tɛ adɛbɛt kaza, fɛ́ a ta, na kaza wat ka te wɛshɛk nkum aze sak aza. 25I se gbing-gbing na a tun sɔ izot ni irén dot, banet kuzam kang bi ku raba.
26“Kpaf ti fi i kin se ni izen aNuhu, i bi se anɔng ni izen Arim Anet. 27Banet kin yas, na ba sɔs, na ba ras nweneng, na ba nesek bangas ni nweneng, ba se na anɔng, sak izeng fɛ́ aNuhu di nɔ ni kukyɛ ashi. Ama anɔng, ashi bɛ́ a ka ba ya.
28“I kin se kpaf anɔng ni izen aLotu. Banet kin yas, na ba sɔs, ba shashang na ba rɛs, ba tuus na ba nos nasa. 29Awɛt atuk fɛ́ aLotu kin won aSodom, kurong ni iza árong kin ne azanɛn, ku ka ba hɛlɛm ngma kusum.
30“Idɔng i bi se kpaf anɔng atuk fɛ́ Arim Anet bi tonong ice wu. 31Atuk ke yɔng, ayɔng fɛ́ a bi se naton itu, a bi fɛ̀ iwu tsɛ sok ares wu ayɛt itu awo. Kpaf anɔng, ayɔng fɛ́ a bi se ni ikɔ, da na tɛ a bun ari wu awo.
32“Yiring yin na abin aLotu! 33Ngma ayɔng fɛ́ a tsɛt a bereng kutset wu, a da bit iko, ngma ayɔng fɛ́ a nɔɔk nwaa kutset wu, a bi sɛ iko. 34Won in ki tak yin, natuk e yɔng, banet bafaa bi se na meneng kazining, ba bi sok azining, na ba won azining. 35Banyining bafaa bi se ni ku kɔɔ narɔ kazining; ba bi sok azining, na ba won azining.”#17:35 Afumung akak fɛ́ ba kin jɛk ni mbɔk, a bɛ̀ ibyat ifɛ́ 36 ane: “Banet bafaa bi se ni kutomong ni ikɔ, ba bi sok azining, na ba won azining.”
37Ba ku rip yɛ, “ATisa, akɛ?”
AYeso fɛ̀ ni iba, “Karɔ fi kukom di se, azɔng fɛ ájɛrɛwɛsh da ka na tusung mo.”
Iliyochaguliwa sasa
ALuka 17: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 17
17
Inɛn ni ifuut inɛn
(AMatiyu 18:6-7,21-22; AMarkus 9:42)
1AYeso fɛ̀ na bafi imɛɛs wu, “I se gbing-gbing ikyɛng fi i saas banet ira inɛn ni i bɛ́; awɛt kawɛy se naton ayɔng fi ikyɛng e ne ni wu! 2Aza yɔng fɛ́ akak da sak azining ayɛt naban e na, na a kpa ni inɛn, kaduk kɛ ba ku rosom kuta-ikɔɔ ni tɔ, na ba ku barak ni izek. 3Nek anɔng, nɔ yin ni kuhwyɛ yin.
“Kɛ arunyining nye inɛn, ku gyɔng; kɛ a wosong anɛn wu, ni ku fok. 4Kɛ a da nye inɛn ite kanakataat atuk azining, a tɛ a bɛ́ atak kanakataat na tsot akabɔk yɛ, i mi wosong anɛn hom, ni fok kanak wu.”
5Batom aYeso fɛ̀, “ATisa, di barang inɔɔk atsak yit!”
6ATisa ka ba bun ni ifɛ̀, “Ki i inɔɔk atsak yin se ti kica amastat, i da kyem i fɛ̀ yin na kakon agbɛk ka, ‘Kana ngaat azeng, tsi tup ice ngɔn ni izek,’ ka da nye ikyɛng fi iyin fɛ̀ yin.
7“Won in fɛ̀ yit azining ayɛt yin bɛ̀ asam fɛ́ a se ni kutomong ni kɔ, ke a tsin tot íbon ayi. Fɛ́ kɛ asam e bɛ́s wu natse, na atekari me fɛ̀ ni wu, ‘Bɛ́ ziri da sonong nɔng i da ya kuyak’ ɛ? 8Ikyɛng de fɛ́ atekari me da fɛ̀ ni wu, ‘Tsi di nye nayak atuk, ka na nye, da tsi di bɛ́ na nayak nɔng in da ya ni in sɔ, i da ni i tsi i ya na fɔɔn’ awɛ? 9Atekari me da feng asam e nek kutomong fɛ́ a ra yɛ? 10I se anɔng ni yin bà, ama fi i mi ra yin ngma ikyɛng fɛ́ Adakunom fɛ̀ ni yin, ni i nye yin, ni fɛ̀ yin, ‘Iyit yet yit basam fi da in kyem yit ikikak awo; in mi nye yit ikyɛng fi i se kpaf ni in nye yit.’ ”
Bakpatɔn kusɔk fɛ́ aYeso ka ba te kyang
11Ni izen fɛ́ aYeso se ni tseng sak nɛ aRushelima, a got ni nkum mben aSamariya nɛ aGalili. 12Na tsin nɔɔs naban wɔp kakak, bakpatɔn bakak kusɔk nyim ni wu. Ba nyeseng yik-yik 13ba tarak ntɔ gbɛrɛy ba fɛ̀ ni wu, “Ada aYeso, fok angmishish yit.”
14Izen fɛ́ a ka ba di, a fɛ̀ ni ba, “Tseng yin, tsi tonong yin na áware.” Fɛ́ ba se ni irèn sak azɔng, a ka ba te kyang.
15Fɛ́ azining ayɛt bá di a mi ku te kyang, a tɛ bun, na tere Adakunom ni kutɔ kuratek. 16A tsɛ a kpa pak ashon atak aYeso, na ku feng. Ayɔng e kin yet anet aSamariya.
17AYeso ku rip yɛ, “Iyin se yin banet kusɔk fɛ́ ba ki te yin kyang awɛ? Wat nshɛrɛp banet agyɛng azining e si kɛ? 18Vit anet fɛ́ a kyem a tɛ bun, na tere Adakunom tit atsen e yong kyɛk ɛ?” 19AYeso ma fɛ̀ ni wu, “Dorok, tseng; inɔɔk atsak ngɔn mi da te kyang.”
AYeso cɛɛt naton kubɛ́ igwɔm Adakunom
(AMatiyu 24:23-28,37-41)
20BaFarasi bakak bɛ́ ba nye aYeso irip fok, “Ni izik ɛ fi igwɔm Adakunom bi bɛ́ yɛ?”
AYeso fɛ̀ ni ba, “Igwɔm Adakunom da i bɛ́ ni ikyɛng fi iyin da di yin, i di rēn yin awo, 21kɛ na ba fɛ̀ ni yin, ‘I de aze,’ ke ‘I da aza,’ awo, nek igwɔm Adakunom se azeng nate yin.”
22A ma fɛ̀ na bafi imɛɛs wu, “Izen bi nye fi i bi tsɛt yin ku di ku bun Arim Anet, i bi sɛ yin awo. 23Banet bi nye ni yin, ‘A yo!’ kɛ ‘A ya!’ I bi teng ni ka ba kuus yin mo awo. 24Nek kunom Arim Anet bi se tɛ adɛbɛt kaza, fɛ́ a ta, na kaza wat ka te wɛshɛk nkum aze sak aza. 25I se gbing-gbing na a tun sɔ izot ni irén dot, banet kuzam kang bi ku raba.
26“Kpaf ti fi i kin se ni izen aNuhu, i bi se anɔng ni izen Arim Anet. 27Banet kin yas, na ba sɔs, na ba ras nweneng, na ba nesek bangas ni nweneng, ba se na anɔng, sak izeng fɛ́ aNuhu di nɔ ni kukyɛ ashi. Ama anɔng, ashi bɛ́ a ka ba ya.
28“I kin se kpaf anɔng ni izen aLotu. Banet kin yas, na ba sɔs, ba shashang na ba rɛs, ba tuus na ba nos nasa. 29Awɛt atuk fɛ́ aLotu kin won aSodom, kurong ni iza árong kin ne azanɛn, ku ka ba hɛlɛm ngma kusum.
30“Idɔng i bi se kpaf anɔng atuk fɛ́ Arim Anet bi tonong ice wu. 31Atuk ke yɔng, ayɔng fɛ́ a bi se naton itu, a bi fɛ̀ iwu tsɛ sok ares wu ayɛt itu awo. Kpaf anɔng, ayɔng fɛ́ a bi se ni ikɔ, da na tɛ a bun ari wu awo.
32“Yiring yin na abin aLotu! 33Ngma ayɔng fɛ́ a tsɛt a bereng kutset wu, a da bit iko, ngma ayɔng fɛ́ a nɔɔk nwaa kutset wu, a bi sɛ iko. 34Won in ki tak yin, natuk e yɔng, banet bafaa bi se na meneng kazining, ba bi sok azining, na ba won azining. 35Banyining bafaa bi se ni ku kɔɔ narɔ kazining; ba bi sok azining, na ba won azining.”#17:35 Afumung akak fɛ́ ba kin jɛk ni mbɔk, a bɛ̀ ibyat ifɛ́ 36 ane: “Banet bafaa bi se ni kutomong ni ikɔ, ba bi sok azining, na ba won azining.”
37Ba ku rip yɛ, “ATisa, akɛ?”
AYeso fɛ̀ ni iba, “Karɔ fi kukom di se, azɔng fɛ ájɛrɛwɛsh da ka na tusung mo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.