AYohana 7
7
Baruneng aYeso raba dan nɔɔk atsak ni wu
1Ama anɔng, aYeso teng a kat nɛ aGalili, da a shim a tsɛ nɛ aJudiya awo, nek baYahuda se ni iku tsɛt, nɔng ba da ku fɛt. 2Ni izen fɛ́ amok iyiring ni isosok na abut baYahuda bɛ́ bakat, 3barunyining fɛ̀ ni wu, “I se gyat ni i won azeng, tsɛ na aJudiya, nɔng bafi ikuus ngɔn, da bin di, ntomong abes fi iras. 4Vit anet fɛ́ a tsɛt a sot atsɔn, ras nkyɔrɔk ni nɛsɛk. Neme ngɔn ras ntomong nang, tonong kazatse ice ngɔn.” 5Nek ngma na barunyining, raba dan nɔɔk atsak ni wu ba.
6Nek anɔng, aYeso fɛ̀ ni iba, “Izen hom resek dan nye, kaaki izen yet ifiin. 7Kazatse da kyem ka ki ra yin, iyin awo, ka nyes icuna ni imi, nek imi ka ka taas, fok ikyɛng fɛ́ ka raas yet inɛn. 8Iyin tseng yin sak narɔ amok e. Imi da kyem in tsɛ awo, nek izen yin resek dan nye.” 9Ama fɛ́ a fɛ̀ anɔng, a di wey na aGalili.
10Ngma nɛ anɔng, ama fɛ́ barunyining mi tseng sak narɔ amok e, iwu ne tsɛ hwyɛɛ, ni nɛt, da na yisi banet awo. 11Azɔng narɔ Amok e, bakɔk-ashon baYahuda di te ayisi gyang ba da ku di, ba teng ba risim, “Anet e si kɛ?”
12Banet fɛ́ ba se azɔng, teng ba cɛɛt naton wu. Bakak nye, “A yet anet atek,” nɛ bakak nye, “Awɛy, a wɔrɔsɔ banet kyɛk.” 13Vit ayɔng fɛ́ a kyem a cɛɛt dɛdɛt naton wu, nek nnyim bakɔk-ashon baYahuda.
14Ni izen fɛ́ Amok e ngmash kate, fɛ́ aYeso tsɛ narɔ iya Adakunom ntong, a kpa tees banet ifɛ̀ Adakunom. 15Ikyɛng e te bakɔk-ashon baYahuda kpɔrɔk, ba kpa nye, “Anet yong, tsɛ a se ice irēn deng akɛ? Iwu fɛ́ da a mang sɛ itees awo.”
16AYeso fɛ̀ ni iba, “Ikyɛng fi in tees yet inaan awo, iyet ifɛ̀ ayɔng fɛ́ a di tom. 17Ngma ayɔng fɛ́ a shim a nye kushim Adakunom, a da rēn, fok ikyɛng fi in tees ne narɔ Adakunom, da iyet inaan awo. 18Ayɔng fɛ́ a cɛɛt naton ice wu, a nye anɔng nek a di tsɛt ice wu iratek, wɛt ayɔng fɛ́ a tsin ra kutomong, nek iratek ayɔng fɛ́ a ku tom, ayɔng wu ayet anet atsak; da nbɔɔs se ayɛt ayɔng awo. 19AMusa wu a kin ki nɔɔk yin ntsi awɛ? Ngma ne nɔng vit akak yin fɛ́ a kyem a bereng ina. Ishim i di fɛt yin nek akyɛ?”
20Banet e shim, ba fɛ̀, “Ngɔn bi itseng ni rɔm ngɔn, angan wu fɛ́ a shim a da fɛt azeng ɛ?”
21AYeso fɛ̀ ni iba, “In ra kutomong abes kuzining kyɛk, ngma yin a ki te yin yɔɔt. 22Ngma nɛ nɔng nek aMusa kin fɛ̀ ni ras yin katse (atsak e yet fok da ba kin tumung katse me nɛ aMusa awo, i kun ne narɔ badakop wu), ngma nɛ anɔng iras yin nnon katse atuk aSabat. 23Kɛ ba kyem, ba ra nggon katse atuk aSabat, dan ntsi aMusa ni ibeseng, awɛt akyɛ sak fɛ́ ayɛ yin beseng ni imi, fok nek in te anet burang kyang atuk aSabat ari? 24Won yin iras ishɔt ayisi, ras yin ishɔt atsak.”
AYeso yet Anet-Isheshek e yɛ?
25Ni izen e yɔng, bakak ayɛt banet aRushelima kpa nye, “Anet e yong fɛ́ ba shim ba fɛt iwu awɛ? 26Ayong a tsin cɛɛt ni dɛt, vit akak ba fɛ̀ a kyem a fɛ̀ ni iwu ikikak. Kɛ bakɔk-ashon e mi nɔɔk atsak fok, yi iwu wu a yet aKristi#7:26 Ke Anet-Isheshek: Na abyat 27, 31, 41 nɛ 42. me yɛ? 27Iyit rēn yit karɔ fɛ́ anet yong di ne; izen fɛ́ Anet-Isheshek e bi bɛ́, vit ayɔng fɛ́ a bi rēn karɔ fɛ́ a bi di ne.”
28Nɛ aYeso tsin irēn tees banet narɔ iya Adakunom ntong, a fɛrɛng nɛ agap, “Ey, i di rēn yin, i rēn yin karɔ fi in di ne. Imi bɛ́ azeng ni ízɔk ice min awo, ayɔng fɛ́ a di tom yet atsak. Iyin da i ku rēn yin awo, 29Imi ku rēn, nek imi ne narɔ wu, iwu fɛ́ a di tom.”
30Fɛ́ ba fok anɔng, ba tsɛt ba ku yit, wɛt vit akak ba fɛ̀ a nɛ a di sak kubɔk ni wu, nek izen wu resek dan nye. 31Ngma nɛ anɔng, banet dot ayɛt bayɔng fɛ́ ba se azɔng, di te iyɛ ni wu. Ba fɛ̀, “Agyaa, izen fɛ́ Anet-Isheshek e yɔng bi bɛ́, a bi kyem a ra kutomong abes kukak fi ku wat ku fɛ́ anet yong ɛ?”
32BaFarasi me fok ikyɛng fɛ́ banet se ni icɛɛt e kyukyuk naton wu. Agbat àware me nɛ BaFarasi me, tom bafi itosok Karɔ Iya Adakunom ntong nɛ ba tsɛ ba ku tekap.
33AYeso fɛ̀ ni ba, “Imi yong mo azeng ni yin in fi kizen hyihyit, ama anɔng, in da bun sak narɔ ayɔng fɛ́ a di tom. 34I bi di tsɛt yin, vit i bi di sɛ yin awo; karɔ fi in bi di se, i bi kyem i tse yin awo.”
35BaYahuda fɛ̀ nɛ bafidang, “Akɛ fɛ́ anet e yong, shim a di tse, fi da iyit da kyem in ku sɛ yit mo awɛ? A shim a tsɛ sɛ banet yit fɛ́ ba mi kana ikaas nate BaGirik na tees BaGirik ɛ? 36Akyɛ sak fɛ́ a di fɛ̀, ‘I bi di tsɛt yin, vit i bi di sɛ yin awo yɛ,’ nɛ ‘Karɔ fi in bi di sɛ, i bi kyem i tse yin awo,’ yɛ?”
AYeso cɛɛt naton ashi fɛ́ a nesek kutset
37Atuk igang amok e, kunom e yɔng ko ku wat kuratek nɛ mok e, aYeso dorok tsik, a fɛrɛng nɛ agap yɛ, “Ngma ayɔng fɛ́ a foos iyɛ ingash, won na bɛ́ narɔ min a da sɔ. 38Ngma ayɔng fɛ́ a nesek atsak ni mi, kpaf tɛ kufumung ajɛrɛ di fɛ̀, ákang ashi kutset da nes ayɛt wu.” 39Ikyɛng fɛ́ aYeso se ni cɛɛt naton e yet Kabik, fɛ́ bayɔng fɛ́ ba nɔɔk atsak ni wu bi sɛ. Nek sak izen e yɔng, ba mi tsang tom nɛ Kabik aJɛrɛ awo, nek ba resek dan nɔɔk aYeso ízɔk.
40Ni izen fɛ́ ba fok ifɛ̀ wu, bakak ayɛt banet e fɛ̀, “Atsak atsitsak, anet e yong yet àware me yɔng.”
41Bakak ayɛt ba fɛ̀, “Iwu fɛ́ a yet Anet-Isheshek e.” Bakak ayɛt ba nye, “Na anɛ fɛ́ Anet-Isheshek e da ne nɛ aGalili yɛ? 42Afumung kin fɛ̀, yɛ Anet-Isheshek e bi ne ni izɔrɔk aDauda#7:42 Ni ilem aGirik ica. nɛ aBatalami, ni wɔp fɛ́ ba di tes agwɔm aDauda awɛ?” 43Nek anɔng, kuyiring banet kabasa naton aYeso. 44Bakak shim ba ku tekap, wɛt vit ayɔng fɛ́ a di sak kubɔk naton wu.
Avit ishan atsak bakɔk-ashon baYahuda
45Ama anɔng, bafi itosok karɔ iya Adakunom ntong e, tɛ ba bun sak narɔ agbat àware nɛ BaFarasi me, fɛ́ ba kaba rip, “Akyɛ sak fi da i bɛ́ yin ni wu awɛ?”
46Bafi itosok karɔ iya ntong e fɛ̀, “Vit anet fɛ́ a ki mang cɛɛt tɛ anet e.”
47BaFarasi fɛ̀ ni ba, “Ye kyéé, iyɔng i fɛ̀ yin, a mi tsɛ a ki bɔrɔk yin bá yɛ?” 48“Kɛ iyin mang fok yin akak ayɛt yit, bakɔk-ashon kɛ BaFarasi ayi, di nɔɔk atsak ni wu yɛ? 49Awɛy! Tit áshɔp ánet yɔng fɛ́ da a rēn ikikak ayɛt ntsi awo, bayɔng fi kushi mi ka ba ya.”
50ANikodimos, iwu yɔng fɛ́ a kin tsɛ sɛ aYeso natuk, fɛ́ a yet azining ayɛt bà, rip yɛ, 51“Ntsi yit ki mang tsɛt anet ishɔt dan fok ifɛ́ wu ninyɛn nɔng ba bin rēn ikyɛng fɛ́ a nye yɛ?”
52Ba fɛ̀ ni wu, “Ngɔn ne na aGalili bà yɛ? Tsi tsɛt ayɛt afumung da di, vit àware akak fɛ́ a ki mang ne na aGalili!”
Afumung ilem aGirik afɛ́ ashon kin bɛ̀ abyat ye awo
(AYohana 7:53; 8:11)
53Kaangan ba yit irèn ari wu.
Iliyochaguliwa sasa
AYohana 7: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AYohana 7
7
Baruneng aYeso raba dan nɔɔk atsak ni wu
1Ama anɔng, aYeso teng a kat nɛ aGalili, da a shim a tsɛ nɛ aJudiya awo, nek baYahuda se ni iku tsɛt, nɔng ba da ku fɛt. 2Ni izen fɛ́ amok iyiring ni isosok na abut baYahuda bɛ́ bakat, 3barunyining fɛ̀ ni wu, “I se gyat ni i won azeng, tsɛ na aJudiya, nɔng bafi ikuus ngɔn, da bin di, ntomong abes fi iras. 4Vit anet fɛ́ a tsɛt a sot atsɔn, ras nkyɔrɔk ni nɛsɛk. Neme ngɔn ras ntomong nang, tonong kazatse ice ngɔn.” 5Nek ngma na barunyining, raba dan nɔɔk atsak ni wu ba.
6Nek anɔng, aYeso fɛ̀ ni iba, “Izen hom resek dan nye, kaaki izen yet ifiin. 7Kazatse da kyem ka ki ra yin, iyin awo, ka nyes icuna ni imi, nek imi ka ka taas, fok ikyɛng fɛ́ ka raas yet inɛn. 8Iyin tseng yin sak narɔ amok e. Imi da kyem in tsɛ awo, nek izen yin resek dan nye.” 9Ama fɛ́ a fɛ̀ anɔng, a di wey na aGalili.
10Ngma nɛ anɔng, ama fɛ́ barunyining mi tseng sak narɔ amok e, iwu ne tsɛ hwyɛɛ, ni nɛt, da na yisi banet awo. 11Azɔng narɔ Amok e, bakɔk-ashon baYahuda di te ayisi gyang ba da ku di, ba teng ba risim, “Anet e si kɛ?”
12Banet fɛ́ ba se azɔng, teng ba cɛɛt naton wu. Bakak nye, “A yet anet atek,” nɛ bakak nye, “Awɛy, a wɔrɔsɔ banet kyɛk.” 13Vit ayɔng fɛ́ a kyem a cɛɛt dɛdɛt naton wu, nek nnyim bakɔk-ashon baYahuda.
14Ni izen fɛ́ Amok e ngmash kate, fɛ́ aYeso tsɛ narɔ iya Adakunom ntong, a kpa tees banet ifɛ̀ Adakunom. 15Ikyɛng e te bakɔk-ashon baYahuda kpɔrɔk, ba kpa nye, “Anet yong, tsɛ a se ice irēn deng akɛ? Iwu fɛ́ da a mang sɛ itees awo.”
16AYeso fɛ̀ ni iba, “Ikyɛng fi in tees yet inaan awo, iyet ifɛ̀ ayɔng fɛ́ a di tom. 17Ngma ayɔng fɛ́ a shim a nye kushim Adakunom, a da rēn, fok ikyɛng fi in tees ne narɔ Adakunom, da iyet inaan awo. 18Ayɔng fɛ́ a cɛɛt naton ice wu, a nye anɔng nek a di tsɛt ice wu iratek, wɛt ayɔng fɛ́ a tsin ra kutomong, nek iratek ayɔng fɛ́ a ku tom, ayɔng wu ayet anet atsak; da nbɔɔs se ayɛt ayɔng awo. 19AMusa wu a kin ki nɔɔk yin ntsi awɛ? Ngma ne nɔng vit akak yin fɛ́ a kyem a bereng ina. Ishim i di fɛt yin nek akyɛ?”
20Banet e shim, ba fɛ̀, “Ngɔn bi itseng ni rɔm ngɔn, angan wu fɛ́ a shim a da fɛt azeng ɛ?”
21AYeso fɛ̀ ni iba, “In ra kutomong abes kuzining kyɛk, ngma yin a ki te yin yɔɔt. 22Ngma nɛ nɔng nek aMusa kin fɛ̀ ni ras yin katse (atsak e yet fok da ba kin tumung katse me nɛ aMusa awo, i kun ne narɔ badakop wu), ngma nɛ anɔng iras yin nnon katse atuk aSabat. 23Kɛ ba kyem, ba ra nggon katse atuk aSabat, dan ntsi aMusa ni ibeseng, awɛt akyɛ sak fɛ́ ayɛ yin beseng ni imi, fok nek in te anet burang kyang atuk aSabat ari? 24Won yin iras ishɔt ayisi, ras yin ishɔt atsak.”
AYeso yet Anet-Isheshek e yɛ?
25Ni izen e yɔng, bakak ayɛt banet aRushelima kpa nye, “Anet e yong fɛ́ ba shim ba fɛt iwu awɛ? 26Ayong a tsin cɛɛt ni dɛt, vit akak ba fɛ̀ a kyem a fɛ̀ ni iwu ikikak. Kɛ bakɔk-ashon e mi nɔɔk atsak fok, yi iwu wu a yet aKristi#7:26 Ke Anet-Isheshek: Na abyat 27, 31, 41 nɛ 42. me yɛ? 27Iyit rēn yit karɔ fɛ́ anet yong di ne; izen fɛ́ Anet-Isheshek e bi bɛ́, vit ayɔng fɛ́ a bi rēn karɔ fɛ́ a bi di ne.”
28Nɛ aYeso tsin irēn tees banet narɔ iya Adakunom ntong, a fɛrɛng nɛ agap, “Ey, i di rēn yin, i rēn yin karɔ fi in di ne. Imi bɛ́ azeng ni ízɔk ice min awo, ayɔng fɛ́ a di tom yet atsak. Iyin da i ku rēn yin awo, 29Imi ku rēn, nek imi ne narɔ wu, iwu fɛ́ a di tom.”
30Fɛ́ ba fok anɔng, ba tsɛt ba ku yit, wɛt vit akak ba fɛ̀ a nɛ a di sak kubɔk ni wu, nek izen wu resek dan nye. 31Ngma nɛ anɔng, banet dot ayɛt bayɔng fɛ́ ba se azɔng, di te iyɛ ni wu. Ba fɛ̀, “Agyaa, izen fɛ́ Anet-Isheshek e yɔng bi bɛ́, a bi kyem a ra kutomong abes kukak fi ku wat ku fɛ́ anet yong ɛ?”
32BaFarasi me fok ikyɛng fɛ́ banet se ni icɛɛt e kyukyuk naton wu. Agbat àware me nɛ BaFarasi me, tom bafi itosok Karɔ Iya Adakunom ntong nɛ ba tsɛ ba ku tekap.
33AYeso fɛ̀ ni ba, “Imi yong mo azeng ni yin in fi kizen hyihyit, ama anɔng, in da bun sak narɔ ayɔng fɛ́ a di tom. 34I bi di tsɛt yin, vit i bi di sɛ yin awo; karɔ fi in bi di se, i bi kyem i tse yin awo.”
35BaYahuda fɛ̀ nɛ bafidang, “Akɛ fɛ́ anet e yong, shim a di tse, fi da iyit da kyem in ku sɛ yit mo awɛ? A shim a tsɛ sɛ banet yit fɛ́ ba mi kana ikaas nate BaGirik na tees BaGirik ɛ? 36Akyɛ sak fɛ́ a di fɛ̀, ‘I bi di tsɛt yin, vit i bi di sɛ yin awo yɛ,’ nɛ ‘Karɔ fi in bi di sɛ, i bi kyem i tse yin awo,’ yɛ?”
AYeso cɛɛt naton ashi fɛ́ a nesek kutset
37Atuk igang amok e, kunom e yɔng ko ku wat kuratek nɛ mok e, aYeso dorok tsik, a fɛrɛng nɛ agap yɛ, “Ngma ayɔng fɛ́ a foos iyɛ ingash, won na bɛ́ narɔ min a da sɔ. 38Ngma ayɔng fɛ́ a nesek atsak ni mi, kpaf tɛ kufumung ajɛrɛ di fɛ̀, ákang ashi kutset da nes ayɛt wu.” 39Ikyɛng fɛ́ aYeso se ni cɛɛt naton e yet Kabik, fɛ́ bayɔng fɛ́ ba nɔɔk atsak ni wu bi sɛ. Nek sak izen e yɔng, ba mi tsang tom nɛ Kabik aJɛrɛ awo, nek ba resek dan nɔɔk aYeso ízɔk.
40Ni izen fɛ́ ba fok ifɛ̀ wu, bakak ayɛt banet e fɛ̀, “Atsak atsitsak, anet e yong yet àware me yɔng.”
41Bakak ayɛt ba fɛ̀, “Iwu fɛ́ a yet Anet-Isheshek e.” Bakak ayɛt ba nye, “Na anɛ fɛ́ Anet-Isheshek e da ne nɛ aGalili yɛ? 42Afumung kin fɛ̀, yɛ Anet-Isheshek e bi ne ni izɔrɔk aDauda#7:42 Ni ilem aGirik ica. nɛ aBatalami, ni wɔp fɛ́ ba di tes agwɔm aDauda awɛ?” 43Nek anɔng, kuyiring banet kabasa naton aYeso. 44Bakak shim ba ku tekap, wɛt vit ayɔng fɛ́ a di sak kubɔk naton wu.
Avit ishan atsak bakɔk-ashon baYahuda
45Ama anɔng, bafi itosok karɔ iya Adakunom ntong e, tɛ ba bun sak narɔ agbat àware nɛ BaFarasi me, fɛ́ ba kaba rip, “Akyɛ sak fi da i bɛ́ yin ni wu awɛ?”
46Bafi itosok karɔ iya ntong e fɛ̀, “Vit anet fɛ́ a ki mang cɛɛt tɛ anet e.”
47BaFarasi fɛ̀ ni ba, “Ye kyéé, iyɔng i fɛ̀ yin, a mi tsɛ a ki bɔrɔk yin bá yɛ?” 48“Kɛ iyin mang fok yin akak ayɛt yit, bakɔk-ashon kɛ BaFarasi ayi, di nɔɔk atsak ni wu yɛ? 49Awɛy! Tit áshɔp ánet yɔng fɛ́ da a rēn ikikak ayɛt ntsi awo, bayɔng fi kushi mi ka ba ya.”
50ANikodimos, iwu yɔng fɛ́ a kin tsɛ sɛ aYeso natuk, fɛ́ a yet azining ayɛt bà, rip yɛ, 51“Ntsi yit ki mang tsɛt anet ishɔt dan fok ifɛ́ wu ninyɛn nɔng ba bin rēn ikyɛng fɛ́ a nye yɛ?”
52Ba fɛ̀ ni wu, “Ngɔn ne na aGalili bà yɛ? Tsi tsɛt ayɛt afumung da di, vit àware akak fɛ́ a ki mang ne na aGalili!”
Afumung ilem aGirik afɛ́ ashon kin bɛ̀ abyat ye awo
(AYohana 7:53; 8:11)
53Kaangan ba yit irèn ari wu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.