AYohana 16
16
1“In kin ki tak yin nkyɔrɔk nang ngma, kɔng i bi bun yin kama ayɛt inɔɔk atsak yin. 2Ba bi ki ro yin ne narɔ inyis. Atsak e yet fok izen bi nye fɛ́ ngma ayɔng fɛ́ a ki fɛt yin, bi di tɛ a tsin di sɛ Adakunom kutomong. 3Ba bi ki nye yin anɔng, nek da ba rēn Ada min, ni imi awo. 4In kin ki tak yin nkyɔrɔk nang, nɔng izen e bi fi nye, i bi yiring yin fok, in man ki tak yin. In kin ki tak yin nkyɔrɔk nang ni imɛsɛng e awo, nek imi irēn resek ni yin.
Kutomong Kabik aJɛrɛ
5“Yɔkɔnɔng fi in mi bɛ́ bakat ibun sak ne ayɔng fɛ́ a di tom. Ngma nɛ anɔng, vit akak ayɛt yin fɛ́ a mi di rip yɛ, ‘Akɛ fi i shim i di tse yɛ?’ 6Iyɛ yin beseng, nek in ki tak yin kucɛɛt kang. 7Imi tsin ki tak yin atsak: I da mak ki se yin gyat imi ni tseng. Nek kɛ da imi tseng awo, Afidang Itseet e da bɛ́ ni yin awo; Ki imi tseng, in bi ki tom yin ni wu. 8Izen fɛ́ Afidang Itseet e bi bɛ́, a bi tonong banet azatse wɛshɛk fok, kuyiring bà yet kumaan e naton nggɔn anɛn, nɛ naton kusonong ajɛrɛ, ni ishɔt: 9Kuyiring bà naton anɛn se kpaf awo, nek ba raba dang di te agap ni ikuus in; 10Kuyiring bà yet kumaan e naton nggɔn ntek, nek imi yɔng in tin bun sak narɔ Ada hom, iyin bi ti i di di yin awo. 11Kuyiring bà yet kumaan e naton ishɔt, nek ba mi ya agwɔm azatse kang ni ishɔt.
12“Imi bɛ̀ ishɛrɛp nkyɔrɔk dot fi in da bang ki tak yin, nek in da ki nanang yin yɔkɔnɔng. 13Ni izen fɛ́ Kabik fɛ́ ka tees atsak e bi bɛ́, a bi ki tonoso yin narɔk atsak e ngma. Da a bi cɛɛt kushim ice wu awo, tit ikyɛng fɛ́ ba ku tak, a bi ki taas yin nkyɔrɔk fi in bi te. 14A bi sak banet nɛ ba di iratek hom, nek a bi ra kutomong ni ikyɛng fɛ́ a fok ni mi, na di cɛɛt ni yin naton e. 15Ngma ikyɛng fɛ́ Ada hom bɛ̀, yet inaan. Nek anɔng fi in di fɛ̀, Kabik e bi ra kutomong ni ikyɛng fi imi fɛ̀, na ki taas yin.
Ibeseng iyɛ bi bun iyɛ ikan
16“Ni kizen gyeet, i bi di di yin vit, ama kizen gyeet, i bi ti i di di yin.”
17Bakak ayɛt bafi imɛɛs wu me kpa risim bafidang, “Akyɛ de fɛ́ a cɛɛt naton e, fɛ́ a fɛ̀, ‘Ni kizen gyeet, i bi di di yin vit, ama kizen gyeet, i bi ti i di di yin ɛ?’ Akyɛ de fi iyet kuyiring wu fi sak a di fɛ̀, Nek Imi yɔng in tin bun sak narɔ Ada hom ɛ?” 18Ba ya kashon ni i nye, “Akyɛ yet, ‘Kizen gyeet e yɔng ɛ’? Iyit kyem in rēn yit ikyɛng fɛ́ a di cɛɛt naton e awo.”
19AYeso rēn fok ba shim ba ku rip naton e, nek anɔng, a fɛ̀ ni ba, “I tsin risim yin bafidang fok akyɛ fi in cɛɛt naton e, fi in di fɛ̀, ‘Ni kizen gyeet, i bi di di yin vit, ama kizen gyeet, i bi ti i di di yin ɛ’? 20Won in ki tak yin atsak, i bi tos yin, ni nye yin kafa kawe, ni izen e yɔng, banet azatse bi nye iyɛ ikan. I nye yin kafa kawe, ngma nɛ anɔng, kafa kawe yin bi bun iyɛ ikan. 21Di yin fɛ́ kɛ abining tsin nɔ wu, nɛ rus ni izen e yɔng, nek mgbang. Nkum fɛ́ a tes nggon wu, ni mgbang e te vit nek iyɛ ikan fok, ba mi sɛ atsen azatse.
22“I se kpaf anɔng ni yin: Yɔkɔnɔng i se yin ne kafa kawe, in bi tin bi in ki sɛ yin, ni izen e yɔng, ayɛ yin bi tɛrɛk, vit anet fɛ́ a bi tɛ a ki kam yin ni iyɛ ikan yin. 23Atuk e yɔng, i bi ti i di rip yin ikikak awo. Won in ki tak yin atsak, Ada hom bi ki nɔɔk yin kaakyi ikyɛng fi i ku rip yin ni iyerek hom. 24Sak atut, iyin da i mi rip yin ikikak ni iyerek hom awo. Rip yin, ba da ki nɔɔk yin, nɔng iyɛ ikan yin bin shining.
25“Sak atut, In rēn cɛɛt ni yin, ni igorok icɛɛt, izen bi nye fi da in bi ti in cɛɛt ni yin ni igorok icɛɛt awo. In bi cɛɛt ni yin wɛshɛk naton Ada hom. 26Ni izen e yɔng, i bi raas yin awon ni iyerek hom. Da imi wu fi in bi ki raas yin awon e awo, iyin bi risim yin Ada ikyɛng yin, 27nek Ada hom ice wu, ki shim yin, nek ishim fi iyin di tonong in, i nɔɔk yin atsak fok, Imi ne narɔ wu. 28Imi ne narɔ Ada hom, sak ibɛ azatse kang; in mi yɔng ngmash ni in won kazatse kang, sak ibun narɔ Ada min.”
29Bafi imɛɛs wu fɛ̀ ni wu, “Yɔkɔnɔng wu fi i tsin cɛɛt wɛshɛk, vit igorok icɛɛt. 30Yɔkɔnɔng wu fi in rēn yit fok ngɔn rēn kaaki ikyɛng, da i se gbing-gbing fok ma akak da rip ninyɛn i da ni i ku tak kuyiring wu awo. Nek anɔng wu fi sak in di nɔɔk yit atsak fok, ngɔn ne narɔ Adakunom.”
31AYeso ka ba nye irip ye, “Iyin nɔɔk yin atsak yɔkɔnɔng ɛ?
32“Izen bi bɛ́, iyeng i mi nye, fɛ́ ba bi ki kas yin. Kaangan ayɛt yin, bi yit irèn sak ari wu, i bi di won in azimin. Ngma ne anɔng, imi bi se azimin awo, nek Ada hom bi se gung ni mi.
33“In tsin ki tak yin ikyɛng deng anɔng, nɔng i da bin sɛ yin kusonong kukyang ayɛt hom. Azatse kang, i da sɔ yin iyɔm. Nye gbinding yin! Nek Imi mi sɛ awɛng naton kazatse.”
Iliyochaguliwa sasa
AYohana 16: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AYohana 16
16
1“In kin ki tak yin nkyɔrɔk nang ngma, kɔng i bi bun yin kama ayɛt inɔɔk atsak yin. 2Ba bi ki ro yin ne narɔ inyis. Atsak e yet fok izen bi nye fɛ́ ngma ayɔng fɛ́ a ki fɛt yin, bi di tɛ a tsin di sɛ Adakunom kutomong. 3Ba bi ki nye yin anɔng, nek da ba rēn Ada min, ni imi awo. 4In kin ki tak yin nkyɔrɔk nang, nɔng izen e bi fi nye, i bi yiring yin fok, in man ki tak yin. In kin ki tak yin nkyɔrɔk nang ni imɛsɛng e awo, nek imi irēn resek ni yin.
Kutomong Kabik aJɛrɛ
5“Yɔkɔnɔng fi in mi bɛ́ bakat ibun sak ne ayɔng fɛ́ a di tom. Ngma nɛ anɔng, vit akak ayɛt yin fɛ́ a mi di rip yɛ, ‘Akɛ fi i shim i di tse yɛ?’ 6Iyɛ yin beseng, nek in ki tak yin kucɛɛt kang. 7Imi tsin ki tak yin atsak: I da mak ki se yin gyat imi ni tseng. Nek kɛ da imi tseng awo, Afidang Itseet e da bɛ́ ni yin awo; Ki imi tseng, in bi ki tom yin ni wu. 8Izen fɛ́ Afidang Itseet e bi bɛ́, a bi tonong banet azatse wɛshɛk fok, kuyiring bà yet kumaan e naton nggɔn anɛn, nɛ naton kusonong ajɛrɛ, ni ishɔt: 9Kuyiring bà naton anɛn se kpaf awo, nek ba raba dang di te agap ni ikuus in; 10Kuyiring bà yet kumaan e naton nggɔn ntek, nek imi yɔng in tin bun sak narɔ Ada hom, iyin bi ti i di di yin awo. 11Kuyiring bà yet kumaan e naton ishɔt, nek ba mi ya agwɔm azatse kang ni ishɔt.
12“Imi bɛ̀ ishɛrɛp nkyɔrɔk dot fi in da bang ki tak yin, nek in da ki nanang yin yɔkɔnɔng. 13Ni izen fɛ́ Kabik fɛ́ ka tees atsak e bi bɛ́, a bi ki tonoso yin narɔk atsak e ngma. Da a bi cɛɛt kushim ice wu awo, tit ikyɛng fɛ́ ba ku tak, a bi ki taas yin nkyɔrɔk fi in bi te. 14A bi sak banet nɛ ba di iratek hom, nek a bi ra kutomong ni ikyɛng fɛ́ a fok ni mi, na di cɛɛt ni yin naton e. 15Ngma ikyɛng fɛ́ Ada hom bɛ̀, yet inaan. Nek anɔng fi in di fɛ̀, Kabik e bi ra kutomong ni ikyɛng fi imi fɛ̀, na ki taas yin.
Ibeseng iyɛ bi bun iyɛ ikan
16“Ni kizen gyeet, i bi di di yin vit, ama kizen gyeet, i bi ti i di di yin.”
17Bakak ayɛt bafi imɛɛs wu me kpa risim bafidang, “Akyɛ de fɛ́ a cɛɛt naton e, fɛ́ a fɛ̀, ‘Ni kizen gyeet, i bi di di yin vit, ama kizen gyeet, i bi ti i di di yin ɛ?’ Akyɛ de fi iyet kuyiring wu fi sak a di fɛ̀, Nek Imi yɔng in tin bun sak narɔ Ada hom ɛ?” 18Ba ya kashon ni i nye, “Akyɛ yet, ‘Kizen gyeet e yɔng ɛ’? Iyit kyem in rēn yit ikyɛng fɛ́ a di cɛɛt naton e awo.”
19AYeso rēn fok ba shim ba ku rip naton e, nek anɔng, a fɛ̀ ni ba, “I tsin risim yin bafidang fok akyɛ fi in cɛɛt naton e, fi in di fɛ̀, ‘Ni kizen gyeet, i bi di di yin vit, ama kizen gyeet, i bi ti i di di yin ɛ’? 20Won in ki tak yin atsak, i bi tos yin, ni nye yin kafa kawe, ni izen e yɔng, banet azatse bi nye iyɛ ikan. I nye yin kafa kawe, ngma nɛ anɔng, kafa kawe yin bi bun iyɛ ikan. 21Di yin fɛ́ kɛ abining tsin nɔ wu, nɛ rus ni izen e yɔng, nek mgbang. Nkum fɛ́ a tes nggon wu, ni mgbang e te vit nek iyɛ ikan fok, ba mi sɛ atsen azatse.
22“I se kpaf anɔng ni yin: Yɔkɔnɔng i se yin ne kafa kawe, in bi tin bi in ki sɛ yin, ni izen e yɔng, ayɛ yin bi tɛrɛk, vit anet fɛ́ a bi tɛ a ki kam yin ni iyɛ ikan yin. 23Atuk e yɔng, i bi ti i di rip yin ikikak awo. Won in ki tak yin atsak, Ada hom bi ki nɔɔk yin kaakyi ikyɛng fi i ku rip yin ni iyerek hom. 24Sak atut, iyin da i mi rip yin ikikak ni iyerek hom awo. Rip yin, ba da ki nɔɔk yin, nɔng iyɛ ikan yin bin shining.
25“Sak atut, In rēn cɛɛt ni yin, ni igorok icɛɛt, izen bi nye fi da in bi ti in cɛɛt ni yin ni igorok icɛɛt awo. In bi cɛɛt ni yin wɛshɛk naton Ada hom. 26Ni izen e yɔng, i bi raas yin awon ni iyerek hom. Da imi wu fi in bi ki raas yin awon e awo, iyin bi risim yin Ada ikyɛng yin, 27nek Ada hom ice wu, ki shim yin, nek ishim fi iyin di tonong in, i nɔɔk yin atsak fok, Imi ne narɔ wu. 28Imi ne narɔ Ada hom, sak ibɛ azatse kang; in mi yɔng ngmash ni in won kazatse kang, sak ibun narɔ Ada min.”
29Bafi imɛɛs wu fɛ̀ ni wu, “Yɔkɔnɔng wu fi i tsin cɛɛt wɛshɛk, vit igorok icɛɛt. 30Yɔkɔnɔng wu fi in rēn yit fok ngɔn rēn kaaki ikyɛng, da i se gbing-gbing fok ma akak da rip ninyɛn i da ni i ku tak kuyiring wu awo. Nek anɔng wu fi sak in di nɔɔk yit atsak fok, ngɔn ne narɔ Adakunom.”
31AYeso ka ba nye irip ye, “Iyin nɔɔk yin atsak yɔkɔnɔng ɛ?
32“Izen bi bɛ́, iyeng i mi nye, fɛ́ ba bi ki kas yin. Kaangan ayɛt yin, bi yit irèn sak ari wu, i bi di won in azimin. Ngma ne anɔng, imi bi se azimin awo, nek Ada hom bi se gung ni mi.
33“In tsin ki tak yin ikyɛng deng anɔng, nɔng i da bin sɛ yin kusonong kukyang ayɛt hom. Azatse kang, i da sɔ yin iyɔm. Nye gbinding yin! Nek Imi mi sɛ awɛng naton kazatse.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.