LOMA 3
3
1Se a te mea e sili ei te Iutaia i tino o fenua fakaatea? Io me isi foki te aoga o te pilitome? 2E maumea i mea katoa! Ne mua o tuku atu ki a latou te muna a te Atua. 3Kae kafai la e isi ne tino o latou ko se fakamaoni; e a, e mafai ne te lotou se fakamaoni o fakaseaoga te fakamaoni o te Atua? 4#Sala 51.4Ikai, e se pena! A te Atua e tonu faeloa, ka ko tino katoa e pati 'loi. E penei muna a te Tusi e uiga ki te tonu o te Atua:
“E 'tau o fakaasi ne koe te mea tonu,
Ko manumalo ei koe i te fakamasinogina.”
5Kae kafai la ko fai te tou amio masei e fai mo ala e fakaasi 'lei ei te fai mea tonu o te Atua, se a te muna a tatou e mafai o fai atu? I te Atua e se fai mea tonu i tona fakasala mai ki a tatou? Au e faipati penei, e pela eiloa mo pati a tino. 6Ikai, e se pena! Kafai te Atua e se amiotonu, e a, e mafai la pefea o fakamasino ne ia te lalolagi?
7Kae kafai ko toku fai mea se tonu e fai mo auala o vikiga o te Atua i te fakaasi atu ke iloa 'lei tona tonu katoatoa; kae ai a la ka fakasala faeloa au e pela mo se tino agasala? 8Kai a e se fai ei ne tatou te masei ke maua mai ei te 'lei? Ne isi ne tino ne muna masei mai ki a au, i te 'ti mai ne latou me e a aku a muna konei ne fai, e fakasalagina eiloa latou.
E Seai se Tino e Amiotonu
9Ko 'lei, e isi se mea e sili atu ei tatou tino Iutaia i tino o fenua fakaatea? E seai lele eiloa!#3.9: e isi se mea e sili atu ei tatou i tino o fenua fakaatea? E seai lele eiloa!; io me e isi se tulaga masei atu i lo o tino o fenua fakaatea? E seai katoa. Ko leva ne fakailoa atu ne au ki a koutou i a Iutaia mo fenua fakaatea e pau, kae 'nofo katoa mai lalo i te pule a te agasala. 10#Sala 14.1-3; Sala 53.1-3Pela mo muna a te Tusi:
“E seai eiloa se tino e tokotasi e amiotonu;
11E seai foki se tino e maina, io me salasala ki te Atua.
12Ne 'fuli keatea katoa tino mai i te Atua, ne 'se katoa latou.
E seai foki se tino e 'lei, e seai lele eiloa.
13 #
Sala 5.9;
Sala 140.3
Ka ko olotou kato e pela mo se tanuga fakamaga.
Ko fakaaoga foki olotou alelo o takolekole,
Ko iai foki i olotou laugatu te poisini o te gata.
14 #
Sala 10.7
Ko 'fonu olotou gutu i muna fetu mo muna 'kona.
15 #
Isa 59.7,8 E toka faeloa latou o tatino;
16So se koga e olo latou ki ei, e fakamasei ne latou mea kae fakafi'ta ki tino.
17Kae e se iloa foki ne latou te auala o te filemu,
18 #
Sala 36.1
E seai foki se mataku ki te Atua i olotou mata.”
19Kae nei, ko iloa ne tatou i mea katoa i te Tulafono, e faka'tau katoa mō tino kola e ola i lalo o te Tulafono, ko te mea ke fakagata fakamasakoga faka te foitino, kae ke aumai ei te lalolagi katoa ki te fakamasinoga a te Atua. 20#Sala 143.2; Galu 2.16Me e seai se tino e mafai o takuamiotonugina i mua o te Atua, manafai e fai ne ia fakatonuga o te Tulafono; me i te galuega a te Tulafono, ko te fakaasi atu ne ia ki te tino te agasala.
Ko Fai ne te Atua a Tino ke Amiotonu
21Kae nei, ne fakaasi mai te amiotonu a te Atua kae seki iai te tulafono, kae ne molimau foki te Tulafono mo pelofeta ki ei, 22#Kala 2.16ko te amiotonu tena a te Atua e alatu i te fakatuanaki ki a Iesu Keliso, mo tino katoa kola e talitonu, me e seai eiloa se kesekesega: 23ko 'mao tatou mai te 'malu o te Atua, me ko agasala a tino katoa. 24Kae ne takuamiotonugina latou i tena meaalofa tela ko te alofa tauanoa, ko te fakaolataga i a Keliso Iesu. 25-26Ne ofogina atu a ia ne te Atua, kae mai i tena toto,#3.25: mai i tena toto; io me mo te togiola o tena mate.ne mafai ei a ia o fai mo pogai e fakamagalo ei agasala a tino mai te olotou fakatuanaki ki a ia. Ne fai ne te Atua te mea tenei e fakaasi ei tena amiotonu. I taimi ko teka a ia ne kufaki kae seki fia saga ki agasala a tino, kae i te taimi nei a ia ko saga tonu ki olotou agasala, ko te mea ke fakaasi ei tena amiotonu. I te auala tenei ne fakaasi i ei ne te Atua me i a ia e amiotonu, kae ne tuku atu ne ia a te amiotonu ki a latou kola e talitonu ki a Iesu.
27Kae se a la, e isi se mea e 'tau o fakamata'mata ki ei tatou? E seai! I te feitu fea? Ki te feitu ki galuega? Ikai, ko te feitu ki te fakatuanaki. 28E talitonu matou, me e takuamiotonugina te tino i te fakatuanaki, kae se ko galuega a te Tulafono. 29A te Atua, se Atua fua mō Iutaia? E se se Atua foki mō tino o fenua fakaatea? Ao, mō tino foki o fenua fakaatea. 30#Teu 6.4; Kala 3.20Ona ko te Atua e tokotasi, ka takuamiotonugina ne ia latou kola ne pilitome i te fakavae o te lotou fakatuanaki, pela foki mo latou kola e seki pilitome e alatu i te lotou fakatuanaki. 31E a, ko te uiga o te mea nei, ke tiaki ne tatou te Tulafono ona ko te fakatuanaki tenei? Ikai, e se pena! Me i te sua feitu, e fakamautu ne ia te Tulafono.
Iliyochaguliwa sasa
LOMA 3: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
